Library·Atharvaveda Saṃhitā (Śaunaka)·19·19.58
घृतस्य जूतिः समना सदेवा संवत्सरं हविषा वर्धयन्ती । श्रोत्रं चक्षुः प्राणो ऽछिन्नो नो अस्त्व् अछिन्ना वयम् आयुषो वर्चसः ॥१॥
ghṛtasya jūtiḥ samanā sadevā saṃvatsaraṃ haviṣā vardhayantī | śrotraṃ cakṣuḥ prāṇo 'chinno no astv achinnā vayam āyuṣo varcasaḥ ||1||
The swiftness of ghee evenly always increasing the year with oblation—be our hearing, sight, breath unsevered; unsevered be we from life-time, from splendor.
Translated by William Dwight Whitney (1905)
उपास्मान् प्राणो ह्वयताम् उप प्राणं हवामहे । वर्चो जग्राह पृथिव्य् अन्तरिक्षं वर्चः सोमो बृहस्पतिर् विधत्ता ॥२॥
upāsmān prāṇo hvayatām upa prāṇaṃ havāmahe | varco jagrāha pṛthivy antarikṣaṃ varcaḥ somo bṛhaspatir vidhattā ||2||
Let breath call unto us; we call unto breath; the earth, the atmosphere hath seized (grah) splendor; splendor [also] Soma, Bṛihaspati, the maintainer.
Translated by William Dwight Whitney (1905)
वर्चसो द्यावापृथिवी संग्रहणी बभूवथुर् वर्चो गृहीत्वा पृथिवीम् अनु सं चरेम । यशसम् गावो गोपतिम् उप तिष्ठन्त्य् आयतीर् यशो गृहीत्वा पृथिवीम् अनु सं चरेम ॥३॥
varcaso dyāvāpṛthivī saṃgrahaṇī babhūvathur varco gṛhītvā pṛthivīm anu saṃ carema | yaśasam gāvo gopatim upa tiṣṭhanty āyatīr yaśo gṛhītvā pṛthivīm anu saṃ carema ||3||
Heaven-and-earth have become joint-seizers of splendor; seizing splendor may we go about upon the earth; with glory the kine, coming, wait upon (upa-sthā) the lord of kine; seizing glory may we go about upon the earth.
Translated by William Dwight Whitney (1905)
व्रजं कृणुध्वं स हि वो नृपाणो वर्मा सीव्यध्वं बहुला पृथूनि । पुरः कृणुध्वम् आयसीर् अधृष्टा मा वः सुस्रोच् चमसो दृंहत तम् ॥४॥
vrajaṃ kṛṇudhvaṃ sa hi vo nṛpāṇo varmā sīvyadhvaṃ bahulā pṛthūni | puraḥ kṛṇudhvam āyasīr adhṛṣṭā mā vaḥ susroc camaso dṛṃhata tam ||4||
Make ye a pen (vrajá), for that is men-protecting for you; sew ye coats-of-mail (várman), abundant, broad; make ye strongholds of metal, unattackable (ádhṛṣṭā); let not your bowl leak (sru); make it strong.
Translated by William Dwight Whitney (1905)
यज्ञस्य चक्षुः प्रभृतिर् मुखं च वाचा श्रोत्रेण मनसा जुहोमि । इमं यज्ञं विततं विश्वकर्मणा देवा यन्तु सुमनस्यमानाः ॥५॥
yajñasya cakṣuḥ prabhṛtir mukhaṃ ca vācā śrotreṇa manasā juhomi | imaṃ yajñaṃ vitataṃ viśvakarmaṇā devā yantu sumanasyamānāḥ ||5||
Of the sacrifice the eye, beginning, and face; with voice, with hearing, with mind do I make oblation; to this sacrifice, extended by the all-working one, let the gods come ⌊ ā-i ⌋, with favoring minds.
Translated by William Dwight Whitney (1905)
ये देवानाम् ऋत्विजो ये च यज्ञिया येभ्यो हव्यं क्रियते भागधेयम् । इमं यज्ञं सह पत्नीभिर् एत्य यावन्तो देवास् तविषा मादयन्ताम् ॥६॥
ye devānām ṛtvijo ye ca yajñiyā yebhyo havyaṃ kriyate bhāgadheyam | imaṃ yajñaṃ saha patnībhir etya yāvanto devās taviṣā mādayantām ||6||
They that are priests (ṛtvíj) of the gods, and that are worshipful, for whom the oblation (havyá) is made the portion—coming to this sacrifice together with their spouses, let the gods, as many as they are (yā́vant), revel on the oblation.
Translated by William Dwight Whitney (1905)