Library·Varāha Purāṇa·170
श्रीवराह उवाच ।। पुनरन्यत् प्रवक्ष्यामि तच्छृणुष्व वसुन्धरे ।। मथुरायां पुरा वृत्तं गोकर्णस्य महात्मनः।। वसुकर्णः पिता तस्य वैश्यो धनसमृद्धिमान्
śrīvarāha uvāca || punaranyat pravakṣyāmi tacchṛṇuṣva vasundhare || mathurāyāṃ purā vṛttaṃ gokarṇasya mahātmanaḥ|| vasukarṇaḥ pitā tasya vaiśyo dhanasamṛddhimān
Sanskrit only: no published translation is held for this verse.
तस्य भार्या सुशीला तु नाम्ना गुणसमन्विता ।। भर्त्तुः प्रियकरी साध्वी न प्रसूता वयोऽधिका
tasya bhāryā suśīlā tu nāmnā guṇasamanvitā || bharttuḥ priyakarī sādhvī na prasūtā vayo'dhikā
Sanskrit only: no published translation is held for this verse.
विललाप च सुश्रोणि चैकान्ते दीनमानसा ।। सरस्वती संगमेऽथ स्त्रियो दृष्ट्वा प्रजावतीः
vilalāpa ca suśroṇi caikānte dīnamānasā || sarasvatī saṃgame'tha striyo dṛṣṭvā prajāvatīḥ
Sanskrit only: no published translation is held for this verse.
वृक्षमूले तु तत्रैव मुनिरेकः समास्थितः ।। तस्या विलपितं श्रुत्वा शनैः सकरुणं हृदि
vṛkṣamūle tu tatraiva munirekaḥ samāsthitaḥ || tasyā vilapitaṃ śrutvā śanaiḥ sakaruṇaṃ hṛdi
Sanskrit only: no published translation is held for this verse.
इति तस्य वचः श्रुत्वा सा स्त्री ऋषिमथाब्रवीत् ।। सापत्यास्तु स्त्रियो दृष्ट्वा क्रीडन्त्यो बालकैः सह
iti tasya vacaḥ śrutvā sā strī ṛṣimathābravīt || sāpatyāstu striyo dṛṣṭvā krīḍantyo bālakaiḥ saha
Sanskrit only: no published translation is held for this verse.
मम तन्नास्ति हि मुने दुर्भगायाः प्रजासुखम् ।। उवाच मुनिशार्दूलस्तां स्त्रियं पुत्रगर्द्धिनीम्
mama tannāsti hi mune durbhagāyāḥ prajāsukham || uvāca muniśārdūlastāṃ striyaṃ putragarddhinīm
Sanskrit only: no published translation is held for this verse.
देवतायाः प्रसादेन तव पुत्रो भविष्यति ।। शिवस्यायतनं पुण्यं गोकर्णेति च विश्रुतम्
devatāyāḥ prasādena tava putro bhaviṣyati || śivasyāyatanaṃ puṇyaṃ gokarṇeti ca viśrutam
Sanskrit only: no published translation is held for this verse.
जात हार्दः प्रियं चेष्टं शनैः स्त्रियमथाब्रवीत् ।। का त्वं कस्यासि सुभगे किमर्थं रोदिषि स्वयम्
jāta hārdaḥ priyaṃ ceṣṭaṃ śanaiḥ striyamathābravīt || kā tvaṃ kasyāsi subhage kimarthaṃ rodiṣi svayam
Sanskrit only: no published translation is held for this verse.
इत्युक्ता सा च सुश्रोणी प्रणिपत्य प्रसाद्य तम् ।। भर्त्रे सा कथयामास यदुक्तं मुनिना प्रियम्
ityuktā sā ca suśroṇī praṇipatya prasādya tam || bhartre sā kathayāmāsa yaduktaṃ muninā priyam
Sanskrit only: no published translation is held for this verse.
स तद्वचनमाकर्ण्य प्रीतियुक्तं सुसंयुतम् ।। जगादोच्चैः प्रियां देवि भद्रं जातो मनोरथः
sa tadvacanamākarṇya prītiyuktaṃ susaṃyutam || jagādoccaiḥ priyāṃ devi bhadraṃ jāto manorathaḥ
Sanskrit only: no published translation is held for this verse.
ममाप्येतन्मतं देवि यदुक्तमृषिणा ततः ।। इति प्रियां समाभाष्य प्रियया च तथाऽकरोत्
mamāpyetanmataṃ devi yaduktamṛṣiṇā tataḥ || iti priyāṃ samābhāṣya priyayā ca tathā'karot
Sanskrit only: no published translation is held for this verse.
