Aitareya Āraṇyaka (Ṛgveda) 1.5.3

तत् सवितुर् वृणीमहे ऽद्या नो देव सवितर् इति वैश्वदेवस्य प्रतिपदनुचराव् ऐकाहिकौ रूपसमृद्धौ बहु वा एतस्मिन्न् अहनि किञ्च किञ्च वारणं क्रियते शान्त्या एव शान्तिर् वै प्रतिष्ठैकाहः शान्त्याम् एव तत् प्रतिष्ठायाम् अन्ततः प्रतितिष्ठन्ति

tat savitur vṛṇīmahe 'dyā no deva savitar iti vaiśvadevasya pratipadanucarāv aikāhikau rūpasamṛddhau bahu vā etasminn ahani kiñca kiñca vāraṇaṃ kriyate śāntyā eva śāntir vai pratiṣṭhaikāhaḥ śāntyām eva tat pratiṣṭhāyām antataḥ pratitiṣṭhanti

Sanskrit only: no published translation is held for this verse.

प्रतितिष्ठति य एवं वेद येषां चैवं विद्वान् एतद्धोता शंसति

pratitiṣṭhati ya evaṃ veda yeṣāṃ caivaṃ vidvān etaddhotā śaṃsati

Sanskrit only: no published translation is held for this verse.

तद् देवस्य सवितुर् वार्यं महद् इति सावित्रम् अन्तो वै महद् अन्त एतद् अहर् एतस्याह्नो रूपम्

tad devasya savitur vāryaṃ mahad iti sāvitram anto vai mahad anta etad ahar etasyāhno rūpam

Sanskrit only: no published translation is held for this verse.

कतरा पूर्वा कतरापरायोर् इति द्यावापृथिवीयं समानोदर्कं समानोदर्कं वा एतद् अहर् एतस्याह्नो रूपम्

katarā pūrvā katarāparāyor iti dyāvāpṛthivīyaṃ samānodarkaṃ samānodarkaṃ vā etad ahar etasyāhno rūpam

Sanskrit only: no published translation is held for this verse.

अनश्वो जातो अनभीशुर् उक्थ्य इत्य् आर्भवम्

anaśvo jāto anabhīśur ukthya ity ārbhavam

Sanskrit only: no published translation is held for this verse.

रथस् त्रिचक्र इति यद् एतत् त्रिवत् तद् अन्तो वै त्रिवद् अन्त एतद् अहर् एतस्याह्नो रूपम्

rathas tricakra iti yad etat trivat tad anto vai trivad anta etad ahar etasyāhno rūpam

Sanskrit only: no published translation is held for this verse.

अस्य वामस्य पलितस्य होतुर् इति वैश्वदेवं बहुरूपं बहुरूपम् वा एतद् अहर् एतस्याह्नो रूपम्

asya vāmasya palitasya hotur iti vaiśvadevaṃ bahurūpaṃ bahurūpam vā etad ahar etasyāhno rūpam

Sanskrit only: no published translation is held for this verse.

गौरीर् मिमाय सलिलानि तक्षतीत्य् एतदन्तम्

gaurīr mimāya salilāni takṣatīty etadantam

Sanskrit only: no published translation is held for this verse.

आ नो भद्राः क्रतवो यन्तु विश्वत इति वैश्वदेवं निविद्धानम् ऐकाहिकं रूपसमृद्धं बहु वा एतस्मिन्न् अहनि किञ्च किञ्च वारणं क्रियते शान्त्या एव शान्तिर् वै प्रतिष्ठैकाहः शान्त्याम् एव तत् प्रतिष्ठायाम् अन्ततः प्रतितिष्ठन्ति

ā no bhadrāḥ kratavo yantu viśvata iti vaiśvadevaṃ nividdhānam aikāhikaṃ rūpasamṛddhaṃ bahu vā etasminn ahani kiñca kiñca vāraṇaṃ kriyate śāntyā eva śāntir vai pratiṣṭhaikāhaḥ śāntyām eva tat pratiṣṭhāyām antataḥ pratitiṣṭhanti

Sanskrit only: no published translation is held for this verse.

प्रतितिष्ठति य एवं वेद येषां चैवं विद्वान् एतद्धोता शंसति

pratitiṣṭhati ya evaṃ veda yeṣāṃ caivaṃ vidvān etaddhotā śaṃsati

Sanskrit only: no published translation is held for this verse.

वैश्वानराय धिषणाम् ऋतावृध इत्य् आग्निमारुतस्य प्रतिपद् अन्तो वै धिषणान्त एतद् अहर् एतस्याह्नो रूपम्

vaiśvānarāya dhiṣaṇām ṛtāvṛdha ity āgnimārutasya pratipad anto vai dhiṣaṇānta etad ahar etasyāhno rūpam

Sanskrit only: no published translation is held for this verse.

प्रयज्यवो मरुतो भ्राजदृष्टय इति मारुतं समानोदर्कं समानोदर्कं वा एतद् अहर् एतस्याह्नो रूपम्

prayajyavo maruto bhrājadṛṣṭaya iti mārutaṃ samānodarkaṃ samānodarkaṃ vā etad ahar etasyāhno rūpam

Sanskrit only: no published translation is held for this verse.

जातवेदसे सुनवाम सोमम् इति जातवेदस्यां पुरस्तात् सूक्तस्य शंसति स्वस्त्ययनं वै जातवेदस्या स्वस्तितायै स्वस्त्ययनम् एव तत् कुरुते

jātavedase sunavāma somam iti jātavedasyāṃ purastāt sūktasya śaṃsati svastyayanaṃ vai jātavedasyā svastitāyai svastyayanam eva tat kurute

Sanskrit only: no published translation is held for this verse.

इमं स्तोमम् अर्हते जातवेदस इति जातवेदस्यं समानोदर्कं समानोदर्कं वा एतद् अहर् एतस्याह्नो रूपम् अह्नो रूपम्

imaṃ stomam arhate jātavedasa iti jātavedasyaṃ samānodarkaṃ samānodarkaṃ vā etad ahar etasyāhno rūpam ahno rūpam

Sanskrit only: no published translation is held for this verse.