अङ्गुष्ठाग्रेण लिखति सकटाक्षं निरीक्षते । दशति स्वाधरं चापि ब्रूते प्रियम् अधोमुखी
aṅguṣṭhāgreṇa likhati sakaṭākṣaṃ nirīkṣate / daśati svādharaṃ cāpi brūte priyam adhomukhī
Sanskrit only: no published translation is held for this verse.
Library·Visvanatha: Sahityadarpana·3
Visvanatha: Sahityadarpana 3
न मुञ्चति च तं देशं नायको यत्र दृश्यते । आगच्छति गृहं तस्य कार्य-व्याजेन केनचित्
na muñcati ca taṃ deśaṃ nāyako yatra dṛśyate / āgacchati gṛhaṃ tasya kārya-vyājena kenacit
Sanskrit only: no published translation is held for this verse.
दत्तं किम् अपि कान्तेन धृत्वाङ्गे मुहुर् ईक्षते । नित्यं हृष्यति तद्-योगे वियोगे मलिना कृशा
dattaṃ kim api kāntena dhṛtvāṅge muhur īkṣate / nityaṃ hṛṣyati tad-yoge viyoge malinā kṛśā
Sanskrit only: no published translation is held for this verse.
मन्यते बहु तच्-छीलं तत्-प्रियं मन्यते प्रियम् । प्रार्थयत्य् अल्प-मूल्यानि सुप्ता न परिवर्तते
manyate bahu tac-chīlaṃ tat-priyaṃ manyate priyam / prārthayaty alpa-mūlyāni suptā na parivartate
Sanskrit only: no published translation is held for this verse.
विकारान् सात्त्विकान् अस्य संमुखी नाधिगच्छति । भाषते सूनृतं स्निग्धाम् अनुरक्ता नितम्बिनी
vikārān sāttvikān asya saṃmukhī nādhigacchati / bhāṣate sūnṛtaṃ snigdhām anuraktā nitambinī
Sanskrit only: no published translation is held for this verse.
एतेष्व् अधिक-लज्जानि चेष्टितानि नव-स्त्रियाः । मध्य-व्रीडानि मध्यायाः स्रंसमान-त्रपाणि तु
eteṣv adhika-lajjāni ceṣṭitāni nava-striyāḥ / madhya-vrīḍāni madhyāyāḥ sraṃsamāna-trapāṇi tu
Sanskrit only: no published translation is held for this verse.
अन्य-स्त्रियाः प्रगल्भायास् तथा स्युर् वार-योषितः । लेख्य-प्रस्थापनैः स्निग्धैर् वीक्षितैर् मृदु-भाषितैः
anya-striyāḥ pragalbhāyās tathā syur vāra-yoṣitaḥ / lekhya-prasthāpanaiḥ snigdhair vīkṣitair mṛdu-bhāṣitaiḥ
Sanskrit only: no published translation is held for this verse.
दूती-संप्रेषणैर् नार्या भावाभिव्यक्तिर् इष्यते । दूत्यः सखी नटी दासी धात्रेयी प्रतिवेशिनी
dūtī-saṃpreṣaṇair nāryā bhāvābhivyaktir iṣyate / dūtyaḥ sakhī naṭī dāsī dhātreyī prativeśinī
Sanskrit only: no published translation is held for this verse.
बाला प्रव्रजिता कारूः शिल्पिन्याद्याः स्वयं तथा । कला-कौशलम् उत्साहो भक्तिश् चित्तज्ञता स्मृतिः
bālā pravrajitā kārūḥ śilpinyādyāḥ svayaṃ tathā / kalā-kauśalam utsāho bhaktiś cittajñatā smṛtiḥ
Sanskrit only: no published translation is held for this verse.
माधुर्यं नर्म-विज्ञानं वाग्मिता चेति तद्-गुणाः । एता अपि यथौचित्याद् उत्तमआधम-मध्यमाः
mādhuryaṃ narma-vijñānaṃ vāgmitā ceti tad-guṇāḥ / etā api yathaucityād uttamaādhama-madhyamāḥ
Sanskrit only: no published translation is held for this verse.
धीरोधतः पापकारी व्यसनी प्रतिनायकः । उद्दीपन-विभावास् ते रसम् उद्दीपयन्ति ये
dhīrodhataḥ pāpakārī vyasanī pratināyakaḥ / uddīpana-vibhāvās te rasam uddīpayanti ye
Sanskrit only: no published translation is held for this verse.
आलम्बनस्य चेष्टाद्या देश-कालादयस् तथा । उद्बुद्धं कारणैः स्वैः स्वरि बहिर् भावं प्रकाशयन्
ālambanasya ceṣṭādyā deśa-kālādayas tathā / udbuddhaṃ kāraṇaiḥ svaiḥ svari bahir bhāvaṃ prakāśayan
Sanskrit only: no published translation is held for this verse.
लोके यः कार्य-रूपः सो ऽनुभावः काव्य-नाट्ययोः । उक्ताः स्त्रीणाम् अलङ्कारा अङ्गजाश् च स्वभावजाः
loke yaḥ kārya-rūpaḥ so 'nubhāvaḥ kāvya-nāṭyayoḥ / uktāḥ strīṇām alaṅkārā aṅgajāś ca svabhāvajāḥ
Sanskrit only: no published translation is held for this verse.
तद्-रूपाः सात्त्विका भावास् तथा चेष्टाः परा अपि । विकाराः सत्त्व-संभूताः सात्त्विकाः परिकीर्तिताः
tad-rūpāḥ sāttvikā bhāvās tathā ceṣṭāḥ parā api / vikārāḥ sattva-saṃbhūtāḥ sāttvikāḥ parikīrtitāḥ
Sanskrit only: no published translation is held for this verse.
सत्त्व-मात्रोद्भवत्वात् तु भिन्ना अप्य् अनुभावतः । स्तम्भः स्वेदो ऽथ रोमाञ्चः स्वर-भङ्गो ऽथ वेपथुः
sattva-mātrodbhavatvāt tu bhinnā apy anubhāvataḥ / stambhaḥ svedo 'tha romāñcaḥ svara-bhaṅgo 'tha vepathuḥ
Sanskrit only: no published translation is held for this verse.
