Library·Atharvaveda Saṃhitā (Śaunaka)·2·2.10

Atharvaveda Saṃhitā (Śaunaka) 2.10

AVŚ 2.10.1

क्षेत्रियात् त्वा निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥१॥

kṣetriyāt tvā nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛṇomi śive te dyāvāpṛthivī ubhe stām ||1||

From kṣetriyá, from perdition, from imprecation of sisters (jāmí-), from hatred (drúh) do I release thee, from Varuṇa's fetter; free from guilt (-ā́gas) I make thee by [my] incantation; be heaven-and-earth both propitious to thee.

Translated by William Dwight Whitney (1905)

AVŚ 2.10.2

शं ते अग्निः सहाद्भिर् अस्तु शं सोमः सहौषधीभिः । एवाहं त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥२॥

śaṃ te agniḥ sahādbhir astu śaṃ somaḥ sahauṣadhībhiḥ | evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛṇomi śive te dyāvāpṛthivī ubhe stām ||2||

Weal to thee be Agni, together with the waters; weal [be] Soma, together with the herbs: so from kṣetriyá, from perdition, etc. etc.

Translated by William Dwight Whitney (1905)

AVŚ 2.10.3

शम् ते वातो अन्तरिक्षे वयो धाच् छं ते भवन्तु प्रदिशश् चतस्रः । एवाहं त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥३॥

śam te vāto antarikṣe vayo dhāc chaṃ te bhavantu pradiśaś catasraḥ | evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛṇomi śive te dyāvāpṛthivī ubhe stām ||3||

Weal to thee may the wind in the atmosphere bestow (dhā) vigor; weal to thee be the four directions: so from kṣetriyá, etc. etc.

Translated by William Dwight Whitney (1905)

AVŚ 2.10.4

इमा या देवीः प्रदिशश् चतस्रो वातपत्नीर् अभि सूर्यो विचष्टे । एवाहं त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृनोमि शिवे ते द्यावापृथिवी उभे स्ताम् ॥४॥

imā yā devīḥ pradiśaś catasro vātapatnīr abhi sūryo vicaṣṭe | evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛnomi śive te dyāvāpṛthivī ubhe stām ||4||

These four heavenly (devá) directions, having the wind as lord, upon which the sun looks out—so from kṣetriyá, etc. etc.

Translated by William Dwight Whitney (1905)

AVŚ 2.10.5

तासु त्वान्तर् जरस्य् आ दधामि प्र यक्ष्म एतु निरृतिः पराचैः । एवाहं त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥५॥

tāsu tvāntar jarasy ā dadhāmi pra yakṣma etu nirṛtiḥ parācaiḥ | evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛṇomi śive te dyāvāpṛthivī ubhe stām ||5||

Within them I set thee in old age; let the yákṣma, let perdition go forth far away: so from kṣetriyá, etc. etc.

Translated by William Dwight Whitney (1905)

AVŚ 2.10.6

अमुक्था यक्ष्माद् दुरिताद् अवद्याद् द्रुहः पाशाद् ग्राह्याश् चोद् अमुक्थाः । एवाहं त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥६॥

amukthā yakṣmād duritād avadyād druhaḥ pāśād grāhyāś cod amukthāḥ | evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛṇomi śive te dyāvāpṛthivī ubhe stām ||6||

Thou hast been released from yákṣma, from difficulty (duritá), from reproach (avadyá); from the fetter of hatred and from seizure hast thou been released: so from kṣetriyá, etc. etc.

Translated by William Dwight Whitney (1905)

AVŚ 2.10.7

अहा अरातिम् अविदः स्योनम् अप्य् अभूर् भद्रे सुकृतस्य लोके । एवाहं त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसं ब्रह्मणा त्वा कृणोमि शिवे ते द्यावापृथिवी उभे स्ताम् ॥७॥

ahā arātim avidaḥ syonam apy abhūr bhadre sukṛtasya loke | evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasaṃ brahmaṇā tvā kṛṇomi śive te dyāvāpṛthivī ubhe stām ||7||

Thou hast left niggardy, hast found what is pleasant; thou hast come to be in the excellent world of what is well done: so from kṣetriyá, etc. etc.

Translated by William Dwight Whitney (1905)

AVŚ 2.10.8

सूर्यम् ऋतं तमसो ग्राह्या अधि देवा मुञ्चन्तो असृजन् निर् एनसः । एवाहम् त्वां क्षेत्रियान् निरृत्या जामिशंसाद् द्रुहो मुञ्चामि वरुणस्य पाशात् । अनागसम् ब्रह्मणा त्वा कृणोमि शिवे ते द्यावापृथिवी उभे स्ताम् ॥८॥

sūryam ṛtaṃ tamaso grāhyā adhi devā muñcanto asṛjan nir enasaḥ | evāham tvāṃ kṣetriyān nirṛtyā jāmiśaṃsād druho muñcāmi varuṇasya pāśāt | anāgasam brahmaṇā tvā kṛṇomi śive te dyāvāpṛthivī ubhe stām ||8||

The gods, releasing from the seizure of darkness the sun whom it had befallen, let him loose from sin (énas): so from kṣetriyá, etc. etc.

Translated by William Dwight Whitney (1905)