Viṣṇu Purāṇa 4.20

परीक्षितो जनमेजयश्रुतसेनोग्रसेनभीमसेनाश् चत्वारः पुत्राः

parīkṣito janamejayaśrutasenograsenabhīmasenāś catvāraḥ putrāḥ

Sanskrit only: no published translation is held for this verse.

जह्नोस् तु सुरथो नामात्मजो बभूव

jahnos tu suratho nāmātmajo babhūva

Sanskrit only: no published translation is held for this verse.

तस्य च विदूरथः । विदूरथस्य सार्वभौमः सार्वभौमाज् जयत्सेनस् तस्माद् आराधितस् ततश् चायुतायुर् अयुतायोर् अक्रोधनः । तस्माद् देवातिथिः । ततो ऋक्षः

tasya ca vidūrathaḥ | vidūrathasya sārvabhaumaḥ sārvabhaumāj jayatsenas tasmād ārādhitas tataś cāyutāyur ayutāyor akrodhanaḥ | tasmād devātithiḥ | tato ṛkṣaḥ

Sanskrit only: no published translation is held for this verse.

ऋक्षाद् भीमसेनस् ततश् च दिलीपः । दिलीपात् प्रतीपः । तस्यापि देवापिशांतनुबाह्लीकसंज्ञास् त्रयः पुत्रा बभूवुः । देवापिर् बाल एवारण्यं विवेश

ṛkṣād bhīmasenas tataś ca dilīpaḥ | dilīpāt pratīpaḥ | tasyāpi devāpiśāṃtanubāhlīkasaṃjñās trayaḥ putrā babhūvuḥ | devāpir bāla evāraṇyaṃ viveśa

Sanskrit only: no published translation is held for this verse.

शांतनुस् तु महीपालो ऽभवत् । अयं च तस्य श्लोकः पृथिव्यां गीयते । यं यं कराभ्यां स्पृशति जीर्णं यौवनम् एति सः । शान्तिं चाप्नोति येनाग्र्यां कर्मणा तेन शांतनुः

śāṃtanus tu mahīpālo 'bhavat | ayaṃ ca tasya ślokaḥ pṛthivyāṃ gīyate | yaṃ yaṃ karābhyāṃ spṛśati jīrṇaṃ yauvanam eti saḥ / śāntiṃ cāpnoti yenāgryāṃ karmaṇā tena śāṃtanuḥ

Sanskrit only: no published translation is held for this verse.

तस्य शांतनो राष्ट्रे द्वादशवर्षाणि देवो न ववर्ष

tasya śāṃtano rāṣṭre dvādaśavarṣāṇi devo na vavarṣa

Sanskrit only: no published translation is held for this verse.

ततश् चाशेषराष्ट्रविनाशम् अवेक्ष्यासौ राजा ब्राह्मणान् अपृच्छत् । कस्माद् अस्मद्राष्ट्रे देवो न वर्षति को ममापराध इति । ते तम् ऊचुः । अग्रजस्य ते ऽर्हेयम् अवनिस् त्वया भुज्यते परिवेत्ता त्वम् इत्य् उक्तः स पुनस् तान् अपृच्छत् । किं मया विधेयम् इति । ते पुनर् अप्य् ऊचुः । यावद् देवापिर् न पतनादिभिर् दोषैर् अभिभूयते तावत् तस्यार्हं राज्यम् । तद् अलम् एतेन तस्मै दीयताम् इत्य् उक्ते तस्य मन्त्रिप्रवरेणाश्मसारिणातत्रारण्ये तपस्विनो वेदवादविरोधवक्तारः प्रयुक्ताः

tataś cāśeṣarāṣṭravināśam avekṣyāsau rājā brāhmaṇān apṛcchat | kasmād asmadrāṣṭre devo na varṣati ko mamāparādha iti | te tam ūcuḥ | agrajasya te 'rheyam avanis tvayā bhujyate parivettā tvam ity uktaḥ sa punas tān apṛcchat | kiṃ mayā vidheyam iti | te punar apy ūcuḥ | yāvad devāpir na patanādibhir doṣair abhibhūyate tāvat tasyārhaṃ rājyam | tad alam etena tasmai dīyatām ity ukte tasya mantripravareṇāśmasāriṇātatrāraṇye tapasvino vedavādavirodhavaktāraḥ prayuktāḥ

Sanskrit only: no published translation is held for this verse.

