Library·Vājasaneyi Saṃhitā (Śukla Yajurveda, as given on Wikisource)·27
समास् त्वाग्न ऽ ऋतवो वर्धयन्तु संवत्सरा ऽ ऋषयो यानि सत्या । सं दिव्येन दीदिहि रोचनेन विश्वा ऽ आ भाहि प्रदिशश् चतस्रः ॥
samās tvāgna ' ṛtavo vardhayantu saṃvatsarā ' ṛṣayo yāni satyā | saṃ divyena dīdihi rocanena viśvā ' ā bhāhi pradiśaś catasraḥ ||
Sanskrit only: no published translation is held for this verse.
सं चेध्यस्वाग्ने प्र च बोधयैनम् उच् च तिष्ठ महते सौभगाय । मा च रिषद् उपसत्ता ते ऽ अग्ने ब्रह्माणस् ते यशसः सन्तु मा ऽन्ये ॥
saṃ cedhyasvāgne pra ca bodhayainam uc ca tiṣṭha mahate saubhagāya | mā ca riṣad upasattā te ' agne brahmāṇas te yaśasaḥ santu mā 'nye ||
Sanskrit only: no published translation is held for this verse.
त्वाम् अग्ने वृणते ब्राह्मणा ऽ इमे शिवो ऽ अग्ने संवरणे भवा नः । सपत्नहा नो ऽ अभिमातिजिच् च स्वे गये जागृह्य् अप्रयुच्छन् ॥
tvām agne vṛṇate brāhmaṇā ' ime śivo ' agne saṃvaraṇe bhavā naḥ | sapatnahā no ' abhimātijic ca sve gaye jāgṛhy aprayucchan ||
Sanskrit only: no published translation is held for this verse.
इहैवाग्ने ऽ अधि धारया रयिं मा त्वा नि क्रन् पूर्वचितो निकारिणः । क्षत्रम् अग्ने सुयमम् अस्तु तुभ्यम् उपसत्ता वर्धतां ते ऽ अनिष्टृतः ॥
ihaivāgne ' adhi dhārayā rayiṃ mā tvā ni kran pūrvacito nikāriṇaḥ | kṣatram agne suyamam astu tubhyam upasattā vardhatāṃ te ' aniṣṭṛtaḥ ||
Sanskrit only: no published translation is held for this verse.
क्षत्रेणाग्ने स्वायुः सꣳ रभस्व मित्रेणाग्ने मित्रधेये यतस्व । सजातानां मध्यमस्था ऽ एधि राज्ञाम् अग्ने विहव्यो दीदिहीह ॥
kṣatreṇāgne svāyuḥ sam̐ rabhasva mitreṇāgne mitradheye yatasva | sajātānāṃ madhyamasthā ' edhi rājñām agne vihavyo dīdihīha ||
Sanskrit only: no published translation is held for this verse.
अति निहो ऽ अति स्रिधो ऽत्य् अचित्तिम् अत्य् अरातिम् अग्ने । विश्वा ह्य् अग्ने दुरिता सहस्वाथास्मभ्यꣳ सहवीराꣳ रयिं दाः ॥
ati niho ' ati sridho 'ty acittim aty arātim agne | viśvā hy agne duritā sahasvāthāsmabhyam̐ sahavīrām̐ rayiṃ dāḥ ||
Sanskrit only: no published translation is held for this verse.
अनाधृष्यो जातवेदा ऽ अनाधृष्टो विराड् अग्ने क्षत्रभृद् दीदिहीह । विश्वा ऽ आशाः प्रमुञ्चन् मानुषीर् भयः शिवेभिर् अद्य परि पाहि नो वृधे ॥
anādhṛṣyo jātavedā ' anādhṛṣṭo virāḍ agne kṣatrabhṛd dīdihīha | viśvā ' āśāḥ pramuñcan mānuṣīr bhayaḥ śivebhir adya pari pāhi no vṛdhe ||
Sanskrit only: no published translation is held for this verse.
