Visnudharmottara-Purana 3.351

महामायाधर । व्ध ३,३५०।[१६४] । चित्रशिखण्ड । व्ध ३,३५०।[१६५] । वरप्रद । व्ध ३,३५०।[१६६] । पुरोडाश्भागहर । व्ध ३,३५०।[१६७] । गताध्वग । व्ध ३,३५०।[१६८] । छिन्नतृष्ण । व्ध ३,३५०।[१६९] । सर्वतो निवृत्[त्]अ । व्ध ३,३५०।[१७०] । ब्रह्मरूप । व्ध ३,३५०।[१७१] । ब्रह्मधर । व्ध ३,३५०।[१७२] । ब्राह्मणप्रिय । व्ध ३,३५०।[१७३] । विश्वमूर्ते । व्ध ३,३५०।[१७४] । महामूर्ते । व्ध ३,३५०।[१७५] । बान्धव । व्ध ३,३५०।[१७६] । भक्तवत्सल । व्ध ३,३५०।[१७७] । ब्रह्मण्यदेव । व्ध ३,३५०।[१७८] । भक्तो ऽहं त्वां दिदृक्षुर् एकान्तदर्शनायेत्य् ॐ नमः । व्ध ३,३५०।[१७९] । ॥ इति श्रीविष्णुधर्मोत्तरे तृतीयखण्डे मार्कण्डेयवज्रसंवादे श्वेतद्वीपे श्रीनारदस्तोत्रवर्णनो नाम पञ्चाशदधिकत्रिशततमो ऽध्यायः ॥ मार्कण्डेय उवाच स ददर्श तदा विष्णुं विश्वरूपधरं हरिम् । युक्तं वर्णैः शुक्रप्रख्यैः पीतरक्तसितासितैः

mahāmāyādhara / Vdha 3,350.[164] / citraśikhaṇḍa / Vdha 3,350.[165] / varaprada / Vdha 3,350.[166] / puroḍāśbhāgahara / Vdha 3,350.[167] / gatādhvaga / Vdha 3,350.[168] / chinnatṛṣṇa / Vdha 3,350.[169] / sarvato nivṛt[t]a / Vdha 3,350.[170] / brahmarūpa / Vdha 3,350.[171] / brahmadhara / Vdha 3,350.[172] / brāhmaṇapriya / Vdha 3,350.[173] / viśvamūrte / Vdha 3,350.[174] / mahāmūrte / Vdha 3,350.[175] / bāndhava / Vdha 3,350.[176] / bhaktavatsala / Vdha 3,350.[177] / brahmaṇyadeva / Vdha 3,350.[178] / bhakto 'haṃ tvāṃ didṛkṣur ekāntadarśanāyety oṃ namaḥ / Vdha 3,350.[179] / // iti śrīviṣṇudharmottare tṛtīyakhaṇḍe mārkaṇḍeyavajrasaṃvāde śvetadvīpe śrīnāradastotravarṇano nāma pañcāśadadhikatriśatatamo 'dhyāyaḥ // mārkaṇḍeya uvāca sa dadarśa tadā viṣṇuṃ viśvarūpadharaṃ harim / yuktaṃ varṇaiḥ śukraprakhyaiḥ pītaraktasitāsitaiḥ

Sanskrit only: no published translation is held for this verse.

क्वचिन् मेचकसंयुक्तैः क्वचिन् मेचकरञ्जितैः । [क्व]चिच् छशाङ्कसंकाशं क्वचिद् धिङ्गुलसंनिभम्

kvacin mecakasaṃyuktaiḥ kvacin mecakarañjitaiḥ / [kva]cic chaśāṅkasaṃkāśaṃ kvacid dhiṅgulasaṃnibham

Sanskrit only: no published translation is held for this verse.

क्वचिन् मरकतप्रख्यं पद्मरागनिभं क्वचित् । क्वचित् कनकसंकाशं क्वचिन् नीलोत्पलप्रभम्

kvacin marakataprakhyaṃ padmarāganibhaṃ kvacit / kvacit kanakasaṃkāśaṃ kvacin nīlotpalaprabham

Sanskrit only: no published translation is held for this verse.

