Library·Vājasaneyi Saṃhitā (Śukla Yajurveda, as given on Wikisource)·35
अपेतो यन्तु पणयो ऽसुम्ना देवपीयवः । अस्य लोकः सुतावतः । द्युभिर् अहोभिर् अक्तुभिर् व्यक्तं यमो ददात्व् अवसानम् अस्मै ॥
apeto yantu paṇayo 'sumnā devapīyavaḥ | asya lokaḥ sutāvataḥ | dyubhir ahobhir aktubhir vyaktaṃ yamo dadātv avasānam asmai ||
Sanskrit only: no published translation is held for this verse.
सविता ते शरीरेभ्यः पृथिव्यां लोकम् इच्छतु । तस्मै युज्यन्ताम् उस्रियाः ॥
savitā te śarīrebhyaḥ pṛthivyāṃ lokam icchatu | tasmai yujyantām usriyāḥ ||
Sanskrit only: no published translation is held for this verse.
वायुः पुनातु । सविता पुनातु । अग्नेर् भ्राजसा । सूर्यस्य वर्चसा । वि मुच्यन्ताम् उस्रियाः ॥
vāyuḥ punātu | savitā punātu | agner bhrājasā | sūryasya varcasā | vi mucyantām usriyāḥ ||
Sanskrit only: no published translation is held for this verse.
अश्वत्थे वो निषदनं पर्णे वो वसतिष् कृता । गोभाजऽइत् किलासथ यत् सनवथ पूरुषम् ॥
aśvatthe vo niṣadanaṃ parṇe vo vasatiṣ kṛtā | gobhāja'it kilāsatha yat sanavatha pūruṣam ||
The Holy Fig tree is your home, your mansion is the Parna tree: Winners of cattle shall ye be if ye regain for me this man.
Translated by Ralph T. H. Griffith (1896)This is the translator's rendering of the same verse where it occurs at RV 10.97.5; the wording of this text may differ in places.
सविता ते शरीराणि मातुर् उपस्थ ऽ आ वपतु । तस्मै पृथिवि शं भव ॥
savitā te śarīrāṇi mātur upastha ' ā vapatu | tasmai pṛthivi śaṃ bhava ||
Sanskrit only: no published translation is held for this verse.
प्रजापतौ त्वा देवतायाम् उपोदके लोके नि दधाम्य् असौ । अप नः शोशुचद् अघम् ॥
prajāpatau tvā devatāyām upodake loke ni dadhāmy asau | apa naḥ śośucad agham ||
Sanskrit only: no published translation is held for this verse.
परं मृत्यो ऽ अनु परेहि पन्थां यस् ते ऽ अन्य इतरो देवयानात् । चक्षुष्मते शृण्वते ते ब्रवीमि मा नः प्रजाꣳ रीरिषो मोत वीरान् ॥
paraṃ mṛtyo ' anu parehi panthāṃ yas te ' anya itaro devayānāt | cakṣuṣmate śṛṇvate te bravīmi mā naḥ prajām̐ rīriṣo mota vīrān ||
Go hence, O Death, pursue thy special pathway apart from that which Gods are wont to travel. To thee I say it who hast eyes and hearest: Touch not our offspring, injure not our heroes.
Translated by Ralph T. H. Griffith (1896)This is the translator's rendering of the same verse where it occurs at RV 10.18.1; the wording of this text may differ in places.
शं वातः शꣳ हि ते घृणिः शं ते भवन्त्व् इष्टकाः । शं ते भवन्त्व् अग्नयः पार्थिवासो मा त्वाभि शूशुचन् ॥
śaṃ vātaḥ śam̐ hi te ghṛṇiḥ śaṃ te bhavantv iṣṭakāḥ | śaṃ te bhavantv agnayaḥ pārthivāso mā tvābhi śūśucan ||
Sanskrit only: no published translation is held for this verse.
कल्पन्तां ते दिशस् तुभ्यम् आपः शिवतमास् तुभ्यं भवन्तु सिन्धवः । अन्तरिक्षꣳ शिवं तुभ्यं कल्पन्तां ते दिशः सर्वाः ॥
kalpantāṃ te diśas tubhyam āpaḥ śivatamās tubhyaṃ bhavantu sindhavaḥ | antarikṣam̐ śivaṃ tubhyaṃ kalpantāṃ te diśaḥ sarvāḥ ||
Sanskrit only: no published translation is held for this verse.
अश्मन्वती रीयते सꣳ रभध्वम् उत् तिष्ठत प्र तरता सखायः । अत्र जहीमो ऽशिवा ये ऽ असञ्छिवान् वयम् उत्तरेमाभि वाजान् ॥
aśmanvatī rīyate sam̐ rabhadhvam ut tiṣṭhata pra taratā sakhāyaḥ | atra jahīmo 'śivā ye ' asañchivān vayam uttaremābhi vājān ||
Sanskrit only: no published translation is held for this verse.
अपाघम् अप किल्विषम् अप कृत्याम् अपो रपः । अपामार्ग त्वम् अस्मद् अप दुःष्वप्न्यꣳ सुव ॥
apāgham apa kilviṣam apa kṛtyām apo rapaḥ | apāmārga tvam asmad apa duḥṣvapnyam̐ suva ||
Sanskrit only: no published translation is held for this verse.
सुमित्रिया न ऽ आप ऽ ओषधयः सन्तु दुर्मित्रियास् तस्मै सन्तु यो ऽस्मान् द्वेष्टि यं च वयं द्विष्मः ॥
sumitriyā na ' āpa ' oṣadhayaḥ santu durmitriyās tasmai santu yo 'smān dveṣṭi yaṃ ca vayaṃ dviṣmaḥ ||
Sanskrit only: no published translation is held for this verse.
