शङ्खोर्ध्वे सशरं चापमेवं प्रहरणं न्यसेत् । शेषाण्यस्त्राणि सर्वाणि यथाकामं न्यसेत् करे
śaṅkhordhve saśaraṃ cāpamevaṃ praharaṇaṃ nyaset / śeṣāṇyastrāṇi sarvāṇi yathākāmaṃ nyaset kare
Sanskrit only: no published translation is held for this verse.
Visvaksenasamhita 11
विश्वरूपस्य संप्रोक्तं लक्षणं जयवृद्धिदम् । शुद्धस्फटिकसंकाशं त्रिपादं सप्तहस्तकम्
viśvarūpasya saṃproktaṃ lakṣaṇaṃ jayavṛddhidam / śuddhasphaṭikasaṃkāśaṃ tripādaṃ saptahastakam
Sanskrit only: no published translation is held for this verse.
वेदशृङ्गं द्विवदनं त्रिणेत्रं पीतवाससम् । शङ्खचक्रगदापाणिं सर्वाभरणभूषितम्
vedaśṛṅgaṃ dvivadanaṃ triṇetraṃ pītavāsasam / śaṅkhacakragadāpāṇiṃ sarvābharaṇabhūṣitam
Sanskrit only: no published translation is held for this verse.
सर्वावयवसंपूर्णं सर्वालंकारशोभितम् । एवं संक्षेपतो प्रोक्तं यज्ञेशं चाघनाशनम्
sarvāvayavasaṃpūrṇaṃ sarvālaṃkāraśobhitam / evaṃ saṃkṣepato proktaṃ yajñeśaṃ cāghanāśanam
Sanskrit only: no published translation is held for this verse.
दक्षिणे ऽस्य करे चोर्ध्वे चक्रं कालाग्निसंनिभम् । लकुटं चापरे न्यस्य वामोर्ध्वे शङ्खमुद्वहन्
dakṣiṇe 'sya kare cordhve cakraṃ kālāgnisaṃnibham / lakuṭaṃ cāpare nyasya vāmordhve śaṅkhamudvahan
Sanskrit only: no published translation is held for this verse.
अस्याधरे ऽभयं हस्तं वरदं वा स्मरेन्मुने । हविर्भागग्रहीतारं त्रिहस्तेन समाहितम्
asyādhare 'bhayaṃ hastaṃ varadaṃ vā smarenmune / havirbhāgagrahītāraṃ trihastena samāhitam
Sanskrit only: no published translation is held for this verse.
एवं ध्यायेतत्त्रिसन्ध्यायां यज्ञेशं परमं हरिम् । त्रिसन्ध्यमेकसन्ध्यं वा यज्ञेशं पूजयेद् द्विजः
evaṃ dhyāyetattrisandhyāyāṃ yajñeśaṃ paramaṃ harim / trisandhyamekasandhyaṃ vā yajñeśaṃ pūjayed dvijaḥ
Sanskrit only: no published translation is held for this verse.
सर्वान् कामानवाप्नोति सर्वयज्ञफलं लभेत् । ध्यानेनोत्पद्यमानेन सम्यग्ज्ञानमवाप्यते
sarvān kāmānavāpnoti sarvayajñaphalaṃ labhet / dhyānenotpadyamānena samyagjñānamavāpyate
Sanskrit only: no published translation is held for this verse.
तस्मात्सर्वप्रयत्नेन यज्ञेशं पूजयेद् द्विजः । यज्ञेशस्त्वधुना प्रोक्तो वेदमूर्तिमथो शृणु
tasmātsarvaprayatnena yajñeśaṃ pūjayed dvijaḥ / yajñeśastvadhunā prokto vedamūrtimatho śṛṇu
Sanskrit only: no published translation is held for this verse.
श्यामं पर्वतसंकाशं चतुर्बाहुं किरीटिनम् । सर्वावयवसंपूर्णं सर्वाभरणभूषितम्
śyāmaṃ parvatasaṃkāśaṃ caturbāhuṃ kirīṭinam / sarvāvayavasaṃpūrṇaṃ sarvābharaṇabhūṣitam
Sanskrit only: no published translation is held for this verse.