सरस्वत्याः संगमे तौ स्नात्वा गोकर्णमर्चतुः ।। पुष्पदीपोपहारं तु चक्राते तौ दिनेदिने
sarasvatyāḥ saṃgame tau snātvā gokarṇamarcatuḥ || puṣpadīpopahāraṃ tu cakrāte tau dinedine
Sanskrit only: no published translation is held for this verse.
एवं तयोर्दशाब्दानि गतानि सुतहेतवे ।। ततः प्रसन्नो भगवानुमापतिरुवाच ह
evaṃ tayordaśābdāni gatāni sutahetave || tataḥ prasanno bhagavānumāpatiruvāca ha
Sanskrit only: no published translation is held for this verse.
भविष्यति युवां पुत्रो रूपवान्गुणसंयुतः ।। सस्यसन्ततिवद्दृश्यः सन्तानो यस्य वै बहु
bhaviṣyati yuvāṃ putro rūpavānguṇasaṃyutaḥ || sasyasantativaddṛśyaḥ santāno yasya vai bahu
Sanskrit only: no published translation is held for this verse.
देवतानां प्रसादेन तदुक्तस्य भविष्यति ।। इत्युक्तौ तौ तु देवेन स्नानं कृत्वा सरस्वतीम्
devatānāṃ prasādena taduktasya bhaviṣyati || ityuktau tau tu devena snānaṃ kṛtvā sarasvatīm
Sanskrit only: no published translation is held for this verse.
प्रभाते देवदेवाय ददौ द्रव्यमनन्तकम् ।। ब्राह्मणेभ्यो ददौ भोज्यं वस्त्राय बहुदक्षिणम्
prabhāte devadevāya dadau dravyamanantakam || brāhmaṇebhyo dadau bhojyaṃ vastrāya bahudakṣiṇam
Sanskrit only: no published translation is held for this verse.
ततस्तस्यां सुशीलायां गर्भाधानमविन्दत ।। ततः प्रववृधे गर्भः शुक्लपक्षे यथा शशी ।। सुषुवे दशमे मासि पुत्रं बालं शशिप्रभम्
tatastasyāṃ suśīlāyāṃ garbhādhānamavindata || tataḥ pravavṛdhe garbhaḥ śuklapakṣe yathā śaśī || suṣuve daśame māsi putraṃ bālaṃ śaśiprabham
Sanskrit only: no published translation is held for this verse.
गोसहस्रं तदा दत्त्वा ससुवर्णं सवस्त्रकम् ।। बहुशः सर्ववर्णेभ्यः पुत्रजन्ममहोत्सवे
gosahasraṃ tadā dattvā sasuvarṇaṃ savastrakam || bahuśaḥ sarvavarṇebhyaḥ putrajanmamahotsave
Sanskrit only: no published translation is held for this verse.
जातकर्म तथा चैव नामकर्म चकार च ।। गोकर्णं नाम तस्यैव पिता चक्रे निरूप्य च
jātakarma tathā caiva nāmakarma cakāra ca || gokarṇaṃ nāma tasyaiva pitā cakre nirūpya ca
Sanskrit only: no published translation is held for this verse.
एवमन्नप्राशनं च चूडोपनयनं तथा ।। अतःपरं च गोदानं वैवाहिकमनुत्तमम्
evamannaprāśanaṃ ca cūḍopanayanaṃ tathā || ataḥparaṃ ca godānaṃ vaivāhikamanuttamam
Sanskrit only: no published translation is held for this verse.
दानं तु ददतस्तस्य देवतां पूजयिष्यतः ।। कृतानि बहुमुख्यानि मंगलानि यथाविधि
dānaṃ tu dadatastasya devatāṃ pūjayiṣyataḥ || kṛtāni bahumukhyāni maṃgalāni yathāvidhi
Sanskrit only: no published translation is held for this verse.
ततः प्रविष्टे तारुण्ये त्वप्रजं वीक्ष्य पुत्रकम् ।। पुनर्विवाहयामास भार्याणां च चतुष्टयम्
tataḥ praviṣṭe tāruṇye tvaprajaṃ vīkṣya putrakam || punarvivāhayāmāsa bhāryāṇāṃ ca catuṣṭayam
Sanskrit only: no published translation is held for this verse.
वयोरूपगुणोपेतास्तस्य भार्याः सुलोचनाः ।। अप्रजा एव ताः सर्वा नाभवत्पुत्रिणी क्वचित्
vayorūpaguṇopetāstasya bhāryāḥ sulocanāḥ || aprajā eva tāḥ sarvā nābhavatputriṇī kvacit
Sanskrit only: no published translation is held for this verse.
