Library·Atharvaveda Saṃhitā (Śaunaka)·10·10.3
अयं मे वरणो मणिः सपत्नक्षयणो वृषा । तेना रभस्व त्वं शत्रून् प्र मृणीहि दुरस्यतः ॥१॥
ayaṃ me varaṇo maṇiḥ sapatnakṣayaṇo vṛṣā | tenā rabhasva tvaṃ śatrūn pra mṛṇīhi durasyataḥ ||1||
This varaṇá [is] my rival-destroying, virile (vṛ́ṣan) amulet; with it do thou take hold of thy foes, slaughter thy injurers (durasy-).
Translated by William Dwight Whitney (1905)
प्रैणान् छृणीहि प्र मृणा रभस्व मणिस् ते अस्तु पुरएता पुरस्तात् । अवारयन्त वरणेन देवा अभ्याचारम् असुराणां श्वःश्वः ॥२॥
praiṇān chṛṇīhi pra mṛṇā rabhasva maṇis te astu puraetā purastāt | avārayanta varaṇena devā abhyācāram asurāṇāṃ śvaḥśvaḥ ||2||
Crush them, slaughter, take hold; be the amulet thy forerunner in front; the gods by the varaṇá warded off the hostile practice (abhyācārá) of the Asuras from one morrow to another.
Translated by William Dwight Whitney (1905)
अयं मणिर् वरणो विश्वभेषजः सहस्राक्षो हरितो हिरण्ययः । स ते शत्रून् अधरान् पादयाति पूर्वस् तान् दभ्नुहि ये त्वा द्विषन्ति ॥३॥
ayaṃ maṇir varaṇo viśvabheṣajaḥ sahasrākṣo harito hiraṇyayaḥ | sa te śatrūn adharān pādayāti pūrvas tān dabhnuhi ye tvā dviṣanti ||3||
This amulet, the varaṇá, all-healing, thousand-eyed, yellow, golden—it shall make thy foes go downward; do thou, in front, damage them that hate thee.
Translated by William Dwight Whitney (1905)
अयं ते कृत्यां वितताम् पौरुषेयाद् अयं भयात् । अयं त्वा सर्वस्मात् पापाद् वरणो वारयिष्यते ॥४॥
ayaṃ te kṛtyāṃ vitatām pauruṣeyād ayaṃ bhayāt | ayaṃ tvā sarvasmāt pāpād varaṇo vārayiṣyate ||4||
This varaṇá [shall ward off] the witchcraft extended for thee; this shall shield thee against fear arising from men, this against all evil.
Translated by William Dwight Whitney (1905)
वरणो वारयाता अयं देवो वनस्पतिः । यक्ष्मो यो अस्मिन्न् आविष्टस् तम् उ देवा अवीवरन् ॥५॥
varaṇo vārayātā ayaṃ devo vanaspatiḥ | yakṣmo yo asminn āviṣṭas tam u devā avīvaran ||5||
The varaṇá, this divine forest-tree, shall ward off; the yákṣma that has entered into this man—that have the gods warded off.
Translated by William Dwight Whitney (1905)
स्वप्नं सुप्त्वा यदि पश्यासि पापं मृगः सृतिं यति धावाद् अजुष्टाम् । परिक्षवाच् छकुनेः पापवादाद् अयं मणिर् वरणो वारयिष्यते ॥६॥
svapnaṃ suptvā yadi paśyāsi pāpaṃ mṛgaḥ sṛtiṃ yati dhāvād ajuṣṭām | parikṣavāc chakuneḥ pāpavādād ayaṃ maṇir varaṇo vārayiṣyate ||6||
If, having slept, thou shalt see an evil dream; if a wild beast (mṛgá) shall run a disagreeable course—from overmuch (? pari-) sneezing, from the evil utterance of a bird (çakúni), this amulet, the varaṇá, shall shield thee.
Translated by William Dwight Whitney (1905)
अरात्यास् त्वा निरृत्या अभिचाराद् अथो भयात् । मृत्योर् ओजीयसो वधाद् वरणो वारयिष्यते ॥७॥
arātyās tvā nirṛtyā abhicārād atho bhayāt | mṛtyor ojīyaso vadhād varaṇo vārayiṣyate ||7||
From the niggard, from perdition, from sorcery, also from fear, from the more violent deadly weapon of death, the varaṇá shall shield thee.
