संक्षेपात् कथितं गुह्यं साधकानां हिताय वै ॥ इति श्रीपाञ्चरात्रे विष्वक्सेनसंहितायां झ्र्मन्त्राणां ऋषिछन्द- देवतादिकथनं नामट त्रयोदशो ऽध्यायः ॥ चतुर्दशो ऽध्यायः चतुर्दशो ऽध्यायः विष्वक्सेनः--- अतः परं प्रवक्ष्यामि चरुपाकविधिं परम् । शृणु नारद सर्वज्ञ व्रीहिक्षेत्रादिकान् क्रमात्
saṃkṣepāt kathitaṃ guhyaṃ sādhakānāṃ hitāya vai // iti śrīpāñcarātre viṣvaksenasaṃhitāyāṃ jhrmantrāṇāṃ ṛṣichanda- devatādikathanaṃ nāmaṭa trayodaśo 'dhyāyaḥ || caturdaśo 'dhyāyaḥ caturdaśo 'dhyāyaḥ viṣvaksenaḥ--- ataḥ paraṃ pravakṣyāmi carupākavidhiṃ param / śṛṇu nārada sarvajña vrīhikṣetrādikān kramāt
Sanskrit only: no published translation is held for this verse.
न चोषरधरायां च चण्डालादिगृहान्तिके । न श्मशानान्तिके भूम्यां धान्यसंग्रहणं भवेत्
na coṣaradharāyāṃ ca caṇḍālādigṛhāntike / na śmaśānāntike bhūmyāṃ dhānyasaṃgrahaṇaṃ bhavet
Sanskrit only: no published translation is held for this verse.
शुभक्षेत्रोद्भवं धान्यं त्र्यहाब्दं (त्र्यब्दं वा?) वत्सरं तु वा । षण्मासं वा त्रिमासं वा सम्यक् पर्युषितं शुभम्
śubhakṣetrodbhavaṃ dhānyaṃ tryahābdaṃ (tryabdaṃ vā?) vatsaraṃ tu vā / ṣaṇmāsaṃ vā trimāsaṃ vā samyak paryuṣitaṃ śubham
Sanskrit only: no published translation is held for this verse.
रक्तशालिं ततो (तु वा?) श्वेतं कृष्णशालिं तथैव च । संग्रहे ऽस्मिन् मुनिश्रेष्ठ तण्डुलं श्वेतमुत्तमम्
raktaśāliṃ tato (tu vā?) śvetaṃ kṛṣṇaśāliṃ tathaiva ca / saṃgrahe 'smin muniśreṣṭha taṇḍulaṃ śvetamuttamam
Sanskrit only: no published translation is held for this verse.
कुन्देन्दुमुक्तासंकाशैः तत्कृतैः (?) शालितण्डुलैः । पाचयेद्धरिवेश्मस्य (-गेहस्य?) आग्नेय्यां पचनालये
kundendumuktāsaṃkāśaiḥ tatkṛtaiḥ (?) śālitaṇḍulaiḥ / pācayeddhariveśmasya (-gehasya?) āgneyyāṃ pacanālaye
Sanskrit only: no published translation is held for this verse.
मन्त्रज्ञो वंशसंपन्नः प्रातःस्नानपरायणः । हविषां पाकयोग्यस्तु बलवान् कर्मतत्परः
mantrajño vaṃśasaṃpannaḥ prātaḥsnānaparāyaṇaḥ / haviṣāṃ pākayogyastu balavān karmatatparaḥ
Sanskrit only: no published translation is held for this verse.
मानादि चाधुना वक्ष्ये शृणु गुह्यमनुत्तमम् । द्विशतैः पञ्चविंशद्भिः व्रीहिभिश्चैव पूरितम्
mānādi cādhunā vakṣye śṛṇu guhyamanuttamam / dviśataiḥ pañcaviṃśadbhiḥ vrīhibhiścaiva pūritam
Sanskrit only: no published translation is held for this verse.
शुक्तिमात्रमिति ख्यातं मानं तेनैव कल्पयेत् । तद्द्वयं तलमित्युक्तं प्रकुब्जं (-ञ्चः?)स्यात्तलद्वयम्
śuktimātramiti khyātaṃ mānaṃ tenaiva kalpayet / taddvayaṃ talamityuktaṃ prakubjaṃ (-ñcaḥ?)syāttaladvayam
Sanskrit only: no published translation is held for this verse.
तद्द्वयं प्रसृतिः प्रोक्ता कुडुम्बं(-बं?)प्रसृतिद्वयम् । अञ्जलिस्तद्द्वयं प्रोक्तं प्रस्थः स्यादञ्जलिद्वयम्
taddvayaṃ prasṛtiḥ proktā kuḍumbaṃ(-baṃ?)prasṛtidvayam / añjalistaddvayaṃ proktaṃ prasthaḥ syādañjalidvayam
Sanskrit only: no published translation is held for this verse.
पात्रं प्रस्थद्वयं प्रोक्तमाढकं तद्द्वयं भवेत् । तद्द्वयं शिवमित्युक्तं द्रोणं विद्याच्छिवद्वयम्
pātraṃ prasthadvayaṃ proktamāḍhakaṃ taddvayaṃ bhavet / taddvayaṃ śivamityuktaṃ droṇaṃ vidyācchivadvayam
Sanskrit only: no published translation is held for this verse.
द्रोणद्वयं भवेत् खारी भारं खारित्रयं भवेत् । मानमेवं मया प्रोक्तं पात्रशुद्धिमथो शृणु
droṇadvayaṃ bhavet khārī bhāraṃ khāritrayaṃ bhavet / mānamevaṃ mayā proktaṃ pātraśuddhimatho śṛṇu
Sanskrit only: no published translation is held for this verse.
चरुपात्रद्वयं प्रोक्तं ताम्रं मृण्मयमेव वा । ताम्राभावे मुनिश्रेष्ठ मृण्मयं वाथ कारयेत्
carupātradvayaṃ proktaṃ tāmraṃ mṛṇmayameva vā / tāmrābhāve muniśreṣṭha mṛṇmayaṃ vātha kārayet
Sanskrit only: no published translation is held for this verse.