प्रपामालाश्च नित्यान्नं भोजनं वर्त्तनानि च ।। अनित्यतां ततो मत्वा चंचलाऽस्थिरजीवितम्
prapāmālāśca nityānnaṃ bhojanaṃ varttanāni ca || anityatāṃ tato matvā caṃcalā'sthirajīvitam
Sanskrit only: no published translation is held for this verse.
विनियोगः कृतस्तेन सर्वदा सर्वकर्मसु ।। गोकर्णस्य समीपे तु पश्चिमे चक्रपाणिनः
viniyogaḥ kṛtastena sarvadā sarvakarmasu || gokarṇasya samīpe tu paścime cakrapāṇinaḥ
Sanskrit only: no published translation is held for this verse.
प्रासादं कारयामास पंचायतनकं हरेः ।। आरामस्तत्र विस्तीर्णः पुष्पजात्यस्तथैव च
prāsādaṃ kārayāmāsa paṃcāyatanakaṃ hareḥ || ārāmastatra vistīrṇaḥ puṣpajātyastathaiva ca
Sanskrit only: no published translation is held for this verse.
तेनैव धर्म आरब्धः प्रजार्थो देवसेवनम् ।। वापीकूपतडागानि देवतायतनानि च
tenaiva dharma ārabdhaḥ prajārtho devasevanam || vāpīkūpataḍāgāni devatāyatanāni ca
Sanskrit only: no published translation is held for this verse.
प्रावर्त्तनं च कूपेषु येन सिंचेत्प्रवाटिकाम् ।। पुष्पाणि च विचिन्वंति सर्वास्ता वरयोषितः
prāvarttanaṃ ca kūpeṣu yena siṃcetpravāṭikām || puṣpāṇi ca vicinvaṃti sarvāstā varayoṣitaḥ
Sanskrit only: no published translation is held for this verse.
स्नानं पूजादिकं तद्वन्मार्जनं दीपकर्म च ।। कुर्वन्ति देवतागारे ताः सर्वाः शुभलोचना
snānaṃ pūjādikaṃ tadvanmārjanaṃ dīpakarma ca || kurvanti devatāgāre tāḥ sarvāḥ śubhalocanā
Sanskrit only: no published translation is held for this verse.
पतिव्रता महाभागाश्चतुरो भगिनीर्यथा ।। नित्यकालं पतेर्वाक्ये स्थिताः कुर्वन्त्यहर्निशम्
pativratā mahābhāgāścaturo bhaginīryathā || nityakālaṃ patervākye sthitāḥ kurvantyaharniśam
Sanskrit only: no published translation is held for this verse.
मालाकारस्तथा नित्यं विटपांश्च प्रसिंचति ।। पालयामास विधिवद्विधिदृष्टेन कर्मणा
mālākārastathā nityaṃ viṭapāṃśca prasiṃcati || pālayāmāsa vidhivadvidhidṛṣṭena karmaṇā
Sanskrit only: no published translation is held for this verse.
जाताः सुपुष्पवन्तश्च द्रुमाः फलसमन्विताः ।। नित्यकालं त्वर्पयन्तः फलानां सुमहोत्सवम्
jātāḥ supuṣpavantaśca drumāḥ phalasamanvitāḥ || nityakālaṃ tvarpayantaḥ phalānāṃ sumahotsavam
Sanskrit only: no published translation is held for this verse.
दीयते भुज्यते सर्वैर्यथा शक्रस्तथा सदा ।। एवं तु वसतस्तस्य मथुरायां स्थितस्य च
dīyate bhujyate sarvairyathā śakrastathā sadā || evaṃ tu vasatastasya mathurāyāṃ sthitasya ca
Sanskrit only: no published translation is held for this verse.
धनस्य संक्षयो जातः प्रत्यहं ददतः सतः ।। शेषमात्रे धने तस्य चिन्ताभून्महती तदा
dhanasya saṃkṣayo jātaḥ pratyahaṃ dadataḥ sataḥ || śeṣamātre dhane tasya cintābhūnmahatī tadā
Sanskrit only: no published translation is held for this verse.
मातापित्रोः कुटुम्बस्य भरणीयस्य भोजनम् ।। कथं ब्रूहि करिष्यामि महाकष्टं तु सोऽब्रवीत्
mātāpitroḥ kuṭumbasya bharaṇīyasya bhojanam || kathaṃ brūhi kariṣyāmi mahākaṣṭaṃ tu so'bravīt
Sanskrit only: no published translation is held for this verse.