अनड्वाहम् आ रभामहे सौरभेयꣳ स्वस्तये । स न ऽ इन्द्र ऽ इव देवेभ्यो वह्निः संतरणो भव ॥
anaḍvāham ā rabhāmahe saurabheyam̐ svastaye | sa na ' indra ' iva devebhyo vahniḥ saṃtaraṇo bhava ||
Sanskrit only: no published translation is held for this verse.
उद् वयं तमसस् परि स्वः पश्यन्त ऽ उत्तरम् । देवं देवत्रा सूर्यम् अगन्म ज्योतिर् उत्तमम् ॥
ud vayaṃ tamasas pari svaḥ paśyanta ' uttaram | devaṃ devatrā sūryam aganma jyotir uttamam ||
Looking upon the loftier light above the darkness we have come To Surya, God among the Gods, the light that is most excellent.
Translated by Ralph T. H. Griffith (1896)This is the translator's rendering of the same verse where it occurs at RV 1.50.10; the wording of this text may differ in places.
इमं जीवेभ्यः परिधिं दधामि मैषां नु गाद् अपरो ऽ अर्थम् एतम् । शतं जीवन्तु शरदः पुरूचीर् अन्तर् मृत्युं दधतां पर्वतेन ॥
imaṃ jīvebhyaḥ paridhiṃ dadhāmi maiṣāṃ nu gād aparo ' artham etam | śataṃ jīvantu śaradaḥ purūcīr antar mṛtyuṃ dadhatāṃ parvatena ||
Here I erect this rampart for the living; let none of these, none other, reach this limit. May they survive a hundred lengthened autumns, and may they bury Death beneath this mountain.
Translated by Ralph T. H. Griffith (1896)This is the translator's rendering of the same verse where it occurs at RV 10.18.4; the wording of this text may differ in places.
अग्न ऽ आयूꣳषि पवस ऽ आ सुवोर्जम् इषं च नः । आरे बाधस्व दुच्छुनाम् ॥
agna ' āyūm̐ṣi pavasa ' ā suvorjam iṣaṃ ca naḥ | āre bādhasva ducchunām ||
Sanskrit only: no published translation is held for this verse.
आयुष्मान् अग्ने हविषा वृधानो घृतप्रतीको घृतयोनिर् एधि । घृतं पीत्वा मधु चारु गव्यं पितेव पुत्रम् अभि रक्षताद् इमान्त् स्वाहा ॥
āyuṣmān agne haviṣā vṛdhāno ghṛtapratīko ghṛtayonir edhi | ghṛtaṃ pītvā madhu cāru gavyaṃ piteva putram abhi rakṣatād imānt svāhā ||
Sanskrit only: no published translation is held for this verse.
परीमे गाम् अनेषत पर्य् अग्निम् अहृषत । देवेष्व् अक्रत श्रवः क ऽ इमाꣳ२ऽ आ दधर्षति ॥
parīme gām aneṣata pary agnim ahṛṣata | deveṣv akrata śravaḥ ka ' imām̐2' ā dadharṣati ||
These men have led about the cow, have duly carried Agni round, And raised their glory to the Gods. Who will attack them with success?
Translated by Ralph T. H. Griffith (1896)This is the translator's rendering of the same verse where it occurs at RV 10.155.5; the wording of this text may differ in places.
क्रव्यादम् अग्निं प्र हिणोमि दूरं यमराज्यं गच्छतु रिप्रवाहः । इहैवायम् इतरो जातवेदा देवेभ्यो हव्यं वहतु प्रजानन् ॥
kravyādam agniṃ pra hiṇomi dūraṃ yamarājyaṃ gacchatu ripravāhaḥ | ihaivāyam itaro jātavedā devebhyo havyaṃ vahatu prajānan ||
1 send afar flesh eating Agni, bearing off stains may he depart to Yama's subjects. But let this other Jatavedas carry oblation to the Gods, for he is skillful.
Translated by Ralph T. H. Griffith (1896)This is the translator's rendering of the same verse where it occurs at RV 10.16.9; the wording of this text may differ in places.
वह वपां जातवेदः पितृभ्यो यत्रैनान् वेत्थ निहितान् पराके । मेदसः कुल्या ऽ उप तान्त् स्रवन्तु सत्या ऽ एषाम् आशिषः सं नमन्ताꣳ स्वाहा ॥
vaha vapāṃ jātavedaḥ pitṛbhyo yatrainān vettha nihitān parāke | medasaḥ kulyā ' upa tānt sravantu satyā ' eṣām āśiṣaḥ saṃ namantām̐ svāhā ||
Sanskrit only: no published translation is held for this verse.
स्योना पृथिवि नो भवानृक्षरा निवेशनी । यच्छा नः शर्म सप्रथाः । अप नः शोशुचद् अघम् ॥
syonā pṛthivi no bhavānṛkṣarā niveśanī | yacchā naḥ śarma saprathāḥ | apa naḥ śośucad agham ||
Sanskrit only: no published translation is held for this verse.
अस्मात् त्वम् अधि जातो ऽसि त्वद् अयं जायतां पुनः । असौ स्वर्गाय लोकाय स्वाहा ॥
asmāt tvam adhi jāto 'si tvad ayaṃ jāyatāṃ punaḥ | asau svargāya lokāya svāhā ||
Sanskrit only: no published translation is held for this verse.