दरिद्रो मानुषो लोके जन्मश्चाज(अजजन्म?)शतं व्रजेत् । रसद्रव्यं च वन्यैस्तु नियुज्यान्माक्षिकं नरः
daridro mānuṣo loke janmaścāja(ajajanma?)śataṃ vrajet / rasadravyaṃ ca vanyaistu niyujyānmākṣikaṃ naraḥ
Sanskrit only: no published translation is held for this verse.
यदि तत्पूजितो विप्र वृषजन्मशतं व्रजेत् । कृमिकीटपतङ्गानां द्रव्येषु पतिते (पतनं?) यदि
yadi tatpūjito vipra vṛṣajanmaśataṃ vrajet / kṛmikīṭapataṅgānāṃ dravyeṣu patite (patanaṃ?) yadi
Sanskrit only: no published translation is held for this verse.
तत्सर्वं वर्जयेन्नित्यं विष्णुयागेषु सर्वशः । दृश्यते साधितं चैव तद्द्रव्यं तु परित्यजेत्
tatsarvaṃ varjayennityaṃ viṣṇuyāgeṣu sarvaśaḥ / dṛśyate sādhitaṃ caiva taddravyaṃ tu parityajet
Sanskrit only: no published translation is held for this verse.
तान् सर्वान्न स्पृशेद्यस्तु कलशे साधिते पुनः । तथा वै दृश्यते चापि ततो ऽन्यानि च विन्यसेत्
tān sarvānna spṛśedyastu kalaśe sādhite punaḥ / tathā vai dṛśyate cāpi tato 'nyāni ca vinyaset
Sanskrit only: no published translation is held for this verse.
श्वानकुक्कुटचण्डालैः साधिते(?)दृश्यते पुनः । परित्यज्य ततो ऽन्यांश्च साधयेत् कलशान् पुनः
śvānakukkuṭacaṇḍālaiḥ sādhite(?)dṛśyate punaḥ / parityajya tato 'nyāṃśca sādhayet kalaśān punaḥ
Sanskrit only: no published translation is held for this verse.
उदक्यान्त्यजैर्वापि साधिते(?)दृश्यते पुनः । परित्यज्य ततो विद्वान् पुनश्चान्यं तु विन्यसेत्
udakyāntyajairvāpi sādhite(?)dṛśyate punaḥ / parityajya tato vidvān punaścānyaṃ tu vinyaset
Sanskrit only: no published translation is held for this verse.
दुष्टैर्हि वीक्षितं चैव पादस्पृष्टं च यद्भवेत् । राजानं राजमात्रं च यजमानमथापि वा
duṣṭairhi vīkṣitaṃ caiva pādaspṛṣṭaṃ ca yadbhavet / rājānaṃ rājamātraṃ ca yajamānamathāpi vā
Sanskrit only: no published translation is held for this verse.
नाशयेत् सपरीवारं सपशुद्रव्यसंचयम् । सामात्यं सपुरं राष्ट्रं दुष्टद्रव्याभिषेचने
nāśayet saparīvāraṃ sapaśudravyasaṃcayam / sāmātyaṃ sapuraṃ rāṣṭraṃ duṣṭadravyābhiṣecane
Sanskrit only: no published translation is held for this verse.
व्याधयश्च भवन्त्युग्रा अनावृष्टिस्तथैव च । भूतवेतालरक्षांसि पिशाचोरगदानवाः
vyādhayaśca bhavantyugrā anāvṛṣṭistathaiva ca / bhūtavetālarakṣāṃsi piśācoragadānavāḥ
Sanskrit only: no published translation is held for this verse.
बाधन्ते ह्यनिशं ह्येते राजानं राष्ट्रमेव च । आढकं वा तदर्धं वा तन्न्यूनं परिवर्जयेत्
bādhante hyaniśaṃ hyete rājānaṃ rāṣṭrameva ca / āḍhakaṃ vā tadardhaṃ vā tannyūnaṃ parivarjayet
Sanskrit only: no published translation is held for this verse.
स्नेहद्रव्याणि सर्वाणि साधको मन्त्रवित्तमः । वस्त्रसूत्रविहीने तु तोरणादिभिरेव वा
snehadravyāṇi sarvāṇi sādhako mantravittamaḥ / vastrasūtravihīne tu toraṇādibhireva vā
Sanskrit only: no published translation is held for this verse.
नृत्तगीतादिभिर्वापि गन्धपुष्पादिभिस्तथा । अलंकार(-रैः?)विहीनं वा देवदेवस्य शाङ्र्गिणः
nṛttagītādibhirvāpi gandhapuṣpādibhistathā / alaṃkāra(-raiḥ?)vihīnaṃ vā devadevasya śāṅrgiṇaḥ
Sanskrit only: no published translation is held for this verse.
यस्मिन् राष्ट्रे मुनिश्रेष्ठ स्नपनं स्यात् कदाचन । तद्राष्ट्रं चोरभूयिष्ठं शत्रुभिश्चैव हन्यते
yasmin rāṣṭre muniśreṣṭha snapanaṃ syāt kadācana / tadrāṣṭraṃ corabhūyiṣṭhaṃ śatrubhiścaiva hanyate
Sanskrit only: no published translation is held for this verse.
तस्मात् सर्वप्रयत्नेन यथाशास्त्रं यथाक्रमम् । स्नपनं कारयेद्विष्णोः भूतिमिच्छन् परां गतिम्
tasmāt sarvaprayatnena yathāśāstraṃ yathākramam / snapanaṃ kārayedviṣṇoḥ bhūtimicchan parāṃ gatim
Sanskrit only: no published translation is held for this verse.
दोषाणां च प्रशमनं व्याधीनां चैव सर्वशः । ग्रहाणां शान्तये चैव शत्रूणां च जयाय च
doṣāṇāṃ ca praśamanaṃ vyādhīnāṃ caiva sarvaśaḥ / grahāṇāṃ śāntaye caiva śatrūṇāṃ ca jayāya ca
Sanskrit only: no published translation is held for this verse.