इति निश्चित्य मनसा वणिग्भावं हृदि स्थिरम् ।। कृत्वा सार्थमुपामन्त्र्य निर्गतः पूर्वमण्डलम्
iti niścitya manasā vaṇigbhāvaṃ hṛdi sthiram || kṛtvā sārthamupāmantrya nirgataḥ pūrvamaṇḍalam
Sanskrit only: no published translation is held for this verse.
तत्र क्रीत्वा सुपण्यानि उत्तरापथगानि च ।। यातायातं ततः कृत्वा लाभालाभविचक्षणः
tatra krītvā supaṇyāni uttarāpathagāni ca || yātāyātaṃ tataḥ kṛtvā lābhālābhavicakṣaṇaḥ
Sanskrit only: no published translation is held for this verse.
क्रीत्वा क्रेयानि वस्तूनि लाभालाभं विचार्य च ।। उत्तरापथदेशात्तु सार्थं सबहुविस्तरम्
krītvā kreyāni vastūni lābhālābhaṃ vicārya ca || uttarāpathadeśāttu sārthaṃ sabahuvistaram
Sanskrit only: no published translation is held for this verse.
मणिरत्नं ह्यश्वरत्नं पट्टरत्नं समर्थकम् ।। गृहीत्वा तु समागच्छन्मथुरायां गृहं प्रति
maṇiratnaṃ hyaśvaratnaṃ paṭṭaratnaṃ samarthakam || gṛhītvā tu samāgacchanmathurāyāṃ gṛhaṃ prati
Sanskrit only: no published translation is held for this verse.
एकदा सार्थसम्भारो विश्रान्तुमुपचक्रमे ।। सानौ पर्वतसामीप्ये प्रभूतयवसोदके
ekadā sārthasambhāro viśrāntumupacakrame || sānau parvatasāmīpye prabhūtayavasodake
Sanskrit only: no published translation is held for this verse.
नद्यास्तीरे सुप्रदेशे आवासांश्च प्रचक्रिरे ।। निवेश्य भाण्डं तत्रैव अश्वानां यवसादिकम्
nadyāstīre supradeśe āvāsāṃśca pracakrire || niveśya bhāṇḍaṃ tatraiva aśvānāṃ yavasādikam
Sanskrit only: no published translation is held for this verse.
समादिश्येतिकृत्यं च भृत्यैः कतिपयैर्वृतः ।। समारुरोह तं शैलं बहुकन्दरशोभितम्
samādiśyetikṛtyaṃ ca bhṛtyaiḥ katipayairvṛtaḥ || samāruroha taṃ śailaṃ bahukandaraśobhitam
Sanskrit only: no published translation is held for this verse.
क्रीडार्थं विहरंस्तत्र सोऽपश्यत् स्थानमुत्तमम् ।। प्रसन्नसलिलोपेतं नारङ्गैस्तु विभूषितम्
krīḍārthaṃ viharaṃstatra so'paśyat sthānamuttamam || prasannasalilopetaṃ nāraṅgaistu vibhūṣitam
Sanskrit only: no published translation is held for this verse.
फलवन्तश्च वृक्षाश्च पुष्पाणि सुरभीणि च ।। पाषाणसन्धौ तत्रस्थैर्मालाकारैस्तु रोपितम्
phalavantaśca vṛkṣāśca puṣpāṇi surabhīṇi ca || pāṣāṇasandhau tatrasthairmālākāraistu ropitam
Sanskrit only: no published translation is held for this verse.
तत्रारुह्य दरीद्वारं यावद्दृष्टिर्निपात्यते ।। तावदभ्यागतादीनि स्वागतादि शृणोति च
tatrāruhya darīdvāraṃ yāvaddṛṣṭirnipātyate || tāvadabhyāgatādīni svāgatādi śṛṇoti ca
Sanskrit only: no published translation is held for this verse.
श्रुत्वापि शब्दप्रभवं किमेतदिति निश्चयम् ।। करिष्यंस्तत्र चैकान्ते दृष्टः पञ्जरगः शुकः
śrutvāpi śabdaprabhavaṃ kimetaditi niścayam || kariṣyaṃstatra caikānte dṛṣṭaḥ pañjaragaḥ śukaḥ
Sanskrit only: no published translation is held for this verse.
तेनोक्तं भो इहागच्छ आतिथ्यं करवाणि ते ।। पाद्यं गृहाण भोः पान्थ आसनं ते इदं शुभम्
tenoktaṃ bho ihāgaccha ātithyaṃ karavāṇi te || pādyaṃ gṛhāṇa bhoḥ pāntha āsanaṃ te idaṃ śubham
Sanskrit only: no published translation is held for this verse.