वैवर्ण्यम् अश्रु-प्रलय इत्य् अष्टौ सात्त्विकाः स्मृताः । स्तम्भश् चेष्टा-प्रतीघातो भय-हर्षामयादिभिः
vaivarṇyam aśru-pralaya ity aṣṭau sāttvikāḥ smṛtāḥ / stambhaś ceṣṭā-pratīghāto bhaya-harṣāmayādibhiḥ
Sanskrit only: no published translation is held for this verse.
वपुर् जलोद्गमः स्वेदो रति-घर्म-श्रमादिभिः । हर्षाद्भुत-भयादिभ्यो रोमाञ्चो रोम-विक्रियाः
vapur jalodgamaḥ svedo rati-gharma-śramādibhiḥ / harṣādbhuta-bhayādibhyo romāñco roma-vikriyāḥ
Sanskrit only: no published translation is held for this verse.
मद-संमद-पीडाद्यैर् वैस्वर्यं गद्गदं विदुः । राग-द्वेष-श्रमादिभ्यः कम्पो गात्रस्य वेपथुः
mada-saṃmada-pīḍādyair vaisvaryaṃ gadgadaṃ viduḥ / rāga-dveṣa-śramādibhyaḥ kampo gātrasya vepathuḥ
Sanskrit only: no published translation is held for this verse.
विषाद-मद-रोषाद्यैर् वर्णान्यत्वं विवर्णता । अश्रु नेत्रोद्भवं वारि क्रोध-दुःख-प्रहर्षजम्
viṣāda-mada-roṣādyair varṇānyatvaṃ vivarṇatā / aśru netrodbhavaṃ vāri krodha-duḥkha-praharṣajam
Sanskrit only: no published translation is held for this verse.
प्रलयः सुख-दुःखाभ्यां चेष्टा-ज्ञान-निराकृतिः । विशेषाद् आभिमुख्येन चरणाद् व्यभिचारिणः । स्थायिन्य् उन्मग्न-निर्मग्नास् त्रयस्त्रिंशच् च तद्-भिदाः
pralayaḥ sukha-duḥkhābhyāṃ ceṣṭā-jñāna-nirākṛtiḥ / viśeṣād ābhimukhyena caraṇād vyabhicāriṇaḥ / sthāyiny unmagna-nirmagnās trayastriṃśac ca tad-bhidāḥ
Sanskrit only: no published translation is held for this verse.
निर्वेदावेग-दैन्य-श्रम-मद-जडता औग्र्य-मोहौ विबोधः स्वप्नापस्मार-गर्वा मरणम् अलसतामर्ष-निद्रावहित्थाः । औत्सुक्योन्माद-शङ्काः स्मृति-मति-सहिता व्याधि-सत्रास-लज्जा हर्षासूया-विषादाः सधृति-चपलता ग्लानि-चिन्ता-वितर्काः
nirvedāvega-dainya-śrama-mada-jaḍatā augrya-mohau vibodhaḥ svapnāpasmāra-garvā maraṇam alasatāmarṣa-nidrāvahitthāḥ | autsukyonmāda-śaṅkāḥ smṛti-mati-sahitā vyādhi-satrāsa-lajjā harṣāsūyā-viṣādāḥ sadhṛti-capalatā glāni-cintā-vitarkāḥ
Sanskrit only: no published translation is held for this verse.
तत्त्व-ज्ञानापद्-ईर्ष्यादेर् निर्वेदः स्वावमाननम् । दैन्य-चिन्ताश्रु-निःश्वास-वैवर्ण्योच्छ्वसितादि-कृत्
tattva-jñānāpad-īrṣyāder nirvedaḥ svāvamānanam / dainya-cintāśru-niḥśvāsa-vaivarṇyocchvasitādi-kṛt
Sanskrit only: no published translation is held for this verse.
आवेगः संभ्रमस् तत्र वर्षजे पिण्डिताङ्गता । उत्पातजे स्रस्तताङ्गे धूमाद्याकुलताग्निजे
āvegaḥ saṃbhramas tatra varṣaje piṇḍitāṅgatā / utpātaje srastatāṅge dhūmādyākulatāgnije
Sanskrit only: no published translation is held for this verse.
राज-विद्रवजादेस् तु शस्त्र-नागादि-योजनम् । गजादेः स्तम्भकम्पादि पांस्वाद्याकुलतानिलात्
rāja-vidravajādes tu śastra-nāgādi-yojanam / gajādeḥ stambhakampādi pāṃsvādyākulatānilāt
Sanskrit only: no published translation is held for this verse.
इष्टाद् धर्षाः शुचो ऽनिष्टाज् ज्ञेयाश् चान्ये यथायथम् । दौर्गत्याद्यैर् अनौजस्यं दैन्यं मलिनतादिकृत्
iṣṭād dharṣāḥ śuco 'niṣṭāj jñeyāś cānye yathāyatham / daurgatyādyair anaujasyaṃ dainyaṃ malinatādikṛt
Sanskrit only: no published translation is held for this verse.
खेदो रत्य्-अध्व-गत्यादेः श्वास-निद्रादि-कृच् छ्रमः । संमोहानन्द-संभेदो मदो मद्योपयोगजः
khedo raty-adhva-gatyādeḥ śvāsa-nidrādi-kṛc chramaḥ / saṃmohānanda-saṃbhedo mado madyopayogajaḥ
Sanskrit only: no published translation is held for this verse.
अमुना चोत्तमः शेते मध्यो हसति गायति । अधम-प्रकृतिश् चापि परुषं वक्ति रोदिति
amunā cottamaḥ śete madhyo hasati gāyati / adhama-prakṛtiś cāpi paruṣaṃ vakti roditi
Sanskrit only: no published translation is held for this verse.
अप्रतिपत्तिर् जडता स्याद् इष्टानिष्ट-दर्शन-श्रुतिभिः । अनिमिष-नयन-निरीक्षण-तूष्णीम्भावादयस् तत्र
apratipattir jaḍatā syād iṣṭāniṣṭa-darśana-śrutibhiḥ / animiṣa-nayana-nirīkṣaṇa-tūṣṇīmbhāvādayas tatra
Sanskrit only: no published translation is held for this verse.
शौर्यापराधादि-भवं भवेच् चण्डत्वम् उग्रता । तत्र स्वेद-शिरः-कम्प-तर्जना-ताडनादयः
śauryāparādhādi-bhavaṃ bhavec caṇḍatvam ugratā / tatra sveda-śiraḥ-kampa-tarjanā-tāḍanādayaḥ
Sanskrit only: no published translation is held for this verse.
