Yajnavalkya-Smrti (plain text) 2

अकूटं कूटकं ब्रूते कूटं यश् चाप्य् अकूटकम् । स नाणकपरीक्षी तु दाप्य उत्तमसाहसम्

akūṭaṃ kūṭakaṃ brūte kūṭaṃ yaś cāpy akūṭakam / sa nāṇakaparīkṣī tu dāpya uttamasāhasam

Sanskrit only: no published translation is held for this verse.

भिषङ् मिथ्याचरन् दण्ड्यस् तिर्यक्षु प्रथमं दमम् । मानुषे मध्यमं राज- पुरुषेषूत्तमं दमम्

bhiṣaṅ mithyācaran daṇḍyas tiryakṣu prathamaṃ damam / mānuṣe madhyamaṃ rāja- puruṣeṣūttamaṃ damam

Sanskrit only: no published translation is held for this verse.

अबन्ध्यं यश् च बध्नाति बद्धं यश् च प्रमुञ्चति । अप्राप्तव्यवहारं च स दाप्यो दमम् उत्तमम्

abandhyaṃ yaś ca badhnāti baddhaṃ yaś ca pramuñcati / aprāptavyavahāraṃ ca sa dāpyo damam uttamam

Sanskrit only: no published translation is held for this verse.

मानेन तुलया वापि यो ऽंशम् अष्टमकं हरेत् । दण्डं स दाप्यो द्विशतं वृद्धौ हानौ च कल्पितम्

mānena tulayā vāpi yo 'ṃśam aṣṭamakaṃ haret / daṇḍaṃ sa dāpyo dviśataṃ vṛddhau hānau ca kalpitam

Sanskrit only: no published translation is held for this verse.

भेषजस्नेहलवण- गन्धधान्यगुडादिषु । पण्येषु प्रक्षिपन् हीनं पणान् दाप्यस् तु षोडश

bheṣajasnehalavaṇa- gandhadhānyaguḍādiṣu / paṇyeṣu prakṣipan hīnaṃ paṇān dāpyas tu ṣoḍaśa

Sanskrit only: no published translation is held for this verse.

मृच्चर्ममणिसूत्रायः- काष्ठवल्कलवाससाम् । अजातौ जातिकरणे विक्रेयाष्टगुणो दमः

mṛccarmamaṇisūtrāyaḥ- kāṣṭhavalkalavāsasām / ajātau jātikaraṇe vikreyāṣṭaguṇo damaḥ

Sanskrit only: no published translation is held for this verse.

समुद्गपरिवर्तं च सारभाण्डं च कृत्रिमम् । आधानं विक्रयं वापि नयतो दण्डकल्पना

samudgaparivartaṃ ca sārabhāṇḍaṃ ca kṛtrimam / ādhānaṃ vikrayaṃ vāpi nayato daṇḍakalpanā

Sanskrit only: no published translation is held for this verse.

भिन्ने पणे च पञ्चाशत्- पणे तु शतम् उच्यते । द्विपणे द्विशतो दण्डो मूल्यवृद्धौ च वृद्धिमान्

bhinne paṇe ca pañcāśat- paṇe tu śatam ucyate / dvipaṇe dviśato daṇḍo mūlyavṛddhau ca vṛddhimān

Sanskrit only: no published translation is held for this verse.

संभूय कुर्वताम् अर्घं संबाधं कारुशिल्पिनाम् । अर्घस्य ह्रासं वृद्धिं वा जानतो दम उत्तमः

saṃbhūya kurvatām arghaṃ saṃbādhaṃ kāruśilpinām / arghasya hrāsaṃ vṛddhiṃ vā jānato dama uttamaḥ

Sanskrit only: no published translation is held for this verse.

संभूय वणिजां पण्यम् अनर्घेणोपरुन्धताम् । विक्रीणतां वा विहितो दण्ड उत्तमसाहसः

saṃbhūya vaṇijāṃ paṇyam anargheṇoparundhatām / vikrīṇatāṃ vā vihito daṇḍa uttamasāhasaḥ

Sanskrit only: no published translation is held for this verse.

राजनि स्थाप्यते यो ऽर्घः प्रत्यहं तेन विक्रयः । क्रयो वा निःस्रवस् तस्माद् वणिजां लाभकृत् स्मृतः

rājani sthāpyate yo 'rghaḥ pratyahaṃ tena vikrayaḥ / krayo vā niḥsravas tasmād vaṇijāṃ lābhakṛt smṛtaḥ

Sanskrit only: no published translation is held for this verse.

