तृप्तिदं फाल्गुनीश्राद्धम् अष्टोत्तरशतैरुत । शाके श्राद्धं यत्क्रियते तदेकमथ तारकम्
tṛptidaṃ phālgunīśrāddham aṣṭottaraśatairuta / śāke śrāddhaṃ yatkriyate tadekamatha tārakam
Sanskrit only: no published translation is held for this verse.
Angirasasmrti 1
गौरीदानं पितृतृप्तिकरम् गौरीदानं वृषोत्सर्गः पाक्षिको ऽयं महालयः । स्थापनं पनसाख्यस्य तानीमानि स्मृतानि हि
gaurīdānaṃ pitṛtṛptikaram gaurīdānaṃ vṛṣotsargaḥ pākṣiko 'yaṃ mahālayaḥ / sthāpanaṃ panasākhyasya tānīmāni smṛtāni hi
Sanskrit only: no published translation is held for this verse.
पित्ःणामपि सर्वेषां वल्लभानीति वै जगुः । जकारपञ्चकं वत्सः परलोकगतस्य तत्
pitḥṇāmapi sarveṣāṃ vallabhānīti vai jaguḥ / jakārapañcakaṃ vatsaḥ paralokagatasya tat
Sanskrit only: no published translation is held for this verse.
तृप्त्यै सतरणायापि प्रोवाचैवं न चेतरत् । जकारपञ्चकम् जलार्धं जाह्नवीतीरं जनार्दनमहास्मृतिः
tṛptyai sataraṇāyāpi provācaivaṃ na cetarat / jakārapañcakam jalārdhaṃ jāhnavītīraṃ janārdanamahāsmṛtiḥ
Sanskrit only: no published translation is held for this verse.
ज्वलनो जननोत्पन्नसुतसान्निध्यमेव च । जकारपञ्चकं प्रोक्तं कथितं जन्ममोचकम्
jvalano jananotpannasutasānnidhyameva ca / jakārapañcakaṃ proktaṃ kathitaṃ janmamocakam
Sanskrit only: no published translation is held for this verse.
ग्रहणश्राद्धलक्षणम् ग्रहस्पर्शादथ यतन् सद्यः पत्न्यादिभिर्वृतः । तदान्नेनैवं यच्छ्राद्धं करोति पितृतृप्तये
grahaṇaśrāddhalakṣaṇam grahasparśādatha yatan sadyaḥ patnyādibhirvṛtaḥ / tadānnenaivaṃ yacchrāddhaṃ karoti pitṛtṛptaye
Sanskrit only: no published translation is held for this verse.
स्नात्वा तेनैव विधिना तद्ग्रहश्राद्धमुच्यते । तदेतत्किल देवेशो भगवान् भूतभावनः
snātvā tenaiva vidhinā tadgrahaśrāddhamucyate / tadetatkila deveśo bhagavān bhūtabhāvanaḥ
Sanskrit only: no published translation is held for this verse.
षोडशश्राद्धतुलितं महादानशताधिकम् । प्रोवाच किल सर्वेशो गयस्य सुमहात्मनः
ṣoḍaśaśrāddhatulitaṃ mahādānaśatādhikam / provāca kila sarveśo gayasya sumahātmanaḥ
Sanskrit only: no published translation is held for this verse.
गौरीदानं तथैवेति वृषोत्सर्जनमेव च
gaurīdānaṃ tathaiveti vṛṣotsarjanameva ca
Sanskrit only: no published translation is held for this verse.
महान्ति निष्क्रियाणीति मनुः कात्यायनो ऽङ्गिराः । कुत्सवत्साग्निभरतविश्वामित्रशुकादयः
mahānti niṣkriyāṇīti manuḥ kātyāyano 'ṅgirāḥ / kutsavatsāgnibharataviśvāmitraśukādayaḥ
Sanskrit only: no published translation is held for this verse.
नैतेषां तुल्यमपरं पैतृकं कर्म विद्यते । लोकत्रये ऽपि परमं तस्मादेतेषु चैककम्
naiteṣāṃ tulyamaparaṃ paitṛkaṃ karma vidyate / lokatraye 'pi paramaṃ tasmādeteṣu caikakam
Sanskrit only: no published translation is held for this verse.