शङ्खचक्रगदापाणिं त्रिणेत्रं भीमरूपिणम् । पीताम्बरसमायुक्तं सर्वापलंकारसंयुतम्
śaṅkhacakragadāpāṇiṃ triṇetraṃ bhīmarūpiṇam / pītāmbarasamāyuktaṃ sarvāpalaṃkārasaṃyutam
Sanskrit only: no published translation is held for this verse.
सर्ववेदमयं सूक्ष्मं गुह्याद्गुह्यमनुत्तमम् । वेदमूर्तिर्मया प्रोक्ता हेतिन्यासमथो शृणु
sarvavedamayaṃ sūkṣmaṃ guhyādguhyamanuttamam / vedamūrtirmayā proktā hetinyāsamatho śṛṇu
Sanskrit only: no published translation is held for this verse.
अस्य दक्षिणहस्तोर्ध्वे चक्रं कालानलप्रभम् । चापं चाधरहस्ते तु विन्यसेत्तु महामुने
asya dakṣiṇahastordhve cakraṃ kālānalaprabham / cāpaṃ cādharahaste tu vinyasettu mahāmune
Sanskrit only: no published translation is held for this verse.
सव्यपार्श्वोर्ध्वहस्ते तु पाञ्चजन्यमधो गदाम् । एवं चायुधविन्यासं श्रियादीनामथ शृणु
savyapārśvordhvahaste tu pāñcajanyamadho gadām / evaṃ cāyudhavinyāsaṃ śriyādīnāmatha śṛṇu
Sanskrit only: no published translation is held for this verse.
तप्तजाम्बूनदमयीं चतुर्हस्तसमन्विताम् । सर्वावयवसंपूर्णां सर्वाभरणभूषिताम्
taptajāmbūnadamayīṃ caturhastasamanvitām / sarvāvayavasaṃpūrṇāṃ sarvābharaṇabhūṣitām
Sanskrit only: no published translation is held for this verse.
सर्वशक्तिसमोपेतां मकुटादिविराजिताम् । सर्वालंकारसंयुक्तां सर्वरत्नविराजिताम्
sarvaśaktisamopetāṃ makuṭādivirājitām / sarvālaṃkārasaṃyuktāṃ sarvaratnavirājitām
Sanskrit only: no published translation is held for this verse.
रक्तपद्मधरां देवीं रक्ताम्बरसमन्विताम् । पद्मासनसमायुक्तां साक्षाद्देवीं हरिप्रियाम्
raktapadmadharāṃ devīṃ raktāmbarasamanvitām / padmāsanasamāyuktāṃ sākṣāddevīṃ haripriyām
Sanskrit only: no published translation is held for this verse.
सर्वालंकारसंयुक्तां सर्वरत्नविराजिताम् । शङ्खचक्राम्बुजधरां लक्ष्मीमेवं तु चिन्तयेत्
sarvālaṃkārasaṃyuktāṃ sarvaratnavirājitām / śaṅkhacakrāmbujadharāṃ lakṣmīmevaṃ tu cintayet
Sanskrit only: no published translation is held for this verse.
दक्षिणोर्ध्वकरे चक्रमधः पद्मं विराजितम् । वामे शङ्खमधः पद्मं वरदं वाभयं तु वा
dakṣiṇordhvakare cakramadhaḥ padmaṃ virājitam / vāme śaṅkhamadhaḥ padmaṃ varadaṃ vābhayaṃ tu vā
Sanskrit only: no published translation is held for this verse.
एवं ध्यायेन्मुनिश्रेष्ठ स्वतन्त्रार्चाविधानके । परतन्त्रे तु वक्ष्यामि लक्षणं पुष्टिसंयुतम्
evaṃ dhyāyenmuniśreṣṭha svatantrārcāvidhānake / paratantre tu vakṣyāmi lakṣaṇaṃ puṣṭisaṃyutam
Sanskrit only: no published translation is held for this verse.
