Aitareya Āraṇyaka (Ṛgveda) 2.2.4

तद् वा इदं बृहतीसहस्रं सम्पन्नं तस्य तानि व्यञ्जनानि तच्छरीरं यो घोषः स आत्मा य ऊष्माणः स प्राणः

tad vā idaṃ bṛhatīsahasraṃ sampannaṃ tasya tāni vyañjanāni taccharīraṃ yo ghoṣaḥ sa ātmā ya ūṣmāṇaḥ sa prāṇaḥ

Sanskrit only: no published translation is held for this verse.

एतद्ध स्म वै तद् विद्वान् वसिष्ठो वसिष्ठो बभूव तत एतन् नामधेयं लेभे

etaddha sma vai tad vidvān vasiṣṭho vasiṣṭho babhūva tata etan nāmadheyaṃ lebhe

Sanskrit only: no published translation is held for this verse.

एतद् उ हैवेन्द्रो विश्वामित्राय प्रोवाचैतद् उ हैवेन्द्रो भरद्वाजाय प्रोवाच तस्मात् स तेन बन्धुना यज्ञेषु हूयते

etad u haivendro viśvāmitrāya provācaitad u haivendro bharadvājāya provāca tasmāt sa tena bandhunā yajñeṣu hūyate

Sanskrit only: no published translation is held for this verse.

तद् वा इदं बृहतीसहस्रं सम्पन्नं तस्य वा एतस्य बृहतीसहस्रस्य सम्पन्नस्य षट्त्रिंशतम् अक्षराणां सहस्राणि भवन्ति तावन्ति शतसंवत्सरस्याह्नां सहस्राणि भवन्ति व्यञ्जनैर् एव रात्रीर् आप्नुवन्ति स्वरैर् अहानि

tad vā idaṃ bṛhatīsahasraṃ sampannaṃ tasya vā etasya bṛhatīsahasrasya sampannasya ṣaṭtriṃśatam akṣarāṇāṃ sahasrāṇi bhavanti tāvanti śatasaṃvatsarasyāhnāṃ sahasrāṇi bhavanti vyañjanair eva rātrīr āpnuvanti svarair ahāni

Sanskrit only: no published translation is held for this verse.

तद् वा इदं बृहतीसहस्रं सम्पन्नं तस्य वा एतस्य बृहतीसहस्रस्य सम्पन्नस्य परस्तात् प्रज्ञामयो देवतामयो ब्रह्ममयो ऽमृतमयः सम्भूय देवता अप्येति य एवं वेद

tad vā idaṃ bṛhatīsahasraṃ sampannaṃ tasya vā etasya bṛhatīsahasrasya sampannasya parastāt prajñāmayo devatāmayo brahmamayo 'mṛtamayaḥ sambhūya devatā apyeti ya evaṃ veda

Sanskrit only: no published translation is held for this verse.

तद् यो ऽहं सो ऽसौ यो ऽसौ सो ऽहम्

tad yo 'haṃ so 'sau yo 'sau so 'ham

Sanskrit only: no published translation is held for this verse.

तद् उक्तम् ऋषिणा

tad uktam ṛṣiṇā

Sanskrit only: no published translation is held for this verse.

सूर्य आत्मा जगतस् तस्थुषश् चेति

sūrya ātmā jagatas tasthuṣaś ceti

Sanskrit only: no published translation is held for this verse.

एतद् उ हैवोपेक्षेतोपेक्षेत

etad u haivopekṣetopekṣeta

Sanskrit only: no published translation is held for this verse.