ViPrud 8.215
यत्रोपमेयस्य लोकोत्तरत्वादुपमानाक्षेपः क्रियते, तदेकं प्रतीपम् । यत्रोपमानस्योपमेयत्वं कल्प्यते, तत् द्वितीयम् । आद्यं यथा--- कीर्त्तौ प्रतापरुद्रस्य विलसन्त्यां दिगन्तरे । किमर्थमुदयत्येष निर्लज्जः शशलाञ्छनः
yatropameyasya lokottaratvādupamānākṣepaḥ kriyate, tadekaṃ pratīpam / yatropamānasyopameyatvaṃ kalpyate, tat dvitīyam / ādyaṃ yathā--- kīrttau pratāparudrasya vilasantyāṃ digantare / kimarthamudayatyeṣa nirlajjaḥ śaśalāñchanaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.