Library·Vidyakara: Subhasitaratnakosa·5
देवी सूनुम् असूत नृत्यत गणाः किं तिष्ठतेत्य् उद्भुजे हर्षाद् भृङ्गरिटावयाचित-गिरा चामुण्डयालिङ्गिते । अव्याद् वो हत-दुन्दुभि-स्वन-घन-ध्वानातिरिक्तस् तयोर् अन्योन्य-प्रचलास्थित्-पञ्जर-रणत्-कङ्काल-जन्मा रवः
devī sūnum asūta nṛtyata gaṇāḥ kiṃ tiṣṭhatety udbhuje harṣād bhṛṅgariṭāvayācita-girā cāmuṇḍayāliṅgite / avyād vo hata-dundubhi-svana-ghana-dhvānātiriktas tayor anyonya-pracalāsthit-pañjara-raṇat-kaṅkāla-janmā ravaḥ
Sanskrit only: no published translation is held for this verse.
योगेश्वरस्य रक्षतु वः स्तनयुगलं हरिकरिकुम्भानुकारि गिरिदुहितुः । शंकरदृढकण्ठग्रहपीडनभस्माङ्गरागविच्छुरितम्
yogeśvarasya rakṣatu vaḥ stanayugalaṃ harikarikumbhānukāri giriduhituḥ / śaṃkaradṛḍhakaṇṭhagrahapīḍanabhasmāṅgarāgavicchuritam
Sanskrit only: no published translation is held for this verse.
सावष्टम्भ-निशुम्भ-संभ्रमनमद्-भूगोल-निष्पीडन- न्यञ्चत्-कर्पर-कूर्म-कम्प-विचटद्-ब्रह्माण्ड-खण्ड-स्थिति । पाताल-प्रतिमल्ल-गल्ल-विवर-प्रक्षिप्त-सप्तार्णवं वन्दे नन्दित-नीलकण्ठ-परिषद्-व्यक्त-र्द्धि वः क्रीडितम्
sāvaṣṭambha-niśumbha-saṃbhramanamad-bhūgola-niṣpīḍana- nyañcat-karpara-kūrma-kampa-vicaṭad-brahmāṇḍa-khaṇḍa-sthiti / pātāla-pratimalla-galla-vivara-prakṣipta-saptārṇavaṃ vande nandita-nīlakaṇṭha-pariṣad-vyakta-rddhi vaḥ krīḍitam
Sanskrit only: no published translation is held for this verse.
कस्यचित् -- भो भो दिक्-पतयः प्रयात परतः खं मुञ्चताम्भोमुचः पातालं व्रज मेदिनि प्रविशत क्षोणी-तलं क्ष्माभृतः । ब्रह्मन्न् उन्नय दूरम् आत्म-सदनं देवस्य मे नृत्यतः शम्भोः संकटम् एतद् इत्य् अवतु वः प्रोत्सारणा नन्दिनः
kasyacit -- bho bho dik-patayaḥ prayāta parataḥ khaṃ muñcatāmbhomucaḥ pātālaṃ vraja medini praviśata kṣoṇī-talaṃ kṣmābhṛtaḥ / brahmann unnaya dūram ātma-sadanaṃ devasya me nṛtyataḥ śambhoḥ saṃkaṭam etad ity avatu vaḥ protsāraṇā nandinaḥ
Sanskrit only: no published translation is held for this verse.
स्वेदस् ते कथम् ईदृशः प्रियतमे त्वन्-नेत्र-वह्नेर् विभो कस्मात् कम्पितम् एतद् इन्दुवदने भोगीन्द्र-भीतेर् भव । रोमाञ्चः कथम् एष देवि भगवन् गङ्गाम्भसां शीकरर् इत्थं भर्तरि भाव-गोपन-परा गौरी चिरं पातु वः
svedas te katham īdṛśaḥ priyatame tvan-netra-vahner vibho kasmāt kampitam etad induvadane bhogīndra-bhīter bhava / romāñcaḥ katham eṣa devi bhagavan gaṅgāmbhasāṃ śīkarar itthaṃ bhartari bhāva-gopana-parā gaurī ciraṃ pātu vaḥ
Sanskrit only: no published translation is held for this verse.
