शब्दार्णवस्य । (स्म्व्सूमु। ३०।४, स्क्म्सौक। १७४०, कस्यचित्) सततं या मध्यस्था प्रथयति यष्टिः प्रतिष्ठितासीति ।* पुष्करिणि किम् इदम् उचितं तां चेदानीम् अधो नयसि ॥ विद्स्र्क् ३३।९४ *(१११२) ॥* कुशलनाथस्य -- कृतम् इदम् असाधु हरिणैः शिरसि तरूणां दवानले ज्वलति ।* आजन्म केलि-भवनं यद् भीतैर् उज्झितं विपिनम् ॥ विद्स्र्क् ३३।९५ *(१११३) ॥* खदिरस्य -- विध्वस्ता मृग-पक्षिणो विवशतां नीताः स्थली-देवता धूमैर् अन्तरिताः स्वभाव-मलिनैर् आशा मही-तापिताः । भस्मीकृत्य स-पुष्प-पल्लव-फलांस् तांस् तान् महा-पादपान् निर्वृत्तेन दवानलेन विहितं वल्मीक-शेषं वनम्
śabdārṇavasya | (Smvsū.mu. 30.4, Skmsa.u.ka. 1740, kasyacit) satataṃ yā madhyasthā prathayati yaṣṭiḥ pratiṣṭhitāsīti /* puṣkariṇi kim idam ucitaṃ tāṃ cedānīm adho nayasi // VidSrk 33.94 *(1112) //* kuśalanāthasya -- kṛtam idam asādhu hariṇaiḥ śirasi tarūṇāṃ davānale jvalati /* ājanma keli-bhavanaṃ yad bhītair ujjhitaṃ vipinam // VidSrk 33.95 *(1113) //* khadirasya -- vidhvastā mṛga-pakṣiṇo vivaśatāṃ nītāḥ sthalī-devatā dhūmair antaritāḥ svabhāva-malinair āśā mahī-tāpitāḥ / bhasmīkṛtya sa-puṣpa-pallava-phalāṃs tāṃs tān mahā-pādapān nirvṛttena davānalena vihitaṃ valmīka-śeṣaṃ vanam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.