दिने दिने नवं गृह्यं साधयेत् साधकोत्तमः । पात्राणि च शरावाणि संगृह्य परिचारकः
dine dine navaṃ gṛhyaṃ sādhayet sādhakottamaḥ / pātrāṇi ca śarāvāṇi saṃgṛhya paricārakaḥ
Sanskrit only: no published translation is held for this verse.
शुद्धतोयेन संक्षाल्य विष्णुगायत्रिया पुनः । प्रोक्षयेद्गन्धतोयेन पञ्चोपनिषदैः क्रमात्
śuddhatoyena saṃkṣālya viṣṇugāyatriyā punaḥ / prokṣayedgandhatoyena pañcopaniṣadaiḥ kramāt
Sanskrit only: no published translation is held for this verse.
पात्रशुद्धिरिह प्रोक्ता हविःसंख्या(?)प्रचक्षते । उत्तमोत्तममित्युक्तमष्टद्रोणैस्तु पूरितम्
pātraśuddhiriha proktā haviḥsaṃkhyā(?)pracakṣate / uttamottamamityuktamaṣṭadroṇaistu pūritam
Sanskrit only: no published translation is held for this verse.
षड्द्रोणैस्तण्डुलैःसिद्धं भवेदुत्तममध्यमम् । द्रोणहीनं भवेत्तत्र उत्तमाधममुच्यते
ṣaḍdroṇaistaṇḍulaiḥsiddhaṃ bhaveduttamamadhyamam / droṇahīnaṃ bhavettatra uttamādhamamucyate
Sanskrit only: no published translation is held for this verse.
मध्यमोत्तममित्युक्तं खारिद्वयसमन्वितम् । द्रोणद्वयेन नैवेद्यं भवेन्मध्यममध्यमम्
madhyamottamamityuktaṃ khāridvayasamanvitam / droṇadvayena naivedyaṃ bhavenmadhyamamadhyamam
Sanskrit only: no published translation is held for this verse.
मध्यमाधममित्युक्तं द्रोणद्वयसमद्वयम् (?) । द्रोणं चैव तदर्धं च तस्यार्धमधमत्रयम्
madhyamādhamamityuktaṃ droṇadvayasamadvayam (?) / droṇaṃ caiva tadardhaṃ ca tasyārdhamadhamatrayam
Sanskrit only: no published translation is held for this verse.
तण्डुलैराढकैर्हीनं नैवेद्यं न प्रकल्पयेत् । चरुःप्रस्थद्वयः प्रोक्तः हविराढकमुच्यते
taṇḍulairāḍhakairhīnaṃ naivedyaṃ na prakalpayet / caruḥprasthadvayaḥ proktaḥ havirāḍhakamucyate
Sanskrit only: no published translation is held for this verse.
तस्मिन् (तत्तु?)श्रियादिदेवीनामाढकं वार्धमेव वा । निवेदयेन्मुनिश्रेष्ठ तण्डुलानां विधिं शृणु
tasmin (tattu?)śriyādidevīnāmāḍhakaṃ vārdhameva vā / nivedayenmuniśreṣṭha taṇḍulānāṃ vidhiṃ śṛṇu
Sanskrit only: no published translation is held for this verse.
द्वितीयावरणे चैव तृतीयावरणे ऽपि वा । कुर्याद्धान्यावघातस्य शालामीशानगोचरे
dvitīyāvaraṇe caiva tṛtīyāvaraṇe 'pi vā / kuryāddhānyāvaghātasya śālāmīśānagocare
Sanskrit only: no published translation is held for this verse.
दक्षिणे वाथ वायव्ये नैरृते वान्तरे तथा । शालां च भूषयित्वा तु वितानाद्यैर्मनोहरैः
dakṣiṇe vātha vāyavye nairṛte vāntare tathā / śālāṃ ca bhūṣayitvā tu vitānādyairmanoharaiḥ
Sanskrit only: no published translation is held for this verse.
गोमयेन समालिप्य शालिपिष्टैर्विचित्रयेत् । ब्राह्मणी तु सुशीला च ब्राह्मण्येन समन्विता
gomayena samālipya śālipiṣṭairvicitrayet / brāhmaṇī tu suśīlā ca brāhmaṇyena samanvitā
Sanskrit only: no published translation is held for this verse.
धान्यावघातं तत्रैव कुर्यादाममनुत्तमम् । उलूखलादि संप्रोक्ष्य हरिरित्युच्चरन् क्रमात्
dhānyāvaghātaṃ tatraiva kuryādāmamanuttamam / ulūkhalādi saṃprokṣya harirityuccaran kramāt
Sanskrit only: no published translation is held for this verse.
घातयेत् सर्वधान्यानि पश्चात्तण्डुलमेव च । आमं वाप्यथवा पक्वमेवमेव दिने दिने
ghātayet sarvadhānyāni paścāttaṇḍulameva ca / āmaṃ vāpyathavā pakvamevameva dine dine
Sanskrit only: no published translation is held for this verse.
संस्कृत्य तण्डुलान् सर्वान् संगृह्य प्रणवेन तु । निरीक्ष्य तण्डुलान् पश्चात् शर्करादीनि सर्वशः
saṃskṛtya taṇḍulān sarvān saṃgṛhya praṇavena tu / nirīkṣya taṇḍulān paścāt śarkarādīni sarvaśaḥ
Sanskrit only: no published translation is held for this verse.
हरिस्मृत्या क्रमेणैव शुचिर्भूत्वा समहितः (ता?) । परार्थे विष्णुपूजायां सच्छूद्रो वैष्णवो मुने
harismṛtyā krameṇaiva śucirbhūtvā samahitaḥ (tā?) / parārthe viṣṇupūjāyāṃ sacchūdro vaiṣṇavo mune
Sanskrit only: no published translation is held for this verse.
न स्पृशेत् पक्वमामं॥।कुर्याद्यथारुचि । तदभावे मुनिश्रेष्ठ वैष्णवानां गृहे गृहे
na spṛśet pakvamāmaṃ...kuryādyathāruci / tadabhāve muniśreṣṭha vaiṣṇavānāṃ gṛhe gṛhe
Sanskrit only: no published translation is held for this verse.