आयुरारोग्यवृद्ध्यर्थं पुत्रपौत्रविवृद्धये । कामानां चैव सर्वेषां वृद्धये सर्ववर्णिनाम्
āyurārogyavṛddhyarthaṃ putrapautravivṛddhaye / kāmānāṃ caiva sarveṣāṃ vṛddhaye sarvavarṇinām
Sanskrit only: no published translation is held for this verse.
विधिहीनं क्रियाहीनं द्रव्यहीनं तथैव च । मानहीनं तु यद्द्रव्यं पूजाहीनं च यद्गुरोः
vidhihīnaṃ kriyāhīnaṃ dravyahīnaṃ tathaiva ca / mānahīnaṃ tu yaddravyaṃ pūjāhīnaṃ ca yadguroḥ
Sanskrit only: no published translation is held for this verse.
कालातीतं प्रजाहीनं कर्तृदेशेषु सर्वशः । आभिचारं(रो?) भवेत् सद्यो ग्रामस्य नगरस्य च
kālātītaṃ prajāhīnaṃ kartṛdeśeṣu sarvaśaḥ / ābhicāraṃ(ro?) bhavet sadyo grāmasya nagarasya ca
Sanskrit only: no published translation is held for this verse.
एवं यथोक्तस्नपनं कारयेद्यस्तु मानवः । मुच्यते पातकैः सर्वेः पद्मपत्रमिवाम्भसा
evaṃ yathoktasnapanaṃ kārayedyastu mānavaḥ / mucyate pātakaiḥ sarveḥ padmapatramivāmbhasā
Sanskrit only: no published translation is held for this verse.
गोध्नः पितृध्नो मातृध्नो भ्रूणहा गुरुतल्यगः । सुरापः स्वर्णहारी च परदाराभिमर्शकः
godhnaḥ pitṛdhno mātṛdhno bhrūṇahā gurutalyagaḥ / surāpaḥ svarṇahārī ca paradārābhimarśakaḥ
Sanskrit only: no published translation is held for this verse.
एते चान्ये च मुच्यन्ते पापेभ्यः स्नपनेन वै । स्नपने ह्यधिकं पुण्यं विद्यते मुनिसत्तम
ete cānye ca mucyante pāpebhyaḥ snapanena vai / snapane hyadhikaṃ puṇyaṃ vidyate munisattama
Sanskrit only: no published translation is held for this verse.
अश्वमेधसहस्रं तु यत्कुर्यात् कायशोधनम् । स्नपनेन तु तद्विष्णोः लभते नात्र संशयः
aśvamedhasahasraṃ tu yatkuryāt kāyaśodhanam / snapanena tu tadviṣṇoḥ labhate nātra saṃśayaḥ
Sanskrit only: no published translation is held for this verse.
ध्वजस्थाने प्रवक्ष्यामि प्रायश्चितं तु नारद । अप्रमाणपटं चित्रं वैणवं दण्डमेव वा
dhvajasthāne pravakṣyāmi prāyaścitaṃ tu nārada / apramāṇapaṭaṃ citraṃ vaiṇavaṃ daṇḍameva vā
Sanskrit only: no published translation is held for this verse.
अनुक्ताधिकहीनं च प्रयत्नेन विवर्जयेत् । वर्जितेन कृतं चेत्तन्निष्फलं स्यान्न संशयः
anuktādhikahīnaṃ ca prayatnena vivarjayet / varjitena kṛtaṃ cettanniṣphalaṃ syānna saṃśayaḥ
Sanskrit only: no published translation is held for this verse.
ध्वजाधिवासने काले कुम्भे चावाह्य वाहने । तत्कुम्भपतने चैव चलने भेदने तथा
dhvajādhivāsane kāle kumbhe cāvāhya vāhane / tatkumbhapatane caiva calane bhedane tathā
Sanskrit only: no published translation is held for this verse.
प्रतिमापरिकुम्भे च तद्ग्रामश्च विनश्यति । स्नपनं तत्र कर्तव्यं देवेशस्याधमेत्तमम्
pratimāparikumbhe ca tadgrāmaśca vinaśyati / snapanaṃ tatra kartavyaṃ deveśasyādhamettamam
Sanskrit only: no published translation is held for this verse.
शान्तिहोमं ततः कृत्वा ग्रामदोषनिकृन्तनम् । पुनरुत्पादयेत् कुम्भं संस्थाप्य विधिपूर्वकम्
śāntihomaṃ tataḥ kṛtvā grāmadoṣanikṛntanam / punarutpādayet kumbhaṃ saṃsthāpya vidhipūrvakam
Sanskrit only: no published translation is held for this verse.
ध्वजे लक्षणहीने तु गरुडे वा विशेषतः । कर्तृभर्तृविनाशः स्यात् तत्रस्थो नरकं व्रजेत्
dhvaje lakṣaṇahīne tu garuḍe vā viśeṣataḥ / kartṛbhartṛvināśaḥ syāt tatrastho narakaṃ vrajet
Sanskrit only: no published translation is held for this verse.
क्षिप्रं त्यक्त्वा ध्वजं तत्र आचार्येण समाहितः । ध्वजमुत्थापयेत् सद्यः सर्वलक्षणसंयुतम्
kṣipraṃ tyaktvā dhvajaṃ tatra ācāryeṇa samāhitaḥ / dhvajamutthāpayet sadyaḥ sarvalakṣaṇasaṃyutam
Sanskrit only: no published translation is held for this verse.
पूर्वोक्तविधिना सम्यक् शेषं कर्म समारभेत् । ग्रामप्रदक्षिणे काले पतिते वातकोपिते
pūrvoktavidhinā samyak śeṣaṃ karma samārabhet / grāmapradakṣiṇe kāle patite vātakopite
Sanskrit only: no published translation is held for this verse.