फलानीमानि स्वादूनि मधुमांसोदकानि च ।। यथेष्टं यावतीच्छा च तावद्गृह्णन्त्विमे नराः
phalānīmāni svādūni madhumāṃsodakāni ca || yatheṣṭaṃ yāvatīcchā ca tāvadgṛhṇantvime narāḥ
Sanskrit only: no published translation is held for this verse.
आगत्य पितरौ मह्यं विशेषं तौ करिष्यतः ।। अतिथेरागतस्येह पूजाया विमुखो भवेत्
āgatya pitarau mahyaṃ viśeṣaṃ tau kariṣyataḥ || atitherāgatasyeha pūjāyā vimukho bhavet
Sanskrit only: no published translation is held for this verse.
गृहस्थस्तस्य पितरो वसन्ति नरके ध्रुवम् ।। पूजिते पूजिताः स्वर्गे मोदन्ते कालमक्षयम्
gṛhasthastasya pitaro vasanti narake dhruvam || pūjite pūjitāḥ svarge modante kālamakṣayam
Sanskrit only: no published translation is held for this verse.
अतिथिर्यस्य भग्नाशो गृहात्प्रव्रजते यदि ।। आत्मनो दुष्कृतं तस्मै दत्त्वा तत्सुकृतं हरेत्
atithiryasya bhagnāśo gṛhātpravrajate yadi || ātmano duṣkṛtaṃ tasmai dattvā tatsukṛtaṃ haret
Sanskrit only: no published translation is held for this verse.
तस्मात्सर्वप्रयत्नेन पूज्यो वै गृहमेधिना ।। काले प्राप्तस्त्वकाले वा यथा विष्णुस्तथैव सः
tasmātsarvaprayatnena pūjyo vai gṛhamedhinā || kāle prāptastvakāle vā yathā viṣṇustathaiva saḥ
Sanskrit only: no published translation is held for this verse.
एवंविधाः शुभा वाचो वैश्यो धर्मोपदेशकात् ।। श्रुत्वा शुकात्स सर्वस्मै गोकर्णो मुदितोऽब्रवीत्
evaṃvidhāḥ śubhā vāco vaiśyo dharmopadeśakāt || śrutvā śukātsa sarvasmai gokarṇo mudito'bravīt
Sanskrit only: no published translation is held for this verse.
ऋषिः कस्त्वं पुराणज्ञः किं वा देवोऽथ गुह्यकः ।। तव प्रसन्नरूपस्य यस्येयं वागमानुषी
ṛṣiḥ kastvaṃ purāṇajñaḥ kiṃ vā devo'tha guhyakaḥ || tava prasannarūpasya yasyeyaṃ vāgamānuṣī
Sanskrit only: no published translation is held for this verse.
कस्त्वं कथय मे सत्यमुत्साहश्चातिथिप्रियः ।। धन्यः स मानुषो यस्य नित्यं सन्निहितो भवान्
kastvaṃ kathaya me satyamutsāhaścātithipriyaḥ || dhanyaḥ sa mānuṣo yasya nityaṃ sannihito bhavān
Sanskrit only: no published translation is held for this verse.
इत्युक्तः स शुकः सर्वं शशंसात्मपुराकृतम् ।। शृणु रौद्रं यथा पूर्वे मया कृतमबुद्धिना
ityuktaḥ sa śukaḥ sarvaṃ śaśaṃsātmapurākṛtam || śṛṇu raudraṃ yathā pūrve mayā kṛtamabuddhinā
Sanskrit only: no published translation is held for this verse.
शुकस्य विप्रियं यादृङ् महर्षेस्तु तपस्यतः ।। सुमेरोरुत्तरे पार्श्वे महर्षिगणसेविते
śukasya vipriyaṃ yādṛṅ maharṣestu tapasyataḥ || sumeroruttare pārśve maharṣigaṇasevite
Sanskrit only: no published translation is held for this verse.
तपश्चचार विपुलं शुको व्याससुतो महान् ।। श्रोतुकामाः पुराणानि सेतिहासानि नैगमाः
tapaścacāra vipulaṃ śuko vyāsasuto mahān || śrotukāmāḥ purāṇāni setihāsāni naigamāḥ
Sanskrit only: no published translation is held for this verse.
ऋषयस्तत्र चाजग्मुरसितो देवलस्तदा ।। मार्कण्डेयो भरद्वाजो यवक्रीतस्ततो भृगुः
ṛṣayastatra cājagmurasito devalastadā || mārkaṇḍeyo bharadvājo yavakrītastato bhṛguḥ
Sanskrit only: no published translation is held for this verse.