बृहस्पते सवितर् बोधयैनꣳ सꣳशितं चित् संतराꣳ सꣳ शिशाधि । वर्धयैनं महते सौभगाय विश्व ऽ एनम् अनु मदन्तु देवाः ॥
bṛhaspate savitar bodhayainam̐ sam̐śitaṃ cit saṃtarām̐ sam̐ śiśādhi | vardhayainaṃ mahate saubhagāya viśva ' enam anu madantu devāḥ ||
Sanskrit only: no published translation is held for this verse.
अमुत्रभूयादध यद् यमस्य बृहस्पते ऽ अभिशस्तेर् अमुञ्चः । प्रत्य् औहताम् अश्विना मृत्युम् अस्माद् देवानाम् अग्ने भिषजा शचीभिः ॥
amutrabhūyādadha yad yamasya bṛhaspate ' abhiśaster amuñcaḥ | praty auhatām aśvinā mṛtyum asmād devānām agne bhiṣajā śacībhiḥ ||
Sanskrit only: no published translation is held for this verse.
उद् वयं तमसस् परि स्वः पश्यन्त ऽ उत्तरम् । देवं देवत्रा सूर्यम् अगन्म ज्योतिर् उत्तमम् ॥
ud vayaṃ tamasas pari svaḥ paśyanta ' uttaram | devaṃ devatrā sūryam aganma jyotir uttamam ||
Looking upon the loftier light above the darkness we have come To Surya, God among the Gods, the light that is most excellent.
Translated by Ralph T. H. Griffith (1896)This is the translator's rendering of the same verse where it occurs at RV 1.50.10; the wording of this text may differ in places.
ऊर्ध्वा ऽ अस्य समिधो भवन्त्य् ऊर्ध्वा शुक्रा शोचीꣳष्य् अग्नेः । द्युमत्तमा सुप्रतीकस्य सूनोः ॥
ūrdhvā ' asya samidho bhavanty ūrdhvā śukrā śocīm̐ṣy agneḥ | dyumattamā supratīkasya sūnoḥ ||
Sanskrit only: no published translation is held for this verse.
तनूनपाद् असुरो विश्ववेदा देवो देवेषु देवः । पथो अनक्तु मध्वा घृतेन ॥
tanūnapād asuro viśvavedā devo deveṣu devaḥ | patho anaktu madhvā ghṛtena ||
Sanskrit only: no published translation is held for this verse.
मध्वा यज्ञं नक्षसे प्रीणानो नराशꣳसो ऽ अग्ने । सुकृद् देवः सविता विश्ववारः ॥
madhvā yajñaṃ nakṣase prīṇāno narāśam̐so ' agne | sukṛd devaḥ savitā viśvavāraḥ ||
Sanskrit only: no published translation is held for this verse.
अच्छायम् एति शवसा घृतेनेडानो वह्निर् नमसा । अग्निꣳ स्रुचो ऽ अध्वरेषु प्रयत्सु ॥
acchāyam eti śavasā ghṛteneḍāno vahnir namasā | agnim̐ sruco ' adhvareṣu prayatsu ||
Sanskrit only: no published translation is held for this verse.
स यक्षद् अस्य महिमानम् अग्नेः स ऽ ईं मन्द्रा सुप्रयसः । वसुश्चेतिष्ठो वसुधातमश् च ॥
sa yakṣad asya mahimānam agneḥ sa ' īṃ mandrā suprayasaḥ | vasuścetiṣṭho vasudhātamaś ca ||
Sanskrit only: no published translation is held for this verse.
द्वारो देवीर् अन्व् अस्य विश्वे व्रता ददन्ते ऽ अग्नेः । उरुव्यचसो धाम्ना पत्यमानाः ॥
dvāro devīr anv asya viśve vratā dadante ' agneḥ | uruvyacaso dhāmnā patyamānāḥ ||
Sanskrit only: no published translation is held for this verse.
