Library·Atharvaveda Saṃhitā (Śaunaka)·8·8.5
अयं प्रतिसरो मणिर् वीरो वीराय बध्यते । वीर्यवान्त् सपत्नहा शूरवीरः परिपाणः सुमङ्गलः ॥१॥
ayaṃ pratisaro maṇir vīro vīrāya badhyate | vīryavānt sapatnahā śūravīraḥ paripāṇaḥ sumaṅgalaḥ ||1||
This reverting amulet, a hero, is bound on a hero; heroic, rival-slaying, true hero, a very propitious protection.
Translated by William Dwight Whitney (1905)
अयं मणिः सपत्नहा सुवीरः सहस्वान् वाजी सहमान उग्रः । प्रत्यक् कृत्या दूषयन्न् एति वीरः ॥२॥
ayaṃ maṇiḥ sapatnahā suvīraḥ sahasvān vājī sahamāna ugraḥ | pratyak kṛtyā dūṣayann eti vīraḥ ||2||
This amulet, rival-slaying, having excellent heroes, powerful, vigorous, overpowering, formidable, a hero, goes to meet the witchcrafts, spoiling [them].
Translated by William Dwight Whitney (1905)
अनेनेन्द्रो मणिना वृत्रम् अहन्न् अनेनासुरान् पराभावयन् मनीषी । अनेनाजयद् द्यावापृथिवी उभे इमे अनेनाजयत् प्रदिशश् चतस्रः ॥३॥
anenendro maṇinā vṛtram ahann anenāsurān parābhāvayan manīṣī | anenājayad dyāvāpṛthivī ubhe ime anenājayat pradiśaś catasraḥ ||3||
With this amulet Indra smote Vritra; with this he, being filled with wisdom, ruined the Asuras; with this he conquered both, heaven-and-earth here; with this he conquered the four directions.
Translated by William Dwight Whitney (1905)
अयं स्राक्त्यो मणिः प्रतीवर्तः प्रतिसरः । ओजस्वान् विमृधो वशी सो अस्मान् पातु सर्वतः ॥४॥
ayaṃ srāktyo maṇiḥ pratīvartaḥ pratisaraḥ | ojasvān vimṛdho vaśī so asmān pātu sarvataḥ ||4||
This amulet of sraktyá, back-turning, reverting, forcible, remover of scorners, controlling—let it protect us on all sides.
Translated by William Dwight Whitney (1905)
तद् अग्निर् आह तद् उ सोम आह बृहस्पतिः सविता तद् इन्द्रः । ते मे देवाः पुरोहिताः प्रतीचीः कृत्याः प्रतिसरैर् अजन्तु ॥५॥
tad agnir āha tad u soma āha bṛhaspatiḥ savitā tad indraḥ | te me devāḥ purohitāḥ pratīcīḥ kṛtyāḥ pratisarair ajantu ||5||
This Agni says, this also Soma says, this Brihaspati, Savitar, Indra; let these gods, my representatives (puróhita), drive the witchcrafts backward with the reverters.
Translated by William Dwight Whitney (1905)
अन्तर् दधे द्यावापृथिवी उताहर् उत सूर्यम् । ते मे देवाः पुरोहिताः प्रतीचीः कृत्याः प्रतिसरैर् अजन्तु ॥६॥
antar dadhe dyāvāpṛthivī utāhar uta sūryam | te me devāḥ purohitāḥ pratīcīḥ kṛtyāḥ pratisarair ajantu ||6||
I interpose heaven-and-earth, also the day, also the sun; let these gods, my representatives, drive the witchcrafts backward with the reverters.
Translated by William Dwight Whitney (1905)
ये स्राक्त्यं मणिं जना वर्माणि कृण्वते । सूर्य इव दिवम् आरुह्य वि कृत्या बाधते वशी ॥७॥
ye srāktyaṃ maṇiṃ janā varmāṇi kṛṇvate | sūrya iva divam āruhya vi kṛtyā bādhate vaśī ||7||
The people who make the amulet of sraktyá their defenses—like the sun ascending the sky, it, controlling, drives away the witchcrafts.
Translated by William Dwight Whitney (1905)
स्राक्त्येन मणिना ऋषिणेव मनीषिणा । अजैषं सर्वाः पृतना वि मृधो हन्मि रक्षसः ॥८॥
srāktyena maṇinā ṛṣiṇeva manīṣiṇā | ajaiṣaṃ sarvāḥ pṛtanā vi mṛdho hanmi rakṣasaḥ ||8||
By the amulet of sraktyá, as by a seer (ṛ́ṣi) full of wisdom, I have conquered all fighters; I smite away the scorners, the demoniacs.
