सर्वदोषविनिर्मुक्तः स्तम्भमायाति तत्क्षणात् । तन्मूलं सूतकं ताम्रं कुङ्कुणीतैलसेचनात्
sarvadoṣavinirmuktaḥ stambhamāyāti tatkṣaṇāt / tanmūlaṃ sūtakaṃ tāmraṃ kuṅkuṇītailasecanāt
Sanskrit only: no published translation is held for this verse.
एकविंशतिवारेण शुद्धं शुल्बं भविष्यति । रक्तचित्रकभल्लाततैललिप्तं पुटेन तु
ekaviṃśativāreṇa śuddhaṃ śulbaṃ bhaviṣyati / raktacitrakabhallātatailaliptaṃ puṭena tu
Sanskrit only: no published translation is held for this verse.
चन्द्रार्कपत्रं देवेशि जायते दिव्यकाञ्चनम् । नागिनीकन्दसूतेन्द्ररक्तचित्रसंयुतम्
candrārkapatraṃ deveśi jāyate divyakāñcanam / nāginīkandasūtendraraktacitrasaṃyutam
Sanskrit only: no published translation is held for this verse.
पत्रलेपप्रतीवापैश्चन्द्रार्कं काञ्चनं भवेत् । <ज्योतिष्मतीतैलकल्पः> ज्योतिष्मतीतैलविधिं वक्ष्यामि शृणु पार्वति
patralepapratīvāpaiścandrārkaṃ kāñcanaṃ bhavet / <jyotiṣmatītailakalpaḥ> jyotiṣmatītailavidhiṃ vakṣyāmi śṛṇu pārvati
Sanskrit only: no published translation is held for this verse.
ज्योतिष्मती नाम लता या च काञ्चनसन्निभा । वल्लीवितानबहुला हेमवर्णफला शुभा
jyotiṣmatī nāma latā yā ca kāñcanasannibhā / vallīvitānabahulā hemavarṇaphalā śubhā
Sanskrit only: no published translation is held for this verse.
आषाढपूर्वपक्षेऽस्या गृहीत्वा बीजमुत्तमम् । तिलवत्क्वाथयित्वा वा हस्तपादैरथापि वा
āṣāḍhapūrvapakṣe'syā gṛhītvā bījamuttamam / tilavatkvāthayitvā vā hastapādairathāpi vā
Sanskrit only: no published translation is held for this verse.
तस्यास्तैलं समादाय कुम्भे ताम्रमये क्षिपेत् । स्थापयेद्भूगतं कुम्भं क्रमादूर्ध्वतुषाग्निना
tasyāstailaṃ samādāya kumbhe tāmramaye kṣipet / sthāpayedbhūgataṃ kumbhaṃ kramādūrdhvatuṣāgninā
Sanskrit only: no published translation is held for this verse.
षण्मासे तु व्यतिक्रान्ते स घटः काञ्चनं भवेत् । ताम्रं हेमसमं कृत्वा तैलमाक्षीकमिश्रितम्
ṣaṇmāse tu vyatikrānte sa ghaṭaḥ kāñcanaṃ bhavet / tāmraṃ hemasamaṃ kṛtvā tailamākṣīkamiśritam
Sanskrit only: no published translation is held for this verse.
प्रतिवापेन सिञ्चेत् तद्धेम ताम्रसमं भवेत् । तथा च शतवेधी स्याद्विद्यारत्नम् अनुत्तमम्
prativāpena siñcet taddhema tāmrasamaṃ bhavet / tathā ca śatavedhī syādvidyāratnam anuttamam
Sanskrit only: no published translation is held for this verse.
<दग्धरुहाकल्पः> दग्धरुहां प्रवक्ष्यामि रसबन्धकरीं प्रिये । स्पर्शौषधीति सा ज्ञेया सर्वकामार्थसाधनी
<dagdharuhākalpaḥ> dagdharuhāṃ pravakṣyāmi rasabandhakarīṃ priye / sparśauṣadhīti sā jñeyā sarvakāmārthasādhanī
Sanskrit only: no published translation is held for this verse.
शश्वच्छिन्ना महादेवि दग्धा सा पावकेन तु । प्ररोहति क्षणाद्दिव्या दग्धा सा तु महौषधी
śaśvacchinnā mahādevi dagdhā sā pāvakena tu / prarohati kṣaṇāddivyā dagdhā sā tu mahauṣadhī
Sanskrit only: no published translation is held for this verse.
रक्तं पीतं सितं कृष्णं तस्याः पुष्पं प्रजायते । चणकस्येव पत्राणि सुप्रसूतानि लक्षयेत्
raktaṃ pītaṃ sitaṃ kṛṣṇaṃ tasyāḥ puṣpaṃ prajāyate / caṇakasyeva patrāṇi suprasūtāni lakṣayet
Sanskrit only: no published translation is held for this verse.
सा स्थिता गोमतीतीरे गङ्गायामर्बुदे गिरौ । उज्जयिन्या दक्षिणतो वनान्तेषु च दृश्यते
sā sthitā gomatītīre gaṅgāyāmarbude girau / ujjayinyā dakṣiṇato vanānteṣu ca dṛśyate
Sanskrit only: no published translation is held for this verse.
तस्याः कन्दरसं दिव्ये कृष्णराजीसमन्वितम् । ताम्बूलेन समं कृत्वा घुटिकां कारयेद्बुधः
tasyāḥ kandarasaṃ divye kṛṣṇarājīsamanvitam / tāmbūlena samaṃ kṛtvā ghuṭikāṃ kārayedbudhaḥ
Sanskrit only: no published translation is held for this verse.
सर्वेषामेव लोहानां द्रुतानां वह्निमध्यतः । सहस्रं वेधयित्वा तु काञ्चनं कुरुते क्षणात्
sarveṣāmeva lohānāṃ drutānāṃ vahnimadhyataḥ / sahasraṃ vedhayitvā tu kāñcanaṃ kurute kṣaṇāt
Sanskrit only: no published translation is held for this verse.