तैर् अस्यातिऋजुमतेर् महीपतिपुत्रस्य बुद्धिर् वेदविरोधमार्गानुसारिण्य् अक्रियत

tair asyātiṛjumater mahīpatiputrasya buddhir vedavirodhamārgānusāriṇy akriyata

Sanskrit only: no published translation is held for this verse.

राजा च शांतनुर् द्विजवचनोत्पन्नपरिवेदनशोकस् तान् ब्राह्मणान् अग्रणीकृत्याग्रजराज्यप्रदानायारण्यं जगाम । तदाश्रमम् उपगताश् च तम् अवनीपतिपुत्रं देवापिम् उपतस्थुः । ते ब्राह्मणा वेदवादानुबद्धानि वचांसि राज्यम् अग्रजेन कर्तव्यम् इत्य् अर्थवन्ति तम् ऊचुः । असाव् अपि देवापिर् वेदवादविरोधियुक्तिदूषितम् अनेकप्रकारं तान् आह । ततस् ते ब्राह्मणाः शांतनुम् ऊचुः । आगच्छ भो राजन्न् अलम् अत्रातिनिर्बन्धेन प्रशान्त एवासाव् अनावृष्टिदोषः पतितो ऽयम् अनादिकालम् अहितवेदवचनदूषणोच्चारणात् । पतिते चाग्रजे नैव पारिवेद्यं भवतीत्य् उक्तः शांतनुः स्वपुरम् आगत्य राज्यम् अकरोत् । वेदवादविरोधिवचनोच्चारणदूषिते च तस्मिन् देवापाव् अखिलस्य निष्पत्तये ववर्ष भगवान् पर्जन्यः । बाह्लीकस्य सोमदत्तः पुत्रो ऽभूत्

rājā ca śāṃtanur dvijavacanotpannaparivedanaśokas tān brāhmaṇān agraṇīkṛtyāgrajarājyapradānāyāraṇyaṃ jagāma | tadāśramam upagatāś ca tam avanīpatiputraṃ devāpim upatasthuḥ | te brāhmaṇā vedavādānubaddhāni vacāṃsi rājyam agrajena kartavyam ity arthavanti tam ūcuḥ | asāv api devāpir vedavādavirodhiyuktidūṣitam anekaprakāraṃ tān āha | tatas te brāhmaṇāḥ śāṃtanum ūcuḥ | āgaccha bho rājann alam atrātinirbandhena praśānta evāsāv anāvṛṣṭidoṣaḥ patito 'yam anādikālam ahitavedavacanadūṣaṇoccāraṇāt | patite cāgraje naiva pārivedyaṃ bhavatīty uktaḥ śāṃtanuḥ svapuram āgatya rājyam akarot | vedavādavirodhivacanoccāraṇadūṣite ca tasmin devāpāv akhilasya niṣpattaye vavarṣa bhagavān parjanyaḥ | bāhlīkasya somadattaḥ putro 'bhūt

Sanskrit only: no published translation is held for this verse.

सोमदत्तस्यापि भूरिभूरिश्रवःशल्यसंज्ञास् त्रयः पुत्राः । शांतनोर् अप्य् अमरनद्यां गङ्गायाम् उदारकीर्तिर् अशेषशास्त्रार्थविद् भीष्मः पुत्रो ऽभूत् । सत्यवत्यां च चित्राङ्गदविचित्रवीर्यौ पुत्राव् उत्पादयाम् आस शांतनुः । चित्राङ्गदस् तु बाल एव चित्राङ्गदेन गन्धर्वेणाहवे विनिहतः । विचित्रवीर्यो ऽपि काशीराजतनये अम्बिकाम्बालिके उपयेमे । तदुपभोगातिखेदाच् च यक्ष्मणा गृहीतः पञ्चत्वम् अगमत् । सत्यवतीनियोगाच् च तत्पुत्रः कृष्णद्वैपायनो मातुर् वचनम् अनतिक्रमणीयम् इति विचित्रवीर्यक्षेत्रे धृतराष्ट्रपाण्डू तत्प्रहितभुजिष्यायां च विदुरं उत्पादयाम् आस

