Aitareya Āraṇyaka (Ṛgveda) 5.1.5

प्रस्तोतारं संशास्ति पञ्चविंशस्य स्तोमस्य तिसृष्व् अर्धतृतीयास्व् अर्धत्रयोदशासु वा परिशिष्टासु प्रथमं प्रतिहारं प्रब्रूताद् इति

prastotāraṃ saṃśāsti pañcaviṃśasya stomasya tisṛṣv ardhatṛtīyāsv ardhatrayodaśāsu vā pariśiṣṭāsu prathamaṃ pratihāraṃ prabrūtād iti

Sanskrit only: no published translation is held for this verse.

अर्धत्रयोदशासु प्रवाचयतेति जातूकर्ण्यः

ardhatrayodaśāsu pravācayateti jātūkarṇyaḥ

Sanskrit only: no published translation is held for this verse.

प्रोक्ते जपति सुपर्णो ऽसि गरुत्मान् प्रेमां वाचं वदिष्यामि बहु वदिष्यन्तीं बहु पतिष्यन्तीं बहु करिष्यन्तीं बहु सनिष्यन्तीं बहोर् भूयः करिष्यन्तीं स्वर् गच्छन्तीं स्वर् वदिष्यन्तीं स्वः पतिष्यन्तीं स्वः करिष्यन्तीं स्वः सनिष्यन्तीं स्वर् इमं यज्ञं वक्ष्यन्तीं स्वर् मां यजमानं वक्ष्यन्तीम् इति

prokte japati suparṇo 'si garutmān premāṃ vācaṃ vadiṣyāmi bahu vadiṣyantīṃ bahu patiṣyantīṃ bahu kariṣyantīṃ bahu saniṣyantīṃ bahor bhūyaḥ kariṣyantīṃ svar gacchantīṃ svar vadiṣyantīṃ svaḥ patiṣyantīṃ svaḥ kariṣyantīṃ svaḥ saniṣyantīṃ svar imaṃ yajñaṃ vakṣyantīṃ svar māṃ yajamānaṃ vakṣyantīm iti

Sanskrit only: no published translation is held for this verse.

दीक्षिते यजमानशब्दो नादीक्षिते

dīkṣite yajamānaśabdo nādīkṣite

Sanskrit only: no published translation is held for this verse.

स्वर् अमुम् इति यो ऽस्य प्रियः स्यान् न तु वक्ष्यन्तीम् इति ब्रूयात्

svar amum iti yo 'sya priyaḥ syān na tu vakṣyantīm iti brūyāt

Sanskrit only: no published translation is held for this verse.

उक्थवीर्याणि च

ukthavīryāṇi ca

Sanskrit only: no published translation is held for this verse.

सं प्राणो वाचा सम् अहं वाचा सं चक्षुर् मनसा सम् अहं मनसा सं श्रोत्रम् आत्मना सम् अहम् आत्मना मयि महान् मयि भर्गो मयि भगो मयि भुजो मयि स्तोभो मयि स्तोमो मयि श्लोको मयि घोषो मयि यशो मयि श्रीर् मयि कीर्तिर् मयि भुक्तिर् इति

saṃ prāṇo vācā sam ahaṃ vācā saṃ cakṣur manasā sam ahaṃ manasā saṃ śrotram ātmanā sam aham ātmanā mayi mahān mayi bhargo mayi bhago mayi bhujo mayi stobho mayi stomo mayi śloko mayi ghoṣo mayi yaśo mayi śrīr mayi kīrtir mayi bhuktir iti

Sanskrit only: no published translation is held for this verse.

आहूय वाग् इति जपति

āhūya vāg iti japati

Sanskrit only: no published translation is held for this verse.

त्रय आहावाः शस्त्रादेर् निविदः परिधानीयाया इति

traya āhāvāḥ śastrāder nividaḥ paridhānīyāyā iti

Sanskrit only: no published translation is held for this verse.

शब्दान् अध्वर्यवः कारयन्ति

śabdān adhvaryavaḥ kārayanti

Sanskrit only: no published translation is held for this verse.

एतस्मिन्न् अहनि प्रभूतम् अन्नं दद्यात्

etasminn ahani prabhūtam annaṃ dadyāt

Sanskrit only: no published translation is held for this verse.

राजपुत्रेण चर्म व्याधयन्त्य् आघ्नन्ति भूमिदुन्दुभिं पत्न्यश् च काण्डवीणा भूतानां च मैथुनं ब्रह्मचारिपुंश्चल्योः संप्रवादो ऽनेकेन साम्ना निष्केवल्याय स्तुवते राजनस्तोत्रियेण प्रतिपद्यते

rājaputreṇa carma vyādhayanty āghnanti bhūmidundubhiṃ patnyaś ca kāṇḍavīṇā bhūtānāṃ ca maithunaṃ brahmacāripuṃścalyoḥ saṃpravādo 'nekena sāmnā niṣkevalyāya stuvate rājanastotriyeṇa pratipadyate

Sanskrit only: no published translation is held for this verse.