दिने दिने तु कर्तव्यास्तण्डुलाः शूद्रकैर्विना । अस्मिन् (यस्तु?)शुद्रगृहे मोहाल्लेभाद्वा मुनिसत्तम
dine dine tu kartavyāstaṇḍulāḥ śūdrakairvinā / asmin (yastu?)śudragṛhe mohāllebhādvā munisattama
Sanskrit only: no published translation is held for this verse.
तण्डुलं कुरुते पूजा निष्फला सा भविष्यति । सर्वनाशमवाप्नोति तस्माद्यत्नेन वर्जयेत्
taṇḍulaṃ kurute pūjā niṣphalā sā bhaviṣyati / sarvanāśamavāpnoti tasmādyatnena varjayet
Sanskrit only: no published translation is held for this verse.
स्वार्थार्चने यथाकामं भक्त्या देवाय दापयेत् । अभिन्नास्तण्डुला ग्राह्या अखिन्नाश्च तथैव च
svārthārcane yathākāmaṃ bhaktyā devāya dāpayet / abhinnāstaṇḍulā grāhyā akhinnāśca tathaiva ca
Sanskrit only: no published translation is held for this verse.
अतुषाश्चाप्यपाषाणाः कृमिकीटविवर्जिताः । अकणाश्च रजोपेताः पांसुस्पर्शनवर्जिता (?)
atuṣāścāpyapāṣāṇāḥ kṛmikīṭavivarjitāḥ / akaṇāśca rajopetāḥ pāṃsusparśanavarjitā (?)
Sanskrit only: no published translation is held for this verse.
अपक्वास्तण्डुलाश्चान्याः न निवेद्याः कथंचन । पक्वमेव चरुं दद्यात् अपक्वं तु विवर्जयेत्
apakvāstaṇḍulāścānyāḥ na nivedyāḥ kathaṃcana / pakvameva caruṃ dadyāt apakvaṃ tu vivarjayet
Sanskrit only: no published translation is held for this verse.
वर्जितं च चरुं मोहात् निवेदयति चेन्मुने । राक्षसाश्च पिशाचाश्च हृष्टा गृह्णान्ति तच्चरुम्
varjitaṃ ca caruṃ mohāt nivedayati cenmune / rākṣasāśca piśācāśca hṛṣṭā gṛhṇānti taccarum
Sanskrit only: no published translation is held for this verse.
कुप्यते(?)तु हरिश्चापि नात्र कार्या विचारणा । तस्मात् सर्वप्रयत्नेन वर्जितं वर्जयेत् सदा
kupyate(?)tu hariścāpi nātra kāryā vicāraṇā / tasmāt sarvaprayatnena varjitaṃ varjayet sadā
Sanskrit only: no published translation is held for this verse.
उद्धरेत् सर्वपात्राणि प्रणवेन महामुने । पुरा पात्राणि प्रक्षाल्य पूर्वोक्तेन विधानतः
uddharet sarvapātrāṇi praṇavena mahāmune / purā pātrāṇi prakṣālya pūrvoktena vidhānataḥ
Sanskrit only: no published translation is held for this verse.
अष्टाक्षरेण मन्त्रेण आज्येनैव तु लेपयेत् । स्पृशेच्च तण्डुलान् पश्चात् द्वादशाक्षरविद्यया
aṣṭākṣareṇa mantreṇa ājyenaiva tu lepayet / spṛśecca taṇḍulān paścāt dvādaśākṣaravidyayā
Sanskrit only: no published translation is held for this verse.
क्षिपेद्द्वादशमुष्टिं तु क्रमाद्द्वादशनामभिः । नमस्कारान्तसंयुक्तं ध्यात्वा तु हृदये हरिम्
kṣipeddvādaśamuṣṭiṃ tu kramāddvādaśanāmabhiḥ / namaskārāntasaṃyuktaṃ dhyātvā tu hṛdaye harim
Sanskrit only: no published translation is held for this verse.
ततश्च चतुरो मुष्टीन् प्रक्षिपेन्मूर्तिनामभिः । षड्भिः(?)प्रक्षालनं कृत्वा बीजेन परमेष्ठिना
tataśca caturo muṣṭīn prakṣipenmūrtināmabhiḥ / ṣaḍbhiḥ(?)prakṣālanaṃ kṛtvā bījena parameṣṭhinā
Sanskrit only: no published translation is held for this verse.
चुल्यामारोपयेत् पश्चाद्बीजेन पुरुषात्मना । अग्निं समेधयेत् पश्चाद्विश्वबीजेन साधकः
culyāmāropayet paścādbījena puruṣātmanā / agniṃ samedhayet paścādviśvabījena sādhakaḥ
Sanskrit only: no published translation is held for this verse.
निवृत्या अभिघार्याथ सर्वेणैवावतारयेत् । मूर्तिमन्त्रेण वा सर्वान् मूलमन्त्रेण वा मुने
nivṛtyā abhighāryātha sarveṇaivāvatārayet / mūrtimantreṇa vā sarvān mūlamantreṇa vā mune
Sanskrit only: no published translation is held for this verse.
कारयेन्मुनिशार्दूल नित्ये नैमित्तिके क्रमात् । चरुपाकविधाने ऽस्मिन् मन्त्रान् सर्वान महामुने
kārayenmuniśārdūla nitye naimittike kramāt / carupākavidhāne 'smin mantrān sarvāna mahāmune
Sanskrit only: no published translation is held for this verse.
नमस्कारविहीनेन(-नांस्तु?) योजयेन्मन्त्रवित्तमः । हविरादिषु वक्ष्यामि वर्ज्यावर्ज्यविधिं क्रमात्
namaskāravihīnena(-nāṃstu?) yojayenmantravittamaḥ / havirādiṣu vakṣyāmi varjyāvarjyavidhiṃ kramāt
Sanskrit only: no published translation is held for this verse.