आर्द्रां कण्ठे मुखाब्ज-स्रजम् अवनमयत्य् अम्बिका जानुलम्बां स्थाने कृत्वेन्दुलेखां निबिडयति जटाः पन्नगेन्द्रेण नन्दी । कालः कृत्तिं निबध्नात्य् उपनयति करे काल-रात्रिः कपालं शम्भोर् नृत्यावतारे परिषद् इति पृथग् व्यापृता वः पुनातु
ārdrāṃ kaṇṭhe mukhābja-srajam avanamayaty ambikā jānulambāṃ sthāne kṛtvendulekhāṃ nibiḍayati jaṭāḥ pannagendreṇa nandī / kālaḥ kṛttiṃ nibadhnāty upanayati kare kāla-rātriḥ kapālaṃ śambhor nṛtyāvatāre pariṣad iti pṛthag vyāpṛtā vaḥ punātu
Sanskrit only: no published translation is held for this verse.
शृङ्गं भृङ्गिन् विमुञ्च त्यज गज-वदन त्वं च लाङ्गूल-मूलं मन्दानन्दो ऽसि नन्दिन्न् अलम् अबल महाकाल कण्ठ-ग्रहेण । इत्य् उक्त्वा नीयमानः सुखयतु वृषभः पार्वती-पाद-मूले पश्यन्न् अक्षैर् विलक्षं वलित-गल-चलत्-कम्बलं त्र्यम्बकं वः
śṛṅgaṃ bhṛṅgin vimuñca tyaja gaja-vadana tvaṃ ca lāṅgūla-mūlaṃ mandānando 'si nandinn alam abala mahākāla kaṇṭha-graheṇa / ity uktvā nīyamānaḥ sukhayatu vṛṣabhaḥ pārvatī-pāda-mūle paśyann akṣair vilakṣaṃ valita-gala-calat-kambalaṃ tryambakaṃ vaḥ
Sanskrit only: no published translation is held for this verse.
अभिनन्दस्य । (स्क्म्सौक। १५९) गौरी-विभज्यमानार्ध- संकीर्णे हर-मूर्धनि । अम्ब द्विगुण-गम्भीरे भागीरथि नमो ऽस्तु ते
abhinandasya | (Skmsa.u.ka. 159) gaurī-vibhajyamānārdha- saṃkīrṇe hara-mūrdhani / amba dviguṇa-gambhīre bhāgīrathi namo 'stu te
Sanskrit only: no published translation is held for this verse.
कस्यचित् (स्क्म्सौक। ४९, स्म्व्सूमु। १।२४) देवस्याम्बुज-संभवस्य भवनाद् अम्भोधिम् आगामुका सेयं मौलि-विभूषणं भगवतो भर्गस्य भागीरथी । उद्यातान् अपहाय विग्रहम् इह स्रोतः-प्रतीपान् अपि स्रोतस् तीव्रतरत्वरा गमयति द्राग् ब्रह्मलोकं जनान्
kasyacit (Skmsa.u.ka. 49, Smvsū.mu. 1.24) devasyāmbuja-saṃbhavasya bhavanād ambhodhim āgāmukā seyaṃ mauli-vibhūṣaṇaṃ bhagavato bhargasya bhāgīrathī / udyātān apahāya vigraham iha srotaḥ-pratīpān api srotas tīvrataratvarā gamayati drāg brahmalokaṃ janān
Sanskrit only: no published translation is held for this verse.
प्रातः कालाञ्जन-परिचितं वीक्ष्य जामातुर् ओष्ठं कन्यायाश् च स्तन-मुकुलयोर् अङ्गुली-भस्म-मुद्राः । प्रेमोल्लासाज् जयति मधुरं सस्मिताभिर् वधूभिर् गौरी-मातुः किम् अपि किम् अपि व्याहृतं कर्ण-मूले
prātaḥ kālāñjana-paricitaṃ vīkṣya jāmātur oṣṭhaṃ kanyāyāś ca stana-mukulayor aṅgulī-bhasma-mudrāḥ / premollāsāj jayati madhuraṃ sasmitābhir vadhūbhir gaurī-mātuḥ kim api kim api vyāhṛtaṃ karṇa-mūle
Sanskrit only: no published translation is held for this verse.