स्वदेशपण्ये तु शतं वणिग् गृह्णीत पञ्चकम् । दशकं पारदेश्ये तु यः सद्यः क्रयविक्रयी

svadeśapaṇye tu śataṃ vaṇig gṛhṇīta pañcakam / daśakaṃ pāradeśye tu yaḥ sadyaḥ krayavikrayī

Sanskrit only: no published translation is held for this verse.

पण्यस्योपरि संस्थाप्य व्ययं पण्यसमुद्भवम् । अर्घो ऽनुग्रहकृत् कार्यः क्रेतुर् विक्रेतुर् एव च

paṇyasyopari saṃsthāpya vyayaṃ paṇyasamudbhavam / argho 'nugrahakṛt kāryaḥ kretur vikretur eva ca

Sanskrit only: no published translation is held for this verse.

गृहीतमूल्यं यः पण्यं क्रेतुर् नैव प्रयच्छति । सोदयं तस्य दाप्यो ऽसौ दिग्लाभं वा दिगागते

gṛhītamūlyaṃ yaḥ paṇyaṃ kretur naiva prayacchati / sodayaṃ tasya dāpyo 'sau diglābhaṃ vā digāgate

Sanskrit only: no published translation is held for this verse.

विक्रीतम् अपि विक्रेयं पूर्वक्रेतर्य् अगृह्णति । हानिश् चेत् क्रेतृदोषेण क्रेतुर् एव हि सा भवेत्

vikrītam api vikreyaṃ pūrvakretary agṛhṇati / hāniś cet kretṛdoṣeṇa kretur eva hi sā bhavet

Sanskrit only: no published translation is held for this verse.

राजदैवोपघातेन पण्ये दोषम् उपागते । हानिर् विक्रेतुर् एवासौ याचितस्याप्रयच्छतः

rājadaivopaghātena paṇye doṣam upāgate / hānir vikretur evāsau yācitasyāprayacchataḥ

Sanskrit only: no published translation is held for this verse.

अन्यहस्ते च विक्रीय दुष्टं वादुष्टवद् यदि । विक्रीणीते दमस् तत्र मूल्यात् तु द्विगुणो भवेत्

anyahaste ca vikrīya duṣṭaṃ vāduṣṭavad yadi / vikrīṇīte damas tatra mūlyāt tu dviguṇo bhavet

Sanskrit only: no published translation is held for this verse.

क्षयं वृद्धिं च वणिजा पण्यानाम् अविजानता । क्रीत्वा नानुशयः कार्यः कुर्वन् षड्भागदण्डभाक्

kṣayaṃ vṛddhiṃ ca vaṇijā paṇyānām avijānatā / krītvā nānuśayaḥ kāryaḥ kurvan ṣaḍbhāgadaṇḍabhāk

Sanskrit only: no published translation is held for this verse.

समवायेन वणिजां लाभार्थं कर्म कुर्वताम् । लाभालाभौ यथाद्रव्यं यथा वा संविदा कृतौ

samavāyena vaṇijāṃ lābhārthaṃ karma kurvatām / lābhālābhau yathādravyaṃ yathā vā saṃvidā kṛtau

Sanskrit only: no published translation is held for this verse.

प्रतिषिद्धम् अनादिष्टं प्रमादाद् यच् च नाशितम् । स तद् दद्याद् विप्लवाच् च रक्षिताद् दशमांशभाक्

pratiṣiddham anādiṣṭaṃ pramādād yac ca nāśitam / sa tad dadyād viplavāc ca rakṣitād daśamāṃśabhāk

Sanskrit only: no published translation is held for this verse.

अर्घप्रक्षेपणाद् विंशं भागं शुल्कं नृपो हरेत् । व्यासिद्धं राजयोग्यं च विक्रीतं राजगामि तत्

arghaprakṣepaṇād viṃśaṃ bhāgaṃ śulkaṃ nṛpo haret / vyāsiddhaṃ rājayogyaṃ ca vikrītaṃ rājagāmi tat

Sanskrit only: no published translation is held for this verse.

मिथ्या वदन् परीमाणं शुल्कस्थानाद् अपासरन् । दाप्यस् त्व् अष्टगुणं यश् च सव्याजक्रयविक्रयी

mithyā vadan parīmāṇaṃ śulkasthānād apāsaran / dāpyas tv aṣṭaguṇaṃ yaś ca savyājakrayavikrayī

Sanskrit only: no published translation is held for this verse.