नीलितं वर्जयेद्धव्यमतिपक्वं तथैव च । तथाप्यपाकसंपूर्णमर्धतण्डुलमेव च
nīlitaṃ varjayeddhavyamatipakvaṃ tathaiva ca / tathāpyapākasaṃpūrṇamardhataṇḍulameva ca
Sanskrit only: no published translation is held for this verse.
वर्णान्तरगतं चैव गन्धदुष्टं च धूपितम् । द्विपक्वं स्थापितं चैवाघ्रातं निष्वितनकम्(?)
varṇāntaragataṃ caiva gandhaduṣṭaṃ ca dhūpitam / dvipakvaṃ sthāpitaṃ caivāghrātaṃ niṣvitanakam(?)
Sanskrit only: no published translation is held for this verse.
अपक्षुतं श्वासहतं मुखवायुहतं तथा । परस्पृष्टं शुनादृष्टमदीक्षितनिरीक्षितम्
apakṣutaṃ śvāsahataṃ mukhavāyuhataṃ tathā / paraspṛṣṭaṃ śunādṛṣṭamadīkṣitanirīkṣitam
Sanskrit only: no published translation is held for this verse.
स्वेदबिन्दुहतं चापि धामहस्तगतं (वामहस्तहतं?) तथा । लङ्घितं शीतमत्युष्णं भिन्नपात्रगतं तथा
svedabinduhataṃ cāpi dhāmahastagataṃ (vāmahastahataṃ?) tathā / laṅghitaṃ śītamatyuṣṇaṃ bhinnapātragataṃ tathā
Sanskrit only: no published translation is held for this verse.
कृमिकेशादिसहितं कोष्ठ(काष्ठ?)लोष्ठादिपाति(संयु)तम् । मन्त्रहीनं क्रियाहीनं भक्तिहीनमतोषितम् (?)
kṛmikeśādisahitaṃ koṣṭha(kāṣṭha?)loṣṭhādipāti(saṃyu)tam / mantrahīnaṃ kriyāhīnaṃ bhaktihīnamatoṣitam (?)
Sanskrit only: no published translation is held for this verse.
अर्कपात्रगतं चापि वर्जयेद्यत्नतश्चरुम् । फलानि यत्नपक्वानि वर्जनीयानि सर्वशः
arkapātragataṃ cāpi varjayedyatnataścarum / phalāni yatnapakvāni varjanīyāni sarvaśaḥ
Sanskrit only: no published translation is held for this verse.
कदलीफलमेकं तु यत्नपक्वेषु गृह्यते । अपक्वम(-क्वं त्व?)ग्निनाशस्तं फलमत्र निवेदयेत्
kadalīphalamekaṃ tu yatnapakveṣu gṛhyate / apakvama(-kvaṃ tva?)gnināśastaṃ phalamatra nivedayet
Sanskrit only: no published translation is held for this verse.
एवमुक्तं तु शुद्धान्नं पायसं त्वधुनोच्यते । यजमानेच्छया तस्मिंस्तण्डुलं गृह्य साधकः
evamuktaṃ tu śuddhānnaṃ pāyasaṃ tvadhunocyate / yajamānecchayā tasmiṃstaṇḍulaṃ gṛhya sādhakaḥ
Sanskrit only: no published translation is held for this verse.
तण्डुलद्विगुणं क्षीरं मुद्गसारः समो भवेत् । पाचितं पायसं प्रोक्तं शेषं पूर्ववदाचरेत्
taṇḍuladviguṇaṃ kṣīraṃ mudgasāraḥ samo bhavet / pācitaṃ pāyasaṃ proktaṃ śeṣaṃ pūrvavadācaret
Sanskrit only: no published translation is held for this verse.
तण्डुलस्य चतुर्थांशांस्तिलान् प्रक्षिप्य चूर्णितान् । तच्चतुर्थं घृतं क्षिप्त्वा पाचयित्वा यथाविधि
taṇḍulasya caturthāṃśāṃstilān prakṣipya cūrṇitān / taccaturthaṃ ghṛtaṃ kṣiptvā pācayitvā yathāvidhi
Sanskrit only: no published translation is held for this verse.
कृसरान्नमिति प्रोक्तं गौल्यान्नं त्वधुना शृणु । पायसं पूर्ववत् कृत्वा तण्डुलेन समं गुलम्
kṛsarānnamiti proktaṃ gaulyānnaṃ tvadhunā śṛṇu / pāyasaṃ pūrvavat kṛtvā taṇḍulena samaṃ gulam
Sanskrit only: no published translation is held for this verse.
गुलार्धं प्रक्षिपेदाज्यं कदल्यादिफलं क्षिपेत् । गुलान्नमिति संप्रोक्तं मुद्गान्नमधुनोच्यते
gulārdhaṃ prakṣipedājyaṃ kadalyādiphalaṃ kṣipet / gulānnamiti saṃproktaṃ mudgānnamadhunocyate
Sanskrit only: no published translation is held for this verse.
तण्डुलेन समं मुद्गं नालिकेरुलान्वितम् । मुद्गान्नमिति संप्रोक्तं हरिद्रान्नमिहोच्यते
taṇḍulena samaṃ mudgaṃ nālikerulānvitam / mudgānnamiti saṃproktaṃ haridrānnamihocyate
Sanskrit only: no published translation is held for this verse.
मरीचिरजनीयुक्तं जीरकैः सर्षपैर्युतम् । उच्यते पाचितं ह्येतत् हरिद्रान्नं यथाविधि
marīcirajanīyuktaṃ jīrakaiḥ sarṣapairyutam / ucyate pācitaṃ hyetat haridrānnaṃ yathāvidhi
Sanskrit only: no published translation is held for this verse.
तद्विधिं चाधुना वक्ष्ये शृणु भागोत्तरं (पाकक्रमं?) मुने । द्रोणतण्डुलमादाय कुन्देन्दुधवलप्रभम्
tadvidhiṃ cādhunā vakṣye śṛṇu bhāgottaraṃ (pākakramaṃ?) mune / droṇataṇḍulamādāya kundendudhavalaprabham
Sanskrit only: no published translation is held for this verse.