दुर्भिक्षं वर्तते तत्र कर्तारो व्याधिपीडिताः । तद्दोषपरिहाराय स्नपनं चाधमोत्तमम्
durbhikṣaṃ vartate tatra kartāro vyādhipīḍitāḥ / taddoṣaparihārāya snapanaṃ cādhamottamam
Sanskrit only: no published translation is held for this verse.
पुण्याहं वाचयेत्तत्र ब्राह्मणानां च भोजनम् । कारयेन्मुनिशार्दूल शेष पूर्ववदाचरेत्
puṇyāhaṃ vācayettatra brāhmaṇānāṃ ca bhojanam / kārayenmuniśārdūla śeṣa pūrvavadācaret
Sanskrit only: no published translation is held for this verse.
आचार्यं पूजयेत् पश्चात् यथाशास्त्रोक्तमार्गतः(-कम्?) । पतनाद्भेदने चैव ध्वजं त्यक्त्वा तु तत्क्षणात्
ācāryaṃ pūjayet paścāt yathāśāstroktamārgataḥ(-kam?) / patanādbhedane caiva dhvajaṃ tyaktvā tu tatkṣaṇāt
Sanskrit only: no published translation is held for this verse.
स्नपनं चोत्तमं कृत्वा देवदेवस्य चक्रिणः । वास्तुहोमं ततः कृत्वा पुण्याहं वाचयेत्ततः
snapanaṃ cottamaṃ kṛtvā devadevasya cakriṇaḥ / vāstuhomaṃ tataḥ kṛtvā puṇyāhaṃ vācayettataḥ
Sanskrit only: no published translation is held for this verse.
उत्पाद्य चोद्धरेत् सम्यक् ध्वजं लक्षणसंयुतम् । ग्रामप्रदक्षिणे काले बलिहीनं भवेद्यदि
utpādya coddharet samyak dhvajaṃ lakṣaṇasaṃyutam / grāmapradakṣiṇe kāle balihīnaṃ bhavedyadi
Sanskrit only: no published translation is held for this verse.
स ग्रामो निधनं याति तत्रस्थो नरकं व्रजेत् । तद्दोषपरिहाराय प्रायश्चित्तं विधीयते
sa grāmo nidhanaṃ yāti tatrastho narakaṃ vrajet / taddoṣaparihārāya prāyaścittaṃ vidhīyate
Sanskrit only: no published translation is held for this verse.
स्नापयेद्देवदेवेशं पञ्चाशत् कलशैः(?) क्रामत् । पूजयित्वा ततो देवं पुनर्ग्रामं परिभ्रमेत्
snāpayeddevadeveśaṃ pañcāśat kalaśaiḥ(?) krāmat / pūjayitvā tato devaṃ punargrāmaṃ paribhramet
Sanskrit only: no published translation is held for this verse.
बलिदानसमायुक्तं पश्चादुत्थापयेत् खगम्(-द्ध्वजम्?) । केवलं बलिदानं तु कारयेद्दुन्दुभिर्युतम्
balidānasamāyuktaṃ paścādutthāpayet khagam(-ddhvajam?) / kevalaṃ balidānaṃ tu kārayeddundubhiryutam
Sanskrit only: no published translation is held for this verse.
एतस्मिन्नेव काले तु वेलादीनि न वीक्षयेत् । विधिवद्ध्वजमुत्थाप्य शेषं पूर्ववदाचरेत्
etasminneva kāle tu velādīni na vīkṣayet / vidhivaddhvajamutthāpya śeṣaṃ pūrvavadācaret
Sanskrit only: no published translation is held for this verse.
ध्वजोत्थापनकाले तु चलने गगने ततः । कर्तारो व्याधिमृच्छन्ति नैर्धन्यमपि सर्वशः
dhvajotthāpanakāle tu calane gagane tataḥ / kartāro vyādhimṛcchanti nairdhanyamapi sarvaśaḥ
Sanskrit only: no published translation is held for this verse.
तद्दोषपरिहाराय स्नपनं चाधमोत्तमम् । पुण्याहं वाचयित्वा तु तस्य दोषः प्रशाम्यति
taddoṣaparihārāya snapanaṃ cādhamottamam / puṇyāhaṃ vācayitvā tu tasya doṣaḥ praśāmyati
Sanskrit only: no published translation is held for this verse.
पतनाद्भूपतिश्चैव तद्ग्रामं च विनश्यति । ध्वजस्य पतने चैव प्रायश्चित्तं प्रवक्ष्यते
patanādbhūpatiścaiva tadgrāmaṃ ca vinaśyati / dhvajasya patane caiva prāyaścittaṃ pravakṣyate
Sanskrit only: no published translation is held for this verse.
स्नपनं देवदेवस्य विधिना चाधमोत्तमम् । पुण्याहं वाचयित्वा तु ब्राह्मणानथ भोजयेत्
snapanaṃ devadevasya vidhinā cādhamottamam / puṇyāhaṃ vācayitvā tu brāhmaṇānatha bhojayet
Sanskrit only: no published translation is held for this verse.
संस्थाप्य विधिवत् पश्चात् पूजयेद्विधिना ततः । पतनोद्भेदने चैव पुनरुत्पादयेद्ध्वजम्
saṃsthāpya vidhivat paścāt pūjayedvidhinā tataḥ / patanodbhedane caiva punarutpādayeddhvajam
Sanskrit only: no published translation is held for this verse.
स्थापने निपतेत्तत्र तद्राष्ट्रं च विनश्यति । स्नपनं चोत्तमं कुर्यात् उत्सवं च विधानतः
sthāpane nipatettatra tadrāṣṭraṃ ca vinaśyati / snapanaṃ cottamaṃ kuryāt utsavaṃ ca vidhānataḥ
Sanskrit only: no published translation is held for this verse.
