Vājasaneyi Saṃhitā (Śukla Yajurveda, as given on Wikisource) 28

होता यक्षद् समिधेन्द्रम् इडस् पदे नाभा पृथिव्या ऽ अधि । दिवो वर्ष्मन्त् सम् इध्यत ऽ ओजिष्ठश् चर्षणीसहां वेत्व् आज्यस्य होतर् यज ॥

hotā yakṣad samidhendram iḍas pade nābhā pṛthivyā ' adhi | divo varṣmant sam idhyata ' ojiṣṭhaś carṣaṇīsahāṃ vetv ājyasya hotar yaja ||

Sanskrit only: no published translation is held for this verse.

होता यक्षत् तनूनपातमूतिभिर् जेतारम् अपराजितम् । इन्द्रं देवꣳ स्वर्विदं पथिभिर् मधुमत्तमैर् नराशꣳसेन तेजसा वेत्व् आज्यस्य होतर् यज ॥

hotā yakṣat tanūnapātamūtibhir jetāram aparājitam | indraṃ devam̐ svarvidaṃ pathibhir madhumattamair narāśam̐sena tejasā vetv ājyasya hotar yaja ||

Sanskrit only: no published translation is held for this verse.

होता यक्षद् इडाभिर् इन्द्रम् ईडितम् आजुह्वानम् अमर्त्यम् । देवो देवैः सवीर्यो वज्रहस्तः पुरंदरो वेत्व् आज्यस्य होतर् यज ॥

hotā yakṣad iḍābhir indram īḍitam ājuhvānam amartyam | devo devaiḥ savīryo vajrahastaḥ puraṃdaro vetv ājyasya hotar yaja ||

Sanskrit only: no published translation is held for this verse.

होता यक्षद् बर्हिषीन्द्रं निषद्वरं वृषभं नर्यापसम् । वसुभी रुद्रैर् आदित्यैः सुयुग्भिर् बर्हिर् आसदद् वेत्व् आज्यस्य होतर् यज ॥

hotā yakṣad barhiṣīndraṃ niṣadvaraṃ vṛṣabhaṃ naryāpasam | vasubhī rudrair ādityaiḥ suyugbhir barhir āsadad vetv ājyasya hotar yaja ||

Sanskrit only: no published translation is held for this verse.

होता यक्षद् ओजो न वीर्यꣳ सहो द्वार ऽ इन्द्रम् अवर्धयन् । सुप्रायणा ऽ अस्मिन् यज्ञे वि श्रयन्ताम् ऋतावृधो द्वार ऽ इन्द्राय मीढुषे व्यन्त्व् आज्यस्य होतर् यज ॥

hotā yakṣad ojo na vīryam̐ saho dvāra ' indram avardhayan | suprāyaṇā ' asmin yajñe vi śrayantām ṛtāvṛdho dvāra ' indrāya mīḍhuṣe vyantv ājyasya hotar yaja ||

Sanskrit only: no published translation is held for this verse.

होता यक्षद् उषे ऽ इन्द्रस्य धेनू सुदुघे मातरा मही । सवातरौ न तेजसा वत्सम् इन्द्रम् अवर्धतां वीताम् आज्यस्य होतर् यज ॥

hotā yakṣad uṣe ' indrasya dhenū sudughe mātarā mahī | savātarau na tejasā vatsam indram avardhatāṃ vītām ājyasya hotar yaja ||

Sanskrit only: no published translation is held for this verse.

होता यक्षद् दैव्या होतारा भिषजा सखाया हविषेन्द्रं भिषज्यतः । कवी देवौ प्रचेतसाव् इन्द्राय धत्त ऽ इन्द्रियं वीताम् आज्यस्य होतर् यज ॥

hotā yakṣad daivyā hotārā bhiṣajā sakhāyā haviṣendraṃ bhiṣajyataḥ | kavī devau pracetasāv indrāya dhatta ' indriyaṃ vītām ājyasya hotar yaja ||

Sanskrit only: no published translation is held for this verse.