somadattasyāpi bhūribhūriśravaḥśalyasaṃjñās trayaḥ putrāḥ | śāṃtanor apy amaranadyāṃ gaṅgāyām udārakīrtir aśeṣaśāstrārthavid bhīṣmaḥ putro 'bhūt | satyavatyāṃ ca citrāṅgadavicitravīryau putrāv utpādayām āsa śāṃtanuḥ | citrāṅgadas tu bāla eva citrāṅgadena gandharveṇāhave vinihataḥ | vicitravīryo 'pi kāśīrājatanaye ambikāmbālike upayeme | tadupabhogātikhedāc ca yakṣmaṇā gṛhītaḥ pañcatvam agamat | satyavatīniyogāc ca tatputraḥ kṛṣṇadvaipāyano mātur vacanam anatikramaṇīyam iti vicitravīryakṣetre dhṛtarāṣṭrapāṇḍū tatprahitabhujiṣyāyāṃ ca viduraṃ utpādayām āsa

Sanskrit only: no published translation is held for this verse.

धृतराष्ट्रो ऽपि दुर्योधनदुःशासनादिप्रधानं पुत्रशतम् उत्पादयाम् आस । पाण्डोर् अप्य् अरण्ये मृगशापोपहतप्रजननसामर्थ्यस्य धर्मवायुशक्रैर् युधिष्ठिरभीमार्जुनाः कुन्त्यां नकुलसहदेवौ चाश्विभ्यां माद्र्यां पञ्च पुत्राः समुत्पादिताः । तेषां च द्रौपद्यां पञ्च पुत्रा बभूवुः । युधिष्ठिरात् प्रतिविन्ध्यो भीमसेनाच् छ्रुतसोमः श्रुतकीर्तिर् अर्जुनाच् छतानीको नकुलाच् छ्रुतकर्मा सहदेवात् । अपरे च पाण्डवानाम् आत्मजास् तद् यथा । यौधेयी युधिष्ठिराद् देवकं पुत्रम् अवाप । हिडिम्बा घटोत्कचं भीमसेनात् पुत्रं लेभे । काशी च भीमसेनाद् एव सर्वत्रगं पुत्रम् अवाप । सहदेवाच् च विजया सुहोत्रं नाम पुत्रं प्राप्तवती । करेणुमत्यां च नकुलो ऽपि निरमित्रम् अजीजनत्

dhṛtarāṣṭro 'pi duryodhanaduḥśāsanādipradhānaṃ putraśatam utpādayām āsa | pāṇḍor apy araṇye mṛgaśāpopahataprajananasāmarthyasya dharmavāyuśakrair yudhiṣṭhirabhīmārjunāḥ kuntyāṃ nakulasahadevau cāśvibhyāṃ mādryāṃ pañca putrāḥ samutpāditāḥ | teṣāṃ ca draupadyāṃ pañca putrā babhūvuḥ | yudhiṣṭhirāt prativindhyo bhīmasenāc chrutasomaḥ śrutakīrtir arjunāc chatānīko nakulāc chrutakarmā sahadevāt | apare ca pāṇḍavānām ātmajās tad yathā | yaudheyī yudhiṣṭhirād devakaṃ putram avāpa | hiḍimbā ghaṭotkacaṃ bhīmasenāt putraṃ lebhe | kāśī ca bhīmasenād eva sarvatragaṃ putram avāpa | sahadevāc ca vijayā suhotraṃ nāma putraṃ prāptavatī | kareṇumatyāṃ ca nakulo 'pi niramitram ajījanat

Sanskrit only: no published translation is held for this verse.

अर्जुनस्याप्य् उलूप्यां नागकन्यायाम् इरावान् नाम पुत्रो ऽभूत् । मणिपुरपतिपुत्र्यां च पुत्रिकाधर्मेण बभ्रुवाहनं नाम पुत्रम् अर्जुनो ऽजनयत्

arjunasyāpy ulūpyāṃ nāgakanyāyām irāvān nāma putro 'bhūt | maṇipurapatiputryāṃ ca putrikādharmeṇa babhruvāhanaṃ nāma putram arjuno 'janayat

Sanskrit only: no published translation is held for this verse.

यंयं कराभ्यां स्पृशति वीर्णं यौवनमेति सः । शान्तिं चाप्नोति येनाग्र्यां कर्मणा तेन शन्तनुः

yaṃyaṃ karābhyāṃ spṛśati vīrṇaṃ yauvanameti saḥ / śāntiṃ cāpnoti yenāgryāṃ karmaṇā tena śantanuḥ

Sanskrit only: no published translation is held for this verse.