मोहो विचित्तता भीति-दुःखावेगानुचिन्तनैः । मूर्च्छनाज्ञान-पतन-भ्रमणादर्शनादि-कृत्
moho vicittatā bhīti-duḥkhāvegānucintanaiḥ / mūrcchanājñāna-patana-bhramaṇādarśanādi-kṛt
Sanskrit only: no published translation is held for this verse.
निद्रापगम-हेतुभ्यो विबोधश् चेतनागमः । जृम्भाङ्ग-भङ्ग-नयन-मीलनाङ्गावलोक-कृत्
nidrāpagama-hetubhyo vibodhaś cetanāgamaḥ / jṛmbhāṅga-bhaṅga-nayana-mīlanāṅgāvaloka-kṛt
Sanskrit only: no published translation is held for this verse.
स्वप्नो निद्राम् उपेतस्य विषयानुभवस् तु यः । कोपावेग-भय-ग्लानि-सुख-दुःखादि-कारकः
svapno nidrām upetasya viṣayānubhavas tu yaḥ / kopāvega-bhaya-glāni-sukha-duḥkhādi-kārakaḥ
Sanskrit only: no published translation is held for this verse.
मनः-क्षेपस् त्व् अपस्मारो ग्रहाद्य्-आवेशनादिजः । भूपात-कम्प-प्रस्वेद-फेन-लालादि-कारकः
manaḥ-kṣepas tv apasmāro grahādy-āveśanādijaḥ / bhūpāta-kampa-prasveda-phena-lālādi-kārakaḥ
Sanskrit only: no published translation is held for this verse.
गर्वो मदः प्रभाव-श्री-विध्या-सत्-कुलतादिजः । अवज्ञा-स-विलासाङ्ग-दर्शनाविनयादि-कृत्
garvo madaḥ prabhāva-śrī-vidhyā-sat-kulatādijaḥ / avajñā-sa-vilāsāṅga-darśanāvinayādi-kṛt
Sanskrit only: no published translation is held for this verse.
शराद्यैर् मरणं जीव-त्यागो ऽङ्ग-पतनादि-कृत् । आलस्यं श्रम-गर्भाद्यैर् जाड्यं जृम्भासितादि-कृत्
śarādyair maraṇaṃ jīva-tyāgo 'ṅga-patanādi-kṛt / ālasyaṃ śrama-garbhādyair jāḍyaṃ jṛmbhāsitādi-kṛt
Sanskrit only: no published translation is held for this verse.
निन्दाक्षेपापमानादेर् अमर्षो ऽभिनिविष्टता । नेत्र-राग-शिरः-कम्प-भ्रू-भङ्गोत्तजनादि-कृत्
nindākṣepāpamānāder amarṣo 'bhiniviṣṭatā / netra-rāga-śiraḥ-kampa-bhrū-bhaṅgottajanādi-kṛt
Sanskrit only: no published translation is held for this verse.
चेतः संमीलनं निद्रा श्रम-क्लम-मदादिजा । जृम्भाक्षि-मीलनोच्छ्वास-गात्र-भङ्गादि-कारणम्
cetaḥ saṃmīlanaṃ nidrā śrama-klama-madādijā / jṛmbhākṣi-mīlanocchvāsa-gātra-bhaṅgādi-kāraṇam
Sanskrit only: no published translation is held for this verse.
भय-गौरव-लज्जादेर् हर्षाद्याकार-गुप्तिर् अवहित्था । व्यापारान्तर-सक्त्य्-अन्यथावभाषण-विलोकनादि-करी
bhaya-gaurava-lajjāder harṣādyākāra-guptir avahitthā / vyāpārāntara-sakty-anyathāvabhāṣaṇa-vilokanādi-karī
Sanskrit only: no published translation is held for this verse.
इष्टानवाप्तेर् औत्सुक्यं काल-क्षेपा-सहिष्णुता । चित्त-ताप-त्वरा-स्वेद-दीर्घ-निःश्वसितादि-कृत्
iṣṭānavāpter autsukyaṃ kāla-kṣepā-sahiṣṇutā / citta-tāpa-tvarā-sveda-dīrgha-niḥśvasitādi-kṛt
Sanskrit only: no published translation is held for this verse.
चित्त-संमोह उन्मादः काम-शोक-भयादिभिः । अस्थान-हास-रुदित-गीत-प्रलपनादि-कृत्
citta-saṃmoha unmādaḥ kāma-śoka-bhayādibhiḥ / asthāna-hāsa-rudita-gīta-pralapanādi-kṛt
Sanskrit only: no published translation is held for this verse.
पर-क्रौर्यात्म-दोषाद्यैः शङ्कानर्थस्य तर्कणम् । वैवर्ण्य-कम्प-वैस्वर्य-पार्श्वालोकास्य-शोष-कृत्
para-krauryātma-doṣādyaiḥ śaṅkānarthasya tarkaṇam / vaivarṇya-kampa-vaisvarya-pārśvālokāsya-śoṣa-kṛt
Sanskrit only: no published translation is held for this verse.
सदृश-ज्ञान-चिन्ताद्यैर् भ्रू-समुन्नयनादि-कृत् । स्मृतिः पूर्वानुभूतार्थ-विषय-ज्ञानम् उच्यते
sadṛśa-jñāna-cintādyair bhrū-samunnayanādi-kṛt / smṛtiḥ pūrvānubhūtārtha-viṣaya-jñānam ucyate
Sanskrit only: no published translation is held for this verse.
नीति-मार्गानुसृत्यादेर् अर्थ-निर्धारणं मतिः । स्मेरता धृति-सतोषौ बहु-मानश् च तद्-भवाः
nīti-mārgānusṛtyāder artha-nirdhāraṇaṃ matiḥ / smeratā dhṛti-satoṣau bahu-mānaś ca tad-bhavāḥ
Sanskrit only: no published translation is held for this verse.
व्याधिर् ज्वरादिर् वाताद्यैर् भूमीच्छोत्कम्पनादि-कृत् । निर्घात-विद्युद्-उल्काद्यैस् त्रासः कम्पादि-कारकः
vyādhir jvarādir vātādyair bhūmīcchotkampanādi-kṛt / nirghāta-vidyud-ulkādyais trāsaḥ kampādi-kārakaḥ
Sanskrit only: no published translation is held for this verse.