अपि कर्ता कृतार्थः स्यात् सुकृती पितृतारकः । इत्येवमेनं जहृषुः पनसस्थापकं तु तम्
api kartā kṛtārthaḥ syāt sukṛtī pitṛtārakaḥ / ityevamenaṃ jahṛṣuḥ panasasthāpakaṃ tu tam
Sanskrit only: no published translation is held for this verse.
वयं न विद्मः को वा स दूर्वासाजनको ऽथवा । कुम्भोद्भवो दधीचिर्वा शिबिर्वा नहुषो नलः
vayaṃ na vidmaḥ ko vā sa dūrvāsājanako 'thavā / kumbhodbhavo dadhīcirvā śibirvā nahuṣo nalaḥ
Sanskrit only: no published translation is held for this verse.
मान्धाता वा ऽप्यलर्को वा हरिश्चन्द्रो ऽथवा महान् । गयो रामो ऽथवा श्रीमान् एषु चैको ऽथवा न चेत्
māndhātā vā 'pyalarko vā hariścandro 'thavā mahān / gayo rāmo 'thavā śrīmān eṣu caiko 'thavā na cet
Sanskrit only: no published translation is held for this verse.
एतत्समष्टिर्लोकानां हिताया ऽत्र भुवः स्थले । अवतीर्णो न सन्देह इति ब्रह्मा शिवो हरिः
etatsamaṣṭirlokānāṃ hitāyā 'tra bhuvaḥ sthale / avatīrṇo na sandeha iti brahmā śivo hariḥ
Sanskrit only: no published translation is held for this verse.
पनसे स्थापिते महान् विशेषः पनसस्थापकं प्रोचुः शलाटोस्तस्य पृष्ठतः । सर्वे कण्टकरूपेण समाश्रित्यैव सन्ततम्
panase sthāpite mahān viśeṣaḥ panasasthāpakaṃ procuḥ śalāṭostasya pṛṣṭhataḥ / sarve kaṇṭakarūpeṇa samāśrityaiva santatam
Sanskrit only: no published translation is held for this verse.
अष्टोत्तरशतश्राद्धदिव्यशाकविशेषकाः । प्रवर्तन्ते यतस्तस्मात् तदा शाकसहस्रकम्
aṣṭottaraśataśrāddhadivyaśākaviśeṣakāḥ / pravartante yatastasmāt tadā śākasahasrakam
Sanskrit only: no published translation is held for this verse.
तस्यास्य दिव्यरूपस्य पितृप्राणैकरूपिणः । सर्वदेवस्वरूपस्य सर्वमन्त्रमयस्य च
tasyāsya divyarūpasya pitṛprāṇaikarūpiṇaḥ / sarvadevasvarūpasya sarvamantramayasya ca
Sanskrit only: no published translation is held for this verse.
सर्वयज्ञमहातीर्थसरिदग्निसुवर्ष्मणः । निखिलागमशास्त्रौघव्रतकृच्छ्रामृतान्धसाम्
sarvayajñamahātīrthasaridagnisuvarṣmaṇaḥ / nikhilāgamaśāstraughavratakṛcchrāmṛtāndhasām
Sanskrit only: no published translation is held for this verse.
निधानस्य पवित्रस्य पित्र्याकर्षणवर्ष्मणः । स्थापनं क्रियते येन तच्छायापत्रमूलकैः
nidhānasya pavitrasya pitryākarṣaṇavarṣmaṇaḥ / sthāpanaṃ kriyate yena tacchāyāpatramūlakaiḥ
Sanskrit only: no published translation is held for this verse.
फलैः शलाटुभिर्वापि काष्ठैश्छायाभिरेव च । क्रियते पितृतृप्तिः स्याद् बुद्धिपूर्वमबुद्धितः
phalaiḥ śalāṭubhirvāpi kāṣṭhaiśchāyābhireva ca / kriyate pitṛtṛptiḥ syād buddhipūrvamabuddhitaḥ
Sanskrit only: no published translation is held for this verse.
तस्य पुण्यफलं वक्तुं गुरुणा ब्रह्मणापि वा । शक्यं वर्षसहस्रेण फणिराजेन वा न तु
tasya puṇyaphalaṃ vaktuṃ guruṇā brahmaṇāpi vā / śakyaṃ varṣasahasreṇa phaṇirājena vā na tu
Sanskrit only: no published translation is held for this verse.