क्वचित् पाटलपुष्पाभम् क्वचिद् गगनसंनिभम् । कुंकुमक्षोदसंकाशं हरिद्रक्षोदसंनिभम्

kvacit pāṭalapuṣpābham kvacid gaganasaṃnibham / kuṃkumakṣodasaṃkāśaṃ haridrakṣodasaṃnibham

Sanskrit only: no published translation is held for this verse.

क्वचिद् रजोपलप्रख्यम् इन्द्रनीलनिभं क्वचित् । अनिर्देश्यानि वर्णानि तथा बिभ्रत् क्वचित् क्वचित्

kvacid rajopalaprakhyam indranīlanibhaṃ kvacit / anirdeśyāni varṇāni tathā bibhrat kvacit kvacit

Sanskrit only: no published translation is held for this verse.

नानाविधानां सत्त्वानां वदनानि बहूनि च । ब्रह्मशंकरशक्राणां यमस्य वरुणस्य च

nānāvidhānāṃ sattvānāṃ vadanāni bahūni ca / brahmaśaṃkaraśakrāṇāṃ yamasya varuṇasya ca

Sanskrit only: no published translation is held for this verse.

धनदस्य हुताशनस्य वायोर् निरृतिनस् तथा । ग्रहाणाम् अथ ऋक्षाणां रुद्राणां वसुभिः सह

dhanadasya hutāśanasya vāyor nirṛtinas tathā / grahāṇām atha ṛkṣāṇāṃ rudrāṇāṃ vasubhiḥ saha

Sanskrit only: no published translation is held for this verse.

आदित्यानां समरुतां भृगूणां च तथा द्विज । तथैवाङ्गिरसो राजन् साध्यानाम् अश्विभिः सह

ādityānāṃ samarutāṃ bhṛgūṇāṃ ca tathā dvija / tathaivāṅgiraso rājan sādhyānām aśvibhiḥ saha

Sanskrit only: no published translation is held for this verse.

दैत्यानाम् अथ नागानां गन्धर्वोरगरक्षसाम् । पितृपन्नगयक्षाणां तथा च पिशिताशिनाम्

daityānām atha nāgānāṃ gandharvoragarakṣasām / pitṛpannagayakṣāṇāṃ tathā ca piśitāśinām

Sanskrit only: no published translation is held for this verse.

मनुष्यहयनागानां गजाश्वमृगपक्षिणां । द्वीपिशार्दूलसिंहानां सर्वेषां प्राणिनाम् अथ

manuṣyahayanāgānāṃ gajāśvamṛgapakṣiṇāṃ / dvīpiśārdūlasiṃhānāṃ sarveṣāṃ prāṇinām atha

Sanskrit only: no published translation is held for this verse.

कानिचित् तस्य सौम्यानि कानिचिद् भीषणानि च । ददर्श तस्य वक्त्राणि शतशो ऽथ सहस्रशः

kānicit tasya saumyāni kānicid bhīṣaṇāni ca / dadarśa tasya vaktrāṇi śataśo 'tha sahasraśaḥ

Sanskrit only: no published translation is held for this verse.

वक्त्रेषु तस्य रौद्रस्य प्राणिसंघान्य् अनेकशः । ददर्श सर्वतश् चाग्नीन् ग्रस्यमानांश् च विष्णुना

vaktreṣu tasya raudrasya prāṇisaṃghāny anekaśaḥ / dadarśa sarvataś cāgnīn grasyamānāṃś ca viṣṇunā

Sanskrit only: no published translation is held for this verse.

सौम्येभ्यस् तस्य वक्त्रेभ्यो निर्गच्छन्त्यस् तथा प्रजाः । वाहांश् च विविधांस् तस्य स ददर्शाथ नारदः

saumyebhyas tasya vaktrebhyo nirgacchantyas tathā prajāḥ / vāhāṃś ca vividhāṃs tasya sa dadarśātha nāradaḥ

Sanskrit only: no published translation is held for this verse.

हस्तांश् च विविधाकारान् नानामुद्रासमन्वितान् । युक्तान् नानाविधैर् भाण्डैर् आयुधैश् च सहस्रशः

hastāṃś ca vividhākārān nānāmudrāsamanvitān / yuktān nānāvidhair bhāṇḍair āyudhaiś ca sahasraśaḥ

Sanskrit only: no published translation is held for this verse.

