तत्र मीमांसकाः प्राहुः नायं सर्वार्थदर्शनशक्तिसम्पन्नः पुरुषो ऽभ्युपगमम् अर्हति, अतिपतितसकलसाधकप्रमाणसम्भावनाभूमित्वात् स्फुटविविधबाधकत्वाच् च । तथा हि अस्य प्रत्यक्षम् अन्यद् वा साधकं भवेत् ? प्रत्यक्षम् अपि लौकिकं यौगिकं वा ? व्यवस्थितमितस्वार्थं न तावद् इह लौकिकम् । साधनं तेन सर्वार्थतज्ज्ञानादेर् असिद्धितः
tatra mīmāṃsakāḥ prāhuḥ nāyaṃ sarvārthadarśanaśaktisampannaḥ puruṣo 'bhyupagamam arhati, atipatitasakalasādhakapramāṇasambhāvanābhūmitvāt sphuṭavividhabādhakatvāc ca / tathā hi asya pratyakṣam anyad vā sādhakaṃ bhavet ? pratyakṣam api laukikaṃ yaugikaṃ vā ? vyavasthitamitasvārthaṃ na tāvad iha laukikam | sādhanaṃ tena sarvārthatajjñānāder asiddhitaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.