पुरा किल पितृतृप्तिहेतवो ऽखिलशाककाः । तपस्तप्त्वा वरेणाथ ब्रह्मणः पनसं श्रिताः
purā kila pitṛtṛptihetavo 'khilaśākakāḥ / tapastaptvā vareṇātha brahmaṇaḥ panasaṃ śritāḥ
Sanskrit only: no published translation is held for this verse.
अलर्कश्राद्धम् अलकालर्ककारूषाच्युतचूतानरामराः । सप्तस्वेतेष्वच्युतश्चेद् अलर्कश्चाजरास्त्रयः
alarkaśrāddham alakālarkakārūṣācyutacūtānarāmarāḥ / saptasveteṣvacyutaśced alarkaścājarāstrayaḥ
Sanskrit only: no published translation is held for this verse.
प्रतिमासजभेदेन स्मृता द्वादशजातयः । अतः षट्त्रिंशत्कसंख्या तस्मादेतत्त्रयस्य च
pratimāsajabhedena smṛtā dvādaśajātayaḥ / ataḥ ṣaṭtriṃśatkasaṃkhyā tasmādetattrayasya ca
Sanskrit only: no published translation is held for this verse.
एतेषां मासजानां स्याद् एकजातिशलाटुतः । तद्भिन्नैकादशानां च शलाटुफलभेदतः
eteṣāṃ māsajānāṃ syād ekajātiśalāṭutaḥ / tadbhinnaikādaśānāṃ ca śalāṭuphalabhedataḥ
Sanskrit only: no published translation is held for this verse.
द्वैविध्यं किल संप्राप्तं शलाटोरपि वै मुहुः । आर्द्रशुष्कप्रभेदेन द्वैविध्यं समुपागतम्
dvaividhyaṃ kila saṃprāptaṃ śalāṭorapi vai muhuḥ / ārdraśuṣkaprabhedena dvaividhyaṃ samupāgatam
Sanskrit only: no published translation is held for this verse.
तद्वत्फलानां च पुनद्वैविध्यं समुपागतम् । तच्चैत्रामलको ग्राह्य आशरत्सपवित्रकः
tadvatphalānāṃ ca punadvaividhyaṃ samupāgatam / taccaitrāmalako grāhya āśaratsapavitrakaḥ
Sanskrit only: no published translation is held for this verse.
दिव्यशाकाः श्राद्धार्हाः वारुकः कर्मजः शारिः श्रीपर्णं श्रीकरः शमी । युगदो युग्मदो रम्यं वज्रपर्णी करीषकी
divyaśākāḥ śrāddhārhāḥ vārukaḥ karmajaḥ śāriḥ śrīparṇaṃ śrīkaraḥ śamī / yugado yugmado ramyaṃ vajraparṇī karīṣakī
Sanskrit only: no published translation is held for this verse.
कारवल्ली त्रयी कारुः कामकृत् कामवारकः । कामवाही कामदूरः शाकुटद्वयमग्रिमा
kāravallī trayī kāruḥ kāmakṛt kāmavārakaḥ / kāmavāhī kāmadūraḥ śākuṭadvayamagrimā
Sanskrit only: no published translation is held for this verse.
कामप्रं कामदं कम्रः कलिङ्गः कलिवारुकः । अजश्रीरजचर्माख्यो दारुको धर्मदो दमः
kāmapraṃ kāmadaṃ kamraḥ kaliṅgaḥ kalivārukaḥ / ajaśrīrajacarmākhyo dāruko dharmado damaḥ
Sanskrit only: no published translation is held for this verse.
कुलं कारी मनुर्मानी राजश्रीः शेखरी नलः । नालकं कारकः खाद्यो गायत्रो हरिलोचनः
kulaṃ kārī manurmānī rājaśrīḥ śekharī nalaḥ / nālakaṃ kārakaḥ khādyo gāyatro harilocanaḥ
Sanskrit only: no published translation is held for this verse.
