Yajnavalkya-Smrti (plain text) 1

कुलानि जातीः श्रेणीश् च गणान् जानपदान् अपि । स्वधर्माच् चलितान् राजा विनीय स्थापयेत् पथि

kulāni jātīḥ śreṇīś ca gaṇān jānapadān api / svadharmāc calitān rājā vinīya sthāpayet pathi

Sanskrit only: no published translation is held for this verse.

जालसूर्यमरीचिस्थं त्रसरेणू रजः स्मृतम् । ते ऽष्टौ लिक्षा तु तास् तिस्रो राजसर्षप उच्यते

jālasūryamarīcisthaṃ trasareṇū rajaḥ smṛtam / te 'ṣṭau likṣā tu tās tisro rājasarṣapa ucyate

Sanskrit only: no published translation is held for this verse.

गौरस् तु ते त्रयः षट् ते यवो मध्यस् तु ते त्रयः । कृष्णलः पञ्च ते माषस् ते सुवर्णस् तु षोडश

gauras tu te trayaḥ ṣaṭ te yavo madhyas tu te trayaḥ / kṛṣṇalaḥ pañca te māṣas te suvarṇas tu ṣoḍaśa

Sanskrit only: no published translation is held for this verse.

पलं सुवर्णाश् चत्वारः पञ्च वापि प्रकीर्तितम् । द्वे कृष्णले रूप्यमाषो धरणं षोडशैव ते

palaṃ suvarṇāś catvāraḥ pañca vāpi prakīrtitam / dve kṛṣṇale rūpyamāṣo dharaṇaṃ ṣoḍaśaiva te

Sanskrit only: no published translation is held for this verse.

शतमानं तु दशभिर् धरणैः पलम् एव तु । निष्कं सुवर्णाश् चत्वारः कार्षिकस् ताम्रिकः पणः

śatamānaṃ tu daśabhir dharaṇaiḥ palam eva tu / niṣkaṃ suvarṇāś catvāraḥ kārṣikas tāmrikaḥ paṇaḥ

Sanskrit only: no published translation is held for this verse.

साशीतिपणसाहस्रो दण्ड उत्तमसाहसः । तदर्धं मध्यमः प्रोक्तस् तदर्धम् अधमः स्मृतः

sāśītipaṇasāhasro daṇḍa uttamasāhasaḥ / tadardhaṃ madhyamaḥ proktas tadardham adhamaḥ smṛtaḥ

Sanskrit only: no published translation is held for this verse.

धिग्दण्डस् त्व् अथ वाग्दण्डो धनदण्डो वधस् तथा । योज्या व्यस्ताः समस्ता वा ह्य् अपराधवशाद् इमे

dhigdaṇḍas tv atha vāgdaṇḍo dhanadaṇḍo vadhas tathā / yojyā vyastāḥ samastā vā hy aparādhavaśād ime

Sanskrit only: no published translation is held for this verse.

ज्ञात्वापराधं देशं च कालं बलम् अथापि वा । वयः कर्म च वित्तं च दण्डं दण्ड्येषु पातयेत्

jñātvāparādhaṃ deśaṃ ca kālaṃ balam athāpi vā / vayaḥ karma ca vittaṃ ca daṇḍaṃ daṇḍyeṣu pātayet

Sanskrit only: no published translation is held for this verse.