स्रुक्स्रुवावेदिचमस- कुशकृष्णाजिनाग्निभिः । केचिच् च कलशं घण्टां शङ्खपद्मोत्पलादिभिः

sruksruvāvedicamasa- kuśakṛṣṇājināgnibhiḥ / kecic ca kalaśaṃ ghaṇṭāṃ śaṅkhapadmotpalādibhiḥ

Sanskrit only: no published translation is held for this verse.

केचित् खड्गगदाचक्र- चर्मशूलपरश्वधैः । केचित् पाशमहादण्ड- कृपाणशरकार्मुकैः

kecit khaḍgagadācakra- carmaśūlaparaśvadhaiḥ / kecit pāśamahādaṇḍa- kṛpāṇaśarakārmukaiḥ

Sanskrit only: no published translation is held for this verse.

केचिद् भुशुण्डीलगुड- शक्तिवज्राश्मपट्टिशैः । बीजपूर्णाक्षमालाश् च पूर्णपात्रैस् तथा परैः

kecid bhuśuṇḍīlaguḍa- śaktivajrāśmapaṭṭiśaiḥ / bījapūrṇākṣamālāś ca pūrṇapātrais tathā paraiḥ

Sanskrit only: no published translation is held for this verse.

एवं नानाविधैर् भाण्डैः करांस् तस्य समन्वितान् । असंख्येयान् महातेजा ददर्श मुनिसत्तमः

evaṃ nānāvidhair bhāṇḍaiḥ karāṃs tasya samanvitān / asaṃkhyeyān mahātejā dadarśa munisattamaḥ

Sanskrit only: no published translation is held for this verse.

नृत्तशास्त्रविनिर्दिष्टो नृत्तकर्मणि चाप्य् अथ । शिरांसि दृष्टयो हस्तांस् तस्य देवस्य दृष्टवान्

nṛttaśāstravinirdiṣṭo nṛttakarmaṇi cāpy atha / śirāṃsi dṛṣṭayo hastāṃs tasya devasya dṛṣṭavān

Sanskrit only: no published translation is held for this verse.

त्रैलोक्यं च त् काये सकलं मुनिसत्तमः । देवदानवगन्धर्व- सयक्षोरगरक्षसाम्

trailokyaṃ ca T kāye sakalaṃ munisattamaḥ / devadānavagandharva- sayakṣoragarakṣasām

Sanskrit only: no published translation is held for this verse.

द्वीपाम्भोनिधिलोकैश् च पातालैश् चैव संयुतम् । जगत् समग्रं देवस्य देहस्थं दृष्टवान् मुनिः

dvīpāmbhonidhilokaiś ca pātālaiś caiva saṃyutam / jagat samagraṃ devasya dehasthaṃ dṛṣṭavān muniḥ

Sanskrit only: no published translation is held for this verse.

स दृष्ट्वा परमं रूपं भीतो हृष्टश् च विस्मितः । पपात पादयोस् तस्य शिरसा साश्रुलोचनः

sa dṛṣṭvā paramaṃ rūpaṃ bhīto hṛṣṭaś ca vismitaḥ / papāta pādayos tasya śirasā sāśrulocanaḥ

Sanskrit only: no published translation is held for this verse.

स्तोत्रेण चैव तुष्टाव पूर्वोक्तेन जनार्दनम् । तम् उवाच ततो देवः प्रहसन्न् ऋषिसत्तमम्

stotreṇa caiva tuṣṭāva pūrvoktena janārdanam / tam uvāca tato devaḥ prahasann ṛṣisattamam

Sanskrit only: no published translation is held for this verse.

श्रीभगवान् उवाच उत्तिष्ठ मा भैर् धर्मज्ञ वरं वृणु यथेप्सितम् । श्रीनारद उवाच नित्यम् एकान्तिके देव भक्तिर् भवतु सा त्वयि । नान्यं वरं कामयामि नराणाम् इदम् उत्तमम्

śrībhagavān uvāca uttiṣṭha mā bhair dharmajña varaṃ vṛṇu yathepsitam / śrīnārada uvāca nityam ekāntike deva bhaktir bhavatu sā tvayi / nānyaṃ varaṃ kāmayāmi narāṇām idam uttamam

Sanskrit only: no published translation is held for this verse.

