न खलु शरीरम् एकचेतनाधीनोत्पत्तिस्थिति । ये हि यद्देहाधीनसुखदुःखोपभोगभागिनः, भवति हि तदुचितादृष्टशालिनां सर्वेषाम् एव तेषां तद्देहिन इव तदुत्पत्तिस्थितिनिमित्तत्वम् । अपि च शरीरावयविनः स्वावयवसमवायलक्षणा स्थितिर् अवयव्यतिषङ्गविशेषाद् ऋते न चेतयितारं परम् अपेक्षते । या पुनस् तदपेक्षिणी प्राणनलक्षणा स्थितिः, न सा पक्षीकृते क्षित्यादौ सम्भवतीति स्थितिम् अपि नैकरूपां पक्षसपक्षानुयायिनीम् उदीक्षामहे । एकचेतनाधीनप्रवृत्तित्वे तु प्रबलबहुजनसरभसप्रयत्नप्रचाल्यैर् उपलतरुरथादिभिर् व्यभिचारः । आरब्धत्वाद् एव चैतत्साध्यसिद्धाबधिकम् इदम् उपादानविशेषवचनम् । चेतनाधीनतामात्रसाह्दने सिद्धसाध्यता । चेतनैर् भोक्तृभिर् भोग्यः कर्मभिर् जन्यते हि नः
na khalu śarīram ekacetanādhīnotpattisthiti / ye hi yaddehādhīnasukhaduḥkhopabhogabhāginaḥ, bhavati hi taducitādṛṣṭaśālināṃ sarveṣām eva teṣāṃ taddehina iva tadutpattisthitinimittatvam / api ca śarīrāvayavinaḥ svāvayavasamavāyalakṣaṇā sthitir avayavyatiṣaṅgaviśeṣād ṛte na cetayitāraṃ param apekṣate / yā punas tadapekṣiṇī prāṇanalakṣaṇā sthitiḥ, na sā pakṣīkṛte kṣityādau sambhavatīti sthitim api naikarūpāṃ pakṣasapakṣānuyāyinīm udīkṣāmahe / ekacetanādhīnapravṛttitve tu prabalabahujanasarabhasaprayatnapracālyair upalatarurathādibhir vyabhicāraḥ / ārabdhatvād eva caitatsādhyasiddhābadhikam idam upādānaviśeṣavacanam / cetanādhīnatāmātrasāhdane siddhasādhyatā | cetanair bhoktṛbhir bhogyaḥ karmabhir janyate hi naḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.