तस्य च शन्तनो हाष्ट्रे द्वादशवर्षाणि देवो न ववर्ष

tasya ca śantano hāṣṭre dvādaśavarṣāṇi devo na vavarṣa

Sanskrit only: no published translation is held for this verse.

ततश्चाशेषराष्ट्रविनाशमवेक्ष्यासौ राजा ब्राह्मणानपृच्छत् कस्मादस्माकं राष्ट्रे देवो न वर्षति को ममापराध इति

tataścāśeṣarāṣṭravināśamavekṣyāsau rājā brāhmaṇānapṛcchat kasmādasmākaṃ rāṣṭre devo na varṣati ko mamāparādha iti

Sanskrit only: no published translation is held for this verse.

ततश् च तमूचुर्ब्राह्मणाः

tataś ca tamūcurbrāhmaṇāḥ

Sanskrit only: no published translation is held for this verse.

अग्रजस्य ते हीयमवनिस्त्वया संभुज्यते अतः परिवेत्ता त्वमित्युक्तःस राजा पुनस्तानपृच्छत्

agrajasya te hīyamavanistvayā saṃbhujyate ataḥ parivettā tvamityuktaḥsa rājā punastānapṛcchat

Sanskrit only: no published translation is held for this verse.

किं मयात्र विधेयमिति

kiṃ mayātra vidheyamiti

Sanskrit only: no published translation is held for this verse.

ततस्ते पुनरप्यूचुः

tataste punarapyūcuḥ

Sanskrit only: no published translation is held for this verse.

यावद्देवापिर्न पतनादिभिर् देषैर् अभिभूयते तावदेतत्तस्यार्हं राज्यम्

yāvaddevāpirna patanādibhir deṣair abhibhūyate tāvadetattasyārhaṃ rājyam

Sanskrit only: no published translation is held for this verse.

तदलमेतेन तु तस्मैदीयतामित्युक्ते तस्यं मन्त्रिप्रवरेणाश्मराविणा तत्रारण्ये तपस्विनो वेदवादविरोधवक्तारः प्रयुक्ताः

tadalametena tu tasmaidīyatāmityukte tasyaṃ mantripravareṇāśmarāviṇā tatrāraṇye tapasvino vedavādavirodhavaktāraḥ prayuktāḥ

Sanskrit only: no published translation is held for this verse.

तैर् अस्याप्य् अतिऋजुमतेर् महीपतिपुत्रस्य बुद्धिर् वेदवादविरोधमार्गानुसारिण्यक्रियत

tair asyāpy atiṛjumater mahīpatiputrasya buddhir vedavādavirodhamārgānusāriṇyakriyata

Sanskrit only: no published translation is held for this verse.

राजा च शन्तनुर्द्विजवचनोत्पन्नपरिदेवनशोकस्तान् ब्राह्मणानग्रतः कृत्वाग्रजस्य प्रदानायारण्यं जगाम

rājā ca śantanurdvijavacanotpannaparidevanaśokastān brāhmaṇānagrataḥ kṛtvāgrajasya pradānāyāraṇyaṃ jagāma

Sanskrit only: no published translation is held for this verse.

तदाश्रममुपगताश् च तमवनतमवनीपतिपुत्रं देवापिमुपतस्थुः

tadāśramamupagatāś ca tamavanatamavanīpatiputraṃ devāpimupatasthuḥ

Sanskrit only: no published translation is held for this verse.

ते ब्राह्मणा वेदवादानुबन्धीनि वचांसि राज्यमग्रजेन कर्तव्यमित्यर्थवन्ति तमूचुः

te brāhmaṇā vedavādānubandhīni vacāṃsi rājyamagrajena kartavyamityarthavanti tamūcuḥ

Sanskrit only: no published translation is held for this verse.

असावपि देवापिर्वेदवादविरोधयुक्तिदूषितमनेकप्रकारं तानाह

asāvapi devāpirvedavādavirodhayuktidūṣitamanekaprakāraṃ tānāha

Sanskrit only: no published translation is held for this verse.

ततस्ते ब्राह्मणाः शन्तनुमूचुः

tataste brāhmaṇāḥ śantanumūcuḥ

Sanskrit only: no published translation is held for this verse.

आगच्छ हे राजन्नलमत्रातिनिर्बधेन प्रशान्त एवासावना वृष्टिदोषः पतितोयमनादिकालमभिहितवेदवचनदूषणोच्चरणात्

āgaccha he rājannalamatrātinirbadhena praśānta evāsāvanā vṛṣṭidoṣaḥ patitoyamanādikālamabhihitavedavacanadūṣaṇoccaraṇāt

Sanskrit only: no published translation is held for this verse.

