अस्मत्तो वरयेहाद्य द्विजवर्यापरं वरम् मयि भक्तिमताम् अत्र लोके किंचिन् न दुर्लभम्
asmatto varayehādya dvijavaryāparaṃ varam mayi bhaktimatām atra loke kiṃcin na durlabham
Sanskrit only: no published translation is held for this verse.
Visnudharma 94
धन्यो ऽस्मि सर्वनाथेन यत्कृतो मय्य् अनुग्रहः तद् एकम् एव त्वत्तो ऽहं वरम् इच्छामि केशव
dhanyo 'smi sarvanāthena yatkṛto mayy anugrahaḥ tad ekam eva tvatto 'haṃ varam icchāmi keśava
Sanskrit only: no published translation is held for this verse.
निर्धूतसर्वपापेभ्यो नाथ पुण्यक्षयान् मम त्वत्परस्यास्तु गोविन्द मा पुनर् देहसंभवः
nirdhūtasarvapāpebhyo nātha puṇyakṣayān mama tvatparasyāstu govinda mā punar dehasaṃbhavaḥ
Sanskrit only: no published translation is held for this verse.
यद् अक्षरं यद् अचलं व्यापि सूक्ष्मं च यत् परम् विशेषाइर् अविशेषं च गच्छेयं तत् पदं तव
yad akṣaraṃ yad acalaṃ vyāpi sūkṣmaṃ ca yat param viśeṣāir aviśeṣaṃ ca gaccheyaṃ tat padaṃ tava
Sanskrit only: no published translation is held for this verse.
एवं भविष्यतीत्य् उक्त्वा प्रसादसुमुखस् ततः भूपाल तं द्विजश्रेष्ठं गतो ऽन्तर्धानम् ईश्वरः
evaṃ bhaviṣyatīty uktvā prasādasumukhas tataḥ bhūpāla taṃ dvijaśreṣṭhaṃ gato 'ntardhānam īśvaraḥ
Sanskrit only: no published translation is held for this verse.
तत्प्रसादाद् द्विजः सो ऽपि तन्मयस् तद्व्यपाश्रयः प्रक्षीणकर्मबन्धस् तु प्रयातः परमं पदम्
tatprasādād dvijaḥ so 'pi tanmayas tadvyapāśrayaḥ prakṣīṇakarmabandhas tu prayātaḥ paramaṃ padam
Sanskrit only: no published translation is held for this verse.
एवम् अक्षीणपापो ऽपि जगताम् ईश्वरेश्वरम् व्यपाश्रितो हरिं याति पापमुक्तः परं पदम्
evam akṣīṇapāpo 'pi jagatām īśvareśvaram vyapāśrito hariṃ yāti pāpamuktaḥ paraṃ padam
Sanskrit only: no published translation is held for this verse.
एतत् त्वया नाव्रतिने न चाशुश्रूषवे परम् आख्येयं राजशार्दूल यश् च नार्चयते हरिम्
etat tvayā nāvratine na cāśuśrūṣave param ākhyeyaṃ rājaśārdūla yaś ca nārcayate harim
Sanskrit only: no published translation is held for this verse.
विष्णुभक्ताय दान्ताय व्रतिने पुण्यशीलिने कथनीयम् इदं भूप रहस्यं परमं हरेः
viṣṇubhaktāya dāntāya vratine puṇyaśīline kathanīyam idaṃ bhūpa rahasyaṃ paramaṃ hareḥ
Sanskrit only: no published translation is held for this verse.