सर्वार्थदर्शनशक्तिशालिनम् अवगमयता हि देशकालस्वभावविप्रकर्षव्यवधानजुषः सर्व एवार्थास् दर्शनं शक्तिश् च गोचरयितव्यानि । न च विद्यमानेन्द्रियसन्निकर्षयोग्यकतिपयविषयनियतवृत्तेर् लौकिकप्रत्यक्षस्य निरवधिर् अयं महिमा संभावनाभूमिर् इति कथम् इव तद् इह साधनम् इति मन्येमहि । नापि योगिप्रत्यक्षम् अस्य साधकम्; यतः प्रत्यक्षत्वे तद् अप्य् एवं विद्यमानैकगोचरम् । भूतादिगोचरं नैव प्रत्यक्षं प्रतिभादिवत्
sarvārthadarśanaśaktiśālinam avagamayatā hi deśakālasvabhāvaviprakarṣavyavadhānajuṣaḥ sarva evārthās darśanaṃ śaktiś ca gocarayitavyāni / na ca vidyamānendriyasannikarṣayogyakatipayaviṣayaniyatavṛtter laukikapratyakṣasya niravadhir ayaṃ mahimā saṃbhāvanābhūmir iti katham iva tad iha sādhanam iti manyemahi / nāpi yogipratyakṣam asya sādhakam; yataḥ pratyakṣatve tad apy evaṃ vidyamānaikagocaram | bhūtādigocaraṃ naiva pratyakṣaṃ pratibhādivat
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.