शङ्खचक्रं व्यपोह्यैव श्रियं पुष्टिं तु कल्पयेत् । द्विभुजां कनकाभासां श्रियं विन्यस्य दक्षिणे
śaṅkhacakraṃ vyapohyaiva śriyaṃ puṣṭiṃ tu kalpayet / dvibhujāṃ kanakābhāsāṃ śriyaṃ vinyasya dakṣiṇe
Sanskrit only: no published translation is held for this verse.
पुष्टिं वामे न्यसेत्तस्याः लक्षणं शृणु नारद । दूर्वाश्यामां सुरक्तां वा द्विभुजां पङ्कजाननाम्
puṣṭiṃ vāme nyasettasyāḥ lakṣaṇaṃ śṛṇu nārada / dūrvāśyāmāṃ suraktāṃ vā dvibhujāṃ paṅkajānanām
Sanskrit only: no published translation is held for this verse.
सर्वावयवसंपूर्णां मकुटादिविराजिताम् । रक्तपद्मोर्ध्वगां देवीं सर्वाभरणभूषिताम्
sarvāvayavasaṃpūrṇāṃ makuṭādivirājitām / raktapadmordhvagāṃ devīṃ sarvābharaṇabhūṣitām
Sanskrit only: no published translation is held for this verse.
दिव्यमाल्याम्बरधरां दिव्यरत्नविराजिताम् । रक्तपद्मकरां देवीं ध्यायेत् पुष्टिं हरिप्रियाम्
divyamālyāmbaradharāṃ divyaratnavirājitām / raktapadmakarāṃ devīṃ dhyāyet puṣṭiṃ haripriyām
Sanskrit only: no published translation is held for this verse.
एवं ध्यात्वा मुनिश्रेष्ठ कारयेत् सुमनोरमाम् । एवं पुष्टिं तु संचिन्त्य सर्वदुःखाघनाशिनीम्
evaṃ dhyātvā muniśreṣṭha kārayet sumanoramām / evaṃ puṣṭiṃ tu saṃcintya sarvaduḥkhāghanāśinīm
Sanskrit only: no published translation is held for this verse.
मेधामूर्तिमथो वक्ष्ये सर्वविद्याप्रदायिनीम् । रक्तपद्मदलप्रख्यां पद्मासनगतां शुभाम्
medhāmūrtimatho vakṣye sarvavidyāpradāyinīm / raktapadmadalaprakhyāṃ padmāsanagatāṃ śubhām
Sanskrit only: no published translation is held for this verse.
सर्वलक्षणसंपन्नां सर्वाभरणभूषिताम् । द्विभुजां द्विदृशां(शं?) देवीं मेधां मकुटधारिणीम्
sarvalakṣaṇasaṃpannāṃ sarvābharaṇabhūṣitām / dvibhujāṃ dvidṛśāṃ(śaṃ?) devīṃ medhāṃ makuṭadhāriṇīm
Sanskrit only: no published translation is held for this verse.
मेधा चैव मया प्रोक्ता वाग्देवीमधुना शृणु । शुद्धस्फटिकसंकाशां श्वेतपद्मगतां शुभाम्
medhā caiva mayā proktā vāgdevīmadhunā śṛṇu / śuddhasphaṭikasaṃkāśāṃ śvetapadmagatāṃ śubhām
Sanskrit only: no published translation is held for this verse.
पद्मासनसमोपेतां चतुर्हस्तसमन्विताम् । श्वेताम्बरसमायुक्तां मुक्ताभरणभूषिताम्
padmāsanasamopetāṃ caturhastasamanvitām / śvetāmbarasamāyuktāṃ muktābharaṇabhūṣitām
Sanskrit only: no published translation is held for this verse.
त्रिदृशां(शं?)द्विदृशां(शं?) वापि ह्यक्षमालाधरां शुभाम् । व्याख्यानपुस्तकायुक्तां वाग्देवीं मकुटान्विताम्
tridṛśāṃ(śaṃ?)dvidṛśāṃ(śaṃ?) vāpi hyakṣamālādharāṃ śubhām / vyākhyānapustakāyuktāṃ vāgdevīṃ makuṭānvitām
Sanskrit only: no published translation is held for this verse.
