क्रोष्टोश् च यदुपुत्रस्यात्मजो वृजिनीवान् । ततश् च स्वाहिस् ततो रुषङ्कुः । रुषङ्कोश् चित्ररथः । तत्तनयः शशबिन्दुश् चतुर्दशमहारत्नश् चक्रवर्त्य् अभवत् । तस्य च शतसहस्रं पत्नीनाम् अभवत् । दशलक्षसंख्याश् च पुत्राः
kroṣṭoś ca yaduputrasyātmajo vṛjinīvān | tataś ca svāhis tato ruṣaṅkuḥ | ruṣaṅkoś citrarathaḥ | tattanayaḥ śaśabinduś caturdaśamahāratnaś cakravarty abhavat | tasya ca śatasahasraṃ patnīnām abhavat | daśalakṣasaṃkhyāś ca putrāḥ
Sanskrit only: no published translation is held for this verse.
तेषां च पृथुयशाः पृथुकर्मा पृथुजयः पृथुकीर्तिः पृथुदानः पृथुश्रवाश् च षट् पुत्राः प्रधानाः
teṣāṃ ca pṛthuyaśāḥ pṛthukarmā pṛthujayaḥ pṛthukīrtiḥ pṛthudānaḥ pṛthuśravāś ca ṣaṭ putrāḥ pradhānāḥ
Sanskrit only: no published translation is held for this verse.
पृथुश्रवसश् च पुत्रस् तमः । तस्माद् उशना यो वाजिमेधानां शतम् आजहार । तस्य च शितपुर् नाम पुत्रो ऽभूत् । तस्यापि रुक्मकवचः । ततः परावृत् परावृतो रुक्मेषुपृथुज्यामघपालितहरितसंज्ञास् तस्य पञ्चात्मजा बभूवुः
pṛthuśravasaś ca putras tamaḥ | tasmād uśanā yo vājimedhānāṃ śatam ājahāra | tasya ca śitapur nāma putro 'bhūt | tasyāpi rukmakavacaḥ | tataḥ parāvṛt parāvṛto rukmeṣupṛthujyāmaghapālitaharitasaṃjñās tasya pañcātmajā babhūvuḥ
Sanskrit only: no published translation is held for this verse.
अत्राप्य् अयम् अद्यापि ज्यामघस्य श्लोको गीयते । भार्यावश्यास् तु ये केचिद् भविष्यन्त्य् अथ वा मृताः । तेषां तु ज्यामघः श्रेष्ठः शैब्यापतिर् अभून् नृपः
atrāpy ayam adyāpi jyāmaghasya śloko gīyate | bhāryāvaśyās tu ye kecid bhaviṣyanty atha vā mṛtāḥ / teṣāṃ tu jyāmaghaḥ śreṣṭhaḥ śaibyāpatir abhūn nṛpaḥ
Sanskrit only: no published translation is held for this verse.
अपुत्रा तस्य सा पत्नी शैब्या नाम तथाप्य् असौ । अपत्यकामो ऽपि भयान् नान्यां भार्याम् अविन्दत
aputrā tasya sā patnī śaibyā nāma tathāpy asau / apatyakāmo 'pi bhayān nānyāṃ bhāryām avindata
Sanskrit only: no published translation is held for this verse.
स त्व् एकदा अतिप्रभूतगजतुरगरथसंमर्दातिदारुणे महाहवे युध्यमानः सकलम् एवारातिचक्रम् अजयत् । तच् चारिचक्रम् अपास्तपुत्रकलत्रबन्धुबलकोशं स्वम् अधिष्ठानं परित्यज्य दिशः प्रविद्रुतम्
sa tv ekadā atiprabhūtagajaturagarathasaṃmardātidāruṇe mahāhave yudhyamānaḥ sakalam evārāticakram ajayat | tac cāricakram apāstaputrakalatrabandhubalakośaṃ svam adhiṣṭhānaṃ parityajya diśaḥ pravidrutam
Sanskrit only: no published translation is held for this verse.