ते ऽ अस्य योषणे दिव्ये न योना ऽ उषासानक्ता । इमं यज्ञम् अवताम् अध्वरं नः ॥
te ' asya yoṣaṇe divye na yonā ' uṣāsānaktā | imaṃ yajñam avatām adhvaraṃ naḥ ||
Sanskrit only: no published translation is held for this verse.
दैव्या होतारा ऽ ऊर्ध्वम् अध्वरं नो ऽग्नेर् जिह्वाम् अभि गृणीतम् । कृणुतम् नः स्विष्टम् ॥
daivyā hotārā ' ūrdhvam adhvaraṃ no 'gner jihvām abhi gṛṇītam | kṛṇutam naḥ sviṣṭam ||
Sanskrit only: no published translation is held for this verse.
तिस्रो देवीर् बर्हिर् इदꣳ सदन्त्व् इडा सरस्वती भारती । मही गृणाना ॥
tisro devīr barhir idam̐ sadantv iḍā sarasvatī bhāratī | mahī gṛṇānā ||
Sanskrit only: no published translation is held for this verse.
तन् नस् तुरीपम् अद्भुतं पुरुक्षु त्वष्टा सुवीर्यम् । रायस्पोषं वि ष्यतु नाभिम् अस्मे ॥
tan nas turīpam adbhutaṃ purukṣu tvaṣṭā suvīryam | rāyaspoṣaṃ vi ṣyatu nābhim asme ||
Sanskrit only: no published translation is held for this verse.
वनस्पते ऽव सृजा रराणस् त्मना देवेषु । अग्निर् हव्यꣳ शमिता सूदयाति ॥
vanaspate 'va sṛjā rarāṇas tmanā deveṣu | agnir havyam̐ śamitā sūdayāti ||
Sanskrit only: no published translation is held for this verse.
अग्ने स्वाहा कृणुहि जातवेदो ऽ इन्द्राय हव्यम् । विश्वे देवा हविर् इदं जुषन्ताम् ॥
agne svāhā kṛṇuhi jātavedo ' indrāya havyam | viśve devā havir idaṃ juṣantām ||
Sanskrit only: no published translation is held for this verse.
पीवो ऽ अन्ना रयिवृधः सुमेधाः श्वेतः सिषक्ति नियुताम् अभिश्रीः । ते वायवे समनसो वि तस्थुर् विश्वेन् नरः स्वपत्यानि चक्रुः ॥
pīvo ' annā rayivṛdhaḥ sumedhāḥ śvetaḥ siṣakti niyutām abhiśrīḥ | te vāyave samanaso vi tasthur viśven naraḥ svapatyāni cakruḥ ||
Sanskrit only: no published translation is held for this verse.
राये नु यं जज्ञतू रोदसीमे राये देवी धिषणा धाति देवम् । अध वायुं नियुतः सश्चत स्वा ऽ उत श्वेतं वसुधितिं निरेके ॥
rāye nu yaṃ jajñatū rodasīme rāye devī dhiṣaṇā dhāti devam | adha vāyuṃ niyutaḥ saścata svā ' uta śvetaṃ vasudhitiṃ nireke ||
The God whom both these worlds brought forth for riches, whom heavenly Dhisana for our wealth appointeth, His team of harnessed horses waits on Vayu, and, foremost, on the radiant Treasure-bearer.
Translated by Ralph T. H. Griffith (1896)This is the translator's rendering of the same verse where it occurs at RV 7.90.3; the wording of this text may differ in places.
आपो ह यद् बृहतीर् विश्वम् आयन् गर्भं दधाना जनयन्तीर् अग्निम् । ततो देवानाꣳ सम् अवर्ततासुरेकः कस्मै देवाय हविषा विधेम ॥
āpo ha yad bṛhatīr viśvam āyan garbhaṃ dadhānā janayantīr agnim | tato devānām̐ sam avartatāsurekaḥ kasmai devāya haviṣā vidhema ||
What time the mighty waters came, containing the universal germ, producing Agni, Thence sprang the Gods' one spirit into being. What God shall we adore with our oblation?
Translated by Ralph T. H. Griffith (1896)This is the translator's rendering of the same verse where it occurs at RV 10.121.7; the wording of this text may differ in places.