Translated by William Dwight Whitney (1905)
याः कृत्या आङ्गिरसीर् याः कृत्या आसुरीर् याः । कृत्याः स्वयंकृता या उ चान्येभिर् आभृताः । उभयीस् ताः परा यन्तु परावतो नवतिं नाव्या अति ॥९॥
yāḥ kṛtyā āṅgirasīr yāḥ kṛtyā āsurīr yāḥ | kṛtyāḥ svayaṃkṛtā yā u cānyebhir ābhṛtāḥ | ubhayīs tāḥ parā yantu parāvato navatiṃ nāvyā ati ||9||
The witchcrafts that are of the An̄girases, the witchcrafts that are of the Asuras, the witchcrafts that are self-made, and those that are brought by others—let these, of both kinds, go away to the distances, across ninety navigable [streams].
Translated by William Dwight Whitney (1905)
अस्मै मणिं वर्म बध्नन्तु देवा इन्द्रो विष्णुः सविता रुद्रो अग्निः । प्रजापतिः परमेष्ठी विराड् वैश्वानर ऋषयश् च सर्वे ॥१०॥ १२
asmai maṇiṃ varma badhnantu devā indro viṣṇuḥ savitā rudro agniḥ | prajāpatiḥ parameṣṭhī virāḍ vaiśvānara ṛṣayaś ca sarve ||10|| 12
On this man let the gods bind the amulet [as] defense: [namely,] Indra, Vishṇu, Savitar, Rudra, Agni, Prajāpati, Parameshṭhin, Virāj, Vāiçvānara, and all_ the seers.
Translated by William Dwight Whitney (1905)
उत्तमो अस्य् ओषधीनाम् अनड्वान् जगताम् इव व्याघ्रः श्वपदाम् इव ।
uttamo asy oṣadhīnām anaḍvān jagatām iva vyāghraḥ śvapadām iva |
Thou art the chief (uttamá) of herbs, as the ox of moving creatures (jágat), as the tiger of wild beasts (çvápad); whom we sought, him have we found, a watcher near at hand (?).
Translated by William Dwight Whitney (1905)
स इद् व्याघ्रो भवत्य् अथो सिंहो अथो वृषा । अथो सपत्नकर्शनो यो बिभर्तीमं मणिम् ॥१२॥
sa id vyāghro bhavaty atho siṃho atho vṛṣā | atho sapatnakarśano yo bibhartīmaṃ maṇim ||12||
He verily becomes a tiger, likewise a lion, likewise a bull, likewise a lessener of rivals, who bears this amulet.
Translated by William Dwight Whitney (1905)
नैनं घ्नन्त्य् अप्सरसो न गन्धर्वा न मर्त्याः । सर्वा दिशो वि राजति यो बिभर्तीमं मणिम् ॥१३॥
nainaṃ ghnanty apsaraso na gandharvā na martyāḥ | sarvā diśo vi rājati yo bibhartīmaṃ maṇim ||13||
Not Apsarases smite him, not Gandharvas, not mortals; he reigns over (vi-rāj) all the quarters who bears this amulet.
Translated by William Dwight Whitney (1905)
कश्यपस् त्वाम् असृजत कश्यपस् त्वा सम् ऐरयत् । अबिभस् त्वेन्द्रो मानुषे बिभ्रत् संश्रेषिणे ऽजयत् । मणिं सहस्रवीर्यं वर्म देवा अकृण्वत ॥१४॥
kaśyapas tvām asṛjata kaśyapas tvā sam airayat | abibhas tvendro mānuṣe bibhrat saṃśreṣiṇe 'jayat | maṇiṃ sahasravīryaṃ varma devā akṛṇvata ||14||
Kaçyapa created thee; Kaçyapa collected thee; Indra bore thee in human wise (?); bearing [thee], he conquered in the conflict (?); the amulet, of thousand-fold might, the gods made their defense.
Translated by William Dwight Whitney (1905)
यस् त्वा कृत्याभिर् यस् त्वा दीक्षाभिर् यज्ञैर् यस् त्वा जिघांसति । प्रत्यक् त्वम् इन्द्र तं जहि वज्रेण शतपर्वणा ॥१५॥
yas tvā kṛtyābhir yas tvā dīkṣābhir yajñair yas tvā jighāṃsati | pratyak tvam indra taṃ jahi vajreṇa śataparvaṇā ||15||
Whoever with witchcrafts, whoever with consecrations, whoever with sacrifices desires to slay thee—him do thou, O Indra, smite back with the hundred-jointed thunderbolt.