मार्कण्डेय उवाच तम् उवाच ततो देवः प्रणतार्तिहरो हरिः । एतन् निसर्गसिद्धं ते येन त्वं दृष्टवान् मम

mārkaṇḍeya uvāca tam uvāca tato devaḥ praṇatārtiharo hariḥ / etan nisargasiddhaṃ te yena tvaṃ dṛṣṭavān mama

Sanskrit only: no published translation is held for this verse.

विश्वरूपम् इदं ब्रह्मन्न् अवज्ञेयं तथा त्वया । तपस् तप्तं यतो विप्र ममापि च ततस् तव

viśvarūpam idaṃ brahmann avajñeyaṃ tathā tvayā / tapas taptaṃ yato vipra mamāpi ca tatas tava

Sanskrit only: no published translation is held for this verse.

रूपम् एतत् समास्थाय रूपं स्वं द्विज दर्शितम् । इच्छारूपाण्य् अहं कुर्यां शतशो ऽथ सहस्रशः

rūpam etat samāsthāya rūpaṃ svaṃ dvija darśitam / icchārūpāṇy ahaṃ kuryāṃ śataśo 'tha sahasraśaḥ

Sanskrit only: no published translation is held for this verse.

त्रैलोक्ये यानि रूपाणि देवादीनां द्विजोत्तम । ममैव तानि जानीह मत्तो ऽन्यन् नास्ति किंचन

trailokye yāni rūpāṇi devādīnāṃ dvijottama / mamaiva tāni jānīha matto 'nyan nāsti kiṃcana

Sanskrit only: no published translation is held for this verse.

अहं भूतं च भव्यं च वर्तमानम् अहं तथा । स्थावरं जङ्गमं चैव सर्वम् एवास्मि नारद

ahaṃ bhūtaṃ ca bhavyaṃ ca vartamānam ahaṃ tathā / sthāvaraṃ jaṅgamaṃ caiva sarvam evāsmi nārada

Sanskrit only: no published translation is held for this verse.

सच् चासच् चाहम् एवात्र तत्त्वम् एतद् ब्रवीमि ते । अशब्दम् अरसं स्पर्श- गन्धरूपविवर्जितम्

sac cāsac cāham evātra tattvam etad bravīmi te / aśabdam arasaṃ sparśa- gandharūpavivarjitam

Sanskrit only: no published translation is held for this verse.

सर्वगं मां विजानीहि परमार्थेन नारद । यः करिष्यति मे स्तोत्रं स्तोत्रेण त्वत्कृतेन तु

sarvagaṃ māṃ vijānīhi paramārthena nārada / yaḥ kariṣyati me stotraṃ stotreṇa tvatkṛtena tu

Sanskrit only: no published translation is held for this verse.

तस्य कामान् विधास्यामि ये दिव्या ये च मानुषाः । श्वेतद्वीपे गतिस् तस्य मृतस्य च भविष्यति

tasya kāmān vidhāsyāmi ye divyā ye ca mānuṣāḥ / śvetadvīpe gatis tasya mṛtasya ca bhaviṣyati

Sanskrit only: no published translation is held for this verse.

श्वेतद्वीपम् अवाप्यापि नरः स्वस्थो भविष्यसि । वराहस्यास्य कल्पस्य यावत् कालो ऽवशिष्यते

śvetadvīpam avāpyāpi naraḥ svastho bhaviṣyasi / varāhasyāsya kalpasya yāvat kālo 'vaśiṣyate

Sanskrit only: no published translation is held for this verse.

वाराहे तु गते कल्पे ततो मात्स्यो भविष्यति । देवकार्याणि कार्याणि सुबहूनि यतस् त्वया

vārāhe tu gate kalpe tato mātsyo bhaviṣyati / devakāryāṇi kāryāṇi subahūni yatas tvayā

Sanskrit only: no published translation is held for this verse.