यश् चिद् आपो महिना पर्यपश्यद् दक्षं दधाना जनयन्तीर् यज्ञम् । यो देवेष्व् अधि देव ऽ एक ऽ आसीत् कस्मै देवाय हविषा विधेम ॥
yaś cid āpo mahinā paryapaśyad dakṣaṃ dadhānā janayantīr yajñam | yo deveṣv adhi deva ' eka ' āsīt kasmai devāya haviṣā vidhema ||
He in his might surveyed the floods containing productive force and generating Worship. He is the God of gods, and none beside him. What God shall we adore with our oblation?
Translated by Ralph T. H. Griffith (1896)This is the translator's rendering of the same verse where it occurs at RV 10.121.8; the wording of this text may differ in places.
प्र याभिर् यासि दाश्वाꣳसम् अच्छा नियुद्भिर् वायविष्टये दुरोणे । नि नो रयिꣳ सुभोजसं युवस्व नि वीरं गव्यम् अश्व्यं च राधः ॥
pra yābhir yāsi dāśvām̐sam acchā niyudbhir vāyaviṣṭaye duroṇe | ni no rayim̐ subhojasaṃ yuvasva ni vīraṃ gavyam aśvyaṃ ca rādhaḥ ||
The teams wherewith thou seekest him who offers, within his home, O Vayu, to direct him, Therewith send wealth: to us with full enjoyment, a hero son and gifts of kine and horses.
Translated by Ralph T. H. Griffith (1896)This is the translator's rendering of the same verse where it occurs at RV 7.92.3; the wording of this text may differ in places.
आ नो नियुद्भिः शतिनीभिर् अध्वरꣳ सहस्रिणीभिर् उप याहि यज्ञम् । वायो ऽ अस्मिन् सवने मादयस्व यूयं पात स्वस्तिभिः सदा नः ॥
ā no niyudbhiḥ śatinībhir adhvaram̐ sahasriṇībhir upa yāhi yajñam | vāyo ' asmin savane mādayasva yūyaṃ pāta svastibhiḥ sadā naḥ ||
With thy yoked teams in hundreds and in thousands come to our sacrifice and solemn worship. Come, Vayu, make thee glad at this libation. Preserve us evermore, ye Gods, with blessings.
Translated by Ralph T. H. Griffith (1896)This is the translator's rendering of the same verse where it occurs at RV 7.92.5; the wording of this text may differ in places.
नियुत्वान् वायवा गह्य् अयꣳ शुक्रो अयामि ते । गन्तासि सुन्वतो गृहम् ॥
niyutvān vāyavā gahy ayam̐ śukro ayāmi te | gantāsi sunvato gṛham ||
Drawn by thy team, O Vayu, come; to thee is offered this, the pure. Thou visitest the presser's house.
Translated by Ralph T. H. Griffith (1896)This is the translator's rendering of the same verse where it occurs at RV 2.41.2; the wording of this text may differ in places.
वायो शुक्रो ऽ अयामि ते मध्वो ऽ अग्रं दिविष्टिषु । आ याहि सोमपीतये स्पार्हो देव नियुत्वता ॥
vāyo śukro ' ayāmi te madhvo ' agraṃ diviṣṭiṣu | ā yāhi somapītaye spārho deva niyutvatā ||
Vayu, the bright is offered thee, best of the meath at holy rites. Come thou to drink the Soma juice, God, longed-for, on thy team-drawn car.
Translated by Ralph T. H. Griffith (1896)This is the translator's rendering of the same verse where it occurs at RV 4.47.1; the wording of this text may differ in places.
वायुर् अग्रेगा यज्ञप्रीः साकं गन् मनसा यज्ञम् । शिवो नियुद्भिः शिवाभिः ॥
vāyur agregā yajñaprīḥ sākaṃ gan manasā yajñam | śivo niyudbhiḥ śivābhiḥ ||
Sanskrit only: no published translation is held for this verse.