शान्तिं कृत्वा विधानेन पुण्याहं वाचयेत्ततः । चोरैरपहृते चैव तद्राष्ट्रं च विनश्यति
śāntiṃ kṛtvā vidhānena puṇyāhaṃ vācayettataḥ / corairapahṛte caiva tadrāṣṭraṃ ca vinaśyati
Sanskrit only: no published translation is held for this verse.
स्नपनं चोत्तमं कृत्वा शान्तिहोमपुरःसरम् । बलिभ्रमणकाले तु नित्ये वा चोत्सवे तु वा
snapanaṃ cottamaṃ kṛtvā śāntihomapuraḥsaram / balibhramaṇakāle tu nitye vā cotsave tu vā
Sanskrit only: no published translation is held for this verse.
द्रव्यस्य पतने चैव गन्धपुष्पादिकस्य च । शान्ति कृत्वा विधानेन पञ्चोपनिषदैः क्रमात्
dravyasya patane caiva gandhapuṣpādikasya ca / śānti kṛtvā vidhānena pañcopaniṣadaiḥ kramāt
Sanskrit only: no published translation is held for this verse.
पुनरुत्पादयेद्द्रव्यं गन्धाद्यं सकलं क्रमात् । द्रव्याभावे तु चरुणा चाक्षतैर्वा बलिं ददेत्
punarutpādayeddravyaṃ gandhādyaṃ sakalaṃ kramāt / dravyābhāve tu caruṇā cākṣatairvā baliṃ dadet
Sanskrit only: no published translation is held for this verse.
संस्पृष्टे दुर्जनादीनां शूद्राद्यैश्चान्यजातिभिः । शान्तिहोमं तु कृत्वैव मङ्गलानि च दर्शयेत्
saṃspṛṣṭe durjanādīnāṃ śūdrādyaiścānyajātibhiḥ / śāntihomaṃ tu kṛtvaiva maṅgalāni ca darśayet
Sanskrit only: no published translation is held for this verse.
बलिभ्रमधकाले तु प्रायश्चित्तं विधीयते । अनालोच्य प्रदाने तु बिम्बहीने तु वा मुने
balibhramadhakāle tu prāyaścittaṃ vidhīyate / anālocya pradāne tu bimbahīne tu vā mune
Sanskrit only: no published translation is held for this verse.
सबलिग्रामराज्ञोश्च रोगवृद्धिर्भविष्यति । तद्दोषपरिहाराय प्रायश्चित्तं विधीयते
sabaligrāmarājñośca rogavṛddhirbhaviṣyati / taddoṣaparihārāya prāyaścittaṃ vidhīyate
Sanskrit only: no published translation is held for this verse.
अधमोत्तममार्गेण स्नापयेद्बलिकौतुकम् । शान्तिहोमं क्रमात् कृत्वा भोज्या वै ब्राहृमणास्त्रयः
adhamottamamārgeṇa snāpayedbalikautukam / śāntihomaṃ kramāt kṛtvā bhojyā vai brāhṛmaṇāstrayaḥ
Sanskrit only: no published translation is held for this verse.
बलिबिम्बस्य पतने याने वा भूगते ऽपि वा । तद्ग्रामं निधनं याति कर्ता भर्ता तथैव च
balibimbasya patane yāne vā bhūgate 'pi vā / tadgrāmaṃ nidhanaṃ yāti kartā bhartā tathaiva ca
Sanskrit only: no published translation is held for this verse.
आलये तु नयेद्देवं स्नपनं चाधमोत्तमम् । शान्तिहोमं च कृत्वा तु महापूजापुरःसरम्
ālaye tu nayeddevaṃ snapanaṃ cādhamottamam / śāntihomaṃ ca kṛtvā tu mahāpūjāpuraḥsaram
Sanskrit only: no published translation is held for this verse.
पुण्याहं वाचयेत्तत्र ब्राह्मणांश्चैव तोषयेत् । ग्रामे वा नगरे वापि शेषकर्म समाचरेत्
puṇyāhaṃ vācayettatra brāhmaṇāṃścaiva toṣayet / grāme vā nagare vāpi śeṣakarma samācaret
Sanskrit only: no published translation is held for this verse.
पतनेनाङ्गहीने च राजाराष्ट्रं च नश्यति । अन्नबिम्बे ऽथवा पुष्पे शक्तिमुद्वासयेत् क्रमात्
patanenāṅgahīne ca rājārāṣṭraṃ ca naśyati / annabimbe 'thavā puṣpe śaktimudvāsayet kramāt
Sanskrit only: no published translation is held for this verse.
कर्मार्चायां न्यसेच्छक्तिं स्नपनं चोत्तमं भवेत् । शान्तिहोमं चतुर्दिक्षु कुर्यात् पञ्चमन्त्रकैः(?)
karmārcāyāṃ nyasecchaktiṃ snapanaṃ cottamaṃ bhavet / śāntihomaṃ caturdikṣu kuryāt pañcamantrakaiḥ(?)
Sanskrit only: no published translation is held for this verse.
अन्यबिम्बे समावाह्य शेषकर्म समाचरेत् । सन्धानं पूर्ववत् कृत्वा पूर्वलक्षणसंयुतम्
anyabimbe samāvāhya śeṣakarma samācaret / sandhānaṃ pūrvavat kṛtvā pūrvalakṣaṇasaṃyutam
Sanskrit only: no published translation is held for this verse.
स्थापितं पूर्ववत् कृत्वा अस्मिन् कालादि नेष्यते । तच्छक्तिं योजयेद्बिम्बे शेषकर्म समाचरेत्
sthāpitaṃ pūrvavat kṛtvā asmin kālādi neṣyate / tacchaktiṃ yojayedbimbe śeṣakarma samācaret
Sanskrit only: no published translation is held for this verse.
