आऽक्रान् वाजी पृथिवीम् अग्निं युजम् अकृत वाज्य् अर्वाऽक्रान् वाज्य् अन्तरिक्षं वायुं युजम् अकृत वाज्य् अर्वा द्यां वाज्य् आऽक्रꣳस्त सूर्यं युजम् अकृत वाज्य् अर्वा । अग्निस् ते वाजिन् युङ्ङ् अनु त्वा रभे स्वस्ति मा सम् पारय वायुस् ते वाजिन् युङ्ङ् अनु त्वाऽऽ रभे स्वस्ति मा सम् 2 पारयाऽऽदित्यस् ते वाजिन् युङ्ङ् अनु त्वा रभे स्वस्ति मा सम् पारय प्राणधृग् असि प्राणम् मे दृꣳह व्यानधृग् असि व्यानम् मे दृꣳहापानधृग् अस्य् अपानम् मे दृꣳह चक्षुर् असि चक्षुर् मयि धेहि श्रोत्रम् असि श्रोत्रम् मयि धेह्य् आयुर् अस्य् आयुर् मयि धेहि ॥
ā'krān vājī pṛthivīm agniṃ yujam akṛta vājy arvā'krān vājy antarikṣaṃ vāyuṃ yujam akṛta vājy arvā dyāṃ vājy ā'kram̐sta sūryaṃ yujam akṛta vājy arvā | agnis te vājin yuṅṅ anu tvā rabhe svasti mā sam pāraya vāyus te vājin yuṅṅ anu tvā'' rabhe svasti mā sam 2 pārayā''dityas te vājin yuṅṅ anu tvā rabhe svasti mā sam pāraya prāṇadhṛg asi prāṇam me dṛm̐ha vyānadhṛg asi vyānam me dṛm̐hāpānadhṛg asy apānam me dṛm̐ha cakṣur asi cakṣur mayi dhehi śrotram asi śrotram mayi dhehy āyur asy āyur mayi dhehi ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.