एवं सरस्वतीं ध्यायेत् सर्वदेवीमयीं पराम् । परतन्त्रविधानं चेत् प्रवक्ष्यामि सरस्वतीम्
evaṃ sarasvatīṃ dhyāyet sarvadevīmayīṃ parām / paratantravidhānaṃ cet pravakṣyāmi sarasvatīm
Sanskrit only: no published translation is held for this verse.
सर्वलक्षणसंपन्नां सर्वावयवशाभिताम् । सर्वाभरणसंयुक्तां द्विभुजां द्विदृशां(शं?) पराम्
sarvalakṣaṇasaṃpannāṃ sarvāvayavaśābhitām / sarvābharaṇasaṃyuktāṃ dvibhujāṃ dvidṛśāṃ(śaṃ?) parām
Sanskrit only: no published translation is held for this verse.
विशेषश्चात्र संप्रोक्तः शेषं पूर्ववदाचरेत् । इत्येवं परतन्त्रे तु लक्षणं परिपठ्यते
viśeṣaścātra saṃproktaḥ śeṣaṃ pūrvavadācaret / ityevaṃ paratantre tu lakṣaṇaṃ paripaṭhyate
Sanskrit only: no published translation is held for this verse.
गणनावलयं चोर्ध्वे वामस्योर्ध्वे कमण्डलुम् । पुस्तकं चाधरे हस्ते सर्वविद्यार्णवामृतम्
gaṇanāvalayaṃ cordhve vāmasyordhve kamaṇḍalum / pustakaṃ cādhare haste sarvavidyārṇavāmṛtam
Sanskrit only: no published translation is held for this verse.
प्रतिपादनमुद्रां च दक्षिणाधरहस्तके । परतन्त्रे मुनिश्रेष्ट पद्महस्तां शुभाननाम्
pratipādanamudrāṃ ca dakṣiṇādharahastake / paratantre muniśreṣṭa padmahastāṃ śubhānanām
Sanskrit only: no published translation is held for this verse.
अङ्घ्रिपार्श्वेंऽशुकं गृह्य एवं वाणीं प्रकल्पयेत् । एवं संक्षेपतः प्रोक्तं दुर्गामूर्तिमथो शृणु
aṅghripārśveṃ'śukaṃ gṛhya evaṃ vāṇīṃ prakalpayet / evaṃ saṃkṣepataḥ proktaṃ durgāmūrtimatho śṛṇu
Sanskrit only: no published translation is held for this verse.
श्यामाद्रिशिखराकारां त्रिणेत्रां पङ्कजाननाम् । द्विनेत्रां वा मुनिश्रेष्ठ चतुर्हस्ताष्टकं तु वा
śyāmādriśikharākārāṃ triṇetrāṃ paṅkajānanām / dvinetrāṃ vā muniśreṣṭha caturhastāṣṭakaṃ tu vā
Sanskrit only: no published translation is held for this verse.
सर्वावयवसंपूर्णां मकुटादिविराजिताम् । शङ्खचक्राभयभुजां(करां?)पद्मस्योपरि संस्थिताम्
sarvāvayavasaṃpūrṇāṃ makuṭādivirājitām / śaṅkhacakrābhayabhujāṃ(karāṃ?)padmasyopari saṃsthitām
Sanskrit only: no published translation is held for this verse.
दुर्गां चैवं मया प्रोक्तां हेतिन्यासमथो शृणु । दक्षिणोर्ध्वकरे चक्रमभयं चापरे करे
durgāṃ caivaṃ mayā proktāṃ hetinyāsamatho śṛṇu / dakṣiṇordhvakare cakramabhayaṃ cāpare kare
Sanskrit only: no published translation is held for this verse.
वामोर्ध्वे कम्बु विन्यस्य ह्यधस्तात् कटिहस्तकम् । एवं चतुर्भुजे प्रोक्त अष्टहस्ते त्वथो शृणु
vāmordhve kambu vinyasya hyadhastāt kaṭihastakam / evaṃ caturbhuje prokta aṣṭahaste tvatho śṛṇu
Sanskrit only: no published translation is held for this verse.