स्थानके चासने चैव शयने बलिबेरके । पतने चाङ्गहीने च प्रायश्चित्तं तु पूर्ववत्
sthānake cāsane caiva śayane baliberake / patane cāṅgahīne ca prāyaścittaṃ tu pūrvavat
Sanskrit only: no published translation is held for this verse.
उत्सवारम्भदिवसे कल्पिते ऋत्विजै(?)रपि । तैस्तैरेव तु कर्तव्याः क्रियाः सर्वावसानकम् (?)
utsavārambhadivase kalpite ṛtvijai(?)rapi / taistaireva tu kartavyāḥ kriyāḥ sarvāvasānakam (?)
Sanskrit only: no published translation is held for this verse.
मध्ये तु योजयेदन्यान् मोहात्तु मुनिसत्तम । ताः क्रिया निष्फलायान्ति तस्माच्छान्तिं तु कारयेत्
madhye tu yojayedanyān mohāttu munisattama / tāḥ kriyā niṣphalāyānti tasmācchāntiṃ tu kārayet
Sanskrit only: no published translation is held for this verse.
प्रायश्चित्तं तु कर्तव्यं तस्य दोषापुनत्तये । पूर्वेण ऋत्विजेनापि कुर्यात् कर्मावसानकम्
prāyaścittaṃ tu kartavyaṃ tasya doṣāpunattaye / pūrveṇa ṛtvijenāpi kuryāt karmāvasānakam
Sanskrit only: no published translation is held for this verse.
अधमोत्तममार्गं वा पञ्चाशद्वा (?) मुनीश्वर । पञ्चविंशतिभिर्वापि कलशैः स्नापयेद्धरिम्
adhamottamamārgaṃ vā pañcāśadvā (?) munīśvara / pañcaviṃśatibhirvāpi kalaśaiḥ snāpayeddharim
Sanskrit only: no published translation is held for this verse.
पुण्याहं वाचयेत्तत्र शान्तिहोमं च कारयेत् । व्याधिग्रस्ते मृते वापि शास्त्रहीने ऽन्यदूषिते(?)
puṇyāhaṃ vācayettatra śāntihomaṃ ca kārayet / vyādhigraste mṛte vāpi śāstrahīne 'nyadūṣite(?)
Sanskrit only: no published translation is held for this verse.
प्रतिष्ठाकर्मणि तथा चोत्सवे परमार्थिनम् । योजयेदन्यमेवं चेदाचार्यं तन्त्रपारगम्
pratiṣṭhākarmaṇi tathā cotsave paramārthinam / yojayedanyamevaṃ cedācāryaṃ tantrapāragam
Sanskrit only: no published translation is held for this verse.
यागाग्नौ चैव विच्छिन्ने उत्सवे वर्तिते सति । तद्राष्ट्रं च विनश्यन्ति(?) कर्तारो व्याधिपीडिताः
yāgāgnau caiva vicchinne utsave vartite sati / tadrāṣṭraṃ ca vinaśyanti(?) kartāro vyādhipīḍitāḥ
Sanskrit only: no published translation is held for this verse.
तद्दोषपरिहाराय स्नपनं चाधमोत्तमम् । संप्रार्थ्य देवदेवेशं महाहविपुरःसरम्
taddoṣaparihārāya snapanaṃ cādhamottamam / saṃprārthya devadeveśaṃ mahāhavipuraḥsaram
Sanskrit only: no published translation is held for this verse.
मथित्वाग्निं समुत्पाद्य लौकिकाग्निमथापि वा । वैष्णवीकरणैर्युक्तं सुपुण्याहपुरःसरम्
mathitvāgniṃ samutpādya laukikāgnimathāpi vā / vaiṣṇavīkaraṇairyuktaṃ supuṇyāhapuraḥsaram
Sanskrit only: no published translation is held for this verse.
एवं तु कारयेद्विद्वांस्तद्दोषस्य निकृन्तनम् । योगेशस्यार्चनाहीने चोत्सवे यागमण्डपे
evaṃ tu kārayedvidvāṃstaddoṣasya nikṛntanam / yogeśasyārcanāhīne cotsave yāgamaṇḍape
Sanskrit only: no published translation is held for this verse.
मध्ये कुम्भगते देवे ह्युत्सवे तु विशेषतः । निष्फलः स च यागस्तु कर्तारो व्याधिपीडिताः
madhye kumbhagate deve hyutsave tu viśeṣataḥ / niṣphalaḥ sa ca yāgastu kartāro vyādhipīḍitāḥ
Sanskrit only: no published translation is held for this verse.
तस्मात्तत्फलसिद्ध्यर्थं स्नपनं चाधमोत्तमम् । कारयेच्छान्तिहोमं तु जुहुयाच्छतमाहुतीः
tasmāttatphalasiddhyarthaṃ snapanaṃ cādhamottamam / kārayecchāntihomaṃ tu juhuyācchatamāhutīḥ
Sanskrit only: no published translation is held for this verse.
पुण्याहं वाचयित्वा तु तस्य दोषः प्रशाम्यति । यागेशकुम्भे विचले परिकुम्भे ऽथवा पुनः
puṇyāhaṃ vācayitvā tu tasya doṣaḥ praśāmyati / yāgeśakumbhe vicale parikumbhe 'thavā punaḥ
Sanskrit only: no published translation is held for this verse.
भेदने पतने वेद्यां प्रायश्चित्तं तु पूर्ववत् । अष्टमङ्गलहीने तु पूजाजीने तु तत्र च
bhedane patane vedyāṃ prāyaścittaṃ tu pūrvavat / aṣṭamaṅgalahīne tu pūjājīne tu tatra ca
Sanskrit only: no published translation is held for this verse.
मङ्गलं तु विनश्येत कर्तारो व्याधिपीडिताः । मङ्गलात्मानमभ्यर्च्य देवेशं विधिपूर्वकम्
maṅgalaṃ tu vinaśyeta kartāro vyādhipīḍitāḥ / maṅgalātmānamabhyarcya deveśaṃ vidhipūrvakam
Sanskrit only: no published translation is held for this verse.