प्रादुर्भावगतश् चाहम् अनुशास्यस् तथा त्वया । प्रादुर्भावाणि मे ब्रह्मन् व्यतीतानि सहस्रशः

prādurbhāvagataś cāham anuśāsyas tathā tvayā / prādurbhāvāṇi me brahman vyatītāni sahasraśaḥ

Sanskrit only: no published translation is held for this verse.

भविष्यन्ति तथान्यानि तत्र मे शृणु कानिचित् । अहम् एकार्णवे लोके शेषपर्यङ्कशायिकः

bhaviṣyanti tathānyāni tatra me śṛṇu kānicit / aham ekārṇave loke śeṣaparyaṅkaśāyikaḥ

Sanskrit only: no published translation is held for this verse.

लक्ष्मीसहायस् तिष्ठामि यदा सुप्तः पितामहः । अहं मत्स्यस् तथा कूर्मो हंसो ऽहम् अपि नारद

lakṣmīsahāyas tiṣṭhāmi yadā suptaḥ pitāmahaḥ / ahaṃ matsyas tathā kūrmo haṃso 'ham api nārada

Sanskrit only: no published translation is held for this verse.

स्त्रीरूपेण मया विप्र वञ्चिता दैत्यदानवाः । मयाश्वशिरसा वेदा दानवेभ्यस् तथा हृताः

strīrūpeṇa mayā vipra vañcitā daityadānavāḥ / mayāśvaśirasā vedā dānavebhyas tathā hṛtāḥ

Sanskrit only: no published translation is held for this verse.

वाराहेण मया भूत्वा वसुधेयं समुद्धृता । वाराहेण मया दैत्याः पातालतलगा हताः

vārāheṇa mayā bhūtvā vasudheyaṃ samuddhṛtā / vārāheṇa mayā daityāḥ pātālatalagā hatāḥ

Sanskrit only: no published translation is held for this verse.

नृवराहेण निहतो हिरण्याक्षो बलोत्कटः । दानवाश् च हता युद्धे नरनारायणात्मना

nṛvarāheṇa nihato hiraṇyākṣo balotkaṭaḥ / dānavāś ca hatā yuddhe naranārāyaṇātmanā

Sanskrit only: no published translation is held for this verse.

लोकोत्तरे तथा मार्गे हरिः कृष्णस् तथाप्य् अहम् । नारसिंहेन रूपेण हिरण्यकशिपुर् हतः

lokottare tathā mārge hariḥ kṛṣṇas tathāpy aham / nārasiṃhena rūpeṇa hiraṇyakaśipur hataḥ

Sanskrit only: no published translation is held for this verse.

वामनेन मया भूत्वा बलेस् त्रिभुवनं हृतम् । त्रिभिः क्रमैः पुरा ब्रह्मन् देवानां हितकाम्यया

vāmanena mayā bhūtvā bales tribhuvanaṃ hṛtam / tribhiḥ kramaiḥ purā brahman devānāṃ hitakāmyayā

Sanskrit only: no published translation is held for this verse.

वाडवो ऽहं समुद्रस्थः पिबामि सलिलं सदा । पृथ्वी वसुमती ब्रह्मन् पृथुना च मया कृता

vāḍavo 'haṃ samudrasthaḥ pibāmi salilaṃ sadā / pṛthvī vasumatī brahman pṛthunā ca mayā kṛtā

Sanskrit only: no published translation is held for this verse.

कपिलेन मया दुष्टा दग्धव्याः सगरात्मजाः । दत्तात्रेयेण वसुधा देवा द्विजगणाः पुनः

kapilena mayā duṣṭā dagdhavyāḥ sagarātmajāḥ / dattātreyeṇa vasudhā devā dvija.gaṇāḥ punaḥ

Sanskrit only: no published translation is held for this verse.

जामदग्न्येन रामेण लघ्वी वसुमती कृता । त्रिःसप्तकृत्वः कर्तव्या क्षत्रभारप्रपीडिता

jāmadagnyena rāmeṇa laghvī vasumatī kṛtā / triḥsaptakṛtvaḥ kartavyā kṣatrabhāraprapīḍitā

Sanskrit only: no published translation is held for this verse.