होता यक्षत् तिस्रो देवीर् न भेषजं त्रयस् त्रिधातवो ऽपस इडा सरस्वत् भारती महीः । इन्द्रपत्नीर् हविष्मतीर् व्यन्त्व् आज्यस्य होतर् यज ॥

hotā yakṣat tisro devīr na bheṣajaṃ trayas tridhātavo 'pasa iḍā sarasvat bhāratī mahīḥ | indrapatnīr haviṣmatīr vyantv ājyasya hotar yaja ||

Sanskrit only: no published translation is held for this verse.

होता यक्षत् त्वष्टारम् इन्द्रं देवं भिषजꣳ सुयजं घृतश्रियम् । पुरुरूपꣳ सुरेतसं मघोनम् इन्द्राय त्वष्टा दधद् इन्द्रियाणि वेत्व् आज्यस्य होतर् यज ॥

hotā yakṣat tvaṣṭāram indraṃ devaṃ bhiṣajam̐ suyajaṃ ghṛtaśriyam | pururūpam̐ suretasaṃ maghonam indrāya tvaṣṭā dadhad indriyāṇi vetv ājyasya hotar yaja ||

Sanskrit only: no published translation is held for this verse.

होता यक्षद् वनस्पतिꣳ शमितारꣳ शतक्रतुं धियो जोष्टारम् इन्द्रियम् । मध्वा समञ्जन् पथिभिः सुगेभिः स्वदाति यज्ञं मधुना घृतेन वेत्व् आज्यस्य होतर् यज ॥

hotā yakṣad vanaspatim̐ śamitāram̐ śatakratuṃ dhiyo joṣṭāram indriyam | madhvā samañjan pathibhiḥ sugebhiḥ svadāti yajñaṃ madhunā ghṛtena vetv ājyasya hotar yaja ||

Sanskrit only: no published translation is held for this verse.

होता यक्षद् इन्द्रꣳ स्वाहाज्यस्य स्वाहा मेदसः स्वाहा स्तोकानाꣳ स्वाहा स्वाहाकृतीनाꣳ स्वाहा हव्यसूक्तीनाम् । स्वाहा देवा ऽ आज्यपा जुषाणा ऽ इन्द्र आज्यस्य व्यन्तु होतर् यज ॥

hotā yakṣad indram̐ svāhājyasya svāhā medasaḥ svāhā stokānām̐ svāhā svāhākṛtīnām̐ svāhā havyasūktīnām | svāhā devā ' ājyapā juṣāṇā ' indra ājyasya vyantu hotar yaja ||

Sanskrit only: no published translation is held for this verse.

देवं बर्हिर् इन्द्रꣳ सुदेवं देवैर् वीरवत् स्तीर्णं वेद्याम् अवर्धयत् । वस्तोर् वृतं प्राक्तोर् भृतꣳ राया बर्हिष्मतो ऽत्य् अगाद् वसुवने वसुधेयस्य वेतु यज ॥

devaṃ barhir indram̐ sudevaṃ devair vīravat stīrṇaṃ vedyām avardhayat | vastor vṛtaṃ prāktor bhṛtam̐ rāyā barhiṣmato 'ty agād vasuvane vasudheyasya vetu yaja ||

Sanskrit only: no published translation is held for this verse.

देवीर् द्वार ऽ इन्द्रꣳ संघाते वीड्वीर् यामन्न् अवर्धयन् । आ वत्सेन तरुणेन कुमारेण च मीवतापार्वाणꣳ रेणुककाटं नुदन्तां वसुवने वसुधेयस्य व्यन्तु यज ॥

devīr dvāra ' indram̐ saṃghāte vīḍvīr yāmann avardhayan | ā vatsena taruṇena kumāreṇa ca mīvatāpārvāṇam̐ reṇukakāṭaṃ nudantāṃ vasuvane vasudheyasya vyantu yaja ||

Sanskrit only: no published translation is held for this verse.