तथैव म्रियते सूतः कान्तहेमाभ्रसंयुतः । <कटुतुम्बीकल्पः> कटुतुंबी तु विख्याता देवि दिव्यौषधिं शृणु
tathaiva mriyate sūtaḥ kāntahemābhrasaṃyutaḥ / <kaṭutumbīkalpaḥ> kaṭutuṃbī tu vikhyātā devi divyauṣadhiṃ śṛṇu
Sanskrit only: no published translation is held for this verse.
तस्या बीजानि संगृह्य सूक्ष्मचूर्णं तु कारयेत् । एकविंशतिवाराणि भाव्यं धात्रीरसेन च
tasyā bījāni saṃgṛhya sūkṣmacūrṇaṃ tu kārayet / ekaviṃśativārāṇi bhāvyaṃ dhātrīrasena ca
Sanskrit only: no published translation is held for this verse.
पयसा सह तेनैव विश्वभेषजसंयुतम् । बीजं यन्त्रे विनिक्षिप्य तैलं संगृह्य पिण्डितः
payasā saha tenaiva viśvabheṣajasaṃyutam / bījaṃ yantre vinikṣipya tailaṃ saṃgṛhya piṇḍitaḥ
Sanskrit only: no published translation is held for this verse.
रसं मूर्छापयेत्तेन चक्रमर्देन मर्दयेत् । <लोहदण्डकल्पः> गोपित्तं शिखिपित्तं च कांक्षीकासीससंयुतम्
rasaṃ mūrchāpayettena cakramardena mardayet / <lohadaṇḍakalpaḥ> gopittaṃ śikhipittaṃ ca kāṃkṣīkāsīsasaṃyutam
Sanskrit only: no published translation is held for this verse.
तारतुल्यानि चैतानि सर्वेषां सूतकं समम् । मेषशृङ्गे निधातव्यं मासमेकं निरन्तरम्
tāratulyāni caitāni sarveṣāṃ sūtakaṃ samam / meṣaśṛṅge nidhātavyaṃ māsamekaṃ nirantaram
Sanskrit only: no published translation is held for this verse.
लोहदण्डेन संसिक्तं सर्वलोहानि वेधयेत् । गन्धकं लोहदण्डेन एकविंशतिभावितम्
lohadaṇḍena saṃsiktaṃ sarvalohāni vedhayet / gandhakaṃ lohadaṇḍena ekaviṃśatibhāvitam
Sanskrit only: no published translation is held for this verse.
युक्तं लोहकुलेनैव जम्बीररससंयुतम् । सबीजं सूतकोपेतमन्धमूषानिवेशितम्
yuktaṃ lohakulenaiva jambīrarasasaṃyutam / sabījaṃ sūtakopetamandhamūṣāniveśitam
Sanskrit only: no published translation is held for this verse.
भूगतं मासमेकं तु तारं काञ्चनतां नयेत् । दलस्य भागमेकं तु तारपञ्चांशमेव च
bhūgataṃ māsamekaṃ tu tāraṃ kāñcanatāṃ nayet / dalasya bhāgamekaṃ tu tārapañcāṃśameva ca
Sanskrit only: no published translation is held for this verse.
शुल्बं च पञ्चभागं च बीजस्यैकं च योजयेत् । एते द्वादशभागाः स्युः सर्वं तद्धारयेत्क्षितौ
śulbaṃ ca pañcabhāgaṃ ca bījasyaikaṃ ca yojayet / ete dvādaśabhāgāḥ syuḥ sarvaṃ taddhārayetkṣitau
Sanskrit only: no published translation is held for this verse.
स्थानस्यास्य निषेकं तु सुदण्डेन तु कारयेत् । पञ्चविंशद्दिनान्ते तु जायते कनकोत्तमम्
sthānasyāsya niṣekaṃ tu sudaṇḍena tu kārayet / pañcaviṃśaddinānte tu jāyate kanakottamam
Sanskrit only: no published translation is held for this verse.
<क्षीरकन्दकल्पः> क्षीरकन्दविधिं वक्ष्ये सर्वसिद्धिकरं तथा । चतुर्वर्णं विषं तत्र रक्तकन्दं प्रशस्यते
<kṣīrakandakalpaḥ> kṣīrakandavidhiṃ vakṣye sarvasiddhikaraṃ tathā / caturvarṇaṃ viṣaṃ tatra raktakandaṃ praśasyate
Sanskrit only: no published translation is held for this verse.
भग्नमेतत्स्रवेत्क्षीरं रक्तवर्णं सुशोभनम् । मेघानां तु निनादेन संजातैर् उपशोभितम्
bhagnametatsravetkṣīraṃ raktavarṇaṃ suśobhanam / meghānāṃ tu ninādena saṃjātair upaśobhitam
Sanskrit only: no published translation is held for this verse.
पत्रैः स्नुहीसमैः स्निग्धैः समभिर् हेमसत्प्रभैः । बन्धनं रसराजस्य सर्वसत्ववशंकरम्
patraiḥ snuhīsamaiḥ snigdhaiḥ samabhir hemasatprabhaiḥ / bandhanaṃ rasarājasya sarvasatvavaśaṃkaram
Sanskrit only: no published translation is held for this verse.
तस्य क्षीरं तु संगृह्य तारं निर्वाहयेद्बुधः । धमेद्धठाग्निना चैव जायते हेम शोभनम्
tasya kṣīraṃ tu saṃgṛhya tāraṃ nirvāhayedbudhaḥ / dhameddhaṭhāgninā caiva jāyate hema śobhanam
Sanskrit only: no published translation is held for this verse.
तिन्त्रिणीपत्रनिर्यासमीषत्ताम्ररजोयुतम् । मर्दयेत्पारदं प्राज्ञो रसबन्धो भविष्यति
tintriṇīpatraniryāsamīṣattāmrarajoyutam / mardayetpāradaṃ prājño rasabandho bhaviṣyati
Sanskrit only: no published translation is held for this verse.
तोयमध्ये विनिक्षिप्य गुलिका वज्रवद्भवेत् । <शाकवृक्षकल्पः> शाकवृक्षस्य देवेशि निष्पीड्य रसमुत्तमम्
toyamadhye vinikṣipya gulikā vajravadbhavet / <śākavṛkṣakalpaḥ> śākavṛkṣasya deveśi niṣpīḍya rasamuttamam
Sanskrit only: no published translation is held for this verse.
