ऋताषाड् ऋतधामाग्निर् गन्धर्वस् तस्यौषधयो ऽप्सरस ऊर्जो नाम स इदम् ब्रह्म क्षत्रम् पातु ता इदम् ब्रह्म क्षत्रम् पान्तु तस्मै स्वाहा ताभ्यः स्वाहा सꣳहितो विश्वसामा सूर्यो गन्धर्वस् तस्य मरीचयो ऽप्सरस आयुवः सुषुम्नः सूर्यरश्मिश् चन्द्रमा गन्धर्वस् तस्य नक्षत्राण्य् अप्सरसो बेकुरयः । भुज्युः सुपर्णो यज्ञो गन्धर्वस् तस्य दक्षिणा अप्सरस स्तवाः प्रजापतिर् विश्वकर्मा मनः गन्धर्वस् तस्यर्क्सामान्य् अप्सरसो वह्नयः । इषिरो विश्वव्यचा वातो गन्धर्वस् तस्यापो ऽप्सरसो मुदाः । भुवनस्य पते यस्य त उपरि गृहा इह च । स नो रास्वाज्यानिꣳ रायस् पोषꣳ सुवीर्यꣳ संवत्सरीणाꣳ स्वस्तिम् परमेष्ठ्य् अधिपतिर् मृत्युर् गन्धर्वस् तस्य विश्वम् अप्सरसो भुवः सुक्षितिः सुभूतिर् भद्रकृत् सुवर्वान् पर्जन्यो गन्धर्वस् तस्य विद्युतो ऽप्सरसो रुचः । दूरेहेतिर् अमृडयः मृत्युर् गन्धर्वस् तस्य प्रजा अप्सरसो भीरुवः । चारुः कृपणकाशी कामो गन्धर्वस् तस्याधयो ऽप्सरसः शोचयन्तीर् नाम स इदम् ब्रह्म क्षत्रम् पातु ता इदम् ब्रह्म क्षत्रम् पान्तु तस्मै स्वाहा ताभ्यः स्वाहा स नो भुवनस्य पते यस्य त उपरि गृहा इह च । उरु ब्रह्मणे ऽस्मै क्षत्राय महि शर्म यच्छ ॥
ṛtāṣāḍ ṛtadhāmāgnir gandharvas tasyauṣadhayo 'psarasa ūrjo nāma sa idam brahma kṣatram pātu tā idam brahma kṣatram pāntu tasmai svāhā tābhyaḥ svāhā sam̐hito viśvasāmā sūryo gandharvas tasya marīcayo 'psarasa āyuvaḥ suṣumnaḥ sūryaraśmiś candramā gandharvas tasya nakṣatrāṇy apsaraso bekurayaḥ | bhujyuḥ suparṇo yajño gandharvas tasya dakṣiṇā apsarasa stavāḥ prajāpatir viśvakarmā manaḥ gandharvas tasyarksāmāny apsaraso vahnayaḥ | iṣiro viśvavyacā vāto gandharvas tasyāpo 'psaraso mudāḥ | bhuvanasya pate yasya ta upari gṛhā iha ca | sa no rāsvājyānim̐ rāyas poṣam̐ suvīryam̐ saṃvatsarīṇām̐ svastim parameṣṭhy adhipatir mṛtyur gandharvas tasya viśvam apsaraso bhuvaḥ sukṣitiḥ subhūtir bhadrakṛt suvarvān parjanyo gandharvas tasya vidyuto 'psaraso rucaḥ | dūrehetir amṛḍayaḥ mṛtyur gandharvas tasya prajā apsaraso bhīruvaḥ | cāruḥ kṛpaṇakāśī kāmo gandharvas tasyādhayo 'psarasaḥ śocayantīr nāma sa idam brahma kṣatram pātu tā idam brahma kṣatram pāntu tasmai svāhā tābhyaḥ svāhā sa no bhuvanasya pate yasya ta upari gṛhā iha ca | uru brahmaṇe 'smai kṣatrāya mahi śarma yaccha ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.