पूर्ववत् पाचयित्वा तु मरीच्यादीनि विन्यसेत् । मरीचं प्रस्थपादं च त्रिगुणं(णां?) रजनीं क्षिपेत्
pūrvavat pācayitvā tu marīcyādīni vinyaset / marīcaṃ prasthapādaṃ ca triguṇaṃ(ṇāṃ?) rajanīṃ kṣipet
Sanskrit only: no published translation is held for this verse.
सर्षपं द्विगुणं चैव तदर्धं जीरकं क्षिपेत् । द्रोणस्यैवं मया प्रोक्तं शेषं युक्त्या प्रयोजयेत्
sarṣapaṃ dviguṇaṃ caiva tadardhaṃ jīrakaṃ kṣipet / droṇasyaivaṃ mayā proktaṃ śeṣaṃ yuktyā prayojayet
Sanskrit only: no published translation is held for this verse.
इति भागोत्तरं प्रोक्तं हरिद्रान्नस्य ते मया । उपदंशान् प्रवक्ष्यामि शृणुष्व मुनिसत्तम
iti bhāgottaraṃ proktaṃ haridrānnasya te mayā / upadaṃśān pravakṣyāmi śṛṇuṣva munisattama
Sanskrit only: no published translation is held for this verse.
गन्धवर्णरसोपेतं वस्त्रपूतं घृतं नवम् । द्वात्रिंशदंशमाज्यं स्यात् गृह्णीयादत्र गोघृतम्
gandhavarṇarasopetaṃ vastrapūtaṃ ghṛtaṃ navam / dvātriṃśadaṃśamājyaṃ syāt gṛhṇīyādatra goghṛtam
Sanskrit only: no published translation is held for this verse.
षोडशांशं तु गुल्माषं तदर्धं गुलमिष्यते । पक्वयुक्फलमूलं च सर्वं लवणमिश्रितम्
ṣoḍaśāṃśaṃ tu gulmāṣaṃ tadardhaṃ gulamiṣyate / pakvayukphalamūlaṃ ca sarvaṃ lavaṇamiśritam
Sanskrit only: no published translation is held for this verse.
घृतेन पाचयेत् सम्यक् तप्तकाञ्चनवन्मुने । मरीचै रजनीमिश्रैः सर्षपैश्च महामुने
ghṛtena pācayet samyak taptakāñcanavanmune / marīcai rajanīmiśraiḥ sarṣapaiśca mahāmune
Sanskrit only: no published translation is held for this verse.
पाचयित्वोपदंशानि देवेशाय निवेदयेत् । शेषाणिं चोपदंशानि यजमानेच्छया पचेत्
pācayitvopadaṃśāni deveśāya nivedayet / śeṣāṇiṃ copadaṃśāni yajamānecchayā pacet
Sanskrit only: no published translation is held for this verse.
दधिखण्डरसैर्युक्तमष्टांशकमुदाहृतम् । सूपं चैव तथा कुर्यात् यथावित्तानुसारतः(?)
dadhikhaṇḍarasairyuktamaṣṭāṃśakamudāhṛtam / sūpaṃ caiva tathā kuryāt yathāvittānusārataḥ(?)
Sanskrit only: no published translation is held for this verse.
अतस्तत् परिमाणं तु वक्ष्यामि मुनिसत्तम । यजमानेच्छया तस्मिन् गोदधि गृह्य साधकः
atastat parimāṇaṃ tu vakṣyāmi munisattama / yajamānecchayā tasmin godadhi gṛhya sādhakaḥ
Sanskrit only: no published translation is held for this verse.
तदर्धं तु गुलं क्षिप्त्वा तथा खण्डरसं क्षिपेत् । तस्याभावे तु सर्पिः स्यात् मरीचं निशि(?)चूर्णकम्
tadardhaṃ tu gulaṃ kṣiptvā tathā khaṇḍarasaṃ kṣipet / tasyābhāve tu sarpiḥ syāt marīcaṃ niśi(?)cūrṇakam
Sanskrit only: no published translation is held for this verse.
विन्यसेत् पाचितं ह्येतत् सूपं तत्र यथाविधि । कदलीपनसाम्राणां परिपक्वफलानि च
vinyaset pācitaṃ hyetat sūpaṃ tatra yathāvidhi / kadalīpanasāmrāṇāṃ paripakvaphalāni ca
Sanskrit only: no published translation is held for this verse.
आम्रं चैवोपदंशं स्यात् शृणु पक्वोपदंशकान् । कदलीपनसं चैव कारवल्लीद्वयं तथा
āmraṃ caivopadaṃśaṃ syāt śṛṇu pakvopadaṃśakān / kadalīpanasaṃ caiva kāravallīdvayaṃ tathā
Sanskrit only: no published translation is held for this verse.
कर्कवल्लीद्वयं चैव कूष्माण्डोर्वारुकं तथा । बृहतीं कृष्णबृहतीं करवर्तं तथैव च
karkavallīdvayaṃ caiva kūṣmāṇḍorvārukaṃ tathā / bṛhatīṃ kṛṣṇabṛhatīṃ karavartaṃ tathaiva ca
Sanskrit only: no published translation is held for this verse.
कर्करीं क्षुद्रबृहतीमलसन्तीद्वयं तथा । तथा कृष्णालसन्ती च ग्राह्याणि मधुराणि च
karkarīṃ kṣudrabṛhatīmalasantīdvayaṃ tathā / tathā kṛṣṇālasantī ca grāhyāṇi madhurāṇi ca
Sanskrit only: no published translation is held for this verse.
मधुरेषु च सर्वेषु तालमेकं तु वर्जयेत् । कदलीपनसाद्येषु(-द्यानां?)सारमुद्धृत्य नारद
madhureṣu ca sarveṣu tālamekaṃ tu varjayet / kadalīpanasādyeṣu(-dyānāṃ?)sāramuddhṛtya nārada
Sanskrit only: no published translation is held for this verse.
पात्रे निक्षिप्य देवाय दद्याच्चर्मादि वर्जयेत् । वर्जितं वर्जयेद्यत्नान्निवेदयति चेन्मुने
pātre nikṣipya devāya dadyāccarmādi varjayet / varjitaṃ varjayedyatnānnivedayati cenmune
Sanskrit only: no published translation is held for this verse.