हरिदश्वो हयग्रीवः कारुण्यः कनकप्रियः । कार्मुकः कर्मकृत्कार्यो धैर्यदो मानकृत् कुणिः
haridaśvo hayagrīvaḥ kāruṇyaḥ kanakapriyaḥ / kārmukaḥ karmakṛtkāryo dhairyado mānakṛt kuṇiḥ
Sanskrit only: no published translation is held for this verse.
शरच्छ्रीको मङ्गलको कुण्डो ऽकुण्डो गुडप्रियः । फलश्रीर्मधुरग्रीवो दानदः कटुकः क्षमी
śaracchrīko maṅgalako kuṇḍo 'kuṇḍo guḍapriyaḥ / phalaśrīrmadhuragrīvo dānadaḥ kaṭukaḥ kṣamī
Sanskrit only: no published translation is held for this verse.
मान्मथो मधुरस्रावा वज्रघ्नो वज्रपञ्जरः । वल्मीकजो बालराजो बालपुत्रो बृहद्रथः
mānmatho madhurasrāvā vajraghno vajrapañjaraḥ / valmīkajo bālarājo bālaputro bṛhadrathaḥ
Sanskrit only: no published translation is held for this verse.
कर्णकारो ऽक्षिरोगघ्नः प्रतीहारी वलीमुखः । शर्मकृन्नेत्ररोगघ्नो धान्यद्वेषी दरिद्रहृत्
karṇakāro 'kṣirogaghnaḥ pratīhārī valīmukhaḥ / śarmakṛnnetrarogaghno dhānyadveṣī daridrahṛt
Sanskrit only: no published translation is held for this verse.
कुशलः कर्मसुखकृत् कण्ठहृत् कनकप्रभः । विश्वाकरः पिप्पलघ्नः क्षुन्मूलो क्षुन्निवारणः
kuśalaḥ karmasukhakṛt kaṇṭhahṛt kanakaprabhaḥ / viśvākaraḥ pippalaghnaḥ kṣunmūlo kṣunnivāraṇaḥ
Sanskrit only: no published translation is held for this verse.
अग्निधामा धरानाथो धरावासो धराश्रयः । अद्रिराजो धर्मदेशी धर्माश्रयकरः प्रराट्
agnidhāmā dharānātho dharāvāso dharāśrayaḥ / adrirājo dharmadeśī dharmāśrayakaraḥ prarāṭ
Sanskrit only: no published translation is held for this verse.
अनिकेतो निमिग्रीवो नीलनेत्रो मरुत्पतिः । मणिमालो बृहन्नालो नारदो लिकुचो नटः
aniketo nimigrīvo nīlanetro marutpatiḥ / maṇimālo bṛhannālo nārado likuco naṭaḥ
Sanskrit only: no published translation is held for this verse.
कुम्भाडः कुण्डली चक्रः शैत्यकर्मा शताकरः । कल्याणाधार ईशान ईशानो दक्षिणास्पदः
kumbhāḍaḥ kuṇḍalī cakraḥ śaityakarmā śatākaraḥ / kalyāṇādhāra īśāna īśāno dakṣiṇāspadaḥ
Sanskrit only: no published translation is held for this verse.
शतवल्ली महावल्ली चक्रवल्ली निपानकृत् । द्रोणप्रियो द्रोणराजो गुल्महृत् कटुमूलकः
śatavallī mahāvallī cakravallī nipānakṛt / droṇapriyo droṇarājo gulmahṛt kaṭumūlakaḥ
Sanskrit only: no published translation is held for this verse.
नित्यश्रीको नित्यपुष्पो निर्मूलो बहुपुष्पकः । प्लक्षराजन्यसंभूतो हेतिमूलो निशाप्रियः
nityaśrīko nityapuṣpo nirmūlo bahupuṣpakaḥ / plakṣarājanyasaṃbhūto hetimūlo niśāpriyaḥ
Sanskrit only: no published translation is held for this verse.
महादाहकरो ऽश्वत्थः सुन्दरः पर्वताश्रयः । कर्दमाढ्यः कर्दमाधः सूपस्थानः सुरास्पदः
mahādāhakaro 'śvatthaḥ sundaraḥ parvatāśrayaḥ / kardamāḍhyaḥ kardamādhaḥ sūpasthānaḥ surāspadaḥ
Sanskrit only: no published translation is held for this verse.
