अग्निना तपो ऽन्व् अभवत् । वाचा ब्रह्म मणिना रूपाणि । इन्द्रेण देवान् वातेन प्राणान् । सूर्येण द्याम् । चन्द्रमसा नक्षत्राणि यमेन पितॄन् राज्ञा मनुष्यान् फलेन नादेयान् अजगरेण सर्पान् व्याघ्रेणाऽऽरण्यान् पशून् । श्येनेन पतत्रिणः । वृष्णाऽश्वान् ऋषभेण गाः । बस्तेनाजाः । वृष्णिनाऽवीः । व्रीहिणाऽन्नानि यवेनौषधीः । न्यग्रोधेन वनस्पतीन् उदुम्बरेणोर्जम् । गायत्रिया छन्दाꣳसि त्रिवृता स्तोमान् ब्राह्मणेन वाचम् ॥
agninā tapo 'nv abhavat | vācā brahma maṇinā rūpāṇi | indreṇa devān vātena prāṇān | sūryeṇa dyām | candramasā nakṣatrāṇi yamena pitṝn rājñā manuṣyān phalena nādeyān ajagareṇa sarpān vyāghreṇā''raṇyān paśūn | śyenena patatriṇaḥ | vṛṣṇā'śvān ṛṣabheṇa gāḥ | bastenājāḥ | vṛṣṇinā'vīḥ | vrīhiṇā'nnāni yavenauṣadhīḥ | nyagrodhena vanaspatīn udumbareṇorjam | gāyatriyā chandām̐si trivṛtā stomān brāhmaṇena vācam ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.