Vaikhānasamantrapraśna 5.1.118

इषे꣡ त्वोर्जे꣡ त्वा स्वस्ति-दा꣡ विश꣡स्-प꣡तिः

iṣé tvorjé tvā svasti-dā́ viśás-pátiḥ

Sanskrit only: no published translation is held for this verse.

इ꣡न्द्रं न꣡रो नेम꣡धिता हवन्ते य꣡त् पा꣡र्या युन꣡जते धि꣡यस् ताः꣡

índraṃ náro nemádhitā havante yát pā́ryā yunájate dhíyas tā́ḥ

Sanskrit only: no published translation is held for this verse.

शु꣡ची वो हव्या꣡

śúcī vo havyā́

Sanskrit only: no published translation is held for this verse.

इमे꣡ धूपा꣡स् सुरभि꣡नो[*९५] दिव्य꣡-धूपाधिवा꣡सिताः

imé dhūpā́s surabhíno[*95] divyá-dhūpādhivā́sitāḥ

Sanskrit only: no published translation is held for this verse.

पूता꣡ ब्रह्म-पवि꣡त्रेण पूता꣡स् सू꣡र्यस्य रश्मि꣡भिः

pūtā́ brahma-pavítreṇa pūtā́s sū́ryasya raśmíbhiḥ

Sanskrit only: no published translation is held for this verse.

आ꣡द्यम् अभि꣡गृह्णामीद꣡म् आपश् शिवाः꣡

ā́dyam abhígr̥hṇāmīdám āpaś śivā́ḥ

Sanskrit only: no published translation is held for this verse.

विश्व꣡तश् चक्षुर् उत꣡ विश्व꣡तो मुखो विश्व꣡तो हस्त उत꣡ वि꣡श्व꣡तस् पात्

viśvátaś cakṣur utá viśváto mukho viśváto hasta utá víśvátas pāt

Sanskrit only: no published translation is held for this verse.

न꣡मस् सुलोम꣡ सुलोमि꣡

námas sulomá sulomí

Sanskrit only: no published translation is held for this verse.

आ꣡प उन्दन्तु जीव꣡से दीर्घायुत्वा꣡य व꣡र्चस ओ꣡षधे त्र꣡यस् वैन(ग्ग्)ं स्व꣡धिते मै꣡न(ग्)ं हि(ग्)ंसीर् देव-श्रू꣡र् एता꣡नि प्र꣡वपे स्वस्त्य् उ꣡त्तराण्य् अशी या꣡पो अस्मा꣡न् मात꣡रश् शु꣡न्धन्तु घृते꣡न नो घृत-पु꣡वः पुनन्तु वि꣡श्वम् अस्म꣡त् प्र꣡वहन्तु रिप्र꣡म् उ꣡दाभ्यश् शु꣡चिरा पूत꣡ एमि सो꣡मस्य तनू꣡र् असि तनु꣡वं मे पा꣡हि महीनां꣡ प꣡यो ऽसि व꣡र्चो-धा꣡ असि व꣡र्चोम꣡यि धेहि वृत्र꣡स्य कनी꣡निकासि चक्षुष्-पा꣡ असि च꣡क्षुर् मे पाहि चित्-प꣡तिस् त्वा पु꣡नातु वाक्-प꣡तिस् त्वा पुनातु देव꣡स् त्वा सविता꣡ पुनात्व् अ꣡च्छिद्रेण पवि꣡त्रेण व꣡सोस् सू꣡र्यस्य रश्मि꣡भिस् त꣡स्य ते पवित्र-पते पवि꣡त्रेण य꣡स्मै कं꣡ पुने꣡ त꣡च् छकेयम् आ वो देवास ईमहे स꣡त्य-धर्माणो अध्वरे꣡ य꣡द् वो देवास आगुरे꣡ य꣡ज्ञियासो ह꣡वामह इ꣡न्द्राग्नी द्या꣡वा-पृथिवी आ꣡प ओषधीस् त्वं꣡ दीक्षा꣡णाम् अ꣡धिपतिर् असीह꣡ मा स꣡न्तं पाहि

ā́pa undantu jīváse dīrghāyutvā́ya várcasa óṣadhe tráyas vaina(gg)ṃ svádhite maína(g)ṃ hi(g)ṃsīr deva-śrū́r etā́ni právape svasty úttarāṇy aśī yā́po asmā́n mātáraś śúndhantu ghr̥téna no ghr̥ta-púvaḥ punantu víśvam asmát právahantu riprám údābhyaś śúcirā pūtá emi sómasya tanū́r asi tanúvaṃ me pā́hi mahīnā́ṃ páyo 'si várco-dhā́ asi várcomáyi dhehi vr̥trásya kanī́nikāsi cakṣuṣ-pā́ asi cákṣur me pāhi cit-pátis tvā púnātu vāk-pátis tvā punātu devás tvā savitā́ punātv ácchidreṇa pavítreṇa vásos sū́ryasya raśmíbhis tásya te pavitra-pate pavítreṇa yásmai káṃ puné tác chakeyam ā vo devāsa īmahe sátya-dharmāṇo adhvaré yád vo devāsa āguré yájñiyāso hávāmaha índrāgnī dyā́vā-pr̥thivī ā́pa oṣadhīs tváṃ dīkṣā́ṇām ádhipatir asīhá mā sántaṃ pāhi

Sanskrit only: no published translation is held for this verse.