रक्तचन्दनसंयुक्तं सर्वलोहानि जारयेत् । मिलन्ति सर्वलोहानि द्रवन्ति सलिलं यथा
raktacandanasaṃyuktaṃ sarvalohāni jārayet / milanti sarvalohāni dravanti salilaṃ yathā
Sanskrit only: no published translation is held for this verse.
गन्धकं रसकं ताप्यं पारदं रक्तचन्दनम् । रुदन्त्या रससंयुक्तं तारमायाति काञ्चनम्
gandhakaṃ rasakaṃ tāpyaṃ pāradaṃ raktacandanam / rudantyā rasasaṃyuktaṃ tāramāyāti kāñcanam
Sanskrit only: no published translation is held for this verse.
शाकवृक्षस्य निर्यासं यत्नतः परिगालयेत् । शिग्रुमूलस्य चूर्णं तु तद्रसेन तु मर्दयेत्
śākavṛkṣasya niryāsaṃ yatnataḥ parigālayet / śigrumūlasya cūrṇaṃ tu tadrasena tu mardayet
Sanskrit only: no published translation is held for this verse.
प्रलिप्तशुल्बपत्राणि पुटेत्क्षिप्त्वा विपाचयेत् । तद्द्रुतं काञ्चनं दिव्यं भवेल्लक्षणसंयुतम्
praliptaśulbapatrāṇi puṭetkṣiptvā vipācayet / taddrutaṃ kāñcanaṃ divyaṃ bhavellakṣaṇasaṃyutam
Sanskrit only: no published translation is held for this verse.
फलानि शाकवृक्षस्य परिपक्वानि संगृहेत् । तद्रसेन तु सम्प्राज्ञः सप्तरात्रं तु भावयेत्
phalāni śākavṛkṣasya paripakvāni saṃgṛhet / tadrasena tu samprājñaḥ saptarātraṃ tu bhāvayet
Sanskrit only: no published translation is held for this verse.
तद्रसेन समायुक्तं मञ्जिष्ठामिश्रितं तथा । लेपयेत्तारपत्राणि ध्मातं भवति काञ्चनम्
tadrasena samāyuktaṃ mañjiṣṭhāmiśritaṃ tathā / lepayettārapatrāṇi dhmātaṃ bhavati kāñcanam
Sanskrit only: no published translation is held for this verse.
<देवदालीकल्पः> देवदाल्या महौषध्या विधिं वक्ष्याम्यतः परम् । सा श्वेता व्याधिशमने कृष्णा पीता रसायने
<devadālīkalpaḥ> devadālyā mahauṣadhyā vidhiṃ vakṣyāmyataḥ param / sā śvetā vyādhiśamane kṛṣṇā pītā rasāyane
Sanskrit only: no published translation is held for this verse.
पौर्णमास्यां त्रयोदश्यां राहुग्रस्ते दिवाकरे । अथवा कृष्णपञ्चम्यामिमां विधिवदुद्धरेत्
paurṇamāsyāṃ trayodaśyāṃ rāhugraste divākare / athavā kṛṣṇapañcamyāmimāṃ vidhivaduddharet
Sanskrit only: no published translation is held for this verse.
देवदालीफलं देवि विष्णुक्रान्तां च सूतकम् । मूर्छयेद् बन्धयेत्क्षिप्रं शुल्बं हेम करोति च
devadālīphalaṃ devi viṣṇukrāntāṃ ca sūtakam / mūrchayed bandhayetkṣipraṃ śulbaṃ hema karoti ca
Sanskrit only: no published translation is held for this verse.
देवदालीफलं मूलमीश्वरीरसमेव च । तोयेन मर्दितं कृत्वा वङ्गं स्तम्भयति क्षणात्
devadālīphalaṃ mūlamīśvarīrasameva ca / toyena marditaṃ kṛtvā vaṅgaṃ stambhayati kṣaṇāt
Sanskrit only: no published translation is held for this verse.
<श्वेतगुञ्जाकल्पः> अथातः सम्प्रवक्ष्यामि श्वेतगुञ्जाविधिं प्रिये । कृष्णपक्षे चतुर्दश्यामष्टम्यां च सुरार्चिते
<śvetaguñjākalpaḥ> athātaḥ sampravakṣyāmi śvetaguñjāvidhiṃ priye / kṛṣṇapakṣe caturdaśyāmaṣṭamyāṃ ca surārcite
Sanskrit only: no published translation is held for this verse.
कपाले मृत्तिकां न्यस्य सेचयेत्सलिलेन तु । बीजानि सितगुञ्जायाः पुष्ययोगे तु वापयेत्
kapāle mṛttikāṃ nyasya secayetsalilena tu / bījāni sitaguñjāyāḥ puṣyayoge tu vāpayet
Sanskrit only: no published translation is held for this verse.
वक्ष्यमाणेन योगेन कुर्यात् संग्रहणं तथा । ॐ नमो भगवति श्वेतवल्लि श्वेतपर्वतवासिनि
vakṣyamāṇena yogena kuryāt saṃgrahaṇaṃ tathā / oṃ namo bhagavati śvetavalli śvetaparvatavāsini
Sanskrit only: no published translation is held for this verse.
सर्वकार्याणि कुरु कुरु अप्रतिहतं नमो नमः स्वाहा । शुद्धशुल्बं तु संगृह्य मूषामध्ये तु संस्थितम्
sarvakāryāṇi kuru kuru apratihataṃ namo namaḥ svāhā / śuddhaśulbaṃ tu saṃgṛhya mūṣāmadhye tu saṃsthitam
Sanskrit only: no published translation is held for this verse.
त्रिपञ्चपलसंख्या तु कर्षार्धसितगुञ्जया । सहैकत्र भवं तारं तस्य गन्धविवर्जितम्
tripañcapalasaṃkhyā tu karṣārdhasitaguñjayā / sahaikatra bhavaṃ tāraṃ tasya gandhavivarjitam
Sanskrit only: no published translation is held for this verse.
