Aitareya Āraṇyaka (Ṛgveda) 1.5.1

वशं शंसति वशे म इदं सर्वम् असद् इति

vaśaṃ śaṃsati vaśe ma idaṃ sarvam asad iti

Sanskrit only: no published translation is held for this verse.

ता एकविंशतिर् भवन्त्य् एकविंशतिर् हि ता अन्तर् उदरे विकृतयः

tā ekaviṃśatir bhavanty ekaviṃśatir hi tā antar udare vikṛtayaḥ

Sanskrit only: no published translation is held for this verse.

अथो एकविंशो वै स्तोमानां प्रतिष्ठा प्रतिष्ठोदरम् अन्नाद्यानाम्

atho ekaviṃśo vai stomānāṃ pratiṣṭhā pratiṣṭhodaram annādyānām

Sanskrit only: no published translation is held for this verse.

ता विछन्दसो भवन्ति विक्षुद्रम् इव वा अन्तस्त्यम् अणीय इव च स्थवीय इव च

tā vichandaso bhavanti vikṣudram iva vā antastyam aṇīya iva ca sthavīya iva ca

Sanskrit only: no published translation is held for this verse.

ताः प्रणावं छन्दस्कारं यथोपपादं शंसति यथोपपादम् इव वा अन्तस्त्यं ह्रसीय इव च द्राघीय इव च

tāḥ praṇāvaṃ chandaskāraṃ yathopapādaṃ śaṃsati yathopapādam iva vā antastyaṃ hrasīya iva ca drāghīya iva ca

Sanskrit only: no published translation is held for this verse.

अथ सूददोहाः प्राणो वै सूददोहाः प्राणेन पर्वाणि संदधाति

atha sūdadohāḥ prāṇo vai sūdadohāḥ prāṇena parvāṇi saṃdadhāti

Sanskrit only: no published translation is held for this verse.

ताम् अत्रोत्सृजति द्वादशकृत्वः शस्त्वा द्वादशविधा वा इमे प्राणाः सप्त शीर्षण्या द्वौ स्तन्यौ त्रयो ऽवाञ्चो ऽत्र वै प्राणा आप्यन्ते ऽत्र संस्क्रियन्ते तस्माद् एनाम् अत्रोत्सृजति

tām atrotsṛjati dvādaśakṛtvaḥ śastvā dvādaśavidhā vā ime prāṇāḥ sapta śīrṣaṇyā dvau stanyau trayo 'vāñco 'tra vai prāṇā āpyante 'tra saṃskriyante tasmād enām atrotsṛjati

Sanskrit only: no published translation is held for this verse.

इन्द्राग्नी युवं सु न इत्य् ऐन्द्राग्ना ऊरू उर्वष्ठीवे प्रतिष्ठे

indrāgnī yuvaṃ su na ity aindrāgnā ūrū urvaṣṭhīve pratiṣṭhe

Sanskrit only: no published translation is held for this verse.

ताः षट्पदा भवन्ति प्रतिष्ठाया एव द्विप्रतिष्ठो वै पुरुषश् चतुष्पादाः पशवो यजमानम् एव तद् द्विप्रतिष्ठं चतुष्पात्सु पशुषु प्रतिष्ठापयति

tāḥ ṣaṭpadā bhavanti pratiṣṭhāyā eva dvipratiṣṭho vai puruṣaś catuṣpādāḥ paśavo yajamānam eva tad dvipratiṣṭhaṃ catuṣpātsu paśuṣu pratiṣṭhāpayati

Sanskrit only: no published translation is held for this verse.

द्वितीया सप्तपदा भवति तां गायत्रीं चानुष्टुभं च करोति ब्रह्म वै गायत्री वाग् अनुष्टुब् ब्रह्मणैव तद् वाचं संदधाति

dvitīyā saptapadā bhavati tāṃ gāyatrīṃ cānuṣṭubhaṃ ca karoti brahma vai gāyatrī vāg anuṣṭub brahmaṇaiva tad vācaṃ saṃdadhāti

Sanskrit only: no published translation is held for this verse.

त्रिष्टुभम् अन्ततः शंसति वीर्यं वै त्रिष्टुब् वीर्येणैव तत् पशून् परिगच्छति तस्मात् पशवो वीर्यम् अनूपतिष्ठन्त ईर्यतां चैवाभ्युत्थानं च

triṣṭubham antataḥ śaṃsati vīryaṃ vai triṣṭub vīryeṇaiva tat paśūn parigacchati tasmāt paśavo vīryam anūpatiṣṭhanta īryatāṃ caivābhyutthānaṃ ca

Sanskrit only: no published translation is held for this verse.