Translated by William Dwight Whitney (1905)
यन् मे माता यन् मे पिता भ्रातरो यच् च मे स्वा यद् एनश् चकृमा वयम् । ततो नो वारयिष्यते ऽयं देवो वनस्पतिः ॥८॥
yan me mātā yan me pitā bhrātaro yac ca me svā yad enaś cakṛmā vayam | tato no vārayiṣyate 'yaṃ devo vanaspatiḥ ||8||
What sin my mother, what my father, and what my own brothers, what we ourselves have done, from that shall this divine forest-tree shield us.
Translated by William Dwight Whitney (1905)
वरणेन प्रव्यथिता भ्रातृव्या मे सबन्धवः । असूर्तं रजो अप्य् अगुस् ते यन्त्व् अधमं तमः ॥९॥
varaṇena pravyathitā bhrātṛvyā me sabandhavaḥ | asūrtaṃ rajo apy agus te yantv adhamaṃ tamaḥ ||9||
Driven (vyath) forth by the varaṇá, my enemies (bhrā́tṛvya) [who are my] kinsmen have gone unto unlighted (? asū́rta) space (rájas); let them go to lowest darkness.
Translated by William Dwight Whitney (1905)
अरिष्टो ऽहम् अरिष्टगुर् आयुष्मान्त् सर्वपूरुषः । तम् मायं वरणो मणिः परि पातु दिशोदिशः ॥१०॥ ७
ariṣṭo 'ham ariṣṭagur āyuṣmānt sarvapūruṣaḥ | tam māyaṃ varaṇo maṇiḥ pari pātu diśodiśaḥ ||10|| 7
Unharmed [am] I, with unharmed kine, long-lived, having all my men; let this amulet, the varaṇá, protect me, being such, from every quarter.
Translated by William Dwight Whitney (1905)
अयं मे वरण उरसि राजा देवो वनस्पतिः । स मे शत्रून् वि बाधताम् इन्द्रो दस्यून् इवासुरान् ॥११॥
ayaṃ me varaṇa urasi rājā devo vanaspatiḥ | sa me śatrūn vi bādhatām indro dasyūn ivāsurān ||11||
This varaṇá on my breast, king, divine forest-tree—let it drive (bādh) away my foes, as Indra the barbarians, the Asuras.
Translated by William Dwight Whitney (1905)
इमं बिभर्मि वरणम् आयुष्मान् छतशारदः । स मे राष्ट्रं च क्षत्रं च पशून् ओजश् च मे दधत् ॥१२॥
imaṃ bibharmi varaṇam āyuṣmān chataśāradaḥ | sa me rāṣṭraṃ ca kṣatraṃ ca paśūn ojaś ca me dadhat ||12||
I bear this varaṇá being long-lived, one of a hundred autumns; may it assign to me both kingdom and authority, to me cattle and force.
Translated by William Dwight Whitney (1905)
यथा वातो वनस्पतीन् वृक्षान् भनक्त्य् ओजसा । एवा सपत्नान् मे भङ्ग्धि पूर्वान् जातां उतापरान् वरणस् त्वाभि रक्षतु ॥१३॥
yathā vāto vanaspatīn vṛkṣān bhanakty ojasā | evā sapatnān me bhaṅgdhi pūrvān jātāṃ utāparān varaṇas tvābhi rakṣatu ||13||
As the wind breaks with force the trees, the forest-trees, so do thou break my rivals, those born before and after; let the varaṇá defend thee.
Translated by William Dwight Whitney (1905)
यथा वातश् चाग्निश् च वृक्षान् प्सातो वनस्पतीन् । एवा सपत्नान् मे प्साहि पूर्वान् जातां उतापरान् वरणस् त्वाभि रक्षतु ॥१४॥
yathā vātaś cāgniś ca vṛkṣān psāto vanaspatīn | evā sapatnān me psāhi pūrvān jātāṃ utāparān varaṇas tvābhi rakṣatu ||14||
As both wind and fire devour (psā) the trees, the forest-trees, so do thou devour my rivals, those born etc. etc.
Translated by William Dwight Whitney (1905)
यथा वातेन प्रक्षीणा वृक्षाः शेरे न्यर्पिताः । एवा सपत्नांस् त्वं मम प्र क्षिणीहि न्य् अर्पय । पूर्वान् जातां उतापरान् वरणस् त्वाभि रक्षतु ॥१५॥
yathā vātena prakṣīṇā vṛkṣāḥ śere nyarpitāḥ | evā sapatnāṃs tvaṃ mama pra kṣiṇīhi ny arpaya | pūrvān jātāṃ utāparān varaṇas tvābhi rakṣatu ||15||
As, destroyed by the wind, the trees lie prostrate (nyàrpita), so do thou destroy, prostrate my rivals, those born etc. etc.