ब्रह्मरीतिसमायुक्तं गुञ्जाचूर्णं सहैकतः । देवीनां भूषणं देवि जायते हेम शोभनम्
brahmarītisamāyuktaṃ guñjācūrṇaṃ sahaikataḥ / devīnāṃ bhūṣaṇaṃ devi jāyate hema śobhanam
Sanskrit only: no published translation is held for this verse.
<कर्तरीरसबन्धः> अथातः सम्प्रवक्ष्यामि कर्तरीरसबन्धनम् । असुराणां समायोगे क्रोधाविष्टेन चेतसा
<kartarīrasabandhaḥ> athātaḥ sampravakṣyāmi kartarīrasabandhanam / asurāṇāṃ samāyoge krodhāviṣṭena cetasā
Sanskrit only: no published translation is held for this verse.
सुदर्शनं महाचक्रं प्रेषितं मुरवैरिणा । भालपट्टात्ततस्तस्य निपेतुः स्वेदबिन्दवः
sudarśanaṃ mahācakraṃ preṣitaṃ muravairiṇā / bhālapaṭṭāttatastasya nipetuḥ svedabindavaḥ
Sanskrit only: no published translation is held for this verse.
ते भूमौ पतिता दिव्याः संजाताः कर्तरीरसः । रक्षार्थं स्थापितं तत्र विष्णुना च सुदर्शनम्
te bhūmau patitā divyāḥ saṃjātāḥ kartarīrasaḥ / rakṣārthaṃ sthāpitaṃ tatra viṣṇunā ca sudarśanam
Sanskrit only: no published translation is held for this verse.
चक्रतुल्यं भ्रमत्येतदायुधानि निकृन्तति । कुरुते गर्जनं नादं धूमज्वालां विमुञ्चति
cakratulyaṃ bhramatyetadāyudhāni nikṛntati / kurute garjanaṃ nādaṃ dhūmajvālāṃ vimuñcati
Sanskrit only: no published translation is held for this verse.
कर्तरीदृष्टिमात्रेण तथान्या शब्दकर्तरी । लोकानां तु हितार्थाय घोरशक्तिर्व्यवस्थिता
kartarīdṛṣṭimātreṇa tathānyā śabdakartarī / lokānāṃ tu hitārthāya ghoraśaktirvyavasthitā
Sanskrit only: no published translation is held for this verse.
रसरूपा महाघोरा सा सिद्धानां तु वेदिनी । तस्य क्षेत्रं यदा गच्छेदघोरास्त्रं जपेत्तदा
rasarūpā mahāghorā sā siddhānāṃ tu vedinī / tasya kṣetraṃ yadā gacchedaghorāstraṃ japettadā
Sanskrit only: no published translation is held for this verse.
पुनर्घोरं न्यसेत्तत्र अथान्यं विन्यसेद्बुधः । अनुलोमविलोमेन देहेऽधिष्ठाप्य कर्तरीम्
punarghoraṃ nyasettatra athānyaṃ vinyasedbudhaḥ / anulomavilomena dehe'dhiṣṭhāpya kartarīm
Sanskrit only: no published translation is held for this verse.
मुद्रया मुद्रयेत्तां तु अघोरास्त्रेण योजिताम् । दीप्तेन रोधयेत्तां तु स्तम्भयेद् दीपनेन तु
mudrayā mudrayettāṃ tu aghorāstreṇa yojitām / dīptena rodhayettāṃ tu stambhayed dīpanena tu
Sanskrit only: no published translation is held for this verse.
निष्ठया मुद्रया तां तु स्थानयोगेन योजयेत् । <उदकबन्धाः; चन्द्रोदकबन्धः> अथ चन्द्रोदकेनेशि वक्ष्यामि रसबन्धनम्
niṣṭhayā mudrayā tāṃ tu sthānayogena yojayet / <udakabandhāḥ; candrodakabandhaḥ> atha candrodakeneśi vakṣyāmi rasabandhanam
Sanskrit only: no published translation is held for this verse.
दृष्ट्वा चन्द्रोदकं मन्त्री पौर्णमास्यां विशेषतः । ग्रहणं तत्र कर्तव्यं पौर्णमास्यां प्रयत्नतः
dṛṣṭvā candrodakaṃ mantrī paurṇamāsyāṃ viśeṣataḥ / grahaṇaṃ tatra kartavyaṃ paurṇamāsyāṃ prayatnataḥ
Sanskrit only: no published translation is held for this verse.
निर्गच्छति महीं भित्त्वा चन्द्रवृद्ध्या तु वर्धते । क्षेत्रबन्धं पुरा कृत्वा देवमभ्यर्च्य शङ्करम्
nirgacchati mahīṃ bhittvā candravṛddhyā tu vardhate / kṣetrabandhaṃ purā kṛtvā devamabhyarcya śaṅkaram
Sanskrit only: no published translation is held for this verse.
चतुर्दश्यां तु तत्क्षेत्रं पूजयित्वा विचक्षणः । अहोरात्रोषितो भूत्वा बलिं तत्र निवेदयेत्
caturdaśyāṃ tu tatkṣetraṃ pūjayitvā vicakṣaṇaḥ / ahorātroṣito bhūtvā baliṃ tatra nivedayet
Sanskrit only: no published translation is held for this verse.
पौर्णमास्यां च रात्रौ च गत्वा तस्य समीपतः । चन्द्रोदकं तु संगृह्य मन्त्रयुक्तः सुमन्त्रितम्
paurṇamāsyāṃ ca rātrau ca gatvā tasya samīpataḥ / candrodakaṃ tu saṃgṛhya mantrayuktaḥ sumantritam
Sanskrit only: no published translation is held for this verse.
आलोड्य मधुसर्पिर्भ्यां पिबेत्तत्तु समाहितः । पीतमात्रेण तेनैव मूर्छितो भवति क्षणात्
āloḍya madhusarpirbhyāṃ pibettattu samāhitaḥ / pītamātreṇa tenaiva mūrchito bhavati kṣaṇāt
Sanskrit only: no published translation is held for this verse.
