TS 5.7.21
अग्नेः पक्षतिः सरस्वत्यै निपक्षतिः सोमस्य तृतीया । अपां चतुर्थी । ओषधीनाम् पञ्चमी संवत्सरस्य षष्ठी मरुताꣳ सप्तमी बृहस्पतेर् अष्टमी मित्रस्य नवमी वरुणस्य दशमी । इन्द्रस्यैकादशी विश्वेषां देवानां द्वादशी द्यावापृथिव्योः पार्श्वम् । यमस्य पाटूरः ॥
agneḥ pakṣatiḥ sarasvatyai nipakṣatiḥ somasya tṛtīyā | apāṃ caturthī | oṣadhīnām pañcamī saṃvatsarasya ṣaṣṭhī marutām̐ saptamī bṛhaspater aṣṭamī mitrasya navamī varuṇasya daśamī | indrasyaikādaśī viśveṣāṃ devānāṃ dvādaśī dyāvāpṛthivyoḥ pārśvam | yamasya pāṭūraḥ ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.