वायो ये ते सहस्रिणो रथासस् तेभिर् आ गहि । नियुत्वान्त् सोमपीतये ॥
vāyo ye te sahasriṇo rathāsas tebhir ā gahi | niyutvānt somapītaye ||
O VAYU, come to us with all the thousand chariots that are thine, Team-borne, to drink the Soma juice.
Translated by Ralph T. H. Griffith (1896)This is the translator's rendering of the same verse where it occurs at RV 2.41.1; the wording of this text may differ in places.
एकया च दशभिश् च स्वभूते द्वाभ्याम् इष्टये विꣳशती च । तिसृभिश् च वहसे त्रिꣳशता च नियुद्भिर् वायव् इह ता वि मुञ्च ॥
ekayā ca daśabhiś ca svabhūte dvābhyām iṣṭaye vim̐śatī ca | tisṛbhiś ca vahase trim̐śatā ca niyudbhir vāyav iha tā vi muñca ||
Sanskrit only: no published translation is held for this verse.
तव वायवृतस्पते त्वष्टुर् जामातर् अद्भुत । अवाꣳस्य् आ वृणीमहे ॥
tava vāyavṛtaspate tvaṣṭur jāmātar adbhuta | avām̐sy ā vṛṇīmahe ||
Wonderful Vayu, Lord of Right, thou who art Tvastar's son-in-law, Thy saving succour we elect.
Translated by Ralph T. H. Griffith (1896)This is the translator's rendering of the same verse where it occurs at RV 8.26.21; the wording of this text may differ in places.
अभि त्वा शूर नोनुमो ऽदुग्धा इव धेनवः । ईशानम् अस्य जगतः स्वर्दृशम् ईशानम् इन्द्र तस्थुषः ॥
abhi tvā śūra nonumo 'dugdhā iva dhenavaḥ | īśānam asya jagataḥ svardṛśam īśānam indra tasthuṣaḥ ||
Like kine unmilked we call aloud, Hero, to thee, and sing thy praise, Looker on heavenly light, Lord of this moving world, Lord, Indra, of what moveth not.
Translated by Ralph T. H. Griffith (1896)This is the translator's rendering of the same verse where it occurs at RV 7.32.22; the wording of this text may differ in places.
न त्वावाꣳ२ऽ अन्यो दिव्यो न पार्थिवो न जातो न जनिष्यते । अश्वायन्तो मघवन्न् इन्द्र वाजिनो गव्यन्तस् त्वा हवामहे ॥
na tvāvām̐2' anyo divyo na pārthivo na jāto na janiṣyate | aśvāyanto maghavann indra vājino gavyantas tvā havāmahe ||
Sanskrit only: no published translation is held for this verse.
त्वाम् इद्धि हवामहे साता वाजस्य कारवः । त्वां वृत्रेष्व् इन्द्र सत्पतिं नरस् त्वां काष्ठास्व् अर्वतः ॥
tvām iddhi havāmahe sātā vājasya kāravaḥ | tvāṃ vṛtreṣv indra satpatiṃ naras tvāṃ kāṣṭhāsv arvataḥ ||
Sanskrit only: no published translation is held for this verse.
स त्वं नश् चित्र वज्रहस्त धृष्णुया मह स्तवानो ऽ अद्रिवः । गाम् अश्वꣳ रथ्यम् इन्द्र सं किर सत्रा वाजं न जिग्युषे ॥
sa tvaṃ naś citra vajrahasta dhṛṣṇuyā maha stavāno ' adrivaḥ | gām aśvam̐ rathyam indra saṃ kira satrā vājaṃ na jigyuṣe ||
Sanskrit only: no published translation is held for this verse.
कया नश् चित्र ऽ आ भुवद् ऊती सदावृधः सखा । कया शचिष्ठया वृता ॥
kayā naś citra ' ā bhuvad ūtī sadāvṛdhaḥ sakhā | kayā śaciṣṭhayā vṛtā ||
With what help will he come to us, wonderful, ever-waxing Friend; With what most mighty company?