धार्ष्ट्याभावो व्रीडा वदनानमनादि-कृद् दुराचारात् । हर्षस् त्व् इष्टावाप्तेर् मनः-प्रसादो ऽश्रु-गद्गदादि-करः
dhārṣṭyābhāvo vrīḍā vadanānamanādi-kṛd durācārāt / harṣas tv iṣṭāvāpter manaḥ-prasādo 'śru-gadgadādi-karaḥ
Sanskrit only: no published translation is held for this verse.
असूयान्य-गुणर्धीनाम् औद्धत्याद् असहिष्णुता । दोषोद्घोष-भ्रू-विभेदावज्ञा-क्रोधेङ्गितादि-कृत्
asūyānya-guṇardhīnām auddhatyād asahiṣṇutā / doṣodghoṣa-bhrū-vibhedāvajñā-krodheṅgitādi-kṛt
Sanskrit only: no published translation is held for this verse.
उपायाभाव-जन्मा तु विषादः सत्त्व-सङ्क्षयः । निःश्वासोच्छ्वास-हृत्-ताप-सहायान्वेषणादि-कृत्
upāyābhāva-janmā tu viṣādaḥ sattva-saṅkṣayaḥ / niḥśvāsocchvāsa-hṛt-tāpa-sahāyānveṣaṇādi-kṛt
Sanskrit only: no published translation is held for this verse.
ज्ञानाभीष्टागमाद्यैस् तु संपूर्ण-स्पृहता धृतिः । सौहित्य-वचनोल्लास-सहास-प्रतिभादि-कृत्
jñānābhīṣṭāgamādyais tu saṃpūrṇa-spṛhatā dhṛtiḥ / sauhitya-vacanollāsa-sahāsa-pratibhādi-kṛt
Sanskrit only: no published translation is held for this verse.
मात्सर्य-द्वेष-रागादेश् चापल्यं त्व् अनवस्थितिः । तत्र भर्सन-पारुष्य-स्वच्छनाचरणादयः
mātsarya-dveṣa-rāgādeś cāpalyaṃ tv anavasthitiḥ / tatra bharsana-pāruṣya-svacchanācaraṇādayaḥ
Sanskrit only: no published translation is held for this verse.
रत्यायासमनस्ताप-क्षुत्-पिपासादि-संभवा । ग्लानिर् निष्प्राणता-कम्प-कार्श्यानुत्साहतादि-कृत्
ratyāyāsamanastāpa-kṣut-pipāsādi-saṃbhavā / glānir niṣprāṇatā-kampa-kārśyānutsāhatādi-kṛt
Sanskrit only: no published translation is held for this verse.
ध्यानं चिन्ता हितानाप्तेः शून्यताश्वास-ताप-कृत् । तर्को विचारः सन्देहाद् भ्रूशिरो ऽङ्गुलि-नर्तकः
dhyānaṃ cintā hitānāpteḥ śūnyatāśvāsa-tāpa-kṛt / tarko vicāraḥ sandehād bhrūśiro 'ṅguli-nartakaḥ
Sanskrit only: no published translation is held for this verse.
रत्यादयो ऽप्य् अनियते रसे स्युर् व्यभिचारिणः । शृङ्गार-वीरयोर् हासो वीरे क्रोधस् तथा मतः
ratyādayo 'py aniyate rase syur vyabhicāriṇaḥ / śṛṅgāra-vīrayor hāso vīre krodhas tathā mataḥ
Sanskrit only: no published translation is held for this verse.
शान्ते जुगुप्सा कथिता व्यभिचारितया पुनः । इत्य् आद्य्-अन्यत् समुन्नतेयं तथा भावित-बुद्धिभिः
śānte jugupsā kathitā vyabhicāritayā punaḥ / ity ādy-anyat samunnateyaṃ tathā bhāvita-buddhibhiḥ
Sanskrit only: no published translation is held for this verse.
अविरुद्धा विरुद्धा वा यं तिरोधातुम् अक्षमाः । आस्वादाङ्कुर-कन्दो ऽसौ भावः स्थायीति संमतः
aviruddhā viruddhā vā yaṃ tirodhātum akṣamāḥ / āsvādāṅkura-kando 'sau bhāvaḥ sthāyīti saṃmataḥ
Sanskrit only: no published translation is held for this verse.
रतिर् हासश् च शोकश् च क्रोधोत्साहौ भयं तथा । जुगुप्सा विस्मयश् चेत्थम् अष्टौ प्रोक्ताः शमो ऽपि च
ratir hāsaś ca śokaś ca krodhotsāhau bhayaṃ tathā / jugupsā vismayaś cettham aṣṭau proktāḥ śamo 'pi ca
Sanskrit only: no published translation is held for this verse.
रतिर् मनो ऽनुकूले ऽर्थे मनसः प्रवणायितम् । वाग्-आदि-वैकृतैश् चेतो-विकासो हास इष्यते
ratir mano 'nukūle 'rthe manasaḥ pravaṇāyitam / vāg-ādi-vaikṛtaiś ceto-vikāso hāsa iṣyate
Sanskrit only: no published translation is held for this verse.
इष्ट-नाशादिभिश् चेतो-वैक्लव्यं शोक-शब्द-भाक् । प्रतिकूलेषु तैक्ष्ण्यस्या-वबोधः क्रोध इष्यते
iṣṭa-nāśādibhiś ceto-vaiklavyaṃ śoka-śabda-bhāk / pratikūleṣu taikṣṇyasyā-vabodhaḥ krodha iṣyate
Sanskrit only: no published translation is held for this verse.
कार्यारम्भेषु संरम्भः स्थेयानुत्साह उच्यते । रौद्र-शक्त्या तु जनितं चित्त-वैक्लव्यं भयम्
kāryārambheṣu saṃrambhaḥ stheyānutsāha ucyate / raudra-śaktyā tu janitaṃ citta-vaiklavyaṃ bhayam
Sanskrit only: no published translation is held for this verse.
दोषेक्षणादिभिर् गर्हा जुगुप्सा विस्मयोद्भवा । विविधेषु पदार्थेषु लोक-सीमातिवर्तिषु
doṣekṣaṇādibhir garhā jugupsā vismayodbhavā / vividheṣu padārtheṣu loka-sīmātivartiṣu
Sanskrit only: no published translation is held for this verse.
विस्फारश् चेतसो यस् तु स विस्मय उदाहृतः । शमो निरीहावस्थायां स्वात्म-विश्रामजं सुखम्
visphāraś cetaso yas tu sa vismaya udāhṛtaḥ / śamo nirīhāvasthāyāṃ svātma-viśrāmajaṃ sukham
Sanskrit only: no published translation is held for this verse.