Translated by William Dwight Whitney (1905)
तांस् त्वं प्र छिन्द्धि वरण पुरा दिष्टात् पुरायुषः । य एनं पशुषु दिप्सन्ति ये चास्य राष्ट्रदिप्सवः ॥१६॥
tāṃs tvaṃ pra chinddhi varaṇa purā diṣṭāt purāyuṣaḥ | ya enaṃ paśuṣu dipsanti ye cāsya rāṣṭradipsavaḥ ||16||
Them, O varaṇá, do thou cut off (pra-chid), before what is appointed (diṣṭá), before [the end of] their life-time—them who strive to damage him in respect to cattle, and who are intent to damage his kingdom.
Translated by William Dwight Whitney (1905)
यथा सूर्यो अतिभाति यथास्मिन् तेज आहितम् । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥१७॥
yathā sūryo atibhāti yathāsmin teja āhitam | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||17||
As the sun shines exceedingly, as in it brilliancy is set, so let the varaṇá amulet fix (ni-yam) in me fame [and] growth; let it sprinkle me with brilliancy; let it anoint me with glory.
Translated by William Dwight Whitney (1905)
यथा यशश् चन्द्रमस्य् आदित्ये च नृचक्षसि । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥१८॥
yathā yaśaś candramasy āditye ca nṛcakṣasi | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||18||
As glory [is] in the moon, and in the men-beholding Āditya, so let the varaṇá amulet etc. etc.
Translated by William Dwight Whitney (1905)
यथा यशः पृथिव्यां यथास्मिन् जातवेदसि । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥१९॥
yathā yaśaḥ pṛthivyāṃ yathāsmin jātavedasi | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||19||
As glory [is] in the earth, as in this Jātavedas, so let the varaṇá amulet etc. etc.
Translated by William Dwight Whitney (1905)
यथा यशः कन्यायां यथास्मिन्त् संभृते रथे । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥२०॥ ८
yathā yaśaḥ kanyāyāṃ yathāsmint saṃbhṛte rathe | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||20|| 8
As glory [is] in the maiden, as in this constructed (sámbhṛta) chariot, so let the varaṇá amulet etc. etc.
Translated by William Dwight Whitney (1905)
यथा यशः सोमपीथे मधुपर्के यथा यशः । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥२१॥
yathā yaśaḥ somapīthe madhuparke yathā yaśaḥ | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||21||
As glory [is] in Soma-drink, as in honey-mixture [is] glory, so let the varaṇá amulet etc. etc.
Translated by William Dwight Whitney (1905)
यथा यशो ऽग्निहोत्रे वषट्कारे यथा यशः । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥२२॥
yathā yaśo 'gnihotre vaṣaṭkāre yathā yaśaḥ | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||22||
As glory [is] in the agnihotrá, as in the váṣaṭ -utterance [is] glory, so let the varaṇá amulet etc. etc.
Translated by William Dwight Whitney (1905)
यथा यशो यजमाने यथास्मिन् यज्ञ आहितम् । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥२३॥
yathā yaśo yajamāne yathāsmin yajña āhitam | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||23||
As glory [is] set in the sacrificer, as in this sacrifice, so let the varaṇá amulet etc. etc.
Translated by William Dwight Whitney (1905)
यथा यशः प्रजापतौ यथास्मिन् परमेष्ठिनि । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥२४॥
yathā yaśaḥ prajāpatau yathāsmin parameṣṭhini | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||24||
As glory [is] in Prajāpati, as in this most exalted one, so let the varaṇá amulet etc. etc.
Translated by William Dwight Whitney (1905)
यथा देवेष्व् अमृतं यथैषु सत्यम् आहितम् । एवा मे वरणो मणिः कीर्तिं भूतिं नि यछतु । तेजसा मा सम् उक्षतु यशसा सम् अनक्तु मा ॥२५॥ ९
yathā deveṣv amṛtaṃ yathaiṣu satyam āhitam | evā me varaṇo maṇiḥ kīrtiṃ bhūtiṃ ni yachatu | tejasā mā sam ukṣatu yaśasā sam anaktu mā ||25|| 9
As in the gods [is] immortality (amṛ́ta), as in them is set truth, so let the varaṇá amulet etc. etc.
Translated by William Dwight Whitney (1905)