तरिकः स्थलजं शुल्कं गृह्णन् दाप्यः पणान् दश । ब्राह्मणप्रातिवेश्यानाम् एतद् एवानिमन्त्रणे

tarikaḥ sthalajaṃ śulkaṃ gṛhṇan dāpyaḥ paṇān daśa / brāhmaṇaprātiveśyānām etad evānimantraṇe

Sanskrit only: no published translation is held for this verse.

देशान्तरगते प्रेते द्रव्यं दायादबान्धवाः । ज्ञातयो वा हरेयुस् तद्- आगतास् तैर् विना नृपः

deśāntaragate prete dravyaṃ dāyādabāndhavāḥ / jñātayo vā hareyus tad- āgatās tair vinā nṛpaḥ

Sanskrit only: no published translation is held for this verse.

जिह्मं त्यजेयुर् निर्लाभम् अशक्तो ऽन्येन कारयेत् । अनेन विधिर् आख्यात ऋत्विक्कर्षककर्मिणाम्

jihmaṃ tyajeyur nirlābham aśakto 'nyena kārayet / anena vidhir ākhyāta ṛtvikkarṣakakarmiṇām

Sanskrit only: no published translation is held for this verse.

ग्राहकैर् गृह्यते चौरो लोप्त्रेणाथ पदेन वा । पूर्वकर्मापराधी च तथा चाशुद्धवासकः

grāhakair gṛhyate cauro loptreṇātha padena vā / pūrvakarmāparādhī ca tathā cāśuddhavāsakaḥ

Sanskrit only: no published translation is held for this verse.

अन्ये ऽपि शङ्कया ग्राह्या जातिनामादिनिह्नवैः । द्यूतस्त्रीपानसक्ताश् च शुष्कभिन्नमुखस्वराः

anye 'pi śaṅkayā grāhyā jātināmādinihnavaiḥ / dyūtastrīpānasaktāś ca śuṣkabhinnamukhasvarāḥ

Sanskrit only: no published translation is held for this verse.

परद्रव्यगृहाणां च पृच्छका गूढचारिणः । निराया व्ययवन्तश् च विनष्टद्रव्यविक्रयाः

paradravyagṛhāṇāṃ ca pṛcchakā gūḍhacāriṇaḥ / nirāyā vyayavantaś ca vinaṣṭadravyavikrayāḥ

Sanskrit only: no published translation is held for this verse.

गृहीतः शङ्कया चौर्ये नात्मानं चेद् विशोधयेत् । दापयित्वा हृतं द्रव्यं चौरदण्डेन दण्डयेत्

gṛhītaḥ śaṅkayā caurye nātmānaṃ ced viśodhayet / dāpayitvā hṛtaṃ dravyaṃ cauradaṇḍena daṇḍayet

Sanskrit only: no published translation is held for this verse.

चौरं प्रदाप्यापहृतं घातयेद् विविधैर् वधैः । सचिह्नं ब्राह्मणं कृत्वा स्वराष्ट्राद् विप्रवासयेत्

cauraṃ pradāpyāpahṛtaṃ ghātayed vividhair vadhaiḥ / sacihnaṃ brāhmaṇaṃ kṛtvā svarāṣṭrād vipravāsayet

Sanskrit only: no published translation is held for this verse.

घातिते ऽपहृते दोषो ग्रामभर्तुर् अनिर्गते । विवीतभर्तुस् तु पथि चौरोद्धर्तुर् अवीतके

ghātite 'pahṛte doṣo grāmabhartur anirgate / vivītabhartus tu pathi cauroddhartur avītake

Sanskrit only: no published translation is held for this verse.

स्वसींनि दद्याद् ग्रामस् तु पदं वा यत्र गच्छति । पञ्चग्रामी बहिः क्रोशाद् दशग्राम्य् अथ वा पुनः

svasīṃni dadyād grāmas tu padaṃ vā yatra gacchati / pañcagrāmī bahiḥ krośād daśagrāmy atha vā punaḥ

Sanskrit only: no published translation is held for this verse.

बन्दिग्राहांस् तथा वाजि- कुञ्जराणां च हारिणः । प्रसह्यघातिनश् चैव शूलान् आरोपयेन् नरान्

bandigrāhāṃs tathā vāji- kuñjarāṇāṃ ca hāriṇaḥ / prasahyaghātinaś caiva śūlān āropayen narān

Sanskrit only: no published translation is held for this verse.

