आदित्या अकामयन्त । उभयोर् लोकयोर् ऋध्नुयामेति त एतं चतुर्दशरात्रम् अपश्यन् तम् आहरन् तेनायजन्त ततो वै त उभयोर् लोकयोर् आर्ध्नुवन्न् अस्मिꣳश् चामुष्मिꣳश् च य एवं विद्वाꣳसश् चतुर्दशरात्रम् आसत उभयोर् एव लोकयोर् ऋध्नुवन्त्य् अस्मिꣳश् चामुष्मिꣳश् च चतुर्दशरात्रो भवति सप्त ग्राम्या ओषधयः सप्तारण्या उभयीषाम् अवरुद्ध्यै यत् पराचीनानि पृष्ठानि भवन्त्य् अमुम् एव तैर् लोकम् अभि जयन्ति यत् प्रतीचीनानि पृष्ठानि भवन्तीमम् एव तैर् लोकम् अभि जयन्ति त्रयस्त्रिꣳशौ मध्यत स्तोमौ भवतः साम्राज्यम् एव गच्छन्ति । अधिराजौ भवतो ऽधिराजा एव समानानाम् भवन्ति । अतिरात्रावभितो भवतः परिगृहीत्यै ॥
ādityā akāmayanta | ubhayor lokayor ṛdhnuyāmeti ta etaṃ caturdaśarātram apaśyan tam āharan tenāyajanta tato vai ta ubhayor lokayor ārdhnuvann asmim̐ś cāmuṣmim̐ś ca ya evaṃ vidvām̐saś caturdaśarātram āsata ubhayor eva lokayor ṛdhnuvanty asmim̐ś cāmuṣmim̐ś ca caturdaśarātro bhavati sapta grāmyā oṣadhayaḥ saptāraṇyā ubhayīṣām avaruddhyai yat parācīnāni pṛṣṭhāni bhavanty amum eva tair lokam abhi jayanti yat pratīcīnāni pṛṣṭhāni bhavantīmam eva tair lokam abhi jayanti trayastrim̐śau madhyata stomau bhavataḥ sāmrājyam eva gacchanti | adhirājau bhavato 'dhirājā eva samānānām bhavanti | atirātrāvabhito bhavataḥ parigṛhītyai ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.