विभूर् मात्रा प्रभूः पित्राऽश्वो ऽसि हयो ऽस्य् अत्यो ऽसि नरो ऽस्य् अर्वाऽसि सप्तिर् असि वाज्य् असि वृषाऽसि नृमणा असि ययुर् नामास्य् आदित्यानाम् पत्वान्व् इहि । अग्नये स्वाहा स्वाहेन्द्राग्निभ्याꣳ स्वाहा प्रजापतये स्वाहा विश्वेभ्यो देवेभ्यः स्वाहा सर्वाभ्यो देवेताभ्यः । इह धृतिः स्वाहेह विधृतिः स्वाहेह रन्तिः स्वाहेह रमतिः स्वाहा भूर् असि भुवे त्वा भव्याय त्वा भविष्यते त्वा विश्वेभ्यस् त्वा भूतेभ्यः । देवा आशापाला एतं देवेभ्यो ऽश्वम् मेधाय प्रोक्षितं गोपायत ॥
vibhūr mātrā prabhūḥ pitrā'śvo 'si hayo 'sy atyo 'si naro 'sy arvā'si saptir asi vājy asi vṛṣā'si nṛmaṇā asi yayur nāmāsy ādityānām patvānv ihi | agnaye svāhā svāhendrāgnibhyām̐ svāhā prajāpataye svāhā viśvebhyo devebhyaḥ svāhā sarvābhyo devetābhyaḥ | iha dhṛtiḥ svāheha vidhṛtiḥ svāheha rantiḥ svāheha ramatiḥ svāhā bhūr asi bhuve tvā bhavyāya tvā bhaviṣyate tvā viśvebhyas tvā bhūtebhyaḥ | devā āśāpālā etaṃ devebhyo 'śvam medhāya prokṣitaṃ gopāyata ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.