तस्य दक्षिणहस्तोर्ध्वे चक्रं कालाग्निसंनिभम् । अस्याधरे तु शङ्खः स्यात् खङ्गं चाधरदोष्णि तु
tasya dakṣiṇahastordhve cakraṃ kālāgnisaṃnibham / asyādhare tu śaṅkhaḥ syāt khaṅgaṃ cādharadoṣṇi tu
Sanskrit only: no published translation is held for this verse.
स(त्रि?) शूलं विद्रुमप्रख्यं विन्यसेदपरे शुभे(करे?) । एवं दक्षिणपार्श्वे तु प्रोक्तं वामे त्वथ शृणु
sa(tri?) śūlaṃ vidrumaprakhyaṃ vinyasedapare śubhe(kare?) / evaṃ dakṣiṇapārśve tu proktaṃ vāme tvatha śṛṇu
Sanskrit only: no published translation is held for this verse.
चापो वामोर्ध्वहस्ते स्यात् ह्यधस्ताच्छङ्ख एव तु । परिघोप्यधरे हस्ते गदा चैवापरे करे
cāpo vāmordhvahaste syāt hyadhastācchaṅkha eva tu / parighopyadhare haste gadā caivāpare kare
Sanskrit only: no published translation is held for this verse.
एवं संक्षेपतः प्रोक्तां महिषान्तकरी शुभा । अत्र कश्चिद्विशेषो ऽस्ति दुर्गापूजाविधिक्रमे
evaṃ saṃkṣepataḥ proktāṃ mahiṣāntakarī śubhā / atra kaścidviśeṣo 'sti durgāpūjāvidhikrame
Sanskrit only: no published translation is held for this verse.
संहितां तु करे गृह्य पूजयेद्विधिचोदितम् । विशेषश्चात्र संप्रोक्तः शेषं साधारणं स्मृतम्
saṃhitāṃ tu kare gṛhya pūjayedvidhicoditam / viśeṣaścātra saṃproktaḥ śeṣaṃ sādhāraṇaṃ smṛtam
Sanskrit only: no published translation is held for this verse.
विघ्नेशं वैष्णवं वक्ष्ये सर्वविघ्नोपनाशनम् । उत्पत्तिलक्षणं चास्य संक्षेपाच्छृणु नारद
vighneśaṃ vaiṣṇavaṃ vakṣye sarvavighnopanāśanam / utpattilakṣaṇaṃ cāsya saṃkṣepācchṛṇu nārada
Sanskrit only: no published translation is held for this verse.
नारायणांशकं साक्षादाकाशात्मकमव्ययम् । हस्तिवक्त्रसमायुक्तं लीलयाग्नौ समुद्भवम्
nārāyaṇāṃśakaṃ sākṣādākāśātmakamavyayam / hastivaktrasamāyuktaṃ līlayāgnau samudbhavam
Sanskrit only: no published translation is held for this verse.
दुष्टप्रध्वंसनार्थाय यागाग्नौ परमं हरिम(?) । अतस्तल्लक्षणं वक्ष्ये विविक्तेन शृणु क्रमात्
duṣṭapradhvaṃsanārthāya yāgāgnau paramaṃ harima(?) / atastallakṣaṇaṃ vakṣye viviktena śṛṇu kramāt
Sanskrit only: no published translation is held for this verse.
श्वेतं कृष्णं तथा श्यामं रक्तं वा मुनिसत्तम । संज्ञात्वा लक्षणोपेतं कारयेद्धस्तिवक्त्रकम्
śvetaṃ kṛṣṇaṃ tathā śyāmaṃ raktaṃ vā munisattama / saṃjñātvā lakṣaṇopetaṃ kārayeddhastivaktrakam
Sanskrit only: no published translation is held for this verse.
सर्वावयवसंपूर्णं सर्वाभरणभूषितम् । चतुर्बाहुं द्विनेत्रं च त्रिणेत्रं वात्र कारयेत्
sarvāvayavasaṃpūrṇaṃ sarvābharaṇabhūṣitam / caturbāhuṃ dvinetraṃ ca triṇetraṃ vātra kārayet
Sanskrit only: no published translation is held for this verse.
नागयज्ञोपवीताङ्गं श्वेताम्बरसमन्वितम् । शङ्खचक्रसमायुक्तं वरदं रशनाङ्कुशम्(?)
nāgayajñopavītāṅgaṃ śvetāmbarasamanvitam / śaṅkhacakrasamāyuktaṃ varadaṃ raśanāṅkuśam(?)