शुभाङ्गस्य -- लाक्षा-रागं हरति शिखराज् जाह्नवी-वारि येषां ये तत्वन्ति स्रजम् अधिजटा-मण्डलं मालतीनाम् । प्रत्युत्सर्पद्-विमल-किरणैर् यैस् तिरोधानम् इन्दोर् देव्याः स्थाणौ चरण-पतिते ते नखाः पान्तु विश्वम्
śubhāṅgasya -- lākṣā-rāgaṃ harati śikharāj jāhnavī-vāri yeṣāṃ ye tatvanti srajam adhijaṭā-maṇḍalaṃ mālatīnām / pratyutsarpad-vimala-kiraṇair yais tirodhānam indor devyāḥ sthāṇau caraṇa-patite te nakhāḥ pāntu viśvam
Sanskrit only: no published translation is held for this verse.
दक्षस्य । (स्क्म्सौक। १०७, कस्यचित्) मिश्रीभूतां तव तनुलतां बिभ्रतो गौरि कामं देवस्य स्याद् अविरल-परीरम्भ-जन्मा प्रमोदः । किन्तु प्रेम-स्तिमित-मधुर-स्निग्ध-मुग्धा न दृष्टिर् दृष्टेत्य् अन्तःकरणम् असकृत् ताम्यति त्र्यम्बकस्य
dakṣasya | (Skmsa.u.ka. 107, kasyacit) miśrībhūtāṃ tava tanulatāṃ bibhrato gauri kāmaṃ devasya syād avirala-parīrambha-janmā pramodaḥ / kintu prema-stimita-madhura-snigdha-mugdhā na dṛṣṭir dṛṣṭety antaḥkaraṇam asakṛt tāmyati tryambakasya
Sanskrit only: no published translation is held for this verse.
भगीरथस्य । (स्क्म्सौक। १३९) अव्याद् वो वलिकाङ्घ्रि-पात-विचलद्-भूगोल-हेलोन्मुख- भ्राम्यद्-दिक्-करि-कल्पितानुकरणो नृत्यद्-गण-ग्रामणीः । यस्योद्दण्डित-शुण्ड-पुष्कर-मरुद्-व्याकृष्ट-सृष्टं मुहुस् तारा-चक्रं उदक्त-शीकर-पृषल्-लीलाम् इवाभ्यस्यति
bhagīrathasya | (Skmsa.u.ka. 139) avyād vo valikāṅghri-pāta-vicalad-bhūgola-helonmukha- bhrāmyad-dik-kari-kalpitānukaraṇo nṛtyad-gaṇa-grāmaṇīḥ / yasyoddaṇḍita-śuṇḍa-puṣkara-marud-vyākṛṣṭa-sṛṣṭaṃ muhus tārā-cakraṃ udakta-śīkara-pṛṣal-līlām ivābhyasyati
Sanskrit only: no published translation is held for this verse.
राजशेखरस्य -- सानन्दं नन्दि-हस्ताहत-मुरज-रवाहूत-कौमार-बर्हि- त्रासान् नासाग्र-रन्ध्रं विशति फणि-पतौ भोग-संकोच-भाजि । गण्डोड्डीनालि-माला-मुखरित-ककुभस् ताण्डवे शूल-पाणेर् वैनायक्यश् चिरं वो वदन-विधुतयः पान्तु चीत्कार-वत्यः
rājaśekharasya -- sānandaṃ nandi-hastāhata-muraja-ravāhūta-kaumāra-barhi- trāsān nāsāgra-randhraṃ viśati phaṇi-patau bhoga-saṃkoca-bhāji / gaṇḍoḍḍīnāli-mālā-mukharita-kakubhas tāṇḍave śūla-pāṇer vaināyakyaś ciraṃ vo vadana-vidhutayaḥ pāntu cītkāra-vatyaḥ
Sanskrit only: no published translation is held for this verse.
भवभूतेः । (मालतीमाधवमामा। १।२) यद् अम्बा तातो वा द्वयम् इदम् अगाद् एक-तनुतां तद्-अर्धं चार्धं च क्व नु गतम् अथार्यः कथयतु । जगत् तत् तज् जातं सकल-नर-नारी-मयम् इति प्रतीतिं कुर्वाणो जयति शिखि-भर्तुर् गज-मुखः
bhavabhūteḥ | (mālatīmādhavamā.mā. 1.2) yad ambā tāto vā dvayam idam agād eka-tanutāṃ tad-ardhaṃ cārdhaṃ ca kva nu gatam athāryaḥ kathayatu / jagat tat taj jātaṃ sakala-nara-nārī-mayam iti pratītiṃ kurvāṇo jayati śikhi-bhartur gaja-mukhaḥ
Sanskrit only: no published translation is held for this verse.