उत्क्षेपकग्रन्थिभेदौ करसंदंशहीनकौ । कार्यौ द्वितीयापराधे करपादैकहीनकौ

utkṣepakagranthibhedau karasaṃdaṃśahīnakau / kāryau dvitīyāparādhe karapādaikahīnakau

Sanskrit only: no published translation is held for this verse.

क्षुद्रमध्यमहाद्रव्य- हरणे सारतो दमः । देशकालवयःशक्ति संचिन्त्यं दण्डकर्मणि

kṣudramadhyamahādravya- haraṇe sārato damaḥ / deśakālavayaḥśakti saṃcintyaṃ daṇḍakarmaṇi

Sanskrit only: no published translation is held for this verse.

भक्तावकाशाग्न्युदक- मन्त्रोपकरणव्ययान् । दत्त्वा चौरस्य वा हन्तुर् जानतो दम उत्तमः

bhaktāvakāśāgnyudaka- mantropakaraṇavyayān / dattvā caurasya vā hantur jānato dama uttamaḥ

Sanskrit only: no published translation is held for this verse.

शस्त्रावपाते गर्भस्य पातने चोत्तमो दमः । उत्तमो वाधमो वापि पुरुषस्त्रीप्रमापणे

śastrāvapāte garbhasya pātane cottamo damaḥ / uttamo vādhamo vāpi puruṣastrīpramāpaṇe

Sanskrit only: no published translation is held for this verse.

विप्रदुष्टां स्त्रियं चैव पुरुषघ्नीम् अगर्भिणीम् । सेतुभेदकरीं चाप्सु शिलां बद्ध्वा प्रवेशयेत्

vipraduṣṭāṃ striyaṃ caiva puruṣaghnīm agarbhiṇīm / setubhedakarīṃ cāpsu śilāṃ baddhvā praveśayet

Sanskrit only: no published translation is held for this verse.

विषाग्निदां पतिगुरु- निजापत्यप्रमापणीम् । विकर्णकरनासौष्ठीं कृत्वा गोभिः प्रमापयेत्

viṣāgnidāṃ patiguru- nijāpatyapramāpaṇīm / vikarṇakaranāsauṣṭhīṃ kṛtvā gobhiḥ pramāpayet

Sanskrit only: no published translation is held for this verse.

अविज्ञातहतस्याशु कलहं सुतबान्धवाः । प्रष्टव्या योषितश् चास्य परपुंसि रताः पृथक्

avijñātahatasyāśu kalahaṃ sutabāndhavāḥ / praṣṭavyā yoṣitaś cāsya parapuṃsi ratāḥ pṛthak

Sanskrit only: no published translation is held for this verse.

स्त्रीद्रव्यवृत्तिकामो वा केन वायं गतः सह । मृत्युदेशसमासन्नं पृच्छेद् वापि जनं शनैः

strīdravyavṛttikāmo vā kena vāyaṃ gataḥ saha / mṛtyudeśasamāsannaṃ pṛcched vāpi janaṃ śanaiḥ

Sanskrit only: no published translation is held for this verse.

क्षेत्रवेश्मवनग्राम- विवीतखलदाहकाः । राजपत्न्यभिगामी च दग्धव्यास् तु कटाग्निना

kṣetraveśmavanagrāma- vivītakhaladāhakāḥ / rājapatnyabhigāmī ca dagdhavyās tu kaṭāgninā

Sanskrit only: no published translation is held for this verse.

पुमान् संग्रहणे ग्राह्यः केशाकेशि परस्त्रिया । सद्यो वा कामजैश् चिह्नैः प्रतिपत्तौ द्वयोस् तथा

pumān saṃgrahaṇe grāhyaḥ keśākeśi parastriyā / sadyo vā kāmajaiś cihnaiḥ pratipattau dvayos tathā

Sanskrit only: no published translation is held for this verse.

नीवीस्तनप्रावरण- सक्थिकेशावमर्शनम् । अदेशकालसंभाषं सहैकासनम् एव च

nīvīstanaprāvaraṇa- sakthikeśāvamarśanam / adeśakālasaṃbhāṣaṃ sahaikāsanam eva ca

Sanskrit only: no published translation is held for this verse.

स्त्री निषेधे शतं दद्याद् द्विशतं तु दमं पुमान् । प्रतिषेधे तयोर् दण्डो यथा संग्रहणे तथा

strī niṣedhe śataṃ dadyād dviśataṃ tu damaṃ pumān / pratiṣedhe tayor daṇḍo yathā saṃgrahaṇe tathā

Sanskrit only: no published translation is held for this verse.