चन्द्रोदये तथोत्तिष्ठेत्क्षारं तस्य तु दापयेत् । सप्तरात्रप्रयोगेण चन्द्रवन्निर्मलो भवेत्
candrodaye tathottiṣṭhetkṣāraṃ tasya tu dāpayet / saptarātraprayogeṇa candravannirmalo bhavet
Sanskrit only: no published translation is held for this verse.
एकविंशतिरात्रेण जीवेद् ब्रह्मदिनत्रयम् । एकमासप्रयोगेण ब्रह्मायुः स भवेन्नरः
ekaviṃśatirātreṇa jīved brahmadinatrayam / ekamāsaprayogeṇa brahmāyuḥ sa bhavennaraḥ
Sanskrit only: no published translation is held for this verse.
चन्द्रोदकेन गगनं रसं हेम च मर्दयेत् । मूषामध्यगतं ध्मातं तत्क्षणाद्घुटिका भवेत्
candrodakena gaganaṃ rasaṃ hema ca mardayet / mūṣāmadhyagataṃ dhmātaṃ tatkṣaṇādghuṭikā bhavet
Sanskrit only: no published translation is held for this verse.
अयं तु स्पर्शमात्रेण लोहान्यष्टौ च वेधयेत् । तद्रसं तु रसं चान्यं वज्रेण समजारितम्
ayaṃ tu sparśamātreṇa lohānyaṣṭau ca vedhayet / tadrasaṃ tu rasaṃ cānyaṃ vajreṇa samajāritam
Sanskrit only: no published translation is held for this verse.
चतुःषष्ट्यंशतो विध्येद्द्विगुणेन सहस्रकम् । दशसङ्कलिकाबद्धं गुञ्जामात्रं रसं ततः
catuḥṣaṣṭyaṃśato vidhyeddviguṇena sahasrakam / daśasaṅkalikābaddhaṃ guñjāmātraṃ rasaṃ tataḥ
Sanskrit only: no published translation is held for this verse.
त्रिलोहवेष्टितं वक्त्रे धृत्वा चादृश्यतां व्रजेत् । ॐ नमो रुद्राय दंष्ट्रोत्कटाय विघ्नं नाशय नाशय दिशो रक्ष रक्ष रुद्रो ज्ञापयति हुं फट् स्वाहा । इति दिग्बन्धमन्त्रः । ॐ नमो भगवते रुद्राय त्रिशूलहस्ताय अमृतोद्भव रक्ष रक्ष हुं फट् स्वाहा । इति पानमन्त्रः । <विषोदकबन्धः> अथातः सम्प्रवक्ष्यामि विषोदरसबन्धनम्
trilohaveṣṭitaṃ vaktre dhṛtvā cādṛśyatāṃ vrajet / oṃ namo rudrāya daṃṣṭrotkaṭāya vighnaṃ nāśaya nāśaya diśo rakṣa rakṣa rudro jñāpayati huṃ phaṭ svāhā / iti digbandhamantraḥ / oṃ namo bhagavate rudrāya triśūlahastāya amṛtodbhava rakṣa rakṣa huṃ phaṭ svāhā / iti pānamantraḥ / <viṣodakabandhaḥ> athātaḥ sampravakṣyāmi viṣodarasabandhanam
Sanskrit only: no published translation is held for this verse.
सितपीतादिवर्णाढ्यं तत्र देवि रसोत्तमम् । तत्र गत्वाचलोद्देशे स्मरेद्घोरं सहस्रकम्
sitapītādivarṇāḍhyaṃ tatra devi rasottamam / tatra gatvācaloddeśe smaredghoraṃ sahasrakam
Sanskrit only: no published translation is held for this verse.
केशाः क्षिप्ताः स्फुटन्त्यस्मिन्नात्मच्छायां न दृश्यते । तैलं च गोलकाकारं घृतं तेन विसर्पति
keśāḥ kṣiptāḥ sphuṭantyasminnātmacchāyāṃ na dṛśyate / tailaṃ ca golakākāraṃ ghṛtaṃ tena visarpati
Sanskrit only: no published translation is held for this verse.
गन्धकस्य हरेद्गन्धं पललं लवणायते । ज्ञात्वा पलाशपत्रेण कटुकालाबुके क्षिपेत्
gandhakasya haredgandhaṃ palalaṃ lavaṇāyate / jñātvā palāśapatreṇa kaṭukālābuke kṣipet
Sanskrit only: no published translation is held for this verse.
विषोदकं गन्धकं च हरबीजं च तत्समम् । अजाक्षीरेण पिष्ट्वा तु शुल्बपात्रे तु लेपयेत्
viṣodakaṃ gandhakaṃ ca harabījaṃ ca tatsamam / ajākṣīreṇa piṣṭvā tu śulbapātre tu lepayet
Sanskrit only: no published translation is held for this verse.
तत्पुटेन भवेद्देवि सिन्दूरारुणसन्निभम् । शतांशेनैव तद्देवि सर्वलोहानि वेधयेत्
tatpuṭena bhaveddevi sindūrāruṇasannibham / śatāṃśenaiva taddevi sarvalohāni vedhayet
Sanskrit only: no published translation is held for this verse.
अनेन विधिना देवि नागः सिन्दूरतां व्रजेत् । सहस्रांशेन तस्यैव तारं भवति काञ्चनम्
anena vidhinā devi nāgaḥ sindūratāṃ vrajet / sahasrāṃśena tasyaiva tāraṃ bhavati kāñcanam
Sanskrit only: no published translation is held for this verse.
रक्तं पीतं तथा कृष्णमुत्तरोत्तरकार्यकृत् । त्रिफलाकान्तपात्रे वा पात्रेऽलाबुमयेऽपि वा
raktaṃ pītaṃ tathā kṛṣṇamuttarottarakāryakṛt / triphalākāntapātre vā pātre'lābumaye'pi vā
Sanskrit only: no published translation is held for this verse.
गृहीत्वा पूर्ववत्पत्रैः पालाशैर्वेष्टयेद्बहिः । स्थापयेद्धान्यमध्ये तु दिवसानेकविंशतिम्
gṛhītvā pūrvavatpatraiḥ pālāśairveṣṭayedbahiḥ / sthāpayeddhānyamadhye tu divasānekaviṃśatim
Sanskrit only: no published translation is held for this verse.
