पर-संतापन-हेतुर् यत्राहनि न प्रयाति निष्पत्तिम् ।* अन्तर्-मना असाधुर् गणयति न तद्-आयुषो मध्ये ॥ विद्स्र्क् ३८।३७ *(१२९०) ॥* दिवसान् तान् अभिनन्दति बहु-मनुते तेषु जन्मनो लाभम् ।* ये यान्ति दुष्ट-बुद्धेः परोपतापाभियोगेन ॥ विद्स्र्क् ३८।३८ *(१२९१) ॥* दया-मृदुषु दुर्जनः पटुतरावलेपोद्धवः परां व्रजति विक्रियां न हि भयं ततः पश्यति । यतस् तु भय-शङ्कया सुकृशयापि संस्पृश्यते विनीत इव नीचकैश् चरति तत्र शान्तोद्धवः
para-saṃtāpana-hetur yatrāhani na prayāti niṣpattim /* antar-manā asādhur gaṇayati na tad-āyuṣo madhye // VidSrk 38.37 *(1290) //* divasān tān abhinandati bahu-manute teṣu janmano lābham /* ye yānti duṣṭa-buddheḥ paropatāpābhiyogena // VidSrk 38.38 *(1291) //* dayā-mṛduṣu durjanaḥ paṭutarāvalepoddhavaḥ parāṃ vrajati vikriyāṃ na hi bhayaṃ tataḥ paśyati / yatas tu bhaya-śaṅkayā sukṛśayāpi saṃspṛśyate vinīta iva nīcakaiś carati tatra śāntoddhavaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.