नानाभिनय-संबन्धान् भावयन्ति रसान् यतः । तस्माद् भावा अमी प्रोक्ताः स्थायि-सञ्चारि-सात्त्विकाः
nānābhinaya-saṃbandhān bhāvayanti rasān yataḥ / tasmād bhāvā amī proktāḥ sthāyi-sañcāri-sāttvikāḥ
Sanskrit only: no published translation is held for this verse.
शृङ्गार-हास्य-करुण-रौद्र-वीर-भयानकाः । बीभत्सो ऽद्भुत इत्य् अष्टौ रसाः शान्तस् तथा मतः
śṛṅgāra-hāsya-karuṇa-raudra-vīra-bhayānakāḥ / bībhatso 'dbhuta ity aṣṭau rasāḥ śāntas tathā mataḥ
Sanskrit only: no published translation is held for this verse.
शृङ्गं हि मन्मथोद्भेदस् तद् आगमन-हेतुकः । उत्तम-प्रकृति-प्रायो रसः शृङ्गार इष्यते
śṛṅgaṃ hi manmathodbhedas tad āgamana-hetukaḥ / uttama-prakṛti-prāyo rasaḥ śṛṅgāra iṣyate
Sanskrit only: no published translation is held for this verse.
परोढां वर्जयित्वात्र वेश्यां चाननुरागिणीम् । आलम्बनं नायिकाः स्युर् दक्षिणाद्याश् च नायकम्
paroḍhāṃ varjayitvātra veśyāṃ cānanurāgiṇīm / ālambanaṃ nāyikāḥ syur dakṣiṇādyāś ca nāyakam
Sanskrit only: no published translation is held for this verse.
चन्द्र-चन्दन-रोलम्ब-रुताद्य्-उद्दीपनं मतम् । भ्रू-विक्षेप-कटाक्षादिर् अनुभावः प्रकीर्तितः
candra-candana-rolamba-rutādy-uddīpanaṃ matam / bhrū-vikṣepa-kaṭākṣādir anubhāvaḥ prakīrtitaḥ
Sanskrit only: no published translation is held for this verse.
त्यक्त्वौग्र्य-मरणालस्य-जुगुप्सा-व्यभिचारिणः । स्थायि-भावो रतिः श्याम-वर्णो ऽयं विष्णु-दैवतः । विप्रलम्भो ऽथ संभोग इत्य् एष द्विविधो मतः
tyaktvaugrya-maraṇālasya-jugupsā-vyabhicāriṇaḥ / sthāyi-bhāvo ratiḥ śyāma-varṇo 'yaṃ viṣṇu-daivataḥ / vipralambho 'tha saṃbhoga ity eṣa dvividho mataḥ
Sanskrit only: no published translation is held for this verse.
यत्र तु रतिः प्रकृष्टा नाभीष्टम् उपैतै विप्रलम्भो ऽसौ । स च पूर्व-राग-मान-प्रवास-करुणात्मकश् चतुर्धा स्यात्
yatra tu ratiḥ prakṛṣṭā nābhīṣṭam upaitai vipralambho 'sau / sa ca pūrva-rāga-māna-pravāsa-karuṇātmakaś caturdhā syāt
Sanskrit only: no published translation is held for this verse.
श्रवणाद् दर्शनाद् वापि मिथः संरूढ-रागयोः । दशा-विशेषो यो ऽप्राप्तौ पूर्वरागः स उच्यते
śravaṇād darśanād vāpi mithaḥ saṃrūḍha-rāgayoḥ / daśā-viśeṣo yo 'prāptau pūrvarāgaḥ sa ucyate
Sanskrit only: no published translation is held for this verse.
श्रवणं तु भवेत् तत्र दूत-वन्दी-सखी-मुखात् । इन्द्रजाले च चित्रे च साक्षात् स्वप्ने च दर्शनम्
śravaṇaṃ tu bhavet tatra dūta-vandī-sakhī-mukhāt / indrajāle ca citre ca sākṣāt svapne ca darśanam
Sanskrit only: no published translation is held for this verse.
अभिलाषश् चिन्ता-स्मृति-गुण-कथनोद्वेग-संप्रलापाश् च । उन्मादो ऽथ व्याधिर् जडता मृतिर् इति दशात्र काम-दशाः
abhilāṣaś cintā-smṛti-guṇa-kathanodvega-saṃpralāpāś ca / unmādo 'tha vyādhir jaḍatā mṛtir iti daśātra kāma-daśāḥ
Sanskrit only: no published translation is held for this verse.
अभिलाषः स्पृहा चिन्ता प्राप्त्य्-उपायादि-चिन्तनम् । उन्मादश् चापरिच्छेदश् चेतनाचेतनेष्व् अपि
abhilāṣaḥ spṛhā cintā prāpty-upāyādi-cintanam / unmādaś cāparicchedaś cetanācetaneṣv api
Sanskrit only: no published translation is held for this verse.
अलक्ष्य-वाक्-प्रलापः स्याच् चेतसो भ्रमणाद् भृशम् । व्याधिस् तु दीर्घ-निःश्वास-पाण्डुता-कृशतादयः
alakṣya-vāk-pralāpaḥ syāc cetaso bhramaṇād bhṛśam / vyādhis tu dīrgha-niḥśvāsa-pāṇḍutā-kṛśatādayaḥ
Sanskrit only: no published translation is held for this verse.
जडता हीन-चेष्टत्वम् अङ्गानां मनसस् तथा । रस-विच्छेद-हेतुत्वान् मरणं नैव वर्ण्यते
jaḍatā hīna-ceṣṭatvam aṅgānāṃ manasas tathā / rasa-viccheda-hetutvān maraṇaṃ naiva varṇyate
Sanskrit only: no published translation is held for this verse.
जात-प्रायं तु तद् वाच्यं चेतसाकाङ्क्षितं तथा । वर्ण्यते ऽपि यदि प्रत्युज्-जीवनं स्याद् अदूरतः
jāta-prāyaṃ tu tad vācyaṃ cetasākāṅkṣitaṃ tathā / varṇyate 'pi yadi pratyuj-jīvanaṃ syād adūrataḥ
Sanskrit only: no published translation is held for this verse.