पतिते चाग्रजे नैव ते परिवेतृत्वं भवतीत्युक्तः शन्तनुःस्वपुरमागम्य राज्यमकरोत्

patite cāgraje naiva te parivetṛtvaṃ bhavatītyuktaḥ śantanuḥsvapuramāgamya rājyamakarot

Sanskrit only: no published translation is held for this verse.

वेदवादविरोधवचनोच्चारणदूषिते च तस्मिन्देवापौ तिष्ठत्यपि ज्येष्ठभ्रातर्यखिलसस्यनिष्पत्तये ववर्ष भगवान्पर्जन्यः

vedavādavirodhavacanoccāraṇadūṣite ca tasmindevāpau tiṣṭhatyapi jyeṣṭhabhrātaryakhilasasyaniṣpattaye vavarṣa bhagavānparjanyaḥ

Sanskrit only: no published translation is held for this verse.

बाह्लीकात्सोमदत्तः पुत्रो ऽभूत्

bāhlīkātsomadattaḥ putro 'bhūt

Sanskrit only: no published translation is held for this verse.

सोमदत्तस्यापि भूरिभूरिश्रवशल्यसंज्ञास्त्रयः पुत्रा बभूवुः

somadattasyāpi bhūribhūriśravaśalyasaṃjñāstrayaḥ putrā babhūvuḥ

Sanskrit only: no published translation is held for this verse.

शन्तनोरप्यमरनद्यां जाह्नव्यामुदारकीर्तिरशेषशास्त्रर्थविद्भीष्मः पुत्रो ऽभूत्

śantanorapyamaranadyāṃ jāhnavyāmudārakīrtiraśeṣaśāstrarthavidbhīṣmaḥ putro 'bhūt

Sanskrit only: no published translation is held for this verse.

सत्यवत्यां च चित्राङ्गदविचित्रवीर्यौ द्वौ पुत्रावुत्पादयामास शन्तनुः

satyavatyāṃ ca citrāṅgadavicitravīryau dvau putrāvutpādayāmāsa śantanuḥ

Sanskrit only: no published translation is held for this verse.

चित्राङ्गदस्तु बाल एव चित्राङ्गदेनैव गन्धर्वोणाहवे निहतः

citrāṅgadastu bāla eva citrāṅgadenaiva gandharvoṇāhave nihataḥ

Sanskrit only: no published translation is held for this verse.

विचित्रवीर्यो ऽपि काशीराजतनये अंबांवालिके उपयेमे

vicitravīryo 'pi kāśīrājatanaye aṃbāṃvālike upayeme

Sanskrit only: no published translation is held for this verse.

तदुपभोगातिखेदाच्च यक्ष्मणा गृहीतः स पञ्चत्वमगमत्

tadupabhogātikhedācca yakṣmaṇā gṛhītaḥ sa pañcatvamagamat

Sanskrit only: no published translation is held for this verse.

सत्यवतीनियोगाच्च मत्पुत्रः कृष्णद्वैपायनो मातुर्वचनमनतिक्रमणीयमिति कृत्वा विचित्रवीर्यक्षेत्रे धृतराष्ट्रपाण्डुतत्प्रहितभुजिष्यायां विदुरं चोत्पादयामास

satyavatīniyogācca matputraḥ kṛṣṇadvaipāyano māturvacanamanatikramaṇīyamiti kṛtvā vicitravīryakṣetre dhṛtarāṣṭrapāṇḍutatprahitabhujiṣyāyāṃ viduraṃ cotpādayāmāsa

Sanskrit only: no published translation is held for this verse.

धतराष्ट्रोपि गान्धार्यां दुर्योधनदुः शासनप्रधानं पुत्रशतमुत्पादयामास

dhatarāṣṭropi gāndhāryāṃ duryodhanaduḥ śāsanapradhānaṃ putraśatamutpādayāmāsa

Sanskrit only: no published translation is held for this verse.

