Section 3.11

In this sitting

1. 3.11.1अथ तत ऊर्ध्व उदेत्य नैवोदेता नास्तम् एतैकल एव मध्ये स्थाता । तद् एष श्लोकः
2. 3.11.2न वै तत्र न निम्लोच । नोदियाय कदाचन । देवास् तेनाहं सत्येन । मा विराधिषि ब्रह्मणेति
3. 3.11.3न ह वा अस्मा उदेति न निम्लोचति । सकृद् दिवा हैवास्मै भवति । य एताम् एवं ब्रह्मोपनिषदं वेद
4. 3.11.4तद् धैतद् ब्रह्मा प्रजापतय उवाच । प्रजापतिर् मनवे । मनुः प्रजाभ्यः । तद् धैतद् उद्दालकायारुणये ज्येष्ठाय पुत्राय पिता ब्रह्म प्रोवाच
5. 3.11.5इदं वाव तज् ज्येष्ठाय पुत्राय पिता ब्रह्म प्रब्रूयात् प्रणाय्याय वान्तेवासिने
6. 3.11.6नान्यस्मै कस्मैचन । यद्य् अप्य् अस्मा इमाम् अद्भिः परिगृहीतां धनस्य पूर्णां दद्याद् एतद् एव ततो भूय इति