आदौ वाच्यः स्त्रिया रागः पुंसः पश्चात् तद्-इङ्गितैः । नीली कुसुम्भं मञ्जिष्ठा पूर्वरागो ऽपि च त्रिधा
ādau vācyaḥ striyā rāgaḥ puṃsaḥ paścāt tad-iṅgitaiḥ / nīlī kusumbhaṃ mañjiṣṭhā pūrvarāgo 'pi ca tridhā
Sanskrit only: no published translation is held for this verse.
न चातिशोभते यन् नापैति प्रेम मनोगतम् । तन् नीली-रागम् आख्यातं यथा श्री-राम-सीतयोः
na cātiśobhate yan nāpaiti prema manogatam / tan nīlī-rāgam ākhyātaṃ yathā śrī-rāma-sītayoḥ
Sanskrit only: no published translation is held for this verse.
कुसुम्भ-रागं तत् प्राहुर् यद् अपैति च शोभते । मञ्जिष्ठा-रागम् आहुस् तद् यन् नापैत्य् अतिशोभते
kusumbha-rāgaṃ tat prāhur yad apaiti ca śobhate / mañjiṣṭhā-rāgam āhus tad yan nāpaity atiśobhate
Sanskrit only: no published translation is held for this verse.
मानः कोपः स तु द्वेधा प्रणयेर्ष्या-समुद्भवः । द्वयोः प्रणयमानः स्यात् प्रमोदे सुमहत्य् अपि
mānaḥ kopaḥ sa tu dvedhā praṇayerṣyā-samudbhavaḥ / dvayoḥ praṇayamānaḥ syāt pramode sumahaty api
Sanskrit only: no published translation is held for this verse.
प्रेम्णः कुटिल-गामित्वात् कोपो यः कारणं विना । पत्युर् अन्य-प्रिया-सङ्गे दृष्टे ऽथानुमिते श्रुते
premṇaḥ kuṭila-gāmitvāt kopo yaḥ kāraṇaṃ vinā / patyur anya-priyā-saṅge dṛṣṭe 'thānumite śrute
Sanskrit only: no published translation is held for this verse.
ईर्ष्यामानो भवेत् स्त्रीणां तत्रत्व् अनुमितिस् त्रिधा । उत्स्वप्नायित-भोगाङ्क-गोत्र-स्खलन-संभवा
īrṣyāmāno bhavet strīṇāṃ tatratv anumitis tridhā / utsvapnāyita-bhogāṅka-gotra-skhalana-saṃbhavā
Sanskrit only: no published translation is held for this verse.
साम भेदो ऽथ दानं च नत्य्-उपेक्षे रसान्तरम् । तद्-भङ्गाय पतिः कुर्यात् षड्-उपायान् इति क्रमात्
sāma bhedo 'tha dānaṃ ca naty-upekṣe rasāntaram / tad-bhaṅgāya patiḥ kuryāt ṣaḍ-upāyān iti kramāt
Sanskrit only: no published translation is held for this verse.
तत्र प्रिय-वचः साम भेदस् तत्-सख्य्-उपार्जनम् । दानं व्याजेन भूषादेः पादयोः पतनं नतिः
tatra priya-vacaḥ sāma bhedas tat-sakhy-upārjanam / dānaṃ vyājena bhūṣādeḥ pādayoḥ patanaṃ natiḥ
Sanskrit only: no published translation is held for this verse.
सामादौ तु परिक्षीणे स्याद् उपेक्षावधीरणम् । रभस-त्रास-हर्षादेः कोप-भ्रंशो रसान्तरम्
sāmādau tu parikṣīṇe syād upekṣāvadhīraṇam / rabhasa-trāsa-harṣādeḥ kopa-bhraṃśo rasāntaram
Sanskrit only: no published translation is held for this verse.
प्रवासो भिन्न-देशित्वं कार्याच् छापाच् च संभ्रमात् । तत्राङ्ग-चेल-मालिन्यम् एक-वेणी-धरं शिरः
pravāso bhinna-deśitvaṃ kāryāc chāpāc ca saṃbhramāt / tatrāṅga-cela-mālinyam eka-veṇī-dharaṃ śiraḥ
Sanskrit only: no published translation is held for this verse.
निःश्वासोच्छ्वास-रुदित-भूमि-पातादि जायते । अङ्गेष्व् असौष्ठवं तापः पाण्डुता कृशतारुचिः
niḥśvāsocchvāsa-rudita-bhūmi-pātādi jāyate / aṅgeṣv asauṣṭhavaṃ tāpaḥ pāṇḍutā kṛśatāruciḥ
Sanskrit only: no published translation is held for this verse.
अधृतिः स्याद् अनालम्बस् तन्-मयोन्माद-मूर्च्छनाः । मृतिश् चेति क्रमाज् ज्ञेया दश स्मर-दशा इह
adhṛtiḥ syād anālambas tan-mayonmāda-mūrcchanāḥ / mṛtiś ceti kramāj jñeyā daśa smara-daśā iha
Sanskrit only: no published translation is held for this verse.
असौष्ठवं मलापत्तिस् तापस् तु विरह-ज्वरः । अरुचिर् वस्तु-वैराग्यं सर्वत्रारागिता धृतिः
asauṣṭhavaṃ malāpattis tāpas tu viraha-jvaraḥ / arucir vastu-vairāgyaṃ sarvatrārāgitā dhṛtiḥ
Sanskrit only: no published translation is held for this verse.
अनालम्बनता चापि शून्यता मनसः स्मृता । तन्-मयं तत्-प्रकाशो हि बाह्याभ्यन्तरतस् तथा । भावी भवन् भूत इति त्रिधा स्यात् तत्र कार्यजः
anālambanatā cāpi śūnyatā manasaḥ smṛtā / tan-mayaṃ tat-prakāśo hi bāhyābhyantaratas tathā / bhāvī bhavan bhūta iti tridhā syāt tatra kāryajaḥ
Sanskrit only: no published translation is held for this verse.
यूनोर् एकतरस्मिन् गतवति लोकान्तरं पुनर् अलभ्ये । विमनायते यदैकस् ततो भवेत् करुण-विप्रलम्भाख्यः
yūnor ekatarasmin gatavati lokāntaraṃ punar alabhye / vimanāyate yadaikas tato bhavet karuṇa-vipralambhākhyaḥ
Sanskrit only: no published translation is held for this verse.
दर्शन-स्पर्शनादीनि निषेवेते विलासिनौ । यत्रानुरक्ताव् अन्योन्यं संभोगो ऽयम् उदाहृतः
darśana-sparśanādīni niṣevete vilāsinau / yatrānuraktāv anyonyaṃ saṃbhogo 'yam udāhṛtaḥ
Sanskrit only: no published translation is held for this verse.