Translated by William Dwight Whitney (1905)
अयम् इद् वै प्रतीवर्त ओजस्वान् संजयो मणिः । प्रजां धनं च रक्षतु परिपाणः सुमङ्गलः ॥१६॥
ayam id vai pratīvarta ojasvān saṃjayo maṇiḥ | prajāṃ dhanaṃ ca rakṣatu paripāṇaḥ sumaṅgalaḥ ||16||
Let this back-turning, forcible, all-conquering amulet verily defend [our] progeny and riches, a very propitious protection.
Translated by William Dwight Whitney (1905)
असपत्नं नो अधराद् असपत्नं न उत्तरात् । इन्द्रासपत्नं नः पश्चाज् ज्योतिः शूर पुरस् कृधि ॥१७॥
asapatnaṃ no adharād asapatnaṃ na uttarāt | indrāsapatnaṃ naḥ paścāj jyotiḥ śūra puras kṛdhi ||17||
Freedom from rivals for us below, freedom from rivals for us above, freedom from rivals for us behind, O Indra, light in front make thou, O hero.
Translated by William Dwight Whitney (1905)
वर्म मे द्यावापृथिवी वर्माहर् वर्म सूर्यः । वर्म म इन्द्रश् चाग्निश् च वर्म धाता दधातु मे ॥१८॥
varma me dyāvāpṛthivī varmāhar varma sūryaḥ | varma ma indraś cāgniś ca varma dhātā dadhātu me ||18||
A defense for me [be] heaven-and-earth, a defense the day, a defense the sun, a defense for me both Indra and Agni; a defense let Dhātar assign (dhā) to me.
Translated by William Dwight Whitney (1905)
ऐन्द्राग्नं वर्म बहुलं यद् उग्रं विश्वे देवा नातिविध्यन्ति सर्वे । तन् मे तन्वं त्रायतां सर्वतो बृहद् आयुष्मां जरदष्टिर् यथासानि ॥१९॥
aindrāgnaṃ varma bahulaṃ yad ugraṃ viśve devā nātividhyanti sarve | tan me tanvaṃ trāyatāṃ sarvato bṛhad āyuṣmāṃ jaradaṣṭir yathāsāni ||19||
Indra-and-Agni's abundant formidable defense, which not all the gods together pierce through—let that, being great, save my body on all sides, that I may be long-lived, attaining old age.
Translated by William Dwight Whitney (1905)
आ मारुक्षद् देवमणिर् मह्या अरिष्टतातये । इमं मेथिम् अभिसंविशध्वं तनूपानं त्रिवरूथम् ओजसे ॥२०॥
ā mārukṣad devamaṇir mahyā ariṣṭatātaye | imaṃ methim abhisaṃviśadhvaṃ tanūpānaṃ trivarūtham ojase ||20||
The divine amulet hath ascended me, in order to great unharmedness; enter ye together unto this post (? methí), body-protecting, thrice-defending, in order to vigor (ójas).
Translated by William Dwight Whitney (1905)
अस्मिन्न् इन्द्रो नि दधातु नृम्णम् इमं देवासो अभिसंविशध्वम् । दीर्घायुत्वाय शतशारदायायुष्मान् जरदष्टिर् यथासत् ॥२१॥
asminn indro ni dadhātu nṛmṇam imaṃ devāso abhisaṃviśadhvam | dīrghāyutvāya śataśāradāyāyuṣmān jaradaṣṭir yathāsat ||21||
In this let Indra deposit manliness; this, O gods, enter ye together unto, in order to long life-time of a hundred autumns; that he may be long-lived, attaining old age.
Translated by William Dwight Whitney (1905)
स्वस्तिदा विशां पतिर् वृत्रहा विमृधो वशी । इन्द्रो बध्नातु ते मणिं जिगीवां अपराजितः । सोमपा अभयङ्करो वृषा ।
svastidā viśāṃ patir vṛtrahā vimṛdho vaśī | indro badhnātu te maṇiṃ jigīvāṃ aparājitaḥ | somapā abhayaṅkaro vṛṣā |
Giver of welfare, lord of the people, Vritra-slayer, masterful remover of scorners, let Indra bind ⌊for thee⌋ the amulet, [he] that has conquered, is unconquered, soma-drinking, fearless-making bull; let him defend thee on all sides, by day and by night on all sides.
Translated by William Dwight Whitney (1905)