सजाताव् उत्तमो दण्ड आनुलोम्ये तु मध्यमः । प्रातिलोम्ये वधः पुंसो नार्याः कर्णादिकर्तनम्

sajātāv uttamo daṇḍa ānulomye tu madhyamaḥ / prātilomye vadhaḥ puṃso nāryāḥ karṇādikartanam

Sanskrit only: no published translation is held for this verse.

अलंकृतां हरन् कन्याम् उत्तमं ह्य् अन्यथाधमम् । दण्डं दद्यात् सवर्णासु प्रातिलोम्ये वधः स्मृतः

alaṃkṛtāṃ haran kanyām uttamaṃ hy anyathādhamam / daṇḍaṃ dadyāt savarṇāsu prātilomye vadhaḥ smṛtaḥ

Sanskrit only: no published translation is held for this verse.

सकामास्व् अनुलोमासु न दोषस् त्व् अन्यथा दमः । दूषणे तु करच्छेद उत्तमायां वधस् तथा

sakāmāsv anulomāsu na doṣas tv anyathā damaḥ / dūṣaṇe tu karaccheda uttamāyāṃ vadhas tathā

Sanskrit only: no published translation is held for this verse.

शतं स्त्रीदूषणे दद्याद् द्वे तु मिथ्याभिशंसने । पशून् गच्छन् शतं दाप्यो हीनां स्त्रीं गां च मध्यमम्

śataṃ strīdūṣaṇe dadyād dve tu mithyābhiśaṃsane / paśūn gacchan śataṃ dāpyo hīnāṃ strīṃ gāṃ ca madhyamam

Sanskrit only: no published translation is held for this verse.

अवरुद्धासु दासीसु भुजिष्यासु तथैव च । गम्यास्व् अपि पुमान् दाप्यः पञ्चाशत् पणिकं दमम्

avaruddhāsu dāsīsu bhujiṣyāsu tathaiva ca / gamyāsv api pumān dāpyaḥ pañcāśat paṇikaṃ damam

Sanskrit only: no published translation is held for this verse.

प्रसह्य दास्यभिगमे दण्डो दशपणः स्मृतः । बहूनां यद्य् अकामासौ चतुर्विंशतिकः पृथक्

prasahya dāsyabhigame daṇḍo daśapaṇaḥ smṛtaḥ / bahūnāṃ yady akāmāsau caturviṃśatikaḥ pṛthak

Sanskrit only: no published translation is held for this verse.

गृहीतवेतना वेश्या नेच्छन्ती द्विगुणं वहेत् । अगृहीते समं दाप्यः पुमान् अप्य् एवम् एव हि

gṛhītavetanā veśyā necchantī dviguṇaṃ vahet / agṛhīte samaṃ dāpyaḥ pumān apy evam eva hi

Sanskrit only: no published translation is held for this verse.

अयोनौ गच्छतो योषां पुरुषं वाभिमेहतः । चतुर्विंशतिको दण्डस् तथा प्रव्रजितागमे

ayonau gacchato yoṣāṃ puruṣaṃ vābhimehataḥ / caturviṃśatiko daṇḍas tathā pravrajitāgame

Sanskrit only: no published translation is held for this verse.

अन्त्याभिगमने त्व् अङ्क्यः कुबन्धेन प्रवासयेत् । शूद्रस् तथान्त्य एव स्याद् अन्त्यस्यार्यागमे वधः

antyābhigamane tv aṅkyaḥ kubandhena pravāsayet / śūdras tathāntya eva syād antyasyāryāgame vadhaḥ

Sanskrit only: no published translation is held for this verse.

ऊनं वाभ्यधिकं वापि लिखेद् यो राजशासनम् । पारदारिकचौरं वा मुञ्चतो दण्ड उत्तमः

ūnaṃ vābhyadhikaṃ vāpi likhed yo rājaśāsanam / pāradārikacauraṃ vā muñcato daṇḍa uttamaḥ

Sanskrit only: no published translation is held for this verse.

अभक्ष्येण द्विजं दूष्यो दण्ड्य उत्तमसाहसम् । मध्यमं क्षत्रियं वैश्यं प्रथमं शूद्रम् अर्धिकम्

abhakṣyeṇa dvijaṃ dūṣyo daṇḍya uttamasāhasam / madhyamaṃ kṣatriyaṃ vaiśyaṃ prathamaṃ śūdram ardhikam

Sanskrit only: no published translation is held for this verse.