अङ्गिरास्तैत्तिरी रैभ्यः काण्वो मेधातिथिः कृतः ।। तन्तुः सुतन्तुरादित्यो वसुमानेकतो द्वितः
aṅgirāstaittirī raibhyaḥ kāṇvo medhātithiḥ kṛtaḥ || tantuḥ sutanturādityo vasumānekato dvitaḥ
Sanskrit only: no published translation is held for this verse.
वामदेवश्चाश्वशिरास्त्रिशीर्षो गौतमोदरः ।। अन्ये च सिद्धा देवाश्च पन्नगा गुह्यकास्तथा
vāmadevaścāśvaśirāstriśīrṣo gautamodaraḥ || anye ca siddhā devāśca pannagā guhyakāstathā
Sanskrit only: no published translation is held for this verse.
शुकं सम्मुखयामासुः पप्रच्छुर्द्धर्मसंहिताम् ।। अहं तु वामदेवस्य शिष्यो नाम्ना शुकोदरः
śukaṃ sammukhayāmāsuḥ papracchurddharmasaṃhitām || ahaṃ tu vāmadevasya śiṣyo nāmnā śukodaraḥ
Sanskrit only: no published translation is held for this verse.
भ्रष्टः श्रद्धान्वितो बाल्यात्सुनीत्यामग्रतश्चरन् ।। ऊहापोहकरं प्रश्नं वारंवारं च पृष्टवान्
bhraṣṭaḥ śraddhānvito bālyātsunītyāmagrataścaran || ūhāpohakaraṃ praśnaṃ vāraṃvāraṃ ca pṛṣṭavān
Sanskrit only: no published translation is held for this verse.
अन्यायवादिनं मां च गुरुर्नित्यं निषेधति ।। गुरूणामग्रतो वाक्यं कथायां वदतां सह
anyāyavādinaṃ māṃ ca gururnityaṃ niṣedhati || gurūṇāmagrato vākyaṃ kathāyāṃ vadatāṃ saha
Sanskrit only: no published translation is held for this verse.
पूर्वपक्षाश्च सिद्धान्ताः परस्परजिगीषवः ।। अन्तरे चान्तराक्षेपं पुनर्नैवमवोचथाः
pūrvapakṣāśca siddhāntāḥ parasparajigīṣavaḥ || antare cāntarākṣepaṃ punarnaivamavocathāḥ
Sanskrit only: no published translation is held for this verse.
एवं निषेधितश्चाहं गुरुणा मुनिसत्तमैः ।। न कृतं यन्मया वाक्यं तेनाहं शपितस्तदा
evaṃ niṣedhitaścāhaṃ guruṇā munisattamaiḥ || na kṛtaṃ yanmayā vākyaṃ tenāhaṃ śapitastadā
Sanskrit only: no published translation is held for this verse.
शुकेन कोपाच्छापो मे दत्तोऽयं जल्पको बटुः ।। यथानामा त्वयं पक्षी शुको भवति नान्यथा
śukena kopācchāpo me datto'yaṃ jalpako baṭuḥ || yathānāmā tvayaṃ pakṣī śuko bhavati nānyathā
Sanskrit only: no published translation is held for this verse.
इत्युक्तमात्रे वचने तत्रैवाहं शुकोदरः ।। शुकत्वं तत्क्षणात्प्राप्तः क्षमस्वेत्यूचु तेजसा
ityuktamātre vacane tatraivāhaṃ śukodaraḥ || śukatvaṃ tatkṣaṇātprāptaḥ kṣamasvetyūcu tejasā
Sanskrit only: no published translation is held for this verse.
मुनयस्तं महात्मानं शुकं तत्त्वार्थवित्तमम् ।। नान्यथा नान्यथा चोक्तं कदाचित्त्संभविष्यति
munayastaṃ mahātmānaṃ śukaṃ tattvārthavittamam || nānyathā nānyathā coktaṃ kadācittsaṃbhaviṣyati
Sanskrit only: no published translation is held for this verse.
आगामिकाले दास्यामि वरमस्मै शुकाय भो।। युष्माकमुपरोधेन यथारूपो विहङ्गमः
āgāmikāle dāsyāmi varamasmai śukāya bho|| yuṣmākamuparodhena yathārūpo vihaṅgamaḥ
Sanskrit only: no published translation is held for this verse.
अयं भविष्यति सदा सद्भावहितभावनः।। पुराणतत्त्ववेत्ता च सर्वशास्त्रार्थपारगः
ayaṃ bhaviṣyati sadā sadbhāvahitabhāvanaḥ|| purāṇatattvavettā ca sarvaśāstrārthapāragaḥ
Sanskrit only: no published translation is held for this verse.
