गर्भाश् च मे वत्साश् च मे त्र्यविश् च मे त्र्यवी च मे दित्यवाट् च मे दित्यौही च मे पञ्चाविश् च मे पञ्चावी च मे त्रिवत्सश् च मे त्रिवत्सा च मे तुर्यवाट् च मे तुर्यौही च मे पष्ठवाच् च मे पष्ठौही च मे । उक्षा च मे वशा च मे । ऋषभश् च मे वेहच् च मे ऽनड्वाञ् च मे धेनुश् च मे । आयुर् यज्ञेन कल्पताम् प्राणो यज्ञेन कल्पताम् अपानो यज्ञेन कल्पताम् । व्यानो यज्ञेन कल्पताम् । चक्षुर् यज्ञेन कल्पताम् । श्रोत्रं यज्ञेन कल्पताम् मनो यज्ञेन कल्पताम् । वाग् यज्ञेन कल्पताम् आत्मा यज्ञेन कल्पताम् । यज्ञो यज्ञेन कल्पताम् ॥
garbhāś ca me vatsāś ca me tryaviś ca me tryavī ca me dityavāṭ ca me dityauhī ca me pañcāviś ca me pañcāvī ca me trivatsaś ca me trivatsā ca me turyavāṭ ca me turyauhī ca me paṣṭhavāc ca me paṣṭhauhī ca me | ukṣā ca me vaśā ca me | ṛṣabhaś ca me vehac ca me 'naḍvāñ ca me dhenuś ca me | āyur yajñena kalpatām prāṇo yajñena kalpatām apāno yajñena kalpatām | vyāno yajñena kalpatām | cakṣur yajñena kalpatām | śrotraṃ yajñena kalpatām mano yajñena kalpatām | vāg yajñena kalpatām ātmā yajñena kalpatām | yajño yajñena kalpatām ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.