तस्मिंश् च विद्रुते ऽतित्रासलोलायतलोचनयुगलं त्राहि त्राहि ताताम्ब भ्रातर् इत्य् आकुलविलापविधुरं राजकन्यारत्नम् अद्राक्षीत्
tasmiṃś ca vidrute 'titrāsalolāyatalocanayugalaṃ trāhi trāhi tātāmba bhrātar ity ākulavilāpavidhuraṃ rājakanyāratnam adrākṣīt
Sanskrit only: no published translation is held for this verse.
तद्दर्शनाच् च तस्याम् अनुरागानुगतान्तरात्मा स नृपो ऽचिन्तयत् । साध्व् इदं ममापत्यविरहितस्य वन्ध्याभर्तुः साम्प्रतं विधिनापत्यकारणं कन्यारत्नम् उपपादितम् । तद् एतत् उद्वहाम्य् अथैनां स्यन्दनम् आरोप्य स्वम् अधिष्ठानं नयामि
taddarśanāc ca tasyām anurāgānugatāntarātmā sa nṛpo 'cintayat | sādhv idaṃ mamāpatyavirahitasya vandhyābhartuḥ sāmprataṃ vidhināpatyakāraṇaṃ kanyāratnam upapāditam | tad etat udvahāmy athaināṃ syandanam āropya svam adhiṣṭhānaṃ nayāmi
Sanskrit only: no published translation is held for this verse.
तयैव देव्या शैब्ययाहम् अनुज्ञातः समुद्वक्ष्यामीत्य् अथैनां रथम् आरोप्य स्वनगरम् अगच्छत्
tayaiva devyā śaibyayāham anujñātaḥ samudvakṣyāmīty athaināṃ ratham āropya svanagaram agacchat
Sanskrit only: no published translation is held for this verse.
विजयिनं च राजानम् अशेषपौरभृत्यपरिजनामात्यसमवेता शैब्या द्रष्टुम् अधिष्ठानद्वारम् आगता
vijayinaṃ ca rājānam aśeṣapaurabhṛtyaparijanāmātyasamavetā śaibyā draṣṭum adhiṣṭhānadvāram āgatā
Sanskrit only: no published translation is held for this verse.
सा चावलोक्य राज्ञः सव्यपार्श्ववर्तिनीं कन्याम् ईषदुद्भूतामर्षस्फुरदधरपल्लवा राजानम् अवोचत् । अतिचपलचित्तात्र स्यन्दने केयम् आरोपितेत्य् असाव् अप्य् अनालोचितोत्तरवचनो ऽतिभयात् ताम् आह स्नुषा ममेयम् इति
sā cāvalokya rājñaḥ savyapārśvavartinīṃ kanyām īṣadudbhūtāmarṣasphuradadharapallavā rājānam avocat | aticapalacittātra syandane keyam āropitety asāv apy anālocitottaravacano 'tibhayāt tām āha snuṣā mameyam iti
Sanskrit only: no published translation is held for this verse.
अथैनं शैब्योवाच । नाहं प्रसूता पुत्रेण नान्या पत्न्य् अभवत् तव । स्नुषासंबन्धता ह्य् एषा कतमेन सुतेन ते
athainaṃ śaibyovāca | nāhaṃ prasūtā putreṇa nānyā patny abhavat tava / snuṣāsaṃbandhatā hy eṣā katamena sutena te
Sanskrit only: no published translation is held for this verse.
इत्य् आत्मेर्ष्याकोपकलुषितवचनमुषितविवेकतया दुरुक्तपरिहारार्थम् इदम् अवनीपतिर् आह । यस् ते जनिष्यत्य् आत्मजस् तस्येयम् अनागत एव भार्या निरूपितेत्य् आकर्ण्योद्भूतमृदुहासा तथेत्य् आह प्रविवेश च राज्ञा सहाधिष्ठानम्
ity ātmerṣyākopakaluṣitavacanamuṣitavivekatayā duruktaparihārārtham idam avanīpatir āha | yas te janiṣyaty ātmajas tasyeyam anāgata eva bhāryā nirūpitety ākarṇyodbhūtamṛduhāsā tathety āha praviveśa ca rājñā sahādhiṣṭhānam
Sanskrit only: no published translation is held for this verse.