मथुरायां मृतः पश्चाद्ब्रह्मलोकं गमिष्यति ।। एवं शापं वरं गृह्य तस्माद्दीनो ह्यहं द्रुतम्
mathurāyāṃ mṛtaḥ paścādbrahmalokaṃ gamiṣyati || evaṃ śāpaṃ varaṃ gṛhya tasmāddīno hyahaṃ drutam
Sanskrit only: no published translation is held for this verse.
मथुरामथुरोच्चारं कुर्वन्नित्यमतन्द्रितः।। नित्योद्विग्नश्च मे गात्रे हिमाद्रौ तु गुहां वसन्
mathurāmathuroccāraṃ kurvannityamatandritaḥ|| nityodvignaśca me gātre himādrau tu guhāṃ vasan
Sanskrit only: no published translation is held for this verse.
प्राप्तोऽहं शबरेणैव येनाहं पञ्जरे धृतः ।। शबरस्तु सभार्यो वै क्रीडते स मया सह
prāpto'haṃ śabareṇaiva yenāhaṃ pañjare dhṛtaḥ || śabarastu sabhāryo vai krīḍate sa mayā saha
Sanskrit only: no published translation is held for this verse.
मुनेः प्रसादान्मे ज्ञानं न जहाति कदाचन ।। भुज्यते ह्यवशेनैव कृतं येन यथा च यत्
muneḥ prasādānme jñānaṃ na jahāti kadācana || bhujyate hyavaśenaiva kṛtaṃ yena yathā ca yat
Sanskrit only: no published translation is held for this verse.
स्वस्थो भव महाभाग मा स्म शोके मनः कृथाः ।। इत्युक्तः स तु गोकर्णस्तदा तेन शुकेन च
svastho bhava mahābhāga mā sma śoke manaḥ kṛthāḥ || ityuktaḥ sa tu gokarṇastadā tena śukena ca
Sanskrit only: no published translation is held for this verse.
तस्य तद्वचनं हृद्यं शुकमोक्षप्रदायकम् ।। या सा मुक्तिप्रदा रम्या मधुरा पापनाशिनी
tasya tadvacanaṃ hṛdyaṃ śukamokṣapradāyakam || yā sā muktipradā ramyā madhurā pāpanāśinī
Sanskrit only: no published translation is held for this verse.
तस्यां वसाम्यहं भद्र वाणिज्यार्थमिहागतः ।। पुनरिच्छामहे तत्र भाण्डं गृह्य यथासुखम् ।170.८०।। मथुरावासिनं श्रुत्वा गोकर्णं स शुकस्तदा ।। पुत्रं संस्थाप्य चात्मानं गोकर्णस्य यथेप्सितम्
tasyāṃ vasāmyahaṃ bhadra vāṇijyārthamihāgataḥ || punaricchāmahe tatra bhāṇḍaṃ gṛhya yathāsukham |170.80|| mathurāvāsinaṃ śrutvā gokarṇaṃ sa śukastadā || putraṃ saṃsthāpya cātmānaṃ gokarṇasya yathepsitam
Sanskrit only: no published translation is held for this verse.
एवं च वदतस्तस्य शबरी शयनोत्थिता ।। दर्पान्निर्गत्य तु बहिर्ददर्शासनसंस्थितम्
evaṃ ca vadatastasya śabarī śayanotthitā || darpānnirgatya tu bahirdadarśāsanasaṃsthitam
Sanskrit only: no published translation is held for this verse.
भृत्यैः परिवृतं चारुदर्शनीयस्वरूपकम् ।। निरीक्ष्य बहुशस्तत्र शुको वचनमब्रवीत्
bhṛtyaiḥ parivṛtaṃ cārudarśanīyasvarūpakam || nirīkṣya bahuśastatra śuko vacanamabravīt
Sanskrit only: no published translation is held for this verse.
प्रियातिथिं च संप्राप्तं मातः पूज्यतमं शुचिम् ।। कुरु पूजां यथार्हं च गोकर्णस्य वरातिथेः
priyātithiṃ ca saṃprāptaṃ mātaḥ pūjyatamaṃ śucim || kuru pūjāṃ yathārhaṃ ca gokarṇasya varātitheḥ
Sanskrit only: no published translation is held for this verse.
शुकस्य वचनाद्यावत्पूजार्थमुपकल्पितम् ।। न ददाति ततस्तत्र वनाच्छबर आगतः
śukasya vacanādyāvatpūjārthamupakalpitam || na dadāti tatastatra vanācchabara āgataḥ
Sanskrit only: no published translation is held for this verse.