तत्पूजा निष्फला याति सर्वरोगविवृद्धिकृत् । तस्माच्चर्मादि यत्नेन वर्जयेद्वर्जितं सदा
tatpūjā niṣphalā yāti sarvarogavivṛddhikṛt / tasmāccarmādi yatnena varjayedvarjitaṃ sadā
Sanskrit only: no published translation is held for this verse.
कुलुत्थमाषनिष्पावं वर्जयेद्द्वे(-द्द्वि?) दलेषु च । मुद्गद्वयं च शीबं च तथा कृष्णालसन्ति च (-काम्?)
kulutthamāṣaniṣpāvaṃ varjayeddve(-ddvi?) daleṣu ca / mudgadvayaṃ ca śībaṃ ca tathā kṛṣṇālasanti ca (-kām?)
Sanskrit only: no published translation is held for this verse.
शर्कराद्वयसंयुक्तं सम्यक्पक्वं सुशीतलम् । अन्नोपरि विनिक्षिप्य देवदेवं निवेदयेत्
śarkarādvayasaṃyuktaṃ samyakpakvaṃ suśītalam / annopari vinikṣipya devadevaṃ nivedayet
Sanskrit only: no published translation is held for this verse.
कोशातकीमलाबुं च पत्रजातीश्च वर्जयेत् । फलानि कथितान्यत्र मूलानि शृणु तत्परम्
kośātakīmalābuṃ ca patrajātīśca varjayet / phalāni kathitānyatra mūlāni śṛṇu tatparam
Sanskrit only: no published translation is held for this verse.
वल्ली चैव महावल्ली वनवल्ली तथैव च । पिण्डा चैव महापिण्डा क्षुद्रपिण्डा तथैव च
vallī caiva mahāvallī vanavallī tathaiva ca / piṇḍā caiva mahāpiṇḍā kṣudrapiṇḍā tathaiva ca
Sanskrit only: no published translation is held for this verse.
सुगन्धोत्पलकन्दं च देवेशस्य प्रियं शुभम् । ग्राह्याणि मूलान्येतानि देवदेवं निवेदयेत्
sugandhotpalakandaṃ ca deveśasya priyaṃ śubham / grāhyāṇi mūlānyetāni devadevaṃ nivedayet
Sanskrit only: no published translation is held for this verse.
अलाभे शेष (सर्व?) मूलानि (-नां?) वर्जयेद्वनसूरणम् । तथैव नित्यपूजायां सूरणं मुनिसत्तम
alābhe śeṣa (sarva?) mūlāni (-nāṃ?) varjayedvanasūraṇam / tathaiva nityapūjāyāṃ sūraṇaṃ munisattama
Sanskrit only: no published translation is held for this verse.
लोभान्मोहान्निवेद्यं चेत् (?) तत्पूजा निष्फला भवेत् । तस्मात् प्रयत्नतो वर्ज्यं सूरणं परिवर्जयेत्
lobhānmohānnivedyaṃ cet (?) tatpūjā niṣphalā bhavet / tasmāt prayatnato varjyaṃ sūraṇaṃ parivarjayet
Sanskrit only: no published translation is held for this verse.
काम्ये महोत्सवे चैव महान्ने तु महामुने । यजमानेच्छया तस्मिन् (?) सूरणं तु निवेदयेत्
kāmye mahotsave caiva mahānne tu mahāmune / yajamānecchayā tasmin (?) sūraṇaṃ tu nivedayet
Sanskrit only: no published translation is held for this verse.
विष्णुश्चैव महाविष्णुस्तथैव च महामुने । तृप्यत्व(न्त्य?)त्र महान्नेन हृष्टा गृह्णन्ति तच्चरुम्
viṣṇuścaiva mahāviṣṇustathaiva ca mahāmune / tṛpyatva(ntya?)tra mahānnena hṛṣṭā gṛhṇanti taccarum
Sanskrit only: no published translation is held for this verse.
कटुकाश्च तथाम्लाश्च तिक्ताश्चेति विशेषतः । यथालाभोपदंशेन पाचयेल्लक्षणैर्युतम्
kaṭukāśca tathāmlāśca tiktāśceti viśeṣataḥ / yathālābhopadaṃśena pācayellakṣaṇairyutam
Sanskrit only: no published translation is held for this verse.
मरीचिं निशिचूर्णं च तन्मध्ये कुडुबं क्षिपेत् । आम्लोपदंशमित्याहुः सर्वसंपत् सुखावहम्
marīciṃ niśicūrṇaṃ ca tanmadhye kuḍubaṃ kṣipet / āmlopadaṃśamityāhuḥ sarvasaṃpat sukhāvaham
Sanskrit only: no published translation is held for this verse.
कथितानि निवेद्यानि नान्यानि तु कथंचन । पात्राणि च शरावाणि बाह्यशुद्धिश्च कारयेत्
kathitāni nivedyāni nānyāni tu kathaṃcana / pātrāṇi ca śarāvāṇi bāhyaśuddhiśca kārayet
Sanskrit only: no published translation is held for this verse.
सर्वपात्रेषु बाह्येषु ऊर्ध्वपुण्ड्रं च भस्मना । कारयेन्मूर्तिमन्त्रेण पूर्वादिषु यथाक्रमम्
sarvapātreṣu bāhyeṣu ūrdhvapuṇḍraṃ ca bhasmanā / kārayenmūrtimantreṇa pūrvādiṣu yathākramam
Sanskrit only: no published translation is held for this verse.
शरावे विष्णुमन्त्रेण पूर्वपात्रे (-भागे?) तु लाच्छयेत् । महानसं समारभ्य गर्भगेहावसानकम्
śarāve viṣṇumantreṇa pūrvapātre (-bhāge?) tu lācchayet / mahānasaṃ samārabhya garbhagehāvasānakam
Sanskrit only: no published translation is held for this verse.