शान्तिहोमं ततः कृत्वा पुण्याहं वाचयेत्ततः । उत्सवे नित्यपूजायां विलोपे होमकर्मणि
śāntihomaṃ tataḥ kṛtvā puṇyāhaṃ vācayettataḥ / utsave nityapūjāyāṃ vilope homakarmaṇi
Sanskrit only: no published translation is held for this verse.
तत्रस्था नरकं यान्ति तस्माद्वृद्धिर्न जायते । तद्दोषपरिहाराय प्रायश्चित्तं तु पूर्ववत्
tatrasthā narakaṃ yānti tasmādvṛddhirna jāyate / taddoṣaparihārāya prāyaścittaṃ tu pūrvavat
Sanskrit only: no published translation is held for this verse.
नित्यपूजावसाने तु होमं कुर्यात्तथोत्सवे । होमान्ते तु बलिं कुर्याद्यथाविधिपुरःसरम्(!)
nityapūjāvasāne tu homaṃ kuryāttathotsave / homānte tu baliṃ kuryādyathāvidhipuraḥsaram(!)
Sanskrit only: no published translation is held for this verse.
नित्योत्सवस्य हीने वा बलिदानस्य चोभयोः । जुहुयान्मूलमन्त्रेण नित्याग्नौ शतमाहुतीः
nityotsavasya hīne vā balidānasya cobhayoḥ / juhuyānmūlamantreṇa nityāgnau śatamāhutīḥ
Sanskrit only: no published translation is held for this verse.
एतद्द्विकालहीने तु तदूर्ध्वं स्नपनं तथा । हुत्वाष्टाक्षरमन्त्रेण पश्चान्नित्यं समाचरेत्
etaddvikālahīne tu tadūrdhvaṃ snapanaṃ tathā / hutvāṣṭākṣaramantreṇa paścānnityaṃ samācaret
Sanskrit only: no published translation is held for this verse.
नित्योत्सवस्य हीनेन यदि स्यात्तु महोत्सवः । स्नापयेत् पञ्चगव्येन बलिबेरमनुत्तमम्
nityotsavasya hīnena yadi syāttu mahotsavaḥ / snāpayet pañcagavyena baliberamanuttamam
Sanskrit only: no published translation is held for this verse.
स्नपनं कारयेत् पश्चात् पञ्चविंशतिभिः क्रमात् । अलंकारं क्रमात् कृत्वा पूजयेद्धविरन्तकम्
snapanaṃ kārayet paścāt pañcaviṃśatibhiḥ kramāt / alaṃkāraṃ kramāt kṛtvā pūjayeddhavirantakam
Sanskrit only: no published translation is held for this verse.
नित्योत्सवविधानेन प्रासादे बलिमाचरेत् । प्रातर्मध्यप्रदोषेषु बलिभ्रमणमाचरेत्
nityotsavavidhānena prāsāde balimācaret / prātarmadhyapradoṣeṣu balibhramaṇamācaret
Sanskrit only: no published translation is held for this verse.
अथ मध्याह्नहीने च कारयेद्बलिकर्मणि । एककालं भवेत्तस्मिन् बलिकर्म तु चेन्मुने
atha madhyāhnahīne ca kārayedbalikarmaṇi / ekakālaṃ bhavettasmin balikarma tu cenmune
Sanskrit only: no published translation is held for this verse.
उत्सवो निष्फलस्तत्र ग्रामनाशो भवेद्ध्रुवम् । तस्मात्तत्फलसिद्ध्यर्थं द्विकालं बलिमाचरेत्
utsavo niṣphalastatra grāmanāśo bhaveddhruvam / tasmāttatphalasiddhyarthaṃ dvikālaṃ balimācaret
Sanskrit only: no published translation is held for this verse.
द्विकालं तु मुनिश्रेष्ठ बलिदानं तु कारयेत् । पूर्वकालबलिमध्यकालिका (?) रात्रिकालबलि सप्रदक्षिणम्(?)
dvikālaṃ tu muniśreṣṭha balidānaṃ tu kārayet / pūrvakālabalimadhyakālikā (?) rātrikālabali sapradakṣiṇam(?)
Sanskrit only: no published translation is held for this verse.
भूतराक्षसपिशाचपन्नगानां (?) नाशद (-का?) रणमिदं बलिभ्रमम्(?) । यो मोहादेकसन्ध्यायां बलिं निक्षिप्य(?)नारद
bhūtarākṣasapiśācapannagānāṃ (?) nāśada (-kā?) raṇamidaṃ balibhramam(?) / yo mohādekasandhyāyāṃ baliṃ nikṣipya(?)nārada
Sanskrit only: no published translation is held for this verse.
तद्दोषपरिहाराय प्रायश्चित्तं विधीयते । अधमोत्तममार्गेण स्नपनं कारयेद्धरेः
taddoṣaparihārāya prāyaścittaṃ vidhīyate / adhamottamamārgeṇa snapanaṃ kārayeddhareḥ
Sanskrit only: no published translation is held for this verse.
ब्राह्मणान् भोजयेत् पश्चात् महाहविपुरःसरम् । पुण्याहं वाचयेत् पश्चात् पूर्ववद्धोममाचरेत्
brāhmaṇān bhojayet paścāt mahāhavipuraḥsaram / puṇyāhaṃ vācayet paścāt pūrvavaddhomamācaret
Sanskrit only: no published translation is held for this verse.
तत्कालोचिते पश्चात् बलिदानं समाचरेत् । अङ्कुरार्पणपात्रं तु नष्टं पतितमेव वा
tatkālocite paścāt balidānaṃ samācaret / aṅkurārpaṇapātraṃ tu naṣṭaṃ patitameva vā
Sanskrit only: no published translation is held for this verse.