अनन्तरं चातिशुद्धलग्नहोरांशकावयवोक्तकृतपुत्रजन्मालापगुणाद् वयसः परिणामम् उपगतापि शैब्या स्वल्पैर् एवाहोभिर् गर्भम् अवाप
anantaraṃ cātiśuddhalagnahorāṃśakāvayavoktakṛtaputrajanmālāpaguṇād vayasaḥ pariṇāmam upagatāpi śaibyā svalpair evāhobhir garbham avāpa
Sanskrit only: no published translation is held for this verse.
कालेन च कुमारम् अजीजनत् । तस्य च विदर्भ इति पिता नाम चक्रे । स च तां स्नुषाम् उपयेमे
kālena ca kumāram ajījanat | tasya ca vidarbha iti pitā nāma cakre | sa ca tāṃ snuṣām upayeme
Sanskrit only: no published translation is held for this verse.
तस्यां चासौ क्रथकैशिकसंज्ञौ पुत्राव् अजनयत् । पुनस् तृतीयं रोमपादसंज्ञं कुमारम् अजीजनत् । रोमपादाद् बभ्रुः बभ्रोः पुत्रो धृतिः । धृतेः कैशिकः कैशिकस्यापि चेदिः पुत्रो ऽभूद् यस्य संततौ चैद्या भूपालाः । क्रथस्य स्नुषापुत्रस्य कुन्तिर् अभवत्
tasyāṃ cāsau krathakaiśikasaṃjñau putrāv ajanayat | punas tṛtīyaṃ romapādasaṃjñaṃ kumāram ajījanat | romapādād babhruḥ babhroḥ putro dhṛtiḥ | dhṛteḥ kaiśikaḥ kaiśikasyāpi cediḥ putro 'bhūd yasya saṃtatau caidyā bhūpālāḥ | krathasya snuṣāputrasya kuntir abhavat
Sanskrit only: no published translation is held for this verse.
कुन्तेर् वृष्णिर् वृष्णेर् निर्वृतिः । निर्वृतेर् दशार्हस् ततश् च व्योमः । तस्माद् अपि जीमूतस् ततो विकृतिस् ततश् च भीमरथः । तस्मान् नवरथस् तस्यापि दशरथस् ततश् च शकुनिस् तत्तनयः करम्भिः करम्भेर् देवरातो ऽभवत् । तस्यापि देवक्षत्रो देवक्षत्रान् मधुर् मधोर् अनवरथो ऽनवरथात् कुरुवत्सस् ततश् चानुरथः ततः पुरुहोत्रो जज्ञे । ततश् चांशुस् ततश् च सत्वतः सत्वताद् एते सात्वताः इत्य् एतां ज्यामघसंततिं सम्यग् छ्रद्धासमन्वितः श्रुत्वा सर्वपापैः प्रमुच्यते
kunter vṛṣṇir vṛṣṇer nirvṛtiḥ | nirvṛter daśārhas tataś ca vyomaḥ | tasmād api jīmūtas tato vikṛtis tataś ca bhīmarathaḥ | tasmān navarathas tasyāpi daśarathas tataś ca śakunis tattanayaḥ karambhiḥ karambher devarāto 'bhavat | tasyāpi devakṣatro devakṣatrān madhur madhor anavaratho 'navarathāt kuruvatsas tataś cānurathaḥ tataḥ puruhotro jajñe | tataś cāṃśus tataś ca satvataḥ satvatād ete sātvatāḥ ity etāṃ jyāmaghasaṃtatiṃ samyag chraddhāsamanvitaḥ śrutvā sarvapāpaiḥ pramucyate
Sanskrit only: no published translation is held for this verse.
तद्दर्शनाच्च तस्यामनुरागनुगतान्तरात्मा स नृपो ऽचिन्तयत्
taddarśanācca tasyāmanurāganugatāntarātmā sa nṛpo 'cintayat
Sanskrit only: no published translation is held for this verse.