प्रथमेन जलैः प्रोक्ष्य भाण्डानुत्थापयेत् क्रमात् । तेन मन्त्रेण मतिमान् सर्वानुत्थापयेत् क्रमात्
prathamena jalaiḥ prokṣya bhāṇḍānutthāpayet kramāt / tena mantreṇa matimān sarvānutthāpayet kramāt
Sanskrit only: no published translation is held for this verse.
एतस्मिन्नेव काले तु शङ्खं दध्मु (?) स्त्रिभिः पृथक् । द्वारस्योत्तरपार्श्वे तु न्यसेत् पात्राणि सर्वशः
etasminneva kāle tu śaṅkhaṃ dadhmu (?) stribhiḥ pṛthak / dvārasyottarapārśve tu nyaset pātrāṇi sarvaśaḥ
Sanskrit only: no published translation is held for this verse.
सौवर्णं राजतं ताम्रमथवा कदलीदलम् । शुद्धकांस्येन वा कुर्यात् पात्रं शतपलेन तु
sauvarṇaṃ rājataṃ tāmramathavā kadalīdalam / śuddhakāṃsyena vā kuryāt pātraṃ śatapalena tu
Sanskrit only: no published translation is held for this verse.
तदर्धं वा मुनिश्रेष्ठ द्वात्रिंशत् पलेन (-लकेन?) वा । यथावित्तानुसारेण (?) पात्रं संगृह्य साधकः
tadardhaṃ vā muniśreṣṭha dvātriṃśat palena (-lakena?) vā / yathāvittānusāreṇa (?) pātraṃ saṃgṛhya sādhakaḥ
Sanskrit only: no published translation is held for this verse.
दर्वीघनं (?) समादाय आज्येनैवाभिघारयेत् । अन्नेन पूरयेत् पात्रं गुल्माषेण गुडेन च
darvīghanaṃ (?) samādāya ājyenaivābhighārayet / annena pūrayet pātraṃ gulmāṣeṇa guḍena ca
Sanskrit only: no published translation is held for this verse.
पलेनाज्येन दध्ना च सोपदंशं निवेदयेत् । चतुर्धास्मिन् विभज्यैकं भागं देवाय कल्पयेत्
palenājyena dadhnā ca sopadaṃśaṃ nivedayet / caturdhāsmin vibhajyaikaṃ bhāgaṃ devāya kalpayet
Sanskrit only: no published translation is held for this verse.
देवार्थं कल्पितं भागं देवेशाय निवेदयेत् । निवेद्य काले तन्त्रज्ञः अर्घ्यपाद्यादिकं ददेत्
devārthaṃ kalpitaṃ bhāgaṃ deveśāya nivedayet / nivedya kāle tantrajñaḥ arghyapādyādikaṃ dadet
Sanskrit only: no published translation is held for this verse.
पुष्पं दत्वा नमस्कृत्य हरेः पादौ तु साधकः । हस्तप्रक्षालनं कृत्वा देवस्यास्त्रेण मन्त्रवित्
puṣpaṃ datvā namaskṛtya hareḥ pādau tu sādhakaḥ / hastaprakṣālanaṃ kṛtvā devasyāstreṇa mantravit
Sanskrit only: no published translation is held for this verse.
परिषेकं ततः कृत्वा पूर्ववत् साधकोत्तमः । कृत्वा सु(स्व?)पाणी प्रक्षाल्य मूलमन्त्रेण संस्पृशेत्
pariṣekaṃ tataḥ kṛtvā pūrvavat sādhakottamaḥ / kṛtvā su(sva?)pāṇī prakṣālya mūlamantreṇa saṃspṛśet
Sanskrit only: no published translation is held for this verse.
शेषं तु पूर्ववत् कृत्वा हविराद्यं महामुने । स्वस्तिकासनसंयुक्ते देशिकोपेन्द्रतो मुखः
śeṣaṃ tu pūrvavat kṛtvā havirādyaṃ mahāmune / svastikāsanasaṃyukte deśikopendrato mukhaḥ
Sanskrit only: no published translation is held for this verse.
दक्षिणे करशाखासु पञ्चोपनिषदं न्यसेत् । निवेदयेद्धविस्तस्मिन् पञ्चधा परमेष्ठिना
dakṣiṇe karaśākhāsu pañcopaniṣadaṃ nyaset / nivedayeddhavistasmin pañcadhā parameṣṭhinā
Sanskrit only: no published translation is held for this verse.
नमस्कृत्य जपेत् पश्चात् पञ्चोपनिषदा मुने । पाणिं प्रक्षाल्य यत्नेन पृथक् पात्रे निवेदयेत्
namaskṛtya japet paścāt pañcopaniṣadā mune / pāṇiṃ prakṣālya yatnena pṛthak pātre nivedayet
Sanskrit only: no published translation is held for this verse.
शङ्खदुन्दुभिसुयंक्तं नृत्तगेयसमन्वितम् । देवदेवस्य देवर्षे नित्ये नैमित्तिके पुनः
śaṅkhadundubhisuyaṃktaṃ nṛttageyasamanvitam / devadevasya devarṣe nitye naimittike punaḥ
Sanskrit only: no published translation is held for this verse.
धूपं सुधूपितं भक्त्या पुनर्दधि निवेदयेत् । पानीयं च पुनर्दत्वा केलिपात्रे ऽमले शुभे
dhūpaṃ sudhūpitaṃ bhaktyā punardadhi nivedayet / pānīyaṃ ca punardatvā kelipātre 'male śubhe
Sanskrit only: no published translation is held for this verse.
तर्पणं पुनराचामं दत्वा तत्तत्प्रतिग्रहे । गन्धपिष्टैःसमुद्वर्त्य पाणिं सुश्वेतवाससा
tarpaṇaṃ punarācāmaṃ datvā tattatpratigrahe / gandhapiṣṭaiḥsamudvartya pāṇiṃ suśvetavāsasā
Sanskrit only: no published translation is held for this verse.
आच्छाद्य गन्धकल्केन पुनराचमनं ददेत् । मुखवासं ततो दत्वा विधिवत् साधकोत्तमः
ācchādya gandhakalkena punarācamanaṃ dadet / mukhavāsaṃ tato datvā vidhivat sādhakottamaḥ
Sanskrit only: no published translation is held for this verse.