Sanskrit only: no published translation is held for this verse.
विन्यसेन्मुनिशार्दूल कर्तुरिच्छावशात् क्रमात् । कारयेद्यागविघ्नस्य नाशार्थं विघ्ननायकम्
vinyasenmuniśārdūla karturicchāvaśāt kramāt / kārayedyāgavighnasya nāśārthaṃ vighnanāyakam
Sanskrit only: no published translation is held for this verse.
दक्षिणे ऽस्य न्यसेच्चक्रमभयं त्वपरे भुजे(करे?) । वामे शङ्खं न्यसेदूर्ध्वे ह्यधस्ताल्लकुटं न्यसेत्
dakṣiṇe 'sya nyaseccakramabhayaṃ tvapare bhuje(kare?) / vāme śaṅkhaṃ nyasedūrdhve hyadhastāllakuṭaṃ nyaset
Sanskrit only: no published translation is held for this verse.
एवं चक्रादिसंप्रोक्तमपरं चाधुना शृणु । दक्षिणे परशुं न्यस्य ह्यधः पाशाङ्कुशं न्यसेत्
evaṃ cakrādisaṃproktamaparaṃ cādhunā śṛṇu / dakṣiṇe paraśuṃ nyasya hyadhaḥ pāśāṅkuśaṃ nyaset
Sanskrit only: no published translation is held for this verse.
अक्षमालां न्यसेद्वामे पाशं चाधरदोषणि । विन्यसेन्मुनिशार्दूल हस्तिवक्त्राग्रके फलम्
akṣamālāṃ nyasedvāme pāśaṃ cādharadoṣaṇi / vinyasenmuniśārdūla hastivaktrāgrake phalam
Sanskrit only: no published translation is held for this verse.
द्विप्रकारं मया प्रोक्तं विघ्नेशायुधकं भवेत् । विन्यसेन्मुनिशार्दूल साधकेच्छानुरूपतः
dviprakāraṃ mayā proktaṃ vighneśāyudhakaṃ bhavet / vinyasenmuniśārdūla sādhakecchānurūpataḥ
Sanskrit only: no published translation is held for this verse.
स्वतन्त्रे परतन्त्रे च रूपमेवं तु चिन्तयेत् । आखुस्तद्वाहनं प्रोक्तं गरुडं वाग्रतः स्मरेत्
svatantre paratantre ca rūpamevaṃ tu cintayet / ākhustadvāhanaṃ proktaṃ garuḍaṃ vāgrataḥ smaret
Sanskrit only: no published translation is held for this verse.
नारायणांशकत्वाच्च प्रोक्तस्तत्र खगेश्वरः । गणानां तु त्र्यृचा तत्र विघ्नेशं योर्ऽचयेद् द्विजः
nārāyaṇāṃśakatvācca proktastatra khageśvaraḥ / gaṇānāṃ tu tryṛcā tatra vighneśaṃ yor'cayed dvijaḥ
Sanskrit only: no published translation is held for this verse.
सर्वान् कामानवाप्नोति राज्ञस्तु विजयो भवेत् । अत्र कश्चिद्विशेषो ऽस्ति शृणु त्वं मुनिपुङ्गव
sarvān kāmānavāpnoti rājñastu vijayo bhavet / atra kaścidviśeṣo 'sti śṛṇu tvaṃ munipuṅgava
Sanskrit only: no published translation is held for this verse.
विमानलक्षणं चैव प्रतिमाद्रव्यमेव च । प्रतिमालक्षणं चैव परिवारस्य लक्षणम्
vimānalakṣaṇaṃ caiva pratimādravyameva ca / pratimālakṣaṇaṃ caiva parivārasya lakṣaṇam
Sanskrit only: no published translation is held for this verse.
पूजनादीनि सर्वाणि मूर्तीनां मुनिपुङ्गव । साधारणक्रमं ज्ञात्वा आदिमूर्तिवदाचरेत्
pūjanādīni sarvāṇi mūrtīnāṃ munipuṅgava / sādhāraṇakramaṃ jñātvā ādimūrtivadācaret
Sanskrit only: no published translation is held for this verse.