देवी उषासानक्तेन्द्रं यज्ञे प्रयत्य् अह्वेताम् । दैवीर् विशः प्रायासिष्टाꣳ सुप्रीते सुधिते वसुवने वसुधेयस्य वीतां यज ॥

devī uṣāsānaktendraṃ yajñe prayaty ahvetām | daivīr viśaḥ prāyāsiṣṭām̐ suprīte sudhite vasuvane vasudheyasya vītāṃ yaja ||

Sanskrit only: no published translation is held for this verse.

देवी जोष्ट्री वसुधिती देवम् इन्द्रम् अवर्धताम् । अयाव्य् अन्याघा द्वेषाꣳस्य् आन्या वक्षद् वसु वार्याणि यजमानाय शिक्षिते वसुवने वसुधेयस्य वीतां यज ॥

devī joṣṭrī vasudhitī devam indram avardhatām | ayāvy anyāghā dveṣām̐sy ānyā vakṣad vasu vāryāṇi yajamānāya śikṣite vasuvane vasudheyasya vītāṃ yaja ||

Sanskrit only: no published translation is held for this verse.

देवी ऽ ऊर्जाहुती दुघे पयसेन्द्रम् अवर्धताम् । इषमूर्जम् अन्या वक्षत् सग्धिꣳ सपीतिम् अन्या नवेन पूर्वं दयमाने पुराणेन नवम् अधातामूर्जमूर्जाहुती ऽ ऊर्जयमाने वसु वार्याणि यजमानाय शिक्षिते वसुवने वसुधेयस्य वीतां यज ॥

devī ' ūrjāhutī dughe payasendram avardhatām | iṣamūrjam anyā vakṣat sagdhim̐ sapītim anyā navena pūrvaṃ dayamāne purāṇena navam adhātāmūrjamūrjāhutī ' ūrjayamāne vasu vāryāṇi yajamānāya śikṣite vasuvane vasudheyasya vītāṃ yaja ||

Sanskrit only: no published translation is held for this verse.

देवा देव्या होतारा देवम् इन्द्रम् अवर्धताम् । हताघशꣳसाव् आभार्ष्टां वसु वार्याणि यजमानाय शिक्षितौ वसुवने वसुधेयस्य वीतां यज ॥

devā devyā hotārā devam indram avardhatām | hatāghaśam̐sāv ābhārṣṭāṃ vasu vāryāṇi yajamānāya śikṣitau vasuvane vasudheyasya vītāṃ yaja ||

Sanskrit only: no published translation is held for this verse.

देवीस् तिस्रस् तिस्रो देवीः पतिम् इन्द्रम् अवर्धयन् । अस्पृक्षद् भारती दिवꣳ रुद्रैर् यज्ञꣳ सरस्वतीडा वसुमती गृहान् वसुवने वसुधेयस्य व्यन्तु यज ॥

devīs tisras tisro devīḥ patim indram avardhayan | aspṛkṣad bhāratī divam̐ rudrair yajñam̐ sarasvatīḍā vasumatī gṛhān vasuvane vasudheyasya vyantu yaja ||

Sanskrit only: no published translation is held for this verse.

देव ऽ इन्द्रो नराशꣳसस् त्रिवरूथस् त्रिबन्धुरो देवम् इन्द्रम् अवर्धयत् । शतेन शितिपृष्ठानाम् आहितः सहस्रेण प्र वर्तते मित्रावरुणेद् अस्य होत्रम् अर्हतो बृहस्पति स्तोत्रम् अश्विनाध्वर्यवं वसुवने वसुधेयस्य वेतु यज ॥

deva ' indro narāśam̐sas trivarūthas tribandhuro devam indram avardhayat | śatena śitipṛṣṭhānām āhitaḥ sahasreṇa pra vartate mitrāvaruṇed asya hotram arhato bṛhaspati stotram aśvinādhvaryavaṃ vasuvane vasudheyasya vetu yaja ||

Sanskrit only: no published translation is held for this verse.