भवजलधिजलावलम्बयष्टिर् महिषमहासुशैलवज्रधारा । हरहृदयतडागराजहंसी दिशतु शिवं जगतश् चिरं भवानी
bhavajaladhijalāvalambayaṣṭir mahiṣamahāsuśailavajradhārā / harahṛdayataḍāgarājahaṃsī diśatu śivaṃ jagataś ciraṃ bhavānī
Sanskrit only: no published translation is held for this verse.
भगीरथस्य शूलाहतमहिषासुररुधिरच्छुरिताधराम्बरा गौरी । पुष्पवती९व सलज्जा हसितहरनिरीक्षिता जयति
bhagīrathasya śūlāhatamahiṣāsurarudhiracchuritādharāmbarā gaurī / puṣpavatī9va salajjā hasitaharanirīkṣitā jayati
Sanskrit only: no published translation is held for this verse.
भव-जलधि-जलावलम्ब-यष्टिर् महिष-महासुर-शैल-वज्र-धारा ।* हर-हृदय-तडाग-राज-हंसी दिशतु शिवं जगतश् चिरम् ॥ विद्स्र्क् ५।१६ *(८६) ॥* भगीरथस्य (स्क्म्सौक। १०८, भगीरथ-दत्तस्य) शूलाहत-महिषासुर-रुधिर-च्छुरिताधराम्बरा गौरी ।* पुष्पवतीव स-लज्जा हसित-हर-निरीक्षिता जयति ॥ विद्स्र्क् ५।१७ *(८७) ॥* गोनन्दस्य -- प्रत्यासन्न-विवाह-मङ्गल-विधौ देवार्चन-व्यस्तया दृष्ट्वाग्रे परिणेतुर् एव लिखितां गङ्गाधरस्याकृतिम् । उन्माद-स्मित-रोष-लज्जितम् असौ गौर्या कथंचिच् चिराद् वृद्ध-स्त्री-वचनात् प्रिये विनिहितः पुष्पाञ्जलिः पातु वः
bhava-jaladhi-jalāvalamba-yaṣṭir mahiṣa-mahāsura-śaila-vajra-dhārā /* hara-hṛdaya-taḍāga-rāja-haṃsī diśatu śivaṃ jagataś ciram // VidSrk 5.16 *(86) //* bhagīrathasya (Skmsa.u.ka. 108, bhagīratha-dattasya) śūlāhata-mahiṣāsura-rudhira-cchuritādharāmbarā gaurī /* puṣpavatīva sa-lajjā hasita-hara-nirīkṣitā jayati // VidSrk 5.17 *(87) //* gonandasya -- pratyāsanna-vivāha-maṅgala-vidhau devārcana-vyastayā dṛṣṭvāgre pariṇetur eva likhitāṃ gaṅgādharasyākṛtim / unmāda-smita-roṣa-lajjitam asau gauryā kathaṃcic cirād vṛddha-strī-vacanāt priye vinihitaḥ puṣpāñjaliḥ pātu vaḥ
Sanskrit only: no published translation is held for this verse.
न्ब् इन्गल्ल्स् चोन्जेच्तुरे लज्जितरसैस् फ़ोर् लज्जितम् असौ इन् च् शिखिपतिर् अतिदुर्लडितः पित्रोर् अभिलषति मध्यम् अधिशयितुम् । ताव् अप्य् एकशरीराव् इति विषमाशश् चिरं जयति
NB Ingalls conjecture lajjitarasais for lajjitam asau in c śikhipatir atidurlaḍitaḥ pitror abhilaṣati madhyam adhiśayitum / tāv apy ekaśarīrāv iti viṣamāśaś ciraṃ jayati
Sanskrit only: no published translation is held for this verse.