कूटस्वर्णव्यवहारी विमांसस्य च विक्रयी । त्र्यङ्गहीनस् तु कर्तव्यो दाप्यश् चोत्तमसाहसम्

kūṭasvarṇavyavahārī vimāṃsasya ca vikrayī / tryaṅgahīnas tu kartavyo dāpyaś cottamasāhasam

Sanskrit only: no published translation is held for this verse.

चतुष्पादकृतो दोषो नापेहीति प्रजल्पतः । काष्ठलोष्टेषुपाषाण- बाहुयुग्यकृतस् तथा

catuṣpādakṛto doṣo nāpehīti prajalpataḥ / kāṣṭhaloṣṭeṣupāṣāṇa- bāhuyugyakṛtas tathā

Sanskrit only: no published translation is held for this verse.

छिन्ननस्येन यानेन तथा भग्नयुगादिना । पश्चाच् चैवापसरता हिंसने स्वाम्य् अदोषभाक्

chinnanasyena yānena tathā bhagnayugādinā / paścāc caivāpasaratā hiṃsane svāmy adoṣabhāk

Sanskrit only: no published translation is held for this verse.

शक्तो ऽप्य् अमोक्षयन् स्वामी दंष्ट्रिणां शृङ्गिणां तथा । प्रथमं साहसं दद्याद् विक्रुष्टे द्विगुणं तथा

śakto 'py amokṣayan svāmī daṃṣṭriṇāṃ śṛṅgiṇāṃ tathā / prathamaṃ sāhasaṃ dadyād vikruṣṭe dviguṇaṃ tathā

Sanskrit only: no published translation is held for this verse.

जारं चौरेत्य् अभिवदन् दाप्यः पञ्चशतं दमम् । उपजीव्य धनं मुञ्चंस् तद् एवाष्टगुणीकृतम्

jāraṃ caurety abhivadan dāpyaḥ pañcaśataṃ damam / upajīvya dhanaṃ muñcaṃs tad evāṣṭaguṇīkṛtam

Sanskrit only: no published translation is held for this verse.

राज्ञो ऽनिष्टप्रवक्तारं तस्यैवाक्रोशकारिणम् । तन्मन्त्रस्य च भेत्तारं छित्त्वा जिह्वां प्रवासयेत्

rājño 'niṣṭapravaktāraṃ tasyaivākrośakāriṇam / tanmantrasya ca bhettāraṃ chittvā jihvāṃ pravāsayet

Sanskrit only: no published translation is held for this verse.

मृताङ्गलग्नविक्रेतुर् गुरोस् ताडयितुस् तथा । राजयानासनारोढुर् दण्ड उत्तमसाहसः

mṛtāṅgalagnavikretur guros tāḍayitus tathā / rājayānāsanāroḍhur daṇḍa uttamasāhasaḥ

Sanskrit only: no published translation is held for this verse.

द्विनेत्रभेदिनो राज- द्विष्टादेशकृतस् तथा । विप्रत्वेन च शूद्रस्य जीवतो ऽष्टशतो दमः

dvinetrabhedino rāja- dviṣṭādeśakṛtas tathā / vipratvena ca śūdrasya jīvato 'ṣṭaśato damaḥ

Sanskrit only: no published translation is held for this verse.

दुर्दृष्टांस् तु पुनर् दृष्ट्वा व्यवहारान् नृपेण तु । सभ्याः सजयिनो दण्ड्या विवादाद् द्विगुणं दमम्

durdṛṣṭāṃs tu punar dṛṣṭvā vyavahārān nṛpeṇa tu / sabhyāḥ sajayino daṇḍyā vivādād dviguṇaṃ damam

Sanskrit only: no published translation is held for this verse.

यो मन्येताजितो ऽस्मीति न्यायेनापि पराजितः । तम् आयान्तं पुनर् जित्वा दापयेद् द्विगुणं दमम्

yo manyetājito 'smīti nyāyenāpi parājitaḥ / tam āyāntaṃ punar jitvā dāpayed dviguṇaṃ damam

Sanskrit only: no published translation is held for this verse.

राज्ञान्यायेन यो दण्डो गृहीतो वरुणाय तम् । निवेद्य दद्याद् विप्रेभ्यः स्वयं त्रिंशद्गुणीकृतम्

rājñānyāyena yo daṇḍo gṛhīto varuṇāya tam / nivedya dadyād viprebhyaḥ svayaṃ triṃśadguṇīkṛtam

Sanskrit only: no published translation is held for this verse.