परमात्मादिमूर्तीनां विघ्नेशान्तं महामुने । स्वतन्त्रे परतन्त्रे च पूजयेत् स्वस्वविद्यया
paramātmādimūrtīnāṃ vighneśāntaṃ mahāmune / svatantre paratantre ca pūjayet svasvavidyayā
Sanskrit only: no published translation is held for this verse.
वामनं विघ्नराजं च स्वतन्त्रं चेन्मुनीश्वर । श् एकबेरं तु संस्थाप्य पूजयेत्तु दिने दिने
vāmanaṃ vighnarājaṃ ca svatantraṃ cenmunīśvara / ś ekaberaṃ tu saṃsthāpya pūjayettu dine dine
Sanskrit only: no published translation is held for this verse.
षङ्बेरं वा त्रिबेरं वा संस्थाप्य विधिना मुने । नेष्यन्ते ऽत्र श्रियादीनि शक्तिस्थापनकं परम्
ṣaṅberaṃ vā triberaṃ vā saṃsthāpya vidhinā mune / neṣyante 'tra śriyādīni śaktisthāpanakaṃ param
Sanskrit only: no published translation is held for this verse.
विशेषश्चात्र संप्रोक्तः शेषं साधारणं भवेत् । लक्ष्मीं पुष्टिं च वाग्देवीं मेधां दुर्गां च तत्र वै(?)
viśeṣaścātra saṃproktaḥ śeṣaṃ sādhāraṇaṃ bhavet / lakṣmīṃ puṣṭiṃ ca vāgdevīṃ medhāṃ durgāṃ ca tatra vai(?)
Sanskrit only: no published translation is held for this verse.
स्वतन्त्रे परतन्त्रे च पूजयेत् स्वस्वविद्यया । विशेषश्चात्र संप्रोक्तः पूजाभेदमतः शृणु
svatantre paratantre ca pūjayet svasvavidyayā / viśeṣaścātra saṃproktaḥ pūjābhedamataḥ śṛṇu
Sanskrit only: no published translation is held for this verse.
मूर्तीनां तु प्रवक्ष्यामि प्रासादादीनि पूर्ववत् । परमात्मादिमूर्तीनां पूजाभेदविशेषकम्
mūrtīnāṃ tu pravakṣyāmi prāsādādīni pūrvavat / paramātmādimūrtīnāṃ pūjābhedaviśeṣakam
Sanskrit only: no published translation is held for this verse.
शयने सति मूलार्चा कर्मार्चा चासनं भवेत् । स्थानकं वापि कुर्वीत तद्बेरं तु चतुर्भुजम्
śayane sati mūlārcā karmārcā cāsanaṃ bhavet / sthānakaṃ vāpi kurvīta tadberaṃ tu caturbhujam
Sanskrit only: no published translation is held for this verse.
बलिबेरं तथा कुर्यादुत्सवे(वं?) स्नपने(नं?) तथा । स्थानकस्यैवमेव स्यात् यानकं वापि कारयेत्
baliberaṃ tathā kuryādutsave(vaṃ?) snapane(naṃ?) tathā / sthānakasyaivameva syāt yānakaṃ vāpi kārayet
Sanskrit only: no published translation is held for this verse.
आसीने तु महाबेरे सर्वमासीनमेव वा । स्थानकं वापि कुर्वीत सर्वमेवं चतुर्भुजम्
āsīne tu mahābere sarvamāsīnameva vā / sthānakaṃ vāpi kurvīta sarvamevaṃ caturbhujam
Sanskrit only: no published translation is held for this verse.
मत्स्यादिदशमूर्तीनां पूजाबिम्बं चतुर्भुजम् । मूलबेरे तु यत्(यथा?) प्रोक्तं तथैव मुनिसत्तम
matsyādidaśamūrtīnāṃ pūjābimbaṃ caturbhujam / mūlabere tu yat(yathā?) proktaṃ tathaiva munisattama
Sanskrit only: no published translation is held for this verse.