साध्विदं ममापत्यरहितस्य वन्ध्याभर्तुः सांप्रतं विधिनापत्यकारणं कन्यारत्नमुपपादितम्
sādhvidaṃ mamāpatyarahitasya vandhyābhartuḥ sāṃprataṃ vidhināpatyakāraṇaṃ kanyāratnamupapāditam
Sanskrit only: no published translation is held for this verse.
तदेतत्समुद्वहामीति
tadetatsamudvahāmīti
Sanskrit only: no published translation is held for this verse.
अथ वैनां स्यन्दनमारोप्य स्वमधिष्ठानं नयामि
atha vaināṃ syandanamāropya svamadhiṣṭhānaṃ nayāmi
Sanskrit only: no published translation is held for this verse.
तयैव देव्याशैव्ययाहमनुज्ञातःसमुद्वहामीति
tayaiva devyāśaivyayāhamanujñātaḥsamudvahāmīti
Sanskrit only: no published translation is held for this verse.
अथैनां रथमारोप्य स्वनगरमगच्छत्
athaināṃ rathamāropya svanagaramagacchat
Sanskrit only: no published translation is held for this verse.
विजयिनं च राजानमशेषपौरभृत्वयरिजनामात्यसमेता शैव्या द्रष्टुमधिष्ठनद्वारमागता
vijayinaṃ ca rājānamaśeṣapaurabhṛtvayarijanāmātyasametā śaivyā draṣṭumadhiṣṭhanadvāramāgatā
Sanskrit only: no published translation is held for this verse.
सा चावलोक्य राज्ञः सव्यपार्शववर्त्तिनीं कन्यामीषदुद्भूतामर्षस्फुरदधरपल्लवा राजानमवोचत्
sā cāvalokya rājñaḥ savyapārśavavarttinīṃ kanyāmīṣadudbhūtāmarṣasphuradadharapallavā rājānamavocat
Sanskrit only: no published translation is held for this verse.
अतिचपलचित्तात्र स्यन्दने केयमारोपितेति
aticapalacittātra syandane keyamāropiteti
Sanskrit only: no published translation is held for this verse.
असावप्यनालोचितोत्तरवचनोतिभयात्तामाह स्नुषा ममेयमिति
asāvapyanālocitottaravacanotibhayāttāmāha snuṣā mameyamiti
Sanskrit only: no published translation is held for this verse.
अथैनं शैव्योवाच
athainaṃ śaivyovāca
Sanskrit only: no published translation is held for this verse.
नाहं प्रसूता पुत्रेण नान्या पत्न्यभवत्तव । स्नुषासंबन्धता ह्योषा कतमेन सुतेन ते
nāhaṃ prasūtā putreṇa nānyā patnyabhavattava / snuṣāsaṃbandhatā hyoṣā katamena sutena te
Sanskrit only: no published translation is held for this verse.
श्रीपराशर उवाच इत्यात्मेर्ष्याकोपकलुषितवचनमुषितविवेको भयाद्दुरुक्तापरिहारार्थमिदमवनीपतिराह
śrīparāśara uvāca ityātmerṣyākopakaluṣitavacanamuṣitaviveko bhayādduruktāparihārārthamidamavanīpatirāha
Sanskrit only: no published translation is held for this verse.
यस्ते जनिष्यत्यात्मजस्तस्येयमनागतस्यैव भार्या निरूपितेत्याकर्ण्योद्भूतमृदुहासा तथेत्याह
yaste janiṣyatyātmajastasyeyamanāgatasyaiva bhāryā nirūpitetyākarṇyodbhūtamṛduhāsā tathetyāha
Sanskrit only: no published translation is held for this verse.
प्रविवेश च राज्ञा सहाधिष्ठानम्
praviveśa ca rājñā sahādhiṣṭhānam
Sanskrit only: no published translation is held for this verse.
