Ṣaḍviṃśa Brāhmaṇa of the Sāmaveda 2.2

ता वा एता देवलोकाय युज्यन्ते यत् पराच्यः

tā vā etā devalokāya yujyante yat parācyaḥ

Sanskrit only: no published translation is held for this verse.

प्रतीच्यो मनुष्यलोकाय

pratīcyo manuṣyalokāya

Sanskrit only: no published translation is held for this verse.

एष वाव जात एषो ऽवलुप्तजरायुर् एष आर्त्विजीनो यस्य धुरो गीयन्ते यश् चैवं विद्वान् धुरो गायति जातम् एवैनम् अन्नाद्याय परिवृणक्ति उभाव् अन्नम् अत्त उद्गाता च यजमानश् च

eṣa vāva jāta eṣo 'valuptajarāyur eṣa ārtvijīno yasya dhuro gīyante yaś caivaṃ vidvān dhuro gāyati jātam evainam annādyāya parivṛṇakti ubhāv annam atta udgātā ca yajamānaś ca

Sanskrit only: no published translation is held for this verse.

या प्रथमा ताम् अन्नाद्यं ध्यायन् गायेत्

yā prathamā tām annādyaṃ dhyāyan gāyet

Sanskrit only: no published translation is held for this verse.

रेतस एव तत् सिक्तायान्नाद्यं प्रतिदधाति

retasa eva tat siktāyānnādyaṃ pratidadhāti

Sanskrit only: no published translation is held for this verse.

न हिंकुर्यात्

na hiṃkuryāt

Sanskrit only: no published translation is held for this verse.

यद्धिंकुर्याद् वज्रेण हिंकारेण रेतः सिक्तं विच्छिन्द्यात्

yaddhiṃkuryād vajreṇa hiṃkāreṇa retaḥ siktaṃ vicchindyāt

Sanskrit only: no published translation is held for this verse.

रेतस्या छन्दो युज्यते मनो धीयते

retasyā chando yujyate mano dhīyate

Sanskrit only: no published translation is held for this verse.

या द्वितीया तां गायत्रीम् आगां गायंस् तस्या द्वे अक्षरे सशयनी व्यतिषजति मध्यमस्य च पदस्योत्तमम् उत्तमस्य च प्रथमम् व्यतिषक्तौ प्राणापानौ प्रजा दधतो गायत्री छन्दो युज्यते प्राणापानौ धीयेते

yā dvitīyā tāṃ gāyatrīm āgāṃ gāyaṃs tasyā dve akṣare saśayanī vyatiṣajati madhyamasya ca padasyottamam uttamasya ca prathamam vyatiṣaktau prāṇāpānau prajā dadhato gāyatrī chando yujyate prāṇāpānau dhīyete

Sanskrit only: no published translation is held for this verse.

या तृतीया तां त्रिष्टुभम् आगां गायंस् तस्या द्वे उत्तमार्धे ऽक्षरे द्योतयति चक्षुर् एव तद् युनक्ति तस्माद् विरूपं चक्षुः कृष्णम् अन्यच्छुक्लम् अन्यत् त्रिष्टुप् छन्दो युज्यते चक्षुषी धीयेते

yā tṛtīyā tāṃ triṣṭubham āgāṃ gāyaṃs tasyā dve uttamārdhe 'kṣare dyotayati cakṣur eva tad yunakti tasmād virūpaṃ cakṣuḥ kṛṣṇam anyacchuklam anyat triṣṭup chando yujyate cakṣuṣī dhīyete

Sanskrit only: no published translation is held for this verse.

या चतुर्थी तां जगतीम् आगां गायंस् तस्याश् चत्वार्य् उत्तमार्धे ऽक्षराणि द्योतयति श्रोत्रम् एव तद् युनक्ति तस्माद् युक्तं श्रोत्रम् श्रोत्रे द्वे प्रतिश्रवणे द्वे तस्माद् अपि पराङ् यन् प्रत्यङ् शृणोति जगती छन्दो युज्यते श्रोत्रे धीयेते

yā caturthī tāṃ jagatīm āgāṃ gāyaṃs tasyāś catvāry uttamārdhe 'kṣarāṇi dyotayati śrotram eva tad yunakti tasmād yuktaṃ śrotram śrotre dve pratiśravaṇe dve tasmād api parāṅ yan pratyaṅ śṛṇoti jagatī chando yujyate śrotre dhīyete

Sanskrit only: no published translation is held for this verse.