काव्यश्रीः श्रीकरः श्रीगः परागश्रुतिदीपनः
kāvyaśrīḥ śrīkaraḥ śrīgaḥ parāgaśrutidīpanaḥ
Sanskrit only: no published translation is held for this verse.
महामाली जीवमाली पाशाढ्यः पाशदुःसहः । प्रथितो प्राणतरणो देवराजप्रियः पणः
mahāmālī jīvamālī pāśāḍhyaḥ pāśaduḥsahaḥ / prathito prāṇataraṇo devarājapriyaḥ paṇaḥ
Sanskrit only: no published translation is held for this verse.
सद्योमूलः पण्यमतिः गरदूषो गणत्रिगः । गुहावासो गुहाश्चयं भरण्यं मुनिवन्दितः
sadyomūlaḥ paṇyamatiḥ garadūṣo gaṇatrigaḥ / guhāvāso guhāścayaṃ bharaṇyaṃ munivanditaḥ
Sanskrit only: no published translation is held for this verse.
मुनिप्रियो दन्तरिपुः शर्मकृच्छर्ममत्सरी । त एते दिव्यशाकाः स्युः श्राद्धकर्मणि चोदिताः
munipriyo dantaripuḥ śarmakṛccharmamatsarī / ta ete divyaśākāḥ syuḥ śrāddhakarmaṇi coditāḥ
Sanskrit only: no published translation is held for this verse.
एतेषामम्लयोगेन तदयोगेन च द्विधा । भवेयुः किल ते भूय एतेषां पुनरेव वै
eteṣāmamlayogena tadayogena ca dvidhā / bhaveyuḥ kila te bhūya eteṣāṃ punareva vai
Sanskrit only: no published translation is held for this verse.
मध्ये शाकुटकादीनि मूलतः स्तम्भतस्तथा । पत्रतस्त्रिविधो ज्ञेयः कानिचिच्छुष्कभेदतः
madhye śākuṭakādīni mūlataḥ stambhatastathā / patratastrividho jñeyaḥ kānicicchuṣkabhedataḥ
Sanskrit only: no published translation is held for this verse.
पक्वेन जलतैलाभ्यां पृथक्त्वेन समष्टितः । चूर्णकल्कप्रभेदेन यत्नतः स्यात्सहस्रकम्
pakvena jalatailābhyāṃ pṛthaktvena samaṣṭitaḥ / cūrṇakalkaprabhedena yatnataḥ syātsahasrakam
Sanskrit only: no published translation is held for this verse.
पनसमहिमा एतत्सर्वं चैकपात्रे निधाय किल पद्मजः । अन्यपात्रे च पनसं तुलयामास पाणिना
panasamahimā etatsarvaṃ caikapātre nidhāya kila padmajaḥ / anyapātre ca panasaṃ tulayāmāsa pāṇinā
Sanskrit only: no published translation is held for this verse.
बृहती त्रिशतसमा तदा जाता हि पश्यताम्
bṛhatī triśatasamā tadā jātā hi paśyatām
Sanskrit only: no published translation is held for this verse.
आर्द्रकं षट्छतसमं तिलाः शतसमं तराम् । एवं तुलायां त्रितयं संबभूव तदादि वै
ārdrakaṃ ṣaṭchatasamaṃ tilāḥ śatasamaṃ tarām / evaṃ tulāyāṃ tritayaṃ saṃbabhūva tadādi vai
Sanskrit only: no published translation is held for this verse.
भूतले ब्राह्मणाः सन्तः पवित्रे श्राद्धकर्मणि । तुल्यं शाकसहस्रस्य तिलार्द्रकबृहत्ककम्
bhūtale brāhmaṇāḥ santaḥ pavitre śrāddhakarmaṇi / tulyaṃ śākasahasrasya tilārdrakabṛhatkakam
Sanskrit only: no published translation is held for this verse.
संपादयन्ति यत्नेन पित्ःणामतितृप्तये । तिलमाषव्रीहियवा मुद्गगोधूमशाककाः
saṃpādayanti yatnena pitḥṇāmatitṛptaye / tilamāṣavrīhiyavā mudgagodhūmaśākakāḥ
Sanskrit only: no published translation is held for this verse.