महिषीक्षीरमध्ये तु बिन्दुमेकं तु साधयेत् । पायसं भक्षयेद्यस्तु पयोमध्वाज्यसंयुतम्
mahiṣīkṣīramadhye tu bindumekaṃ tu sādhayet / pāyasaṃ bhakṣayedyastu payomadhvājyasaṃyutam
Sanskrit only: no published translation is held for this verse.
यावत्पूर्णं बलं देवि जीवेत्तद्बिन्दुसंख्यया । लाङ्गली गृहधूमश्च सिन्दूरं रजनीद्वयम्
yāvatpūrṇaṃ balaṃ devi jīvettadbindusaṃkhyayā / lāṅgalī gṛhadhūmaśca sindūraṃ rajanīdvayam
Sanskrit only: no published translation is held for this verse.
मेषस्य शृङ्गं शृङ्गीं च कृष्णोन्मत्ताश्वमारकम् । सबीजसूतकं चैव विषतोयेन मर्दयेत्
meṣasya śṛṅgaṃ śṛṅgīṃ ca kṛṣṇonmattāśvamārakam / sabījasūtakaṃ caiva viṣatoyena mardayet
Sanskrit only: no published translation is held for this verse.
विषतोयेन मेधावी सप्तवाराणि भावयेत् । अथवा भावयेत्तं तु यावच्चूर्णं तु मर्दयेत् तद्भवेत्
viṣatoyena medhāvī saptavārāṇi bhāvayet / athavā bhāvayettaṃ tu yāvaccūrṇaṃ tu mardayet tadbhavet
Sanskrit only: no published translation is held for this verse.
तेन नागं प्रतीवाप्य षोडशांशेन खं भवेत् । मूषास्थं वेणुयन्त्रे च त्रीणि वाराणि भावयेत्
tena nāgaṃ pratīvāpya ṣoḍaśāṃśena khaṃ bhavet / mūṣāsthaṃ veṇuyantre ca trīṇi vārāṇi bhāvayet
Sanskrit only: no published translation is held for this verse.
धूमं परिहरेत्तस्य अङ्गव्याधिकरं परम् । स्थापयेन्नागसिन्दूरं पात्रेऽलाबुमये च तत्
dhūmaṃ pariharettasya aṅgavyādhikaraṃ param / sthāpayennāgasindūraṃ pātre'lābumaye ca tat
Sanskrit only: no published translation is held for this verse.
तच्चूर्णं तु शतांशेन तारताम्रादि वेधयेत् । विषपानीयमादाय वङ्गमावर्तितं शुभम्
taccūrṇaṃ tu śatāṃśena tāratāmrādi vedhayet / viṣapānīyamādāya vaṅgamāvartitaṃ śubham
Sanskrit only: no published translation is held for this verse.
निषिक्तं चैव तत्तोयैस्तारं भवति काञ्चनम् । विषपानीयमादाय प्रक्षिपेच्च रसोत्तमे
niṣiktaṃ caiva tattoyaistāraṃ bhavati kāñcanam / viṣapānīyamādāya prakṣipecca rasottame
Sanskrit only: no published translation is held for this verse.
कुनटीगन्धपाषाणविषटङ्कणलाङ्गलीः । नष्टपिष्टं कृतं खल्वे तारपत्राणि लेपयेत्
kunaṭīgandhapāṣāṇaviṣaṭaṅkaṇalāṅgalīḥ / naṣṭapiṣṭaṃ kṛtaṃ khalve tārapatrāṇi lepayet
Sanskrit only: no published translation is held for this verse.
अन्धमूषागतं ध्मातं निर्बीजं कनकं भवेत् । ॐ ह्रीं नीलकण्ठाय ठः ठः । अस्य अयुतं जपेत् । इति विषोदकग्रहणपानमन्त्रः । <सञ्जीवनीजलकल्पः> संजीवनीजलस्याथ विधिं वक्ष्यामि पार्वति
andhamūṣāgataṃ dhmātaṃ nirbījaṃ kanakaṃ bhavet / oṃ hrīṃ nīlakaṇṭhāya ṭhaḥ ṭhaḥ / asya ayutaṃ japet / iti viṣodakagrahaṇapānamantraḥ / <sañjīvanījalakalpaḥ> saṃjīvanījalasyātha vidhiṃ vakṣyāmi pārvati
Sanskrit only: no published translation is held for this verse.
शुक्रेणाराधितो देवि प्रागहं सुरवन्दिते । दानवानां हितार्थाय मृतानां देवसङ्गरे
śukreṇārādhito devi prāgahaṃ suravandite / dānavānāṃ hitārthāya mṛtānāṃ devasaṅgare
Sanskrit only: no published translation is held for this verse.
मया संजीवनी विद्या दत्ता चोदकरूपिणी । तया संजीविता दैत्या ये मृता देवसङ्गरे
mayā saṃjīvanī vidyā dattā codakarūpiṇī / tayā saṃjīvitā daityā ye mṛtā devasaṅgare
Sanskrit only: no published translation is held for this verse.
निक्षिप्ता मर्त्यलोके सा सम्यक् ते कथयाम्यहम् । अस्ति मर्त्या महापुण्या पवित्रा दक्षिणापथे
nikṣiptā martyaloke sā samyak te kathayāmyaham / asti martyā mahāpuṇyā pavitrā dakṣiṇāpathe
Sanskrit only: no published translation is held for this verse.
दक्षिणे तु तटे तस्या उत्पलीनगरं परम् । तस्य दक्षिणतः शैलः सर्वलोकेषु विश्रुतः
dakṣiṇe tu taṭe tasyā utpalīnagaraṃ param / tasya dakṣiṇataḥ śailaḥ sarvalokeṣu viśrutaḥ
Sanskrit only: no published translation is held for this verse.
नाम्ना कृष्णगिरिः चेति दृश्यते सर्वमङ्गले । सुप्रसिद्धाम्बिका नाम ग्रामस्तस्यास्ति सन्निधौ
nāmnā kṛṣṇagiriḥ ceti dṛśyate sarvamaṅgale / suprasiddhāmbikā nāma grāmastasyāsti sannidhau
Sanskrit only: no published translation is held for this verse.