अस्पृश्यैः स्पर्शितं वाति पुनरुत्पादयेत् क्रमात् । श्यामे रक्ते प्ररूढे वा दण्डे(?) मूषिकभक्षिते
aspṛśyaiḥ sparśitaṃ vāti punarutpādayet kramāt / śyāme rakte prarūḍhe vā daṇḍe(?) mūṣikabhakṣite
Sanskrit only: no published translation is held for this verse.
जुहुयात् पञ्चमन्त्रैस्तु प्रत्येकं समिदादिभिः । अष्टोत्तरशतं हुत्वा विष्णुमन्त्रेण मन्त्रवित्
juhuyāt pañcamantraistu pratyekaṃ samidādibhiḥ / aṣṭottaraśataṃ hutvā viṣṇumantreṇa mantravit
Sanskrit only: no published translation is held for this verse.
उद्देश्यदिवसे तीर्थमकृतं चेत्तु नारद । दैविकैर्मानुषैर्विघ्नैः पुनरुत्सवमारभेत्
uddeśyadivase tīrthamakṛtaṃ cettu nārada / daivikairmānuṣairvighnaiḥ punarutsavamārabhet
Sanskrit only: no published translation is held for this verse.
व्यत्यासो दिवसैर्द्रव्यैः बलिदाने कृते यदि । जुहुयान्मूलमन्त्रेण सर्पिषा शतमाहुतीः
vyatyāso divasairdravyaiḥ balidāne kṛte yadi / juhuyānmūlamantreṇa sarpiṣā śatamāhutīḥ
Sanskrit only: no published translation is held for this verse.
दिग्देवतानां तु व्यत्यासो वर्तते चेन्महोत्सवे । क्रमेण कारयेत् पश्चात् पूर्ववद्धोमपूर्वकम्
digdevatānāṃ tu vyatyāso vartate cenmahotsave / krameṇa kārayet paścāt pūrvavaddhomapūrvakam
Sanskrit only: no published translation is held for this verse.
एकाहमेककालं वा बलिदानं तु चोत्सवे । विघ्नितं चेत् प्रवक्ष्यामि प्रायश्चित्तं तु नारद
ekāhamekakālaṃ vā balidānaṃ tu cotsave / vighnitaṃ cet pravakṣyāmi prāyaścittaṃ tu nārada
Sanskrit only: no published translation is held for this verse.
जुहुयान्मूलमन्त्रेण तद्द्रव्येण शताहुतीः । द्विगुणं कारयेत् पश्चाद्विघ्निते ह्येककालिके
juhuyānmūlamantreṇa taddravyeṇa śatāhutīḥ / dviguṇaṃ kārayet paścādvighnite hyekakālike
Sanskrit only: no published translation is held for this verse.
पूर्वद्रव्येण पूर्वं तु पूर्वरात्रस्य पूर्ववत् । कृत्वा तु विधिवत् सर्वं पश्चात् पश्चात्मकं(?)क्रमात्
pūrvadravyeṇa pūrvaṃ tu pūrvarātrasya pūrvavat / kṛtvā tu vidhivat sarvaṃ paścāt paścātmakaṃ(?)kramāt
Sanskrit only: no published translation is held for this verse.
विघ्नितं चेदहोरात्रं कारयेदपरे ऽहनि । कल्पियित्वातथा रात्रिं (-त्रौ?)तद्बलिं चापि कारयेत्
vighnitaṃ cedahorātraṃ kārayedapare 'hani / kalpiyitvātathā rātriṃ (-trau?)tadbaliṃ cāpi kārayet
Sanskrit only: no published translation is held for this verse.
परिभ्रमं तु द्विगुणं होमं चैव तु कारयेत् । एकाहादधिकं चैव विघ्नितश्चेन्महोत्सवः
paribhramaṃ tu dviguṇaṃ homaṃ caiva tu kārayet / ekāhādadhikaṃ caiva vighnitaścenmahotsavaḥ
Sanskrit only: no published translation is held for this verse.
अङ्कुरार्पणपूर्वं तु तत्सर्वं पुनरारभेत् । तत्तीर्थं विघ्नितं चेत्तु कुर्यात्तदपरेहनि
aṅkurārpaṇapūrvaṃ tu tatsarvaṃ punarārabhet / tattīrthaṃ vighnitaṃ cettu kuryāttadaparehani
Sanskrit only: no published translation is held for this verse.
स्नपनं विधिवत् कृत्वा तत्र होमं तु पूर्ववत् । कृत्वैवं विधिवत् सर्वं शेषं पूर्ववदाचरेत्
snapanaṃ vidhivat kṛtvā tatra homaṃ tu pūrvavat / kṛtvaivaṃ vidhivat sarvaṃ śeṣaṃ pūrvavadācaret
Sanskrit only: no published translation is held for this verse.
प्रतिष्ठायां प्रवक्ष्यामि प्रायश्चित्तं मुनीश्वर । प्रमाणरहितं बिम्बं वस्त्रालंकारयोश्च वा
pratiṣṭhāyāṃ pravakṣyāmi prāyaścittaṃ munīśvara / pramāṇarahitaṃ bimbaṃ vastrālaṃkārayośca vā
Sanskrit only: no published translation is held for this verse.
आ(अ?)स्थाने वामुहूर्ते वा स्थापनं तु न कारयेत् । स्थापनं चेन्महामोहात् कर्ता भर्ता विनश्यति
ā(a?)sthāne vāmuhūrte vā sthāpanaṃ tu na kārayet / sthāpanaṃ cenmahāmohāt kartā bhartā vinaśyati
Sanskrit only: no published translation is held for this verse.