काशा दशविधा दर्भा मुख्यामुख्याश्च ये मताः । खड्गं दशविधं मांसं प्रेतपर्पटभूतपाः
kāśā daśavidhā darbhā mukhyāmukhyāśca ye matāḥ / khaḍgaṃ daśavidhaṃ māṃsaṃ pretaparpaṭabhūtapāḥ
Sanskrit only: no published translation is held for this verse.
वामदेवादयो विप्राः पितृसूक्तविशेषकाः । गयादिपुण्यक्षेत्राणि वटभूरुह एव च
vāmadevādayo viprāḥ pitṛsūktaviśeṣakāḥ / gayādipuṇyakṣetrāṇi vaṭabhūruha eva ca
Sanskrit only: no published translation is held for this verse.
बिन्दुमाधवविश्वेशचतुर्दशपदानि च । ईशानादिमुखान्येवं गदाधरमहेश्वरौ
bindumādhavaviśveśacaturdaśapadāni ca / īśānādimukhānyevaṃ gadādharamaheśvarau
Sanskrit only: no published translation is held for this verse.
भागीरथी फल्गुनी च यमुना च सरस्वती । पितृसूक्तानि सर्वाणि वैष्णवानि विशेषतः
bhāgīrathī phalgunī ca yamunā ca sarasvatī / pitṛsūktāni sarvāṇi vaiṣṇavāni viśeṣataḥ
Sanskrit only: no published translation is held for this verse.
रक्षोघ्नानि पवित्राणि पुनरन्ये तथाविधाः । श्राद्धद्रव्यविशेषाः स्युः पित्ःणामतिवल्लभाः
rakṣoghnāni pavitrāṇi punaranye tathāvidhāḥ / śrāddhadravyaviśeṣāḥ syuḥ pitḥṇāmativallabhāḥ
Sanskrit only: no published translation is held for this verse.
ते सर्वे पनसस्त्वेकः सुमहाक्षयकारकः । एतस्मिन् पनसे लब्धे सर्वश्राद्धनिदानके
te sarve panasastvekaḥ sumahākṣayakārakaḥ / etasmin panase labdhe sarvaśrāddhanidānake
Sanskrit only: no published translation is held for this verse.
मृताहदिवसे पुण्ये नित्यतृप्ताः सुतोषिताः । पितरस्तुन्दिलाः सद्यो भवन्त्येवेति सा श्रुतिः
mṛtāhadivase puṇye nityatṛptāḥ sutoṣitāḥ / pitarastundilāḥ sadyo bhavantyeveti sā śrutiḥ
Sanskrit only: no published translation is held for this verse.
एवं सत्यत्र यो मर्त्यः पनसस्थापको हृदा । मत्या ऽमत्याथवा ऽतीवं भक्त्या ऽभक्त्याथवा पुनः
evaṃ satyatra yo martyaḥ panasasthāpako hṛdā / matyā 'matyāthavā 'tīvaṃ bhaktyā 'bhaktyāthavā punaḥ
Sanskrit only: no published translation is held for this verse.
ज्ञानेना ऽज्ञानतो वा ऽपि भूतले यत्र कुत्रचित् । स एव कथितः सद्भिर् गयाश्राद्धसहस्रकृत्
jñānenā 'jñānato vā 'pi bhūtale yatra kutracit / sa eva kathitaḥ sadbhir gayāśrāddhasahasrakṛt
Sanskrit only: no published translation is held for this verse.
पनसं सहकारैश्च कदल्यादिद्रुमैः सह । स्थापयित्वा विधानेन यत्नात्संवर्धितैः शिवैः
panasaṃ sahakāraiśca kadalyādidrumaiḥ saha / sthāpayitvā vidhānena yatnātsaṃvardhitaiḥ śivaiḥ
Sanskrit only: no published translation is held for this verse.
चम्पकैः पाटलीभिश्च मधूकैः सुमनोरमैः । चन्दनैः स्पन्दनैर्नीपैस् तच्छायाभिश्च तत्फलैः
campakaiḥ pāṭalībhiśca madhūkaiḥ sumanoramaiḥ / candanaiḥ spandanairnīpais tacchāyābhiśca tatphalaiḥ
Sanskrit only: no published translation is held for this verse.
