मा छन्दः प्रमा छन्दः प्रतिमा छन्दो ऽस्रीविश् छन्दः प्रङ्क्तिश् छन्द उष्णिहा छन्दो बृहती छन्दो ऽनुष्टुप् छन्दो विराट् छन्दो गायत्री छन्दस् त्रिष्टुप् छन्दो जगती छन्दः पृथिवी छन्दो ऽन्तरिक्षं छन्दो द्यौश् छन्दः समाश् छन्दो नक्षत्राणि छन्दो मनश् छन्दो वाक् छन्दः कृषिश् छन्दो हिरण्यं छन्दो गौश् छन्दो ऽजा छन्दो ऽश्वश् छन्दः । अग्निर् देवता वातो देवता सूर्यो देवता चन्द्रमा देवता वसवो देवता रुद्रा देवताऽऽदित्या देवता विश्वे देवा देवता मरुतो देवता बृहस्पतिर् देवतेन्द्रो देवता वरुणो देवता । मूर्धाऽसि राड् ध्रुवाऽसि धरुणा यन्त्र्य् असि यमित्रीषे त्वोर्जे त्वा कृष्यै त्वा क्षेमाय त्वा यन्त्री राड् ध्रुवासि धरणी धर्त्र्य् असि धरित्र्य् आयुषे त्वा वर्चसे त्वौजसे त्वा बलाय त्वा ॥
mā chandaḥ pramā chandaḥ pratimā chando 'srīviś chandaḥ praṅktiś chanda uṣṇihā chando bṛhatī chando 'nuṣṭup chando virāṭ chando gāyatrī chandas triṣṭup chando jagatī chandaḥ pṛthivī chando 'ntarikṣaṃ chando dyauś chandaḥ samāś chando nakṣatrāṇi chando manaś chando vāk chandaḥ kṛṣiś chando hiraṇyaṃ chando gauś chando 'jā chando 'śvaś chandaḥ | agnir devatā vāto devatā sūryo devatā candramā devatā vasavo devatā rudrā devatā''dityā devatā viśve devā devatā maruto devatā bṛhaspatir devatendro devatā varuṇo devatā | mūrdhā'si rāḍ dhruvā'si dharuṇā yantry asi yamitrīṣe tvorje tvā kṛṣyai tvā kṣemāya tvā yantrī rāḍ dhruvāsi dharaṇī dhartry asi dharitry āyuṣe tvā varcase tvaujase tvā balāya tvā ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.