पाण्ढोरप्यरण्ये मृगयायामृषिशापोपहतप्रजाजननसामर्थ्यस्य धर्मवायुशक्रैर् युधिष्ठिरभीमसेनार्जुनाः कुन्त्यां नकुलसहदेवौ चाश्विभ्यां माद्रयां पञ्चपुत्राःसमुत्पादिताः

pāṇḍhorapyaraṇye mṛgayāyāmṛṣiśāpopahataprajājananasāmarthyasya dharmavāyuśakrair yudhiṣṭhirabhīmasenārjunāḥ kuntyāṃ nakulasahadevau cāśvibhyāṃ mādrayāṃ pañcaputrāḥsamutpāditāḥ

Sanskrit only: no published translation is held for this verse.

तेषां च द्रौपद्यां पञ्चैव बभूवुः

teṣāṃ ca draupadyāṃ pañcaiva babhūvuḥ

Sanskrit only: no published translation is held for this verse.

युधिष्ठिरात्प्रतिविन्ध्यः भीमसेनाच्छुतसेनः श्रुतकीर्तिरर्जुनाच्छुतानीको नकुलाच्छुतकर्मा सहदेवात्

yudhiṣṭhirātprativindhyaḥ bhīmasenācchutasenaḥ śrutakīrtirarjunācchutānīko nakulācchutakarmā sahadevāt

Sanskrit only: no published translation is held for this verse.

काशी च भीमसेनादेव सर्वगं सुतमवाप

kāśī ca bhīmasenādeva sarvagaṃ sutamavāpa

Sanskrit only: no published translation is held for this verse.

यौधेयी युधिष्छिराद्देवकं पुत्रमवाप

yaudheyī yudhiṣchirāddevakaṃ putramavāpa

Sanskrit only: no published translation is held for this verse.

हिडिंबा घटोत्कचं भीमसेनात्पुत्रं लेभे

hiḍiṃbā ghaṭotkacaṃ bhīmasenātputraṃ lebhe

Sanskrit only: no published translation is held for this verse.

काशी च भीमसेनादेव सर्वगं सुतमवाप

kāśī ca bhīmasenādeva sarvagaṃ sutamavāpa

Sanskrit only: no published translation is held for this verse.

सहदेवाच्च विजयी कुहोत्रं पुत्रमवाप

sahadevācca vijayī kuhotraṃ putramavāpa

Sanskrit only: no published translation is held for this verse.

रेणुमत्यां च नकुलोपि निरमित्रमजीजनत्

reṇumatyāṃ ca nakulopi niramitramajījanat

Sanskrit only: no published translation is held for this verse.

अर्जुनस्याप्युलूप्यां नागकन्यायामिरावान्नाम पुत्रो ऽभवत्

arjunasyāpyulūpyāṃ nāgakanyāyāmirāvānnāma putro 'bhavat

Sanskrit only: no published translation is held for this verse.

मणीपुरपतिपुत्र्यां पुत्रिकाधर्मेण बब्रुवाहनं नाम पुत्रमर्जुनो ऽजनयत्

maṇīpurapatiputryāṃ putrikādharmeṇa babruvāhanaṃ nāma putramarjuno 'janayat

Sanskrit only: no published translation is held for this verse.

सुभद्रायां चार्भकत्वेपि योसावतिबलपराक्रमःसमस्तारातिरथजेता सो ऽभिमन्युरजायत

subhadrāyāṃ cārbhakatvepi yosāvatibalaparākramaḥsamastārātirathajetā so 'bhimanyurajāyata

Sanskrit only: no published translation is held for this verse.

अभिमन्योरुत्तरायां परिक्षीणेषु कुरुष्वश्वत्थामप्रयुक्तब्रह्मस्त्रेण गर्भ एव भस्मीकृतो भगवतःसकलसुरासुरवन्दितचरणयुगलस्यात्मेच्छया कारममानुषरूपधारीणोनुभावात्पुनर्जीवितमवाप्य परीक्षिज्जज्ञे

abhimanyoruttarāyāṃ parikṣīṇeṣu kuruṣvaśvatthāmaprayuktabrahmastreṇa garbha eva bhasmīkṛto bhagavataḥsakalasurāsuravanditacaraṇayugalasyātmecchayā kāramamānuṣarūpadhārīṇonubhāvātpunarjīvitamavāpya parīkṣijjajñe

Sanskrit only: no published translation is held for this verse.

यो ऽयं सांप्रतमेदद्भूमण्डलमखण्डितायतिधर्मेण पालयतीति

yo 'yaṃ sāṃpratamedadbhūmaṇḍalamakhaṇḍitāyatidharmeṇa pālayatīti

Sanskrit only: no published translation is held for this verse.