पत्रैः पुष्पैश्च तत्काष्ठैर् नानाशाकविशेषकैः । कुर्वन् स्ववृत्या प्रयतन् कुलकोटिसहस्रकैः
patraiḥ puṣpaiśca tatkāṣṭhair nānāśākaviśeṣakaiḥ / kurvan svavṛtyā prayatan kulakoṭisahasrakaiḥ
Sanskrit only: no published translation is held for this verse.
ब्रह्मलोकमवाप्येह तत्सायुज्यमवाप्नुयात् । पनसं यत्र कुत्रापि दृष्ट्वा सद्यो महामनाः
brahmalokamavāpyeha tatsāyujyamavāpnuyāt / panasaṃ yatra kutrāpi dṛṣṭvā sadyo mahāmanāḥ
Sanskrit only: no published translation is held for this verse.
तत्काष्ठपत्रकुसुमशलाटुफलमुख्यकैः । येन केनापि वा तृप्तिं पित्ःणां तां समाचरेत्
tatkāṣṭhapatrakusumaśalāṭuphalamukhyakaiḥ / yena kenāpi vā tṛptiṃ pitḥṇāṃ tāṃ samācaret
Sanskrit only: no published translation is held for this verse.
सद्य एव ब्राह्मणेभ्यो लब्धमात्रे च तत्फले । दृष्टमात्रे ऽथवा भक्त्या दद्याद्वै पितृतृप्तये
sadya eva brāhmaṇebhyo labdhamātre ca tatphale / dṛṣṭamātre 'thavā bhaktyā dadyādvai pitṛtṛptaye
Sanskrit only: no published translation is held for this verse.
शलाटुं पानसं पत्रं फलं दृष्ट्वा तु यो नरः । पितृतृप्तिमकृत्वैव तूष्णीं तिष्ठेन्महाजडः
śalāṭuṃ pānasaṃ patraṃ phalaṃ dṛṣṭvā tu yo naraḥ / pitṛtṛptimakṛtvaiva tūṣṇīṃ tiṣṭhenmahājaḍaḥ
Sanskrit only: no published translation is held for this verse.
तं तस्य पितरः सर्वे शपन्ति किल कोपतः । दृष्टमात्रे तु तस्मात्तु पानसद्रव्यमुत्तमम्
taṃ tasya pitaraḥ sarve śapanti kila kopataḥ / dṛṣṭamātre tu tasmāttu pānasadravyamuttamam
Sanskrit only: no published translation is held for this verse.
शलाटुना छायया वा पितृतृप्तिनिमत्तकम्
śalāṭunā chāyayā vā pitṛtṛptinimattakam
Sanskrit only: no published translation is held for this verse.
यत्किंचिदपि वा तेषु ब्राह्मणेभ्यः प्रदापयेत् । तावन्मात्रेण पितरो नित्यतृप्ता भवन्ति वै
yatkiṃcidapi vā teṣu brāhmaṇebhyaḥ pradāpayet / tāvanmātreṇa pitaro nityatṛptā bhavanti vai
Sanskrit only: no published translation is held for this verse.
एवं सत्यत्र यः कश्चिद् भाग्यवान् पनसी नरः । तद्द्रव्यैरनिशं भक्त्या तृप्त्यकृत् पातकी भवेत्
evaṃ satyatra yaḥ kaścid bhāgyavān panasī naraḥ / taddravyairaniśaṃ bhaktyā tṛptyakṛt pātakī bhavet
Sanskrit only: no published translation is held for this verse.
गालवस्तु पुरा विप्रो दृष्ट्वा बीजानि भक्तितः । क्रयेण पञ्चषान् गृह्य पितृप्रीत्यै बुभुक्षितः
gālavastu purā vipro dṛṣṭvā bījāni bhaktitaḥ / krayeṇa pañcaṣān gṛhya pitṛprītyai bubhukṣitaḥ
Sanskrit only: no published translation is held for this verse.
स्वयं पत्न्या भक्षयित्वा पितृतृप्तिं चकार ह । तावन्मात्रेण ते चापि परं तृप्ताः शताब्दकात्
svayaṃ patnyā bhakṣayitvā pitṛtṛptiṃ cakāra ha / tāvanmātreṇa te cāpi paraṃ tṛptāