यो अर्वन्तं जिघाꣳसति तम् अभ्यमीति वरुणः । परो मर्तः परः श्वा ॥ अहं च त्वं च वृत्रहन्त् सम् बभूव सनिभ्य आ । अरातीवा चिद् अद्रिवो ऽनु नौ शूर मꣳसतै भद्रा इन्द्रस्य रातयः ॥ अभि क्रत्वेन्द्र भूर् अध ज्मन् न ते विव्यङ् महिमानꣳ रजाꣳसि । स्वेना हि वृत्रꣳ शवसा जघन्थ न शत्रुर् अन्तं विविदद् युधा ते ॥
yo arvantaṃ jighām̐sati tam abhyamīti varuṇaḥ | paro martaḥ paraḥ śvā || ahaṃ ca tvaṃ ca vṛtrahant sam babhūva sanibhya ā | arātīvā cid adrivo 'nu nau śūra mam̐satai bhadrā indrasya rātayaḥ || abhi kratvendra bhūr adha jman na te vivyaṅ mahimānam̐ rajām̐si | svenā hi vṛtram̐ śavasā jaghantha na śatrur antaṃ vividad yudhā te ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.