सङ्ख्यातुम् अशक्यतया चुम्बन-परिरम्भणादि-बहु-भेदात् । अयम् एक एव धीरैः कथितः संभोग-शृङ्गारः
saṅkhyātum aśakyatayā cumbana-parirambhaṇādi-bahu-bhedāt / ayam eka eva dhīraiḥ kathitaḥ saṃbhoga-śṛṅgāraḥ
Sanskrit only: no published translation is held for this verse.
तत्र स्याद् ऋतु-षट्कं चन्द्रादित्यौ तथोदयास्त-मयः । जल-केलि-वन-विहार-प्रभात-मधु-पान-यामिनी-प्रभृतिः
tatra syād ṛtu-ṣaṭkaṃ candrādityau tathodayāsta-mayaḥ / jala-keli-vana-vihāra-prabhāta-madhu-pāna-yāminī-prabhṛtiḥ
Sanskrit only: no published translation is held for this verse.
अनुलेपन-भूषाड्या वाच्यं शुचि मेध्यम् अन्यच् च । कथितश् चतुर्विधो ऽसाव् आनन्तर्यात् तु पूर्व-रागादेः
anulepana-bhūṣāḍyā vācyaṃ śuci medhyam anyac ca / kathitaś caturvidho 'sāv ānantaryāt tu pūrva-rāgādeḥ
Sanskrit only: no published translation is held for this verse.
विकृताकार-वाग्-वेषा-चेष्टादेः कुहुकाद् भवेत् । हास्यो हास-स्थायि-भावः श्वेतः प्रमथ-दैवतः
vikṛtākāra-vāg-veṣā-ceṣṭādeḥ kuhukād bhavet / hāsyo hāsa-sthāyi-bhāvaḥ śvetaḥ pramatha-daivataḥ
Sanskrit only: no published translation is held for this verse.
विकृताकार-वाक्-चेष्टं यम् आलोक्य हसेज् जनः । तम् अत्रालम्बनं प्राहुस् तच्-चेष्टोद्दीपनं मतम्
vikṛtākāra-vāk-ceṣṭaṃ yam ālokya hasej janaḥ / tam atrālambanaṃ prāhus tac-ceṣṭoddīpanaṃ matam
Sanskrit only: no published translation is held for this verse.
अनुभावो ऽक्षि-सङ्कोच-वदन-स्मेरतादयः । निद्रालस्यावहित्थाद्या अत्र स्युर् व्यभिचारिणः
anubhāvo 'kṣi-saṅkoca-vadana-smeratādayaḥ / nidrālasyāvahitthādyā atra syur vyabhicāriṇaḥ
Sanskrit only: no published translation is held for this verse.
ज्येष्ठानां स्मित-हसिते मध्यानां विहसितावहसिते च । नीचानाम् अपहसितं तथातिहसितं तद् एष षड्-भेदः
jyeṣṭhānāṃ smita-hasite madhyānāṃ vihasitāvahasite ca / nīcānām apahasitaṃ tathātihasitaṃ tad eṣa ṣaḍ-bhedaḥ
Sanskrit only: no published translation is held for this verse.
ईषद्-विकासि-नयनं स्मितं स्याद् स्पन्दिताधरम् । किञ्चिल् लक्ष-द्विजं तत्र हसितं कथितं बुधैः
īṣad-vikāsi-nayanaṃ smitaṃ syād spanditādharam / kiñcil lakṣa-dvijaṃ tatra hasitaṃ kathitaṃ budhaiḥ
Sanskrit only: no published translation is held for this verse.
मधुर-स्वरं विहसितं सांस-शिरः-कम्पम् अवहसितम् । अपहसितं सास्राक्षं विक्षिप्ताङ्गं च भवत्य् अतिहसितम्
madhura-svaraṃ vihasitaṃ sāṃsa-śiraḥ-kampam avahasitam / apahasitaṃ sāsrākṣaṃ vikṣiptāṅgaṃ ca bhavaty atihasitam
Sanskrit only: no published translation is held for this verse.
यस्य हासः स चेत् क्वापि साक्षान् नैव निबध्यते । तथाप्य् एष विभावादि-सामर्थ्याद् उपलभ्यते
yasya hāsaḥ sa cet kvāpi sākṣān naiva nibadhyate / tathāpy eṣa vibhāvādi-sāmarthyād upalabhyate
Sanskrit only: no published translation is held for this verse.
अभेदेन विभावादि-साधारण्यात् प्रतीयते । सामाजिकैस् ततो हास्य-रसो ऽयम् अनुभूयते
abhedena vibhāvādi-sādhāraṇyāt pratīyate / sāmājikais tato hāsya-raso 'yam anubhūyate
Sanskrit only: no published translation is held for this verse.
इष्ट-नाशाद् अनिष्टाप्तेः करुणाख्यो रसो भवेत् । धीरैः कपोत-वर्णो ऽयं कथितो यम-दैवतः
iṣṭa-nāśād aniṣṭāpteḥ karuṇākhyo raso bhavet / dhīraiḥ kapota-varṇo 'yaṃ kathito yama-daivataḥ
Sanskrit only: no published translation is held for this verse.
शोको ऽत्र स्थायि-भावः स्याच् छोच्यम् आलम्बनं मतम् । तस्य दाहादिकावस्था भवेद् उद्दीपनं पुनः
śoko 'tra sthāyi-bhāvaḥ syāc chocyam ālambanaṃ matam / tasya dāhādikāvasthā bhaved uddīpanaṃ punaḥ
Sanskrit only: no published translation is held for this verse.
अनुभावा दैव-निन्दा-भूपात-क्रन्दितादयः । वैवर्ण्योच्छ्वास-निःश्वास-स्तम्भ-प्रलपनानि च
anubhāvā daiva-nindā-bhūpāta-kranditādayaḥ / vaivarṇyocchvāsa-niḥśvāsa-stambha-pralapanāni ca
Sanskrit only: no published translation is held for this verse.
निर्वेद-मोहापस्मार-व्याधि-ग्लानि-स्मृति-श्रमाः । विषाद-जडतोन्माद-चिन्ताद्या व्यभिचारिणः
nirveda-mohāpasmāra-vyādhi-glāni-smṛti-śramāḥ / viṣāda-jaḍatonmāda-cintādyā vyabhicāriṇaḥ
Sanskrit only: no published translation is held for this verse.