अवतारे ऽथ वा कुर्यादर्चनाबेरमत्र वै । अत्र कश्चिद्विशेषो ऽस्ति मत्स्यादीनां तु नारद
avatāre 'tha vā kuryādarcanāberamatra vai / atra kaścidviśeṣo 'sti matsyādīnāṃ tu nārada
Sanskrit only: no published translation is held for this verse.
प्रवक्ष्यामि मुनिश्रेष्ठ शृणु मत्स्यादिकान् क्रमात् । बहिरावरणे कुर्यात् अवतारालयं बुधः
pravakṣyāmi muniśreṣṭha śṛṇu matsyādikān kramāt / bahirāvaraṇe kuryāt avatārālayaṃ budhaḥ
Sanskrit only: no published translation is held for this verse.
मण्डपे गोपुरे वापि प्राकारे वा स्वतन्त्रके । सर्वकामप्रदं पुण्यमायुरारोग्यवर्धनम्
maṇḍape gopure vāpi prākāre vā svatantrake / sarvakāmapradaṃ puṇyamāyurārogyavardhanam
Sanskrit only: no published translation is held for this verse.
जयलक्ष्मीविवृद्ध्यर्थं स्वतन्त्रपरतन्त्रयोः । अवतारार्चनफलं लोकेषु परिपठ्यते
jayalakṣmīvivṛddhyarthaṃ svatantraparatantrayoḥ / avatārārcanaphalaṃ lokeṣu paripaṭhyate
Sanskrit only: no published translation is held for this verse.
पर्वते वा वने वापि ग्रामे वा नगरे ऽपि वा । कारयेल्लक्षणोपेतान् यथावत्तत्क्रमान्मुने
parvate vā vane vāpi grāme vā nagare 'pi vā / kārayellakṣaṇopetān yathāvattatkramānmune
Sanskrit only: no published translation is held for this verse.
स्वतन्त्रेणैव वा चास्मिन् परतन्त्रेण वा मुने । कारयेत् प्रतिमां तत्र पूर्वोक्तद्रव्यसंयुतम्
svatantreṇaiva vā cāsmin paratantreṇa vā mune / kārayet pratimāṃ tatra pūrvoktadravyasaṃyutam
Sanskrit only: no published translation is held for this verse.
संस्थाप्य विधिवत्तेषां(त्ताश्च?) पूजयेत्तु दिने दिने । स्वतन्त्रार्चाविधाने तु मूर्तिभेदविधिं शृणु
saṃsthāpya vidhivatteṣāṃ(ttāśca?) pūjayettu dine dine / svatantrārcāvidhāne tu mūrtibhedavidhiṃ śṛṇu
Sanskrit only: no published translation is held for this verse.
बलिबिम्बोत्सवादींश्च वासुदेवादिकान् नयेत् (न्यसेत्?) । मूलमूर्त्यनुसारं तु न कुर्याद्वावतारके
balibimbotsavādīṃśca vāsudevādikān nayet (nyaset?) / mūlamūrtyanusāraṃ tu na kuryādvāvatārake
Sanskrit only: no published translation is held for this verse.
यजमानेच्छया चास्मिन् यथाकामं समाचरेत् । परिवाराणि सर्वाणि पूर्ववत् क्रमयोगतः
yajamānecchayā cāsmin yathākāmaṃ samācaret / parivārāṇi sarvāṇi pūrvavat kramayogataḥ
Sanskrit only: no published translation is held for this verse.
कल्पयेदवताराणं स्वतन्त्रार्चाविधानके । द्वाराद्यावरणान् सर्वान् कुर्याच्चैव स्वतन्त्रके
kalpayedavatārāṇaṃ svatantrārcāvidhānake / dvārādyāvaraṇān sarvān kuryāccaiva svatantrake
Sanskrit only: no published translation is held for this verse.
युक्त्या युक्तिविशेषेण क्रियते(कुर्याद्वै?) चात्र बुद्धिमान् । एवमुक्तप्रकारेण प्रतिमां कुरुते यदि
yuktyā yuktiviśeṣeṇa kriyate(kuryādvai?) cātra buddhimān / evamuktaprakāreṇa pratimāṃ kurute yadi
Sanskrit only: no published translation is held for this verse.