भासस्य । (स्क्म्सौक। ११२, स्प्द्शाप। १०२, स्म्व्सूमु। २।३७) शिखिपतिर् अतिदुर्लडितः पित्रोर् अभिलषति मध्यम् अधिशयितुम् ।* ताव् अप्य् एक-शरीराव् इति विषमाशश् चिरं जयति ॥ विद्स्र्क् ५।१९ *(८९) ॥* अम्बेयं नेयम् अम्बा न हि खर-कपिशं श्मश्रु तस्या मुखार्धे तातो ऽयं नैष तातः स्तनं उरसि पितुर् दृष्टवान् नाहम् अत्र । केयं को ऽयं किं एतद् युवतिर् अथ पुमान् वस्तु किं स्यात् तृतीयं शम्भोः संवीक्ष्य रूपाद् अपसरति गुहः शङ्कितः पातु युष्मान्
bhāsasya | (Skmsa.u.ka. 112, Spdśā.pa. 102, Smvsū.mu. 2.37) śikhipatir atidurlaḍitaḥ pitror abhilaṣati madhyam adhiśayitum /* tāv apy eka-śarīrāv iti viṣamāśaś ciraṃ jayati // VidSrk 5.19 *(89) //* ambeyaṃ neyam ambā na hi khara-kapiśaṃ śmaśru tasyā mukhārdhe tāto 'yaṃ naiṣa tātaḥ stanaṃ urasi pitur dṛṣṭavān nāham atra / keyaṃ ko 'yaṃ kiṃ etad yuvatir atha pumān vastu kiṃ syāt tṛtīyaṃ śambhoḥ saṃvīkṣya rūpād apasarati guhaḥ śaṅkitaḥ pātu yuṣmān
Sanskrit only: no published translation is held for this verse.
स्वेच्छा-रम्यं लुठित्वा पितुर् उरसि चिता-भस्म-धूली-चिताङ्गो गङ्गा-वारिण्य् अगाधे झटिति हर-जटा-जूटतो दत्त-झम्पः । सद्यः सीत्कार-कारी जल-जडिम-रण-हन्त-पङ्क्तिर् गुहो वः कम्पी पायाद् अपायाज् ज्वलित-शिखि-शिखे चक्षुषि न्यस्त-हस्तः
svecchā-ramyaṃ luṭhitvā pitur urasi citā-bhasma-dhūlī-citāṅgo gaṅgā-vāriṇy agādhe jhaṭiti hara-jaṭā-jūṭato datta-jhampaḥ / sadyaḥ sītkāra-kārī jala-jaḍima-raṇa-hanta-paṅktir guho vaḥ kampī pāyād apāyāj jvalita-śikhi-śikhe cakṣuṣi nyasta-hastaḥ
Sanskrit only: no published translation is held for this verse.
बाणस्य । (स्क्म्सौक। १४६, स्म्व्सूमु। २।४३) हंस-श्रेणि-कुतूहलेन कलयन् भूषा-कपालावलीं बालाम् इन्दुकलां मृणाल-रभसाद् आन्दोलयन् पाणिना । रक्ताम्भोज-धिया च लोचन-पुटं लालाटम् उद्घाटयन् पायाद् वः पितुर् अङ्क-भाक् शिशु-जन-क्रीडोन्मुखः षण्-मुखः
bāṇasya | (Skmsa.u.ka. 146, Smvsū.mu. 2.43) haṃsa-śreṇi-kutūhalena kalayan bhūṣā-kapālāvalīṃ bālām indukalāṃ mṛṇāla-rabhasād āndolayan pāṇinā / raktāmbhoja-dhiyā ca locana-puṭaṃ lālāṭam udghāṭayan pāyād vaḥ pitur aṅka-bhāk śiśu-jana-krīḍonmukhaḥ ṣaṇ-mukhaḥ
Sanskrit only: no published translation is held for this verse.
बलभद्रस्य । (स्क्म्सौक। १४९) कपोलाद् उड्डीनैर् भय-वश-विलोलैर् मधुकरैर् मदाम्भः-संलोभाद् उपरि पतितुं बद्ध-पटलैः । चलद्-बर्ह-च्छत्र-श्रियम् इव दधानो ऽतिरुचिराम् अविघ्नं हेरम्बो जगद्-अघ-विघातं घटयतु
balabhadrasya | (Skmsa.u.ka. 149) kapolād uḍḍīnair bhaya-vaśa-vilolair madhukarair madāmbhaḥ-saṃlobhād upari patituṃ baddha-paṭalaiḥ / calad-barha-cchatra-śriyam iva dadhāno 'tirucirām avighnaṃ herambo jagad-agha-vighātaṃ ghaṭayatu
Sanskrit only: no published translation is held for this verse.
एकः स एव परिपालयताज् जगन्ति गौरी-गिरीश-चरितानुकृतिं दधानः । आभाति यो दशन-शून्य-मुखैक-देश- देहार्ध-हारित-वधूक इवक-दन्तः
ekaḥ sa eva paripālayatāj jaganti gaurī-girīśa-caritānukṛtiṃ dadhānaḥ / ābhāti yo daśana-śūnya-mukhaika-deśa- dehārdha-hārita-vadhūka ivaka-dantaḥ
Sanskrit only: no published translation is held for this verse.