शोक-स्थायितया भिन्नो विप्रलम्भाद् अयं रसः । विप्रलम्भे रतिः स्थायी पुनः-संभोग-हेतुकः
śoka-sthāyitayā bhinno vipralambhād ayaṃ rasaḥ / vipralambhe ratiḥ sthāyī punaḥ-saṃbhoga-hetukaḥ
Sanskrit only: no published translation is held for this verse.
रौद्रः क्रोध-स्थायि-भावो रक्तो रुद्राधिदैवतः । आलम्बनम् अरिस् तस्य तच् चेष्टोद्दीपनं मतम्
raudraḥ krodha-sthāyi-bhāvo rakto rudrādhidaivataḥ / ālambanam aris tasya tac ceṣṭoddīpanaṃ matam
Sanskrit only: no published translation is held for this verse.
मुष्टि-प्रहार-पातन-विकृत-च्छेदावदारणैश् चैव । सङ्ग्राम-संभ्रमाद्यैर् अस्योद्दीप्तिर् भवेत् प्रौढा
muṣṭi-prahāra-pātana-vikṛta-cchedāvadāraṇaiś caiva / saṅgrāma-saṃbhramādyair asyoddīptir bhavet prauḍhā
Sanskrit only: no published translation is held for this verse.
भ्रू-विभङ्गौष्ठ-निर्वेश-बाहु-स्फोटन-तर्जनाः । आत्मावदान-कथनम् आयुधोत्क्षेपणानि च
bhrū-vibhaṅgauṣṭha-nirveśa-bāhu-sphoṭana-tarjanāḥ / ātmāvadāna-kathanam āyudhotkṣepaṇāni ca
Sanskrit only: no published translation is held for this verse.
अनुभावास् तथाक्षेप-क्रूर-सन्दर्शनादयः । उग्रता-वेग-रोमाञ्च-स्वेद-वेपथवो मदः
anubhāvās tathākṣepa-krūra-sandarśanādayaḥ / ugratā-vega-romāñca-sveda-vepathavo madaḥ
Sanskrit only: no published translation is held for this verse.
मोहामर्षादयस् तत्र भावाः स्युर् व्यभिचारिणः । रक्तास्य-नेत्रता चात्र भेदिनी युद्ध-वीरतः
mohāmarṣādayas tatra bhāvāḥ syur vyabhicāriṇaḥ / raktāsya-netratā cātra bhedinī yuddha-vīrataḥ
Sanskrit only: no published translation is held for this verse.
उत्तम-प्रकृतिर् वीर उत्साह-स्थायि-भावकः । महेन्द्र-दैवतो हेम-वर्णो ऽयं समुदाहृतः
uttama-prakṛtir vīra utsāha-sthāyi-bhāvakaḥ / mahendra-daivato hema-varṇo 'yaṃ samudāhṛtaḥ
Sanskrit only: no published translation is held for this verse.
आलम्बन-विभावास् तु विजेतव्यादयो मताः । विजेतव्यादि-चेष्टाद्यास् तस्योद्दीपन-रूपिणः । अनुभावास् तु तत्र स्युः सहायान्वेषणादयः
ālambana-vibhāvās tu vijetavyādayo matāḥ / vijetavyādi-ceṣṭādyās tasyoddīpana-rūpiṇaḥ / anubhāvās tu tatra syuḥ sahāyānveṣaṇādayaḥ
Sanskrit only: no published translation is held for this verse.
सञ्चारिणस् तु धृति-मति-गर्व-स्मृति-तर्क-रोमाञ्चाः । स च दान-धर्म-युद्धैर् दयया च समन्वितश् चतुर्धा स्यात्
sañcāriṇas tu dhṛti-mati-garva-smṛti-tarka-romāñcāḥ / sa ca dāna-dharma-yuddhair dayayā ca samanvitaś caturdhā syāt
Sanskrit only: no published translation is held for this verse.
भयानकौ भय-स्थायि-भावो भूताधिदैवतः । स्त्री-नीच-प्रकृतिः कृष्णो मतस् तत्त्व-विशारदैः
bhayānakau bhaya-sthāyi-bhāvo bhūtādhidaivataḥ / strī-nīca-prakṛtiḥ kṛṣṇo matas tattva-viśāradaiḥ
Sanskrit only: no published translation is held for this verse.
यस्माद् उत्पद्यते भीतिस् तद् अत्रालम्बनं मतम् । चेष्टा घोरतरास् तस्य भवेद् उद्दीपनं पुनः
yasmād utpadyate bhītis tad atrālambanaṃ matam / ceṣṭā ghoratarās tasya bhaved uddīpanaṃ punaḥ
Sanskrit only: no published translation is held for this verse.
अनुभावो ऽत्र वैवर्ण्य-गद्गद-स्वर-भाषणम् । प्रलय-स्वेद-रोमाञ्च-कम्प-दिक्-प्रेक्षणादयः
anubhāvo 'tra vaivarṇya-gadgada-svara-bhāṣaṇam / pralaya-sveda-romāñca-kampa-dik-prekṣaṇādayaḥ
Sanskrit only: no published translation is held for this verse.
जुगुप्सावेग-संमोह-सन्त्रास-म्लानि-दीनताः । शङ्कापस्मार-संभ्रान्ति-मृत्य्वाद्या व्यभिचारिणः
jugupsāvega-saṃmoha-santrāsa-mlāni-dīnatāḥ / śaṅkāpasmāra-saṃbhrānti-mṛtyvādyā vyabhicāriṇaḥ
Sanskrit only: no published translation is held for this verse.
जुगुप्सा-स्थायि-भावस् तु बीभत्सः कथ्यते रसः । नील-वर्णो महा-काल-दैवतो ऽयम् उदाहृतः
jugupsā-sthāyi-bhāvas tu bībhatsaḥ kathyate rasaḥ / nīla-varṇo mahā-kāla-daivato 'yam udāhṛtaḥ
Sanskrit only: no published translation is held for this verse.
दुर्गन्ध-मांस-रुधिर-मेदांस्यालम्बनं मतम् । तत्रैव कृमि-पाताद्यम् उद्दीपनम् उदाहृतम्
durgandha-māṃsa-rudhira-medāṃsyālambanaṃ matam / tatraiva kṛmi-pātādyam uddīpanam udāhṛtam
Sanskrit only: no published translation is held for this verse.