दत्त्वा चतुर्धा पुत्रांश् च मया दशरथस्य च । रामेण रावणवधः कर्तव्यो जनतासुखम्

dattvā caturdhā putrāṃś ca mayā daśarathasya ca / rāmeṇa rāvaṇavadhaḥ kartavyo janatāsukham

Sanskrit only: no published translation is held for this verse.

कार्यं गन्धर्वनिधनं तथैव भरतात्मना । मेघनादवधः कार्यो लक्ष्मणेन तथा मया

kāryaṃ gandharvanidhanaṃ tathaiva bharatātmanā / meghanādavadhaḥ kāryo lakṣmaṇena tathā mayā

Sanskrit only: no published translation is held for this verse.

शत्रुघ्नेन च कर्तव्यो लवणस्य वधस् तथा । मया वाल्मीकिना कार्यं काव्यं रामायणं तथा

śatrughnena ca kartavyo lavaṇasya vadhas tathā / mayā vālmīkinā kāryaṃ kāvyaṃ rāmāyaṇaṃ tathā

Sanskrit only: no published translation is held for this verse.

व्यासेन वेदा वक्तव्या आख्यानं भारतं महत् । मया ब्राह्मणशार्दूल तथा द्वैपायनात्मना

vyāsena vedā vaktavyā ākhyānaṃ bhārataṃ mahat / mayā brāhmaṇaśārdūla tathā dvaipāyanātmanā

Sanskrit only: no published translation is held for this verse.

पाण्डोः पुत्रत्वम् आसाद्य पञ्चधा च तथा मया । द्विधा च वसुदेवस्य लघ्वी कार्या वसुंधरा

pāṇḍoḥ putratvam āsādya pañcadhā ca tathā mayā / dvidhā ca vasudevasya laghvī kāryā vasuṃdharā

Sanskrit only: no published translation is held for this verse.

नरलोके निहन्तव्या दैत्या मानुषरूपिणः । बलभद्रेण च मया हन्तव्या मौष्टिकादयः

naraloke nihantavyā daityā mānuṣarūpiṇaḥ / balabhadreṇa ca mayā hantavyā mauṣṭikādayaḥ

Sanskrit only: no published translation is held for this verse.

मया कृष्णेन हन्तव्याः कंसपूर्वा महाबलाः । प्रद्युम्नेन निहन्तव्यः शम्बरश् च महाबलः

mayā kṛṣṇena hantavyāḥ kaṃsapūrvā mahābalāḥ / pradyumnena nihantavyaḥ śambaraś ca mahābalaḥ

Sanskrit only: no published translation is held for this verse.

हन्तव्याश् चानिरुद्धेन दैत्याः शतसहस्रशः । साम्बेन युयुधानेन मया भूत्वा तथैव च

hantavyāś cāniruddhena daityāḥ śatasahasraśaḥ / sāmbena yuyudhānena mayā bhūtvā tathaiva ca

Sanskrit only: no published translation is held for this verse.

मया बुद्धेन वक्तव्या धर्माः कलियुगे पुनः । हन्तव्या म्लेच्छराजानस् तथा विष्णुवशात्मना

mayā buddhena vaktavyā dharmāḥ kaliyuge punaḥ / hantavyā mleccharājānas tathā viṣṇuvaśātmanā

Sanskrit only: no published translation is held for this verse.

ममांशेन विजानीहि पृथिव्यां चक्रवर्तिनः । ऋषयश् च तथा ज्ञेया ममैवांशसमुद्भवाः

mamāṃśena vijānīhi pṛthivyāṃ cakravartinaḥ / ṛṣayaś ca tathā jñeyā mamaivāṃśasamudbhavāḥ

Sanskrit only: no published translation is held for this verse.

यद् यद् विभूतिमत् सत्त्वं श्रीमदूर्जितम् एव च । तत् तद् एवावगच्छेस् त्वं मम तेजोऽंशसंभवम्

yad yad vibhūtimat sattvaṃ śrīmadūrjitam eva ca / tat tad evāvagacches tvaṃ mama tejo'ṃśasaṃbhavam

Sanskrit only: no published translation is held for this verse.