अनन्तरं चातिशुद्धलग्नहोरांशकावयवोक्तकृतपुत्रजन्मलाभगुणाद्वयसः परिणाममुपगतापि शैव्या स्वल्पैर् एवाहोभिर् गर्भमवाप
anantaraṃ cātiśuddhalagnahorāṃśakāvayavoktakṛtaputrajanmalābhaguṇādvayasaḥ pariṇāmamupagatāpi śaivyā svalpair evāhobhir garbhamavāpa
Sanskrit only: no published translation is held for this verse.
कालेन च कुमारमजीजनत्
kālena ca kumāramajījanat
Sanskrit only: no published translation is held for this verse.
तस्य च विदर्भ इति पिता नाम चक्रे
tasya ca vidarbha iti pitā nāma cakre
Sanskrit only: no published translation is held for this verse.
स च तां स्नुषामुपयेमे
sa ca tāṃ snuṣāmupayeme
Sanskrit only: no published translation is held for this verse.
तस्यां चासौक्रथकैशिकसंज्ञौ पुत्रावजनयत्
tasyāṃ cāsaukrathakaiśikasaṃjñau putrāvajanayat
Sanskrit only: no published translation is held for this verse.
पुनश् च तृतीयं रोमपादसंज्ञं पुत्रमजीजनद्यो नारदादवाप्तज्ञानवान्भविष्यतीति
punaś ca tṛtīyaṃ romapādasaṃjñaṃ putramajījanadyo nāradādavāptajñānavānbhaviṣyatīti
Sanskrit only: no published translation is held for this verse.
रोमपादाद्बभ्रुः बभ्रोर्धृतिर्ः धृतेः कैशिकः कैशिकस्यापि चेदिः पुत्रो ऽभवत् यस्य संततौ चैद्या भूपालाः
romapādādbabhruḥ babhrordhṛtirḥ dhṛteḥ kaiśikaḥ kaiśikasyāpi cediḥ putro 'bhavat yasya saṃtatau caidyā bhūpālāḥ
Sanskrit only: no published translation is held for this verse.
क्रथस्य स्नषापुत्रस्यकुन्तिरभवत्
krathasya snaṣāputrasyakuntirabhavat
Sanskrit only: no published translation is held for this verse.
कुन्तेर्धृष्टिः धृष्टेर्निधृतिः निधृतेर्दशार्हस्ततश् च व्योमः तस्यापि जीमूतः ततश् च विकृतिः ततश् च भीभरथः तस्मान्नवरथः तस्यापि दशरथः ततश् च शकुनिः तत्तनयः करंभिः करंभेर्देवरातो ऽभवत्
kunterdhṛṣṭiḥ dhṛṣṭernidhṛtiḥ nidhṛterdaśārhastataś ca vyomaḥ tasyāpi jīmūtaḥ tataś ca vikṛtiḥ tataś ca bhībharathaḥ tasmānnavarathaḥ tasyāpi daśarathaḥ tataś ca śakuniḥ tattanayaḥ karaṃbhiḥ karaṃbherdevarāto 'bhavat
Sanskrit only: no published translation is held for this verse.
तस्माद्देवक्षत्रः तस्यापि मधुः मधोः कुमारवंशः कुमारवंशादनुः अनोः पुरुमित्रः पृथिवीपतिरभवत्
tasmāddevakṣatraḥ tasyāpi madhuḥ madhoḥ kumāravaṃśaḥ kumāravaṃśādanuḥ anoḥ purumitraḥ pṛthivīpatirabhavat
Sanskrit only: no published translation is held for this verse.
ततश्चांशुस्तस्माच्च सत्वतः
tataścāṃśustasmācca satvataḥ
Sanskrit only: no published translation is held for this verse.
सत्वतादेते सात्वताः
satvatādete sātvatāḥ
Sanskrit only: no published translation is held for this verse.
इत्येतां ज्यामघस्य संततिं सम्यक्छ्रद्धासमन्वितः श्रुत्वा पुमान् मैत्रेय स्वपापैः प्रमुच्यते
ityetāṃ jyāmaghasya saṃtatiṃ samyakchraddhāsamanvitaḥ śrutvā pumān maitreya svapāpaiḥ pramucyate
Sanskrit only: no published translation is held for this verse.