अर्चिष्मन्ति विदार्य वक्त्र-कुहराण्य् आसृक्-क्वणो वासुकेस् तर्जन्या विष-कर्बुरान् गणयतः संस्पृश्य दन्ताङ्कुरान् । एकं त्रीणि नवाष्ट सप्त षड्-अतिव्यस्तास्त-संख्या-क्रमा वाचः शक्तिधरस्य शैशव-कलाः कुर्वन्तु वो मङ्गलम्
arciṣmanti vidārya vaktra-kuharāṇy āsṛk-kvaṇo vāsukes tarjanyā viṣa-karburān gaṇayataḥ saṃspṛśya dantāṅkurān / ekaṃ trīṇi navāṣṭa sapta ṣaḍ-ativyastāsta-saṃkhyā-kramā vācaḥ śaktidharasya śaiśava-kalāḥ kurvantu vo maṅgalam
Sanskrit only: no published translation is held for this verse.
सुप्तं पक्ष-पुटे निलीन-शिरसं सृष्ट्वा मयूरं पुरः कृत्तं केन शिरो ऽस्य तात कथम् इत्य् आक्रन्दतः शैशवात् । अन्तर्हास-पिनाकि-पाणि-युगल-स्फालोल्लसच्-चेतसस् तन्-मूर्धेक्षण-तर्पितस्य हसितं पायात् कुमारस्य वः
suptaṃ pakṣa-puṭe nilīna-śirasaṃ sṛṣṭvā mayūraṃ puraḥ kṛttaṃ kena śiro 'sya tāta katham ity ākrandataḥ śaiśavāt / antarhāsa-pināki-pāṇi-yugala-sphālollasac-cetasas tan-mūrdhekṣaṇa-tarpitasya hasitaṃ pāyāt kumārasya vaḥ
Sanskrit only: no published translation is held for this verse.
चर्चायाः कथम् एष रक्षति सदा सद्यो नृ-मुण्ड-स्रजं चण्डीकेशरिणो वृषं च भुजगान् सूनोर् मयूराद् अपि । इत्य् अन्तःपरिभावयन् भगवतो दीर्घं धियः कौशलं कूष्माण्डो धृति-संभृताम् अनुदिनं पुष्णाति तुन्द-श्रियम्
carcāyāḥ katham eṣa rakṣati sadā sadyo nṛ-muṇḍa-srajaṃ caṇḍīkeśariṇo vṛṣaṃ ca bhujagān sūnor mayūrād api / ity antaḥparibhāvayan bhagavato dīrghaṃ dhiyaḥ kauśalaṃ kūṣmāṇḍo dhṛti-saṃbhṛtām anudinaṃ puṣṇāti tunda-śriyam
Sanskrit only: no published translation is held for this verse.
कस्मात् त्वं तात गेहाद् अपरम् अभिनवा ब्रूहि का तत्र वार्ता देव्या देवो जितः किं वृष-डमरु-चिता-भस्म-भोगीन्द्र-चन्द्रान् । इत्य् एवं बर्हिनाथे कथयति सहसा भर्तृ-भिक्षा विभूषा वैगुण्योद्वेग-जन्मा जगद् अवतु चिरं हारवो भृङ्गिरीटेः
kasmāt tvaṃ tāta gehād aparam abhinavā brūhi kā tatra vārtā devyā devo jitaḥ kiṃ vṛṣa-ḍamaru-citā-bhasma-bhogīndra-candrān / ity evaṃ barhināthe kathayati sahasā bhartṛ-bhikṣā vibhūṣā vaiguṇyodvega-janmā jagad avatu ciraṃ hāravo bhṛṅgirīṭeḥ
Sanskrit only: no published translation is held for this verse.