तत्राप्युदकमालोक्य परीक्षेत सुरार्चिते । गृहीत्वा शुष्कवंशं तु क्षिपेत्तोयस्य मध्यतः
tatrāpyudakamālokya parīkṣeta surārcite / gṛhītvā śuṣkavaṃśaṃ tu kṣipettoyasya madhyataḥ
Sanskrit only: no published translation is held for this verse.
जायते हरितं स्निग्धमहोरात्रेण निश्चितम् । मुञ्चत्यङ्कुरपत्रानि दृश्यतेऽतिमनोहरम्
jāyate haritaṃ snigdhamahorātreṇa niścitam / muñcatyaṅkurapatrāni dṛśyate'timanoharam
Sanskrit only: no published translation is held for this verse.
बलिपुष्पोपहारेण ततो देवि समर्चयेत् । क्षेत्राधिपं गणेशं च चन्द्रं योगिगणं तथा
balipuṣpopahāreṇa tato devi samarcayet / kṣetrādhipaṃ gaṇeśaṃ ca candraṃ yogigaṇaṃ tathā
Sanskrit only: no published translation is held for this verse.
ॐ चन्द्राय पिनाकिने शूलपाणये ॐ दिशो बन्ध बन्धय दिशो बन्ध बन्धय ठः ठः । तिलांश्च सर्षपांश्चैव मन्त्रेणानेन सर्षपान् । सप्ताभिमन्त्रितान्कृत्वा साधको दिक्षु निक्षिपेत्
oṃ candrāya pinākine śūlapāṇaye oṃ diśo bandha bandhaya diśo bandha bandhaya ṭhaḥ ṭhaḥ / tilāṃśca sarṣapāṃścaiva mantreṇānena sarṣapān / saptābhimantritānkṛtvā sādhako dikṣu nikṣipet
Sanskrit only: no published translation is held for this verse.
कटुकालाबुके तोयं कृतरक्षः समाहितः । गृहीत्वा तत्प्रयत्नेन निजं स्थानं समाश्रयेत्
kaṭukālābuke toyaṃ kṛtarakṣaḥ samāhitaḥ / gṛhītvā tatprayatnena nijaṃ sthānaṃ samāśrayet
Sanskrit only: no published translation is held for this verse.
ॐ नमो ऽमृते अमृतरूपिणि अमृतं कुरु कुरु एवं रुद्र आज्ञापयति स्वाहा । सप्ताभिमन्त्रितं कृत्वा मन्त्रेणानेन तज्जलम् । दिनमेकं तथा सूतं स्वर्णमाषद्वयान्वितम्
oṃ namo 'mṛte amṛtarūpiṇi amṛtaṃ kuru kuru evaṃ rudra ājñāpayati svāhā / saptābhimantritaṃ kṛtvā mantreṇānena tajjalam / dinamekaṃ tathā sūtaṃ svarṇamāṣadvayānvitam
Sanskrit only: no published translation is held for this verse.
मर्दयेत्तेन तोयेन पिबेत्तत्तु विचक्षणः । एकविंशतिरात्रं तु क्षीराहारोऽथ यत्नतः
mardayettena toyena pibettattu vicakṣaṇaḥ / ekaviṃśatirātraṃ tu kṣīrāhāro'tha yatnataḥ
Sanskrit only: no published translation is held for this verse.
जीवेत्कल्पायुतं साग्रं कामरूपो महाबलः । योजनानां शतं गत्वा पुनरेव निवर्तते
jīvetkalpāyutaṃ sāgraṃ kāmarūpo mahābalaḥ / yojanānāṃ śataṃ gatvā punareva nivartate
Sanskrit only: no published translation is held for this verse.
अवध्यः सर्वभूतानां स्वेच्छाहारः स खेचरः । कनकं पारदं व्योम समम् एकत्र योजयेत्
avadhyaḥ sarvabhūtānāṃ svecchāhāraḥ sa khecaraḥ / kanakaṃ pāradaṃ vyoma samam ekatra yojayet
Sanskrit only: no published translation is held for this verse.
मर्दयेत्तेन तोयेन सप्ताहं स्वेदयेत्ततः । स रसः सर्वलोहानि षष्ट्यंशेन तु वेधयेत्
mardayettena toyena saptāhaṃ svedayettataḥ / sa rasaḥ sarvalohāni ṣaṣṭyaṃśena tu vedhayet
Sanskrit only: no published translation is held for this verse.
अथवा तं रसं दिव्यं मधुना सह भक्षयेत् । मासमात्रप्रयोगेन जीवेद् ब्रह्मदिनायुतम्
athavā taṃ rasaṃ divyaṃ madhunā saha bhakṣayet / māsamātraprayogena jīved brahmadināyutam
Sanskrit only: no published translation is held for this verse.
तस्य मूत्रमलस्वेदैः शुल्बं भवति काञ्चनम् । निर्वाते तोयमादाय पारदं च मनःशिलाम्
tasya mūtramalasvedaiḥ śulbaṃ bhavati kāñcanam / nirvāte toyamādāya pāradaṃ ca manaḥśilām
Sanskrit only: no published translation is held for this verse.
मर्दयेत् खल्वपाषाणे नष्टपिष्टं भवेत्ततः । स्वेदयेत्सप्तरात्रं तु त्रिलोहेन च वेष्टयेत्
mardayet khalvapāṣāṇe naṣṭapiṣṭaṃ bhavettataḥ / svedayetsaptarātraṃ tu trilohena ca veṣṭayet
Sanskrit only: no published translation is held for this verse.
अन्तर्धानं क्षणाद्गच्छेद्विद्याधरपतिर् भवेत् । सिद्धकन्याशतवृतो यावत्कल्पांश्चतुर्दश
antardhānaṃ kṣaṇādgacchedvidyādharapatir bhavet / siddhakanyāśatavṛto yāvatkalpāṃścaturdaśa
Sanskrit only: no published translation is held for this verse.
दिनेषु तेषु सर्वेषु दद्याच्छाल्योदनं घृतम् । पयसा च समायुक्तं नित्यमेवं च कारयेत्
dineṣu teṣu sarveṣu dadyācchālyodanaṃ ghṛtam / payasā ca samāyuktaṃ nityamevaṃ ca kārayet
Sanskrit only: no published translation is held for this verse.