देवो देवैर् वनस्पतिर् हिरण्यपर्णो मधुशाखः सुपिप्पलो देवम् इन्द्रम् अवर्धयत् । दिवम् अग्रेणास्पृक्षद् आन्तरिक्षं पृथिवीम् अदृꣳहद् वसुवने वसुधेयस्य वेतु यज ॥

devo devair vanaspatir hiraṇyaparṇo madhuśākhaḥ supippalo devam indram avardhayat | divam agreṇāspṛkṣad āntarikṣaṃ pṛthivīm adṛm̐had vasuvane vasudheyasya vetu yaja ||

Sanskrit only: no published translation is held for this verse.

देवं बर्हिर् वारितीनां देवम् इन्द्रम् अवर्धयत् । स्वासस्थम् इन्द्रेणासन्नम् अन्या बर्हीꣳष्य् अभ्य् अभूद् वसुवने वसुधेयस्य वेतु यज ॥

devaṃ barhir vāritīnāṃ devam indram avardhayat | svāsastham indreṇāsannam anyā barhīm̐ṣy abhy abhūd vasuvane vasudheyasya vetu yaja ||

Sanskrit only: no published translation is held for this verse.

देवो ऽ अग्निः स्विष्टकृद् देवम् इन्द्रम् अवर्धयत् । स्विष्टं कुर्वन्त् स्विष्टकृत् स्विष्टम् अद्य करोतु नो वसुवने वसुधेयस्य वेतु यज ॥

devo ' agniḥ sviṣṭakṛd devam indram avardhayat | sviṣṭaṃ kurvant sviṣṭakṛt sviṣṭam adya karotu no vasuvane vasudheyasya vetu yaja ||

Sanskrit only: no published translation is held for this verse.

अग्निम् अद्य होतारम् अवृणीतायं यजमानः पचन् पक्तीः पचन् पुरोडाशं बध्नन्न् इन्द्राय छागम् । सूपस्था ऽ अद्य देवो वनस्पतिर् अभवद् इन्द्राय छागेन । अघत् तं मेदस्तः प्रति पचताग्रभीद् अवीवृधत् पुरोडाशेन । त्वाम् अद्य ऽ ऋष [आर्षेय ऋषीणां नपाद् अवृणीतायं यजमानो बहुभ्य आ संगतेभ्य एष मे देवेषु वसु वार्यायक्ष्यत इति ता या देवा देव दानान्य् अदुस् तान्य् अस्मा आ च शास्स्वा च गुरस्वेषितश् च होतर् असि भद्रवाच्याय प्रेषितो मानुषः सूक्तवाकाय सूक्ता ब्रूहि ॥]???

agnim adya hotāram avṛṇītāyaṃ yajamānaḥ pacan paktīḥ pacan puroḍāśaṃ badhnann indrāya chāgam | sūpasthā ' adya devo vanaspatir abhavad indrāya chāgena | aghat taṃ medastaḥ prati pacatāgrabhīd avīvṛdhat puroḍāśena | tvām adya ' ṛṣa [ārṣeya ṛṣīṇāṃ napād avṛṇītāyaṃ yajamāno bahubhya ā saṃgatebhya eṣa me deveṣu vasu vāryāyakṣyata iti tā yā devā deva dānāny adus tāny asmā ā ca śāssvā ca gurasveṣitaś ca hotar asi bhadravācyāya preṣito mānuṣaḥ sūktavākāya sūktā brūhi ||]???

Sanskrit only: no published translation is held for this verse.