पुनर्द्वितीयभागेन हविषा मूलविद्यया । जुहुयादग्निकुण्डे तु समिदाज्यपुरःसरम्
punardvitīyabhāgena haviṣā mūlavidyayā / juhuyādagnikuṇḍe tu samidājyapuraḥsaram
Sanskrit only: no published translation is held for this verse.
तृतीयेन बलिं दद्यात् प्राड्मुखो वाप्युदङ्मुखः । पुनर्दत्वा जलं सम्यक् नमस्कृत्य प्रदक्षिणम्
tṛtīyena baliṃ dadyāt prāḍmukho vāpyudaṅmukhaḥ / punardatvā jalaṃ samyak namaskṛtya pradakṣiṇam
Sanskrit only: no published translation is held for this verse.
दत्वा तद्बलिशेषं तु बलिपीठे विनिक्षिपेत् । तुर्यभागं तु संगृह्य आचार्यो मन्त्रवित्तमः
datvā tadbaliśeṣaṃ tu balipīṭhe vinikṣipet / turyabhāgaṃ tu saṃgṛhya ācāryo mantravittamaḥ
Sanskrit only: no published translation is held for this verse.
प्राशयेत् प्राङ्मुखो भूत्वा पात्रशेषमनुत्तमम् । तच्छेषं सर्वपापघ्नं सर्वरोगनिकृन्तनम्
prāśayet prāṅmukho bhūtvā pātraśeṣamanuttamam / taccheṣaṃ sarvapāpaghnaṃ sarvaroganikṛntanam
Sanskrit only: no published translation is held for this verse.
सर्वतीर्थप्रदं तस्माद्भक्षयेच्छेदषमुत्तमम् । आलयस्योत्तरे वापि नैरृते वापि मन्त्रवित्
sarvatīrthapradaṃ tasmādbhakṣayecchedaṣamuttamam / ālayasyottare vāpi nairṛte vāpi mantravit
Sanskrit only: no published translation is held for this verse.
भुक्त्वा चैव मुनिश्रेष्ठ शेषं पूर्ववदाचरेत् । नित्यपूजाविधौ ब्रह्मन् चरुपाकविधौ क्रमात्
bhuktvā caiva muniśreṣṭha śeṣaṃ pūrvavadācaret / nityapūjāvidhau brahman carupākavidhau kramāt
Sanskrit only: no published translation is held for this verse.
एवमुक्तप्रकारेण कारयेत्तु दिने दिने । महाहविर्विधिं वक्ष्ये ह्यष्टद्रोणं कनीयसम्
evamuktaprakāreṇa kārayettu dine dine / mahāhavirvidhiṃ vakṣye hyaṣṭadroṇaṃ kanīyasam
Sanskrit only: no published translation is held for this verse.
द्विगुणं मध्यमं प्रोक्तं त्रिगुणं चाधमोत्तमम् । चतुः पञ्चगुणं षट्कं मध्यमस्य त्रयं विदुः
dviguṇaṃ madhyamaṃ proktaṃ triguṇaṃ cādhamottamam / catuḥ pañcaguṇaṃ ṣaṭkaṃ madhyamasya trayaṃ viduḥ
Sanskrit only: no published translation is held for this verse.
सप्ताष्टनवमं प्रोक्तमुत्तमस्य त्रयं विदुः । पूर्ववत् पाचयित्वा तु सर्वानुत्थापयेत् पृथक्
saptāṣṭanavamaṃ proktamuttamasya trayaṃ viduḥ / pūrvavat pācayitvā tu sarvānutthāpayet pṛthak
Sanskrit only: no published translation is held for this verse.
मण्डपस्योत्तरे भागे न्यसेद्भाण्डान्यथ क्रमात् । नैरृते वारुणे वापि विन्यसेच्च महाहविः
maṇḍapasyottare bhāge nyasedbhāṇḍānyatha kramāt / nairṛte vāruṇe vāpi vinyasecca mahāhaviḥ
Sanskrit only: no published translation is held for this verse.
मण्डपं चतुरश्रं तु कृत्वालंकृत्य चाक्षतैः । पिष्टचूर्णैरलंकृत्य पद्मं कुर्यात् सकर्णिकम्
maṇḍapaṃ caturaśraṃ tu kṛtvālaṃkṛtya cākṣataiḥ / piṣṭacūrṇairalaṃkṛtya padmaṃ kuryāt sakarṇikam
Sanskrit only: no published translation is held for this verse.
पटेनाच्छाद्य भूमिं तु रम्भापत्राणि चोपरि । स्नानादिदेवकर्माणि पूर्ववत् कारयेत् क्रमात्
paṭenācchādya bhūmiṃ tu rambhāpatrāṇi copari / snānādidevakarmāṇi pūrvavat kārayet kramāt
Sanskrit only: no published translation is held for this verse.
देवस्नय पुरतः कृत्वा कार्यं विज्ञापयेच्छनैः । पीठादुत्थाप्य देवेशं पादुकाभ्यामुपासकः
devasnaya purataḥ kṛtvā kāryaṃ vijñāpayecchanaiḥ / pīṭhādutthāpya deveśaṃ pādukābhyāmupāsakaḥ
Sanskrit only: no published translation is held for this verse.
शङ्खध्वनिसमायुक्तमानयेद्भोजनासनम् । पाद्यार्घ्याचमनं दत्वा गन्धपुष्पैः प्रपूजयेत्
śaṅkhadhvanisamāyuktamānayedbhojanāsanam / pādyārghyācamanaṃ datvā gandhapuṣpaiḥ prapūjayet
Sanskrit only: no published translation is held for this verse.
प्रोक्षयित्वाभिघार्याथ चरुपात्राणि चैव हि । पायसं कृसरं गौल्यं मुद्गान्नं च यथाक्रमम्
prokṣayitvābhighāryātha carupātrāṇi caiva hi / pāyasaṃ kṛsaraṃ gaulyaṃ mudgānnaṃ ca yathākramam
Sanskrit only: no published translation is held for this verse.