<उष्णोदककल्पः> उष्णोदकविधिं वक्ष्ये समाहितमनाः शृणु । पश्यत्युष्णोदकं यत्र वासं तत्रैव कारयेत्
<uṣṇodakakalpaḥ> uṣṇodakavidhiṃ vakṣye samāhitamanāḥ śṛṇu / paśyatyuṣṇodakaṃ yatra vāsaṃ tatraiva kārayet
Sanskrit only: no published translation is held for this verse.
शर्वरीमुषितां तत्र चणकास्तु दिने दिने । भक्षयेन्मासमात्रं तु जीवेद्वर्षशताष्टकम्
śarvarīmuṣitāṃ tatra caṇakāstu dine dine / bhakṣayenmāsamātraṃ tu jīvedvarṣaśatāṣṭakam
Sanskrit only: no published translation is held for this verse.
तस्य मूत्रपुरीषेण शुल्बं भवति काञ्चनम् । उष्णोदकं च कासीसं गन्धपाषाणसंयुतम्
tasya mūtrapurīṣeṇa śulbaṃ bhavati kāñcanam / uṣṇodakaṃ ca kāsīsaṃ gandhapāṣāṇasaṃyutam
Sanskrit only: no published translation is held for this verse.
चतुर्थांशेन रसकं दशभागं विनिक्षिपेत् । शुल्बं च मर्दयेत्सर्वं नष्टपिष्टं क्षणेन तु
caturthāṃśena rasakaṃ daśabhāgaṃ vinikṣipet / śulbaṃ ca mardayetsarvaṃ naṣṭapiṣṭaṃ kṣaṇena tu
Sanskrit only: no published translation is held for this verse.
तेन लेपितमात्रेण शुल्वं भवति काञ्चनम् । निषिक्तं तेन तोयेन प्रतिवापं ददेद्बुधः
tena lepitamātreṇa śulvaṃ bhavati kāñcanam / niṣiktaṃ tena toyena prativāpaṃ dadedbudhaḥ
Sanskrit only: no published translation is held for this verse.
शुल्बं च जायते हेम तरुणादित्यवर्चसम् । तारं च तेन मार्गेण निषिक्तं हेमतां व्रजेत्
śulbaṃ ca jāyate hema taruṇādityavarcasam / tāraṃ ca tena mārgeṇa niṣiktaṃ hematāṃ vrajet
Sanskrit only: no published translation is held for this verse.
उष्णोदकेन भल्लातं तिलमुष्टिं च भक्षयेत् । मासद्वयप्रयोगेण जीवेद्वर्षशतत्रयम्
uṣṇodakena bhallātaṃ tilamuṣṭiṃ ca bhakṣayet / māsadvayaprayogeṇa jīvedvarṣaśatatrayam
Sanskrit only: no published translation is held for this verse.
रसगन्धाश्मरसकतुत्थं दरदमाक्षिकम् । याममुष्णाम्बुना घृष्ट्वा तारपत्राणि लेपयेत्
rasagandhāśmarasakatutthaṃ daradamākṣikam / yāmamuṣṇāmbunā ghṛṣṭvā tārapatrāṇi lepayet
Sanskrit only: no published translation is held for this verse.
विभ्राम्य तु धमेद्देवि स्याच्चतुर्दशवर्णकम् । क्रमेणानेन देवेशि शुल्बं षोडशवर्णकम्
vibhrāmya tu dhameddevi syāccaturdaśavarṇakam / krameṇānena deveśi śulbaṃ ṣoḍaśavarṇakam
Sanskrit only: no published translation is held for this verse.
एकैकं हेमतारांशं द्वयं कांताभ्रयोः पृथक् । उष्णोदकेन संमर्द्य धमनात्खोटतां नयेत्
ekaikaṃ hematārāṃśaṃ dvayaṃ kāṃtābhrayoḥ pṛthak / uṣṇodakena saṃmardya dhamanātkhoṭatāṃ nayet
Sanskrit only: no published translation is held for this verse.
तं मुखे धारयेन्मासं वज्रकायो भवेत्ततः । तच्चूर्णं यवमात्रं तु भक्षयेन्मधुसर्पिषा
taṃ mukhe dhārayenmāsaṃ vajrakāyo bhavettataḥ / taccūrṇaṃ yavamātraṃ tu bhakṣayenmadhusarpiṣā
Sanskrit only: no published translation is held for this verse.
यावत्पलं तस्य मलैः शुल्बं भवति काञ्चनम् । उष्णोदपाचितान् खादेत् कुलुत्थान्क्षीरपो भवेत्
yāvatpalaṃ tasya malaiḥ śulbaṃ bhavati kāñcanam / uṣṇodapācitān khādet kulutthānkṣīrapo bhavet
Sanskrit only: no published translation is held for this verse.
स्नानम् उष्णांभसा कुर्याद् वर्षाद्वर्षाच्छतायुषः । क्षीरमुष्णोदकं क्वाथं त्रिफलायाश्च पाचयेत्
snānam uṣṇāṃbhasā kuryād varṣādvarṣācchatāyuṣaḥ / kṣīramuṣṇodakaṃ kvāthaṃ triphalāyāśca pācayet
Sanskrit only: no published translation is held for this verse.
पाचयेत्पायसं कान्तपात्रे भुक्त्वा महायुषः । <शैलोदककल्पः> अतः परं प्रवक्ष्यामि शैलोदकविधिं प्रिये
pācayetpāyasaṃ kāntapātre bhuktvā mahāyuṣaḥ / <śailodakakalpaḥ> ataḥ paraṃ pravakṣyāmi śailodakavidhiṃ priye
Sanskrit only: no published translation is held for this verse.
कर्दमापो महीशैलशिला चेति चतुर्विधम् । कानिचित् क्षणवेधीनि दिनवेधीनि कानि च
kardamāpo mahīśailaśilā ceti caturvidham / kānicit kṣaṇavedhīni dinavedhīni kāni ca
Sanskrit only: no published translation is held for this verse.