होता यक्षत् समिधानं महद् यशः सुसमिद्धं वरेण्यम् अग्निम् इन्द्रं वयोधसम् । गायत्रीं छन्द ऽ इन्द्रियं त्र्यविं गां वयो दधद् वेत्व् आज्यस्य होतर् यज ॥

hotā yakṣat samidhānaṃ mahad yaśaḥ susamiddhaṃ vareṇyam agnim indraṃ vayodhasam | gāyatrīṃ chanda ' indriyaṃ tryaviṃ gāṃ vayo dadhad vetv ājyasya hotar yaja ||

Sanskrit only: no published translation is held for this verse.

होता यक्षत् तनूनपातम् उद्भिदं यं गर्भम् अदितिर् दधे शुचिम् इन्द्रं वयोधसम् । उष्णिहं छन्द ऽ इन्द्रियं दित्यवाहं गां वयो दधद् वेत्व् आज्यस्य होतर् यज ॥

hotā yakṣat tanūnapātam udbhidaṃ yaṃ garbham aditir dadhe śucim indraṃ vayodhasam | uṣṇihaṃ chanda ' indriyaṃ dityavāhaṃ gāṃ vayo dadhad vetv ājyasya hotar yaja ||

Sanskrit only: no published translation is held for this verse.

होता यक्षद् ईडेन्यम् ईडितं वृत्रहन्तमम् इडाभिर् ईड्यꣳ सहः सोमम् इन्द्रꣳ वयोधसम् । अनुष्टुभं छन्द ऽ इन्द्रियं पञ्चाविं गां वयो दधद् वेत्व् आज्यस्य होतर् यज ॥

hotā yakṣad īḍenyam īḍitaṃ vṛtrahantamam iḍābhir īḍyam̐ sahaḥ somam indram̐ vayodhasam | anuṣṭubhaṃ chanda ' indriyaṃ pañcāviṃ gāṃ vayo dadhad vetv ājyasya hotar yaja ||

Sanskrit only: no published translation is held for this verse.

होता यक्षत् सुबर्हिषं पूषण्वन्तम् अमर्त्यꣳ सीदन्तं बर्हिषि प्रिये ऽमृतेन्द्रं वयोधसम् । बृहतीं छन्द ऽ इन्द्रियं त्रिवत्सं गां वयो दधद् वेत्व् आज्यस्य होतर् यज ॥

hotā yakṣat subarhiṣaṃ pūṣaṇvantam amartyam̐ sīdantaṃ barhiṣi priye 'mṛtendraṃ vayodhasam | bṛhatīṃ chanda ' indriyaṃ trivatsaṃ gāṃ vayo dadhad vetv ājyasya hotar yaja ||

Sanskrit only: no published translation is held for this verse.

होता यक्षद् व्यचस्वतीः सुप्रायणा ऽ ऋतावृधो द्वारो देवीर् हिरण्ययीर् ब्रह्माणम् इन्द्रं वयोधसम् । पङ्क्तिं छन्द ऽ इहेन्द्रियं तुर्यवाहं गां वयो दधद् व्यन्त्व् आज्यस्य होतर् यज ॥

hotā yakṣad vyacasvatīḥ suprāyaṇā ' ṛtāvṛdho dvāro devīr hiraṇyayīr brahmāṇam indraṃ vayodhasam | paṅktiṃ chanda ' ihendriyaṃ turyavāhaṃ gāṃ vayo dadhad vyantv ājyasya hotar yaja ||

Sanskrit only: no published translation is held for this verse.

होता यक्षत् सुपेशसा सुशिल्पे बृहती ऽ उभे नक्तोषासा न दर्शते विश्वम् इन्द्रं वयोधसम् । त्रिष्टुभं छन्द ऽ इहेन्द्रियं पष्ठवाहं गां वयो दधद् वीताम् आज्यस्य होतर् यज ॥

hotā yakṣat supeśasā suśilpe bṛhatī ' ubhe naktoṣāsā na darśate viśvam indraṃ vayodhasam | triṣṭubhaṃ chanda ' ihendriyaṃ paṣṭhavāhaṃ gāṃ vayo dadhad vītām ājyasya hotar yaja ||

Sanskrit only: no published translation is held for this verse.