अथ वा बहुनैतेन किं ज्ञानेन तवानघ । विष्टभ्याहम् इदं कृत्स्नम् एकांशेनास्थितो जगत्

atha vā bahunaitena kiṃ jñānena tavānagha / viṣṭabhyāham idaṃ kṛtsnam ekāṃśenāsthito jagat

Sanskrit only: no published translation is held for this verse.

तद् गच्छ मानसी सिद्धिः सदा ते ऽस्तु द्विजोत्तम । कल्पावसानम् आसाद्य मच्छरीरं प्रवेक्ष्यसि

tad gaccha mānasī siddhiḥ sadā te 'stu dvijottama / kalpāvasānam āsādya maccharīraṃ pravekṣyasi

Sanskrit only: no published translation is held for this verse.

एतावद् उक्त्वा वचनं तत्रैवान्तरधीयत । भगवान् नारदश् चक्रे पुजां तद्देशवासिनाम्

etāvad uktvā vacanaṃ tatraivāntaradhīyata / bhagavān nāradaś cakre pujāṃ taddeśavāsinām

Sanskrit only: no published translation is held for this verse.

तैश् च संपूजितो विप्रस् तान् प्रणम्य यतव्रतः । आजगाम ततः शीघ्रं नरनारायणाश्रमम्

taiś ca saṃpūjito vipras tān praṇamya yatavrataḥ / ājagāma tataḥ śīghraṃ naranārāyaṇāśramam

Sanskrit only: no published translation is held for this verse.

पादयोर् न्यपतत् तत्र स तयोर् मुनिपूज्ययोः । ताभ्यां संपूजितो विप्रस् तत्रोवास तदाश्रमे

pādayor nyapatat tatra sa tayor munipūjyayoḥ / tābhyāṃ saṃpūjito vipras tatrovāsa tadāśrame

Sanskrit only: no published translation is held for this verse.

ततः कदाचित् तं विप्रम् ऊचतुस् तौ तपोधनौ । आवाभ्यां त्वं तथा दृष्टः श्वेतद्वीपगते ऽच्युतः

tataḥ kadācit taṃ vipram ūcatus tau tapodhanau / āvābhyāṃ tvaṃ tathā dṛṣṭaḥ śvetadvīpagate 'cyutaḥ

Sanskrit only: no published translation is held for this verse.

समीपं देवदेवस्य तद्देहस्थैर् यथासुखम् । लोके ऽस्मिन् मुनिशार्दूल नास्ति धन्यतरस् त्वया

samīpaṃ devadevasya taddehasthair yathāsukham / loke 'smin muniśārdūla nāsti dhanyataras tvayā

Sanskrit only: no published translation is held for this verse.

दृष्टवान् असि यद् ब्रह्मन् विश्वरूपधरं हरिम् । त्रैलोक्यसारं विश्वेशं प्रणतार्तिविनाशनम्

dṛṣṭavān asi yad brahman viśvarūpadharaṃ harim / trailokyasāraṃ viśveśaṃ praṇatārtivināśanam

Sanskrit only: no published translation is held for this verse.

यतस् ते ऽनुग्रहस् तेन कृतो देवेन विष्णुना । ततो गुह्यं निबोधेमं तत्पूजाविधिम् उत्तमम्

yatas te 'nugrahas tena kṛto devena viṣṇunā / tato guhyaṃ nibodhemaṃ tatpūjāvidhim uttamam

Sanskrit only: no published translation is held for this verse.

सर्वकर्मकरं दिव्यं सकलार्थप्रदं शिवम् । नाभक्ताय च तद् देयं त्वया ब्राह्मणसत्तम

sarvakarmakaraṃ divyaṃ sakalārthapradaṃ śivam / nābhaktāya ca tad deyaṃ tvayā brāhmaṇasattama

Sanskrit only: no published translation is held for this verse.

एकान्तभावोपगतं जनार्दनं नरस् तु संपूज्य तथा विधानतः । प्रयाति तद्द्वीपम् अनुत्तमं शिवं न यत्र गत्वा विनिवर्तते पुनः

ekāntabhāvopagataṃ janārdanaṃ naras tu saṃpūjya tathā vidhānataḥ / prayāti taddvīpam anuttamaṃ śivaṃ na yatra gatvā vinivartate punaḥ

Sanskrit only: no published translation is held for this verse.