Vājasaneyi Saṃhitā (Śukla Yajurveda, as given on Wikisource) 8.57

विश्वे देवा ऽ अꣳशुषु न्युप्तः । विष्णुर् आप्रीतपा ऽ आप्याय्यमानः । यमः सूयमानः । विष्णुः संभ्रियमाणः । वायुः पूयमानः । शुक्रः पूतः । शुक्रं क्षीरश्रीः । मन्थी सक्तुश्रीः ॥

viśve devā ' am̐śuṣu nyuptaḥ | viṣṇur āprītapā ' āpyāyyamānaḥ | yamaḥ sūyamānaḥ | viṣṇuḥ saṃbhriyamāṇaḥ | vāyuḥ pūyamānaḥ | śukraḥ pūtaḥ | śukraṃ kṣīraśrīḥ | manthī saktuśrīḥ ||

Roman (IAST) transliteration rendered by HREEM from the edition's Devanagari; the Devanagari is the edition's own.

Sanskrit only: no published translation is held for this verse.