या पञ्चमी ताम् अनुष्टुभम् आगां गायंश् चतुर्धा व्यावृज्य गायेत चतुर्धा वा इदं पुरुषो वीर्याय विकृतो जायते वीर्यायेवैनां तद् व्यावृज्य गायति उच्चावचाम् इव गायेत् उच्चावचैव हि वाक् संक्ष्णुत्येव गायेत् संक्ष्णुत्येव हि वाचं पुरुषो वदति अनुष्टुप् छन्दो युज्यते वाग् धीयते

yā pañcamī tām anuṣṭubham āgāṃ gāyaṃś caturdhā vyāvṛjya gāyeta caturdhā vā idaṃ puruṣo vīryāya vikṛto jāyate vīryāyevaināṃ tad vyāvṛjya gāyati uccāvacām iva gāyet uccāvacaiva hi vāk saṃkṣṇutyeva gāyet saṃkṣṇutyeva hi vācaṃ puruṣo vadati anuṣṭup chando yujyate vāg dhīyate

Sanskrit only: no published translation is held for this verse.

या षष्ठी तां पङ्क्तिम् आगां गायंस् तस्या द्वे द्वे अक्षरे उदासं गायत्य् आ षड्भ्यो ऽक्षरेभ्यः षड् ऋतवः ऋतुष्व् एव प्रतितिष्ठति पङ्क्तिश् छन्दो युज्यते समानोदानौ धीयेते

yā ṣaṣṭhī tāṃ paṅktim āgāṃ gāyaṃs tasyā dve dve akṣare udāsaṃ gāyaty ā ṣaḍbhyo 'kṣarebhyaḥ ṣaḍ ṛtavaḥ ṛtuṣv eva pratitiṣṭhati paṅktiś chando yujyate samānodānau dhīyete

Sanskrit only: no published translation is held for this verse.

सद् इति प्रथमाया धुरो निधनम् रेतसो ह्य् अधि सज् जायते

sad iti prathamāyā dhuro nidhanam retaso hy adhi saj jāyate

Sanskrit only: no published translation is held for this verse.

सम् इति द्वितीयायाः रेतसो ह्य् अधि संभवः

sam iti dvitīyāyāḥ retaso hy adhi saṃbhavaḥ

Sanskrit only: no published translation is held for this verse.

स्वर् इति तृतीयायाः प्र स्वर्गं लोकं जानाति

svar iti tṛtīyāyāḥ pra svargaṃ lokaṃ jānāti

Sanskrit only: no published translation is held for this verse.

इडेति चतुर्थ्याः पशवो वा इडा पशुष्व् एव प्रतितिष्ठति

iḍeti caturthyāḥ paśavo vā iḍā paśuṣv eva pratitiṣṭhati

Sanskrit only: no published translation is held for this verse.

वाग् इति पञ्चम्याः सर्वा अस्मिन् पुण्या वाचो वदन्ति

vāg iti pañcamyāḥ sarvā asmin puṇyā vāco vadanti

Sanskrit only: no published translation is held for this verse.

य एवं वेद

ya evaṃ veda

Sanskrit only: no published translation is held for this verse.

या प्रथमा ताम् आयच्छन्न् इव गायेत् आयत इव ह्य् अयम् अवाङ् प्राणः

yā prathamā tām āyacchann iva gāyet āyata iva hy ayam avāṅ prāṇaḥ

Sanskrit only: no published translation is held for this verse.

या द्वितीया तां घोषिणीम् इव गायेत् घोषीव ह्य् अयम् अपानः

yā dvitīyā tāṃ ghoṣiṇīm iva gāyet ghoṣīva hy ayam apānaḥ

Sanskrit only: no published translation is held for this verse.

या तृतीया ताम् उद्यच्छन्न् इव गायेत् उद्यत इव ह्य् अयं प्राणः

yā tṛtīyā tām udyacchann iva gāyet udyata iva hy ayaṃ prāṇaḥ

Sanskrit only: no published translation is held for this verse.

या चतुर्थी तां निक्रीडयन्न् इव गायेत् निक्रीडित इव ह्य् अयं व्यानः

yā caturthī tāṃ nikrīḍayann iva gāyet nikrīḍita iva hy ayaṃ vyānaḥ

Sanskrit only: no published translation is held for this verse.

या पञ्चमी तां निरुक्ताम् अनिरुक्ताम् इव गायेत् निरुक्तो ऽनिरुक्त इव ह्य् अयं समानः

yā pañcamī tāṃ niruktām aniruktām iva gāyet nirukto 'nirukta iva hy ayaṃ samānaḥ

Sanskrit only: no published translation is held for this verse.

या षष्ठी ताम् उदासम् इव गायेत् उदस्त इव ह्य् अयम् उदानो यच्छृङ्गम्

yā ṣaṣṭhī tām udāsam iva gāyet udasta iva hy ayam udāno yacchṛṅgam

Sanskrit only: no published translation is held for this verse.

रथन्तरवर्णाम् उत्तमां गायेत् इयं वै रथन्तरम् अस्याम् एव प्रतितिष्ठति

rathantaravarṇām uttamāṃ gāyet iyaṃ vai rathantaram asyām eva pratitiṣṭhati

Sanskrit only: no published translation is held for this verse.