तुङ्गस्य (स्क्म्सौक। १५२, तुङ्गोकस्य) स्थूलो दूरमयं न यास्यति कृशो नैष प्रयाण-क्षमस् तेनैकस्य ममैव तत्र कशिपु-प्राप्तिः परा दृश्यते । इत्य् आदौ परिचिन्तितं प्रतिमुहुस् तद्-भृङ्गि-कूष्माण्डयोर् अन्योन्य-प्रतिकूलम् ईश-शिवयोः पाणिग्रहे पातु वः
tuṅgasya (Skmsa.u.ka. 152, tuṅgokasya) sthūlo dūramayaṃ na yāsyati kṛśo naiṣa prayāṇa-kṣamas tenaikasya mamaiva tatra kaśipu-prāptiḥ parā dṛśyate / ity ādau paricintitaṃ pratimuhus tad-bhṛṅgi-kūṣmāṇḍayor anyonya-pratikūlam īśa-śivayoḥ pāṇigrahe pātu vaḥ
Sanskrit only: no published translation is held for this verse.
ज्याकृष्टि-बद्ध-खटकामुख-पाणि-पृष्ठ- प्रेङ्खन्-नखांशु-चय-संवलितो ऽम्बिकायाः । त्वां पातु मञ्जरित-पल्लव-कर्णपूर- लोभ-भ्रमद्-भ्रमर-विभ्रम-भृत्-कटाक्षः
jyākṛṣṭi-baddha-khaṭakāmukha-pāṇi-pṛṣṭha- preṅkhan-nakhāṃśu-caya-saṃvalito 'mbikāyāḥ / tvāṃ pātu mañjarita-pallava-karṇapūra- lobha-bhramad-bhramara-vibhrama-bhṛt-kaṭākṣaḥ
Sanskrit only: no published translation is held for this verse.
यातस् ते ऽधर-खण्डनात् परिभवः कापालिकाद् अम्ब यः स ब्रह्मादिषु कथ्यताम् इति मुहुर् वाणीं गुहे जल्पति । गौरीं हस्त-युगेन षण्-मुख-वचो रोद्धुं निरीक्ष्याक्षमां वैलक्ष्याच् चतुरास्य-निष्फल-परावृत्तिश् चिरं पातु वः
yātas te 'dhara-khaṇḍanāt paribhavaḥ kāpālikād amba yaḥ sa brahmādiṣu kathyatām iti muhur vāṇīṃ guhe jalpati / gaurīṃ hasta-yugena ṣaṇ-mukha-vaco roddhuṃ nirīkṣyākṣamāṃ vailakṣyāc caturāsya-niṣphala-parāvṛttiś ciraṃ pātu vaḥ
Sanskrit only: no published translation is held for this verse.
कस्यचित् (स्क्म्सौक। ५, स्म्व्सूमु। २।१०५) गोनासाय वियोजितागदरजाः सर्पाय बद्धौषधिः पाणिस्थाय विषाय वीर्यमहते कण्ठे मणिं बिभ्रती । भर्तुर् भूत-गणाय गोत्र-जरती-निर्दिष्ट-मन्त्राक्षरा रक्षत्व् अद्रि-सुता विवाह-समये प्रीता च भीता च वः
kasyacit (Skmsa.u.ka. 5, Smvsū.mu. 2.105) gonāsāya viyojitāgadarajāḥ sarpāya baddhauṣadhiḥ pāṇisthāya viṣāya vīryamahate kaṇṭhe maṇiṃ bibhratī / bhartur bhūta-gaṇāya gotra-jaratī-nirdiṣṭa-mantrākṣarā rakṣatv adri-sutā vivāha-samaye prītā ca bhītā ca vaḥ
Sanskrit only: no published translation is held for this verse.
राजशेखरस्य । (स्क्म्सौक। १११) दिग्-वासा यदि तत् किम् अस्य धनुषा सास्त्रस्य किं भस्मना भस्माङ्गस्य किम् अङ्गना यदि च सा कामं परिद्वेष्टि किम् । इत्य् अन्योन्य-विरुद्ध-चेष्टितम् इदं पश्यन् निज-स्वामिनो भृङ्गी सान्द्र-शिरावनद्ध-परुषं धत्ते ऽस्थि-शेषं वपुः
rājaśekharasya | (Skmsa.u.ka. 111) dig-vāsā yadi tat kim asya dhanuṣā sāstrasya kiṃ bhasmanā bhasmāṅgasya kim aṅganā yadi ca sā kāmaṃ paridveṣṭi kim / ity anyonya-viruddha-ceṣṭitam idaṃ paśyan nija-svāmino bhṛṅgī sāndra-śirāvanaddha-paruṣaṃ dhatte 'sthi-śeṣaṃ vapuḥ
Sanskrit only: no published translation is held for this verse.