तस्याग्रे तु पुनस्तेन शुकेनातिथिपूजनम् ।। शंसितं स तथेत्युक्त्वा कृत्वा पूजां प्रणम्य च
tasyāgre tu punastena śukenātithipūjanam || śaṃsitaṃ sa tathetyuktvā kṛtvā pūjāṃ praṇamya ca
Sanskrit only: no published translation is held for this verse.
फलानि मांसयुक्तानि मधूनि सुरभीणि च।। संपाद्य संविदं कृत्वा वद किङ्करवाणि ते
phalāni māṃsayuktāni madhūni surabhīṇi ca|| saṃpādya saṃvidaṃ kṛtvā vada kiṅkaravāṇi te
Sanskrit only: no published translation is held for this verse.
इत्युक्तः शबरेणाथ गोकर्णो वाक्यमब्रवीत् ।। अन्यत्किंचिदथो देयं यदि किंचिद्ददासि च
ityuktaḥ śabareṇātha gokarṇo vākyamabravīt || anyatkiṃcidatho deyaṃ yadi kiṃciddadāsi ca
Sanskrit only: no published translation is held for this verse.
शुकोऽयं पञ्जरस्श्चश्च पुत्रार्थं मे प्रदीयताम् ।। मथुरायां गमिष्यामि कृतार्थः पितुरन्तिके
śuko'yaṃ pañjarasścaśca putrārthaṃ me pradīyatām || mathurāyāṃ gamiṣyāmi kṛtārthaḥ piturantike
Sanskrit only: no published translation is held for this verse.
इत्युक्तमात्रे वचने शबरो वाक्यमब्रवीत् ।। अस्माकं यमुनास्नानं सङ्गमे यमुनाम्भसः
ityuktamātre vacane śabaro vākyamabravīt || asmākaṃ yamunāsnānaṃ saṅgame yamunāmbhasaḥ
Sanskrit only: no published translation is held for this verse.
सरस्वत्याः फले चैव दत्ते दास्यामि ते शुकम् ।। शबरेणैवमुक्तस्तु गोकर्णः प्रत्यभाषत
sarasvatyāḥ phale caiva datte dāsyāmi te śukam || śabareṇaivamuktastu gokarṇaḥ pratyabhāṣata
Sanskrit only: no published translation is held for this verse.
सरस्वत्याः सङ्गमे च यत्फलं लभते नरः ।। स्नानेन किं फलं तस्य यदि जानासि तद्वद
sarasvatyāḥ saṅgame ca yatphalaṃ labhate naraḥ || snānena kiṃ phalaṃ tasya yadi jānāsi tadvada
Sanskrit only: no published translation is held for this verse.
शबर उवाच ।। शुकेनानेन मे सर्वं मथुरायाश्च यत्फलम्
śabara uvāca || śukenānena me sarvaṃ mathurāyāśca yatphalam
Sanskrit only: no published translation is held for this verse.
यत्फलं सङ्गमस्योक्तं शृणुयाद्द्वादशीव्रतम् ।। वियोनिस्थो राक्षसो वा तिर्यग्योनिं गतस्य वा
yatphalaṃ saṅgamasyoktaṃ śṛṇuyāddvādaśīvratam || viyonistho rākṣaso vā tiryagyoniṃ gatasya vā
Sanskrit only: no published translation is held for this verse.
यमुद्दिश्य व्रतं कुर्यात्स गच्छेत्परमां गतिम् ।। सङ्गमस्य फलं तस्य दृष्ट्वा गोकर्णमीश्वरम्
yamuddiśya vrataṃ kuryātsa gacchetparamāṃ gatim || saṅgamasya phalaṃ tasya dṛṣṭvā gokarṇamīśvaram
Sanskrit only: no published translation is held for this verse.
नासौ यमपुरं याति विष्णुलोकं च गच्छति ।। एवं मया श्रुतं तस्य सङ्गमस्य महाफलम्
nāsau yamapuraṃ yāti viṣṇulokaṃ ca gacchati || evaṃ mayā śrutaṃ tasya saṅgamasya mahāphalam
Sanskrit only: no published translation is held for this verse.
इति श्रीवराहपुराणे गोकर्णसरस्वतीमाहात्म्ये सप्तत्यधिकशततमोऽध्यायः
iti śrīvarāhapurāṇe gokarṇasarasvatīmāhātmye saptatyadhikaśatatamo'dhyāyaḥ
Sanskrit only: no published translation is held for this verse.