होता यक्षत् प्रचेतसा देवानाम् उत्तमं यशो होतारा दैव्या कवी सयुजेन्द्रं वयोधसम् । जगतीं छन्द ऽ इन्द्रियम् अनड्वाहं गां वयो दधद् वीताम् आज्यस्य होतर् यज ॥

hotā yakṣat pracetasā devānām uttamaṃ yaśo hotārā daivyā kavī sayujendraṃ vayodhasam | jagatīṃ chanda ' indriyam anaḍvāhaṃ gāṃ vayo dadhad vītām ājyasya hotar yaja ||

Sanskrit only: no published translation is held for this verse.

होता यक्षत् पेशस्वतीस् तिस्रो देवीर् हिरण्ययीर् भारतीर् बृहतीर् महीः पतिम् इन्द्रं वयोधसम् । विराजं छन्द ऽ इहेन्द्रियं धेनुं गां न वयो दधद् व्यन्त्व् आज्यस्य होतर् यज ॥

hotā yakṣat peśasvatīs tisro devīr hiraṇyayīr bhāratīr bṛhatīr mahīḥ patim indraṃ vayodhasam | virājaṃ chanda ' ihendriyaṃ dhenuṃ gāṃ na vayo dadhad vyantv ājyasya hotar yaja ||

Sanskrit only: no published translation is held for this verse.

होता यक्षत् सुरेतसं त्वष्टारं पुष्टिवर्धनꣳ रूपाणि बिभ्रतं पृथक् पुष्टिम् इन्द्रं वयोधसम् । द्विपदं छन्द ऽ इन्द्रियम् उक्षाणं गां न वयो दधद् वेत्व् आज्यस्य होतर् यज ॥

hotā yakṣat suretasaṃ tvaṣṭāraṃ puṣṭivardhanam̐ rūpāṇi bibhrataṃ pṛthak puṣṭim indraṃ vayodhasam | dvipadaṃ chanda ' indriyam ukṣāṇaṃ gāṃ na vayo dadhad vetv ājyasya hotar yaja ||

Sanskrit only: no published translation is held for this verse.

होता यक्षद् वनस्पतिꣳ शमितारꣳ शतक्रतुꣳ हिरण्यपर्णम् उक्थिनꣳ रशनां बिभ्रतं वशिं भगम् इन्द्रं वयोधसम् । ककुभं छन्द ऽ इहेन्द्रियं वशां वेहतं गां वयो दधद् वेत्व् आज्यस्य होतर् यज ॥

hotā yakṣad vanaspatim̐ śamitāram̐ śatakratum̐ hiraṇyaparṇam ukthinam̐ raśanāṃ bibhrataṃ vaśiṃ bhagam indraṃ vayodhasam | kakubhaṃ chanda ' ihendriyaṃ vaśāṃ vehataṃ gāṃ vayo dadhad vetv ājyasya hotar yaja ||

Sanskrit only: no published translation is held for this verse.

होता यक्षत् स्वाहाकृतीर् अग्निं गृहपतिं पृथग् वरुणं भेषजं कविं क्षत्रम् इन्द्रं वयोधसम् । अतिच्छन्दसं छन्द ऽ इन्द्रियं बृहद् ऋषभं गां वयो दधद् व्यन्त्व् आज्यस्य होतर् यज ॥

hotā yakṣat svāhākṛtīr agniṃ gṛhapatiṃ pṛthag varuṇaṃ bheṣajaṃ kaviṃ kṣatram indraṃ vayodhasam | aticchandasaṃ chanda ' indriyaṃ bṛhad ṛṣabhaṃ gāṃ vayo dadhad vyantv ājyasya hotar yaja ||

Sanskrit only: no published translation is held for this verse.