Translated by Ralph T. H. Griffith (1896)This is the translator's rendering of the same verse where it occurs at RV 4.31.1; the wording of this text may differ in places.
कस् त्वा सत्यो मदानां मꣳहिष्ठो मत्सद् अन्धसः । दृढा चिद् आरुजे वसु ॥
kas tvā satyo madānāṃ mam̐hiṣṭho matsad andhasaḥ | dṛḍhā cid āruje vasu ||
What genuine and most liberal draught will spirit thee with juice to burst Open e'en strongly-guarded wealth?
Translated by Ralph T. H. Griffith (1896)This is the translator's rendering of the same verse where it occurs at RV 4.31.2; the wording of this text may differ in places.
अभी षु णः सखीनाम् अविता जरितॄणाम् । शतं भवास्य् ऊतये ॥
abhī ṣu ṇaḥ sakhīnām avitā jaritṝṇām | śataṃ bhavāsy ūtaye ||
Sanskrit only: no published translation is held for this verse.
यज्ञा-यज्ञा वो ऽ अग्नये गिरा-गिरा च दक्षसे । प्र-प्र वयम् अमृतं जातवेदसं प्रियं मित्रं न शꣳसिषम् ॥
yajñā-yajñā vo ' agnaye girā-girā ca dakṣase | pra-pra vayam amṛtaṃ jātavedasaṃ priyaṃ mitraṃ na śam̐siṣam ||
Sing to your Agni with each song, at every sacrifice, for strength. Come, let us praise the Wise and Everlasting God, even as a well-beloved Friend,
Translated by Ralph T. H. Griffith (1896)This is the translator's rendering of the same verse where it occurs at RV 6.48.1; the wording of this text may differ in places.
पाहि नो ऽ अग्न ऽ एकया पाह्य् उत द्वितीयया । पाहि गीर्भिस् तिसृभिर् ऊर्जां पते पाहि चतसृभिर् वसो ॥
pāhi no ' agna ' ekayā pāhy uta dvitīyayā | pāhi gīrbhis tisṛbhir ūrjāṃ pate pāhi catasṛbhir vaso ||
Sanskrit only: no published translation is held for this verse.
ऊर्जो नपातꣳ स हिनायम् अस्मयुर् दाशेम हव्यदातये । भुवद् वाजेष्व् अविता भुवद् वृध ऽ उत त्राता तनूनाम् ॥
ūrjo napātam̐ sa hināyam asmayur dāśema havyadātaye | bhuvad vājeṣv avitā bhuvad vṛdha ' uta trātā tanūnām ||
The Son of Strength; for is he not our gracious Lord? Let us serve him who bears our gifts. In battle may he be our help and strengthener, yea, be the saviour of our lives.
Translated by Ralph T. H. Griffith (1896)This is the translator's rendering of the same verse where it occurs at RV 6.48.2; the wording of this text may differ in places.
संवत्सरो ऽसि परिवत्सरोऽसीदावत्सरो ऽसीद्वत्सरो ऽसि वत्सरो ऽसि । उषसस् ते कल्पन्ताम् अहोरात्रास् ते कल्पन्ताम् अर्धमासास् ते कल्पन्तां मासास् ते कल्पन्ताम् ऋतवस् ते कल्पन्ताꣳ संवत्सरस् ते कल्पताम् । प्रेत्या ऽ एत्यै सं चाञ्च प्र च सारय । सुपर्णचिद् असि तया देवतयाङ्गिरस्वद् ध्रुवः सीद ॥
saṃvatsaro 'si parivatsaro'sīdāvatsaro 'sīdvatsaro 'si vatsaro 'si | uṣasas te kalpantām ahorātrās te kalpantām ardhamāsās te kalpantāṃ māsās te kalpantām ṛtavas te kalpantām̐ saṃvatsaras te kalpatām | pretyā ' etyai saṃ cāñca pra ca sāraya | suparṇacid asi tayā devatayāṅgirasvad dhruvaḥ sīda ||
Sanskrit only: no published translation is held for this verse.