नवविꣳशत्यास्तुवत वनस्पतयोऽसृज्यन्त सोमो ऽधिपतिर् आसीत् । एकत्रिꣳशतास्तुवत प्रजा ऽ असृज्यन्त यवाश् चायवाश् चाधिपतय ऽ आसन् । त्रयस्त्रिꣳशतास्तुवत भूतान्य् अशाम्यन् प्रजापतिः परमेष्ठ्य् अधिपतिर् आसीत् । [लोकं पृण छिद्रं पृणाथो सीद ध्रुवा त्वम् । इन्द्राग्नी त्वा बृहस्पतिर् अस्मिन् योनाव् असीषदन् । ता अस्य सूददोहसः सोमꣳ श्रीणन्ति पृश्नयः । जन्मन् देवानां विशस् त्रिष्व् आ रोचने दिवः । इन्द्रं विश्वा अवीवृधन्त् समुद्रव्यचसं गिरः । रथीतमꣳ रथीनां वाजानाꣳ सत्पतिं पतिम् ॥
navavim̐śatyāstuvata vanaspatayo'sṛjyanta somo 'dhipatir āsīt | ekatrim̐śatāstuvata prajā ' asṛjyanta yavāś cāyavāś cādhipataya ' āsan | trayastrim̐śatāstuvata bhūtāny aśāmyan prajāpatiḥ parameṣṭhy adhipatir āsīt | [lokaṃ pṛṇa chidraṃ pṛṇātho sīda dhruvā tvam | indrāgnī tvā bṛhaspatir asmin yonāv asīṣadan | tā asya sūdadohasaḥ somam̐ śrīṇanti pṛśnayaḥ | janman devānāṃ viśas triṣv ā rocane divaḥ | indraṃ viśvā avīvṛdhant samudravyacasaṃ giraḥ | rathītamam̐ rathīnāṃ vājānām̐ satpatiṃ patim ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.