तद्दोषपरिहाराय प्रायश्चित्तं विधीयते । यात्रां कृत्वा विधानेन पुनः स्थापनमारभेत्
taddoṣaparihārāya prāyaścittaṃ vidhīyate / yātrāṃ kṛtvā vidhānena punaḥ sthāpanamārabhet
Sanskrit only: no published translation is held for this verse.
जलाधिवासनादूर्ध्वं स्थापनात् प्राङ्मुनीश्वर । विघ्निता चेत्क्रिया मध्ये प्रायश्चित्तं विधीयते
jalādhivāsanādūrdhvaṃ sthāpanāt prāṅmunīśvara / vighnitā cetkriyā madhye prāyaścittaṃ vidhīyate
Sanskrit only: no published translation is held for this verse.
ब्राह्मणानामनुज्ञां तु लब्ध्वा पश्चात् परेहनि । पञ्चोपनिषदैर्मन्त्रैः हुत्वाज्येन शतं शतम्
brāhmaṇānāmanujñāṃ tu labdhvā paścāt parehani / pañcopaniṣadairmantraiḥ hutvājyena śataṃ śatam
Sanskrit only: no published translation is held for this verse.
समाप्य विधिवच्छेषं स्थापयेत् पुरुषोत्तमम् । तथैव कारयेत् सर्वं रक्षितं चेद्दिनत्रयम्
samāpya vidhivaccheṣaṃ sthāpayet puruṣottamam / tathaiva kārayet sarvaṃ rakṣitaṃ ceddinatrayam
Sanskrit only: no published translation is held for this verse.
कलशं पूर्णकुम्भं वा मङ्गलाष्टकमेव वा । अस्पृश्यस्पर्शितं वापि भिन्नं वा मन्त्रसादितम्
kalaśaṃ pūrṇakumbhaṃ vā maṅgalāṣṭakameva vā / aspṛśyasparśitaṃ vāpi bhinnaṃ vā mantrasāditam
Sanskrit only: no published translation is held for this verse.
अन्यं पूर्ववदुत्पाद्य स्थापयेत् पूर्ववत् क्रमात् । उद्धृतं ब्रह्मकुम्भं तु दूषितं पतितं तु वा
anyaṃ pūrvavadutpādya sthāpayet pūrvavat kramāt / uddhṛtaṃ brahmakumbhaṃ tu dūṣitaṃ patitaṃ tu vā
Sanskrit only: no published translation is held for this verse.
कुम्भमन्यं तथा कृत्वा संस्कृत्य विधिवद्बुधः । पञ्चोपनिषदैर्मन्त्रैः प्रणवेन तथैव च
kumbhamanyaṃ tathā kṛtvā saṃskṛtya vidhivadbudhaḥ / pañcopaniṣadairmantraiḥ praṇavena tathaiva ca
Sanskrit only: no published translation is held for this verse.
आज्येन जुहुयात्तत्र प्रत्येकं शतमाहुतीः । कृत्वा पुण्याहनिर्घोषं स्थापयेत् पूर्ववत् क्रमात्
ājyena juhuyāttatra pratyekaṃ śatamāhutīḥ / kṛtvā puṇyāhanirghoṣaṃ sthāpayet pūrvavat kramāt
Sanskrit only: no published translation is held for this verse.
मन्त्रहीनं क्रियाहीनं द्रव्यहीनं तथालयम् । व्यत्यासः कालहीनं च स्फालितं चाद्भुतं तथा
mantrahīnaṃ kriyāhīnaṃ dravyahīnaṃ tathālayam / vyatyāsaḥ kālahīnaṃ ca sphālitaṃ cādbhutaṃ tathā
Sanskrit only: no published translation is held for this verse.
एतेषां चाप्यनुक्तानां प्रायश्चित्तं विधीयते । जुहुयान्मूलमन्त्रेण घृतेन शतमाहुतीः
eteṣāṃ cāpyanuktānāṃ prāyaścittaṃ vidhīyate / juhuyānmūlamantreṇa ghṛtena śatamāhutīḥ
Sanskrit only: no published translation is held for this verse.
आशौचं वाथवा व्याधिर्मृत्युर्वा विद्यते यदि । आचार्यस्य तु तत्काले वक्ष्ये संस्थापनक्रमम्
āśaucaṃ vāthavā vyādhirmṛtyurvā vidyate yadi / ācāryasya tu tatkāle vakṣye saṃsthāpanakramam
Sanskrit only: no published translation is held for this verse.
अदीक्षितं वा विप्रेन्द्र वैष्णवं वेदपारगम् । स्नाप्यालंकारितं शुद्धं तेनैव स्थापयेद्बुधः
adīkṣitaṃ vā viprendra vaiṣṇavaṃ vedapāragam / snāpyālaṃkāritaṃ śuddhaṃ tenaiva sthāpayedbudhaḥ
Sanskrit only: no published translation is held for this verse.
पौरुषेण तु सूक्तेन प्रणवेन ततः परम् । ततस्तु मूलमन्त्राभ्यां मुहूर्ते स्थापयेद्बुधः
pauruṣeṇa tu sūktena praṇavena tataḥ param / tatastu mūlamantrābhyāṃ muhūrte sthāpayedbudhaḥ
Sanskrit only: no published translation is held for this verse.
ततश्चाचार्यमन्वीक्ष्य दशाहात् प्राक् प्रयत्नतः । तेनैव कारयेत् सर्वं मन्त्रन्यासादि पूर्ववत्
tataścācāryamanvīkṣya daśāhāt prāk prayatnataḥ / tenaiva kārayet sarvaṃ mantranyāsādi pūrvavat
Sanskrit only: no published translation is held for this verse.
ततः प्रभृति देवस्य चतुर्थ्या(?)स्नानमेव च । आचार्यं पूजयेत् पश्चात् पुष्कलेन धनेन च
tataḥ prabhṛti devasya caturthyā(?)snānameva ca / ācāryaṃ pūjayet paścāt puṣkalena dhanena ca
Sanskrit only: no published translation is held for this verse.