देवं बर्हिर् वयोधसं देवम् इन्द्रम् अवर्धयत् । गायत्र्या छन्दसेन्द्रियं चक्षुर् इन्द्रे वयो दधद् वसुवने वसुधेयस्य वेतु यज ॥

devaṃ barhir vayodhasaṃ devam indram avardhayat | gāyatryā chandasendriyaṃ cakṣur indre vayo dadhad vasuvane vasudheyasya vetu yaja ||

Sanskrit only: no published translation is held for this verse.

देवीर् द्वारो वयोधसꣳ शुचिम् इन्द्रम् अवर्धयन् । उष्णिहा छन्दसेन्द्रियं प्राणम् इन्द्रे वयो दधद् वसुवने वसुधेयस्य व्यन्तु यज ॥

devīr dvāro vayodhasam̐ śucim indram avardhayan | uṣṇihā chandasendriyaṃ prāṇam indre vayo dadhad vasuvane vasudheyasya vyantu yaja ||

Sanskrit only: no published translation is held for this verse.

देवी ऽ उषासानक्ता देवम् इन्द्रं वयोधसं देवी देवम् अवर्धताम् । अनुष्टुभा छन्दसेन्द्रियं बलम् इन्द्रे वयो दधद् वसुवने वसुधेयस्य वीतां यज ॥

devī ' uṣāsānaktā devam indraṃ vayodhasaṃ devī devam avardhatām | anuṣṭubhā chandasendriyaṃ balam indre vayo dadhad vasuvane vasudheyasya vītāṃ yaja ||

Sanskrit only: no published translation is held for this verse.

देवी जोष्ट्री वसुधिती देवम् इन्द्रं वयोधसं देवी देवम् अवर्धताम् । बृहत्या छन्दसेन्द्रियꣳ श्रोत्रम् इन्द्रे वयो दधद् वसुवने वसुधेयस्य वीतां यज ॥

devī joṣṭrī vasudhitī devam indraṃ vayodhasaṃ devī devam avardhatām | bṛhatyā chandasendriyam̐ śrotram indre vayo dadhad vasuvane vasudheyasya vītāṃ yaja ||

Sanskrit only: no published translation is held for this verse.

देवी ऽ ऊर्जाहुती दुघे सुदुघे पयसेन्द्रं वयोधसं देवी देवम् अवर्धताम् । पङ्क्त्या छन्दसेन्द्रियꣳ शुक्रम् इन्द्रे वयो दधद् वसुवने वसुधेयस्य वीतां यज ॥

devī ' ūrjāhutī dughe sudughe payasendraṃ vayodhasaṃ devī devam avardhatām | paṅktyā chandasendriyam̐ śukram indre vayo dadhad vasuvane vasudheyasya vītāṃ yaja ||

Sanskrit only: no published translation is held for this verse.

देवा दैव्या होतारा देवम् इन्द्रं वयोधसं देवौ देवम् अवर्धताम् । त्रिष्टुभा छन्दसेन्द्रियं त्विषिम् इन्द्रे वयो दधद् वसुवने वसुधेयस्य वीतां यज ॥

devā daivyā hotārā devam indraṃ vayodhasaṃ devau devam avardhatām | triṣṭubhā chandasendriyaṃ tviṣim indre vayo dadhad vasuvane vasudheyasya vītāṃ yaja ||

Sanskrit only: no published translation is held for this verse.

देवीस् तिस्रस् तिस्रो देवीर् वयोधसं पतिम् इन्द्रम् अवर्धयन् । जगत्या छन्दसेन्द्रियꣳ शूषम् इन्द्रे वयो दधद् वसुवने वसुधेयस्य व्यन्तु यज ॥

devīs tisras tisro devīr vayodhasaṃ patim indram avardhayan | jagatyā chandasendriyam̐ śūṣam indre vayo dadhad vasuvane vasudheyasya vyantu yaja ||

Sanskrit only: no published translation is held for this verse.

देवो नराशꣳसो देवम् इन्द्रं वयोधसं देवो देवम् अवर्धयत् । विराजा छन्दसेन्द्रियꣳ रुपम् इन्द्रे वयो दधद् वसुवने वसुधेयस्य वेतु यज ॥

devo narāśam̐so devam indraṃ vayodhasaṃ devo devam avardhayat | virājā chandasendriyam̐ rupam indre vayo dadhad vasuvane vasudheyasya vetu yaja ||

Sanskrit only: no published translation is held for this verse.

देवो वनस्पतिर् देवम् इन्द्रं वयोधसं देवो देवम् अवर्धयत् । द्विपदा छन्दसेन्द्रियं भगम् इन्द्रे वयो दधद् वसुवने वसुधेयस्य वेतु यज ॥

devo vanaspatir devam indraṃ vayodhasaṃ devo devam avardhayat | dvipadā chandasendriyaṃ bhagam indre vayo dadhad vasuvane vasudheyasya vetu yaja ||

Sanskrit only: no published translation is held for this verse.

देवं बर्हिर् वारितीनां देवम् इन्द्रं वयोधसं देवं देवम् अवर्धयत् । ककुभा छन्दसेन्द्रियं यश ऽ इन्द्रे वयो दधद् वसुवने वसुधेयस्य वेतु यज ॥

devaṃ barhir vāritīnāṃ devam indraṃ vayodhasaṃ devaṃ devam avardhayat | kakubhā chandasendriyaṃ yaśa ' indre vayo dadhad vasuvane vasudheyasya vetu yaja ||

Sanskrit only: no published translation is held for this verse.

देवो ऽ अग्निः स्विष्टकृद् देवम् इन्द्रं वयोधसं देवो देवम् अवर्धयत् । अतिच्छन्दसा छन्दसेन्द्रियं क्षत्रम् इन्द्रे वयो दधद् वसुवने वसुधेयस्य वेतु यज ॥

devo ' agniḥ sviṣṭakṛd devam indraṃ vayodhasaṃ devo devam avardhayat | aticchandasā chandasendriyaṃ kṣatram indre vayo dadhad vasuvane vasudheyasya vetu yaja ||

Sanskrit only: no published translation is held for this verse.

अग्निम् अद्य होतारम् अवृणीतायं यजमानः पचन् पक्तीः पचन् पुरोडाशं बध्नन्न् इन्द्राय वयोधसे छागम् । सूपस्था ऽ अद्य देवो वनस्पतिर् अभवद् इन्द्राय वयोधसे छागेन । अघत् तं मेदस्तः प्रति पचताग्रभीद् अवीवृधत् पुरोडाशेन । त्वाम् अद्य ऽ ऋष [आर्षेय ऋषीणां नपाद् अवृणीतायं यजमानो बहुभ्य आ संगतेभ्य एष मे देवेषु वसु वार्यायक्ष्यत इति ता या देवा देव दानान्य् अदुस् तान्य् अस्मा आ च शास्स्वा च गुरस्वेषितश् च होतर् असि भद्रवाच्याय प्रेषितो मानुषः सूक्तवाकाय सूक्ता ब्रूहि ॥ ]

agnim adya hotāram avṛṇītāyaṃ yajamānaḥ pacan paktīḥ pacan puroḍāśaṃ badhnann indrāya vayodhase chāgam | sūpasthā ' adya devo vanaspatir abhavad indrāya vayodhase chāgena | aghat taṃ medastaḥ prati pacatāgrabhīd avīvṛdhat puroḍāśena | tvām adya ' ṛṣa [ārṣeya ṛṣīṇāṃ napād avṛṇītāyaṃ yajamāno bahubhya ā saṃgatebhya eṣa me deveṣu vasu vāryāyakṣyata iti tā yā devā deva dānāny adus tāny asmā ā ca śāssvā ca gurasveṣitaś ca hotar asi bhadravācyāya preṣito mānuṣaḥ sūktavākāya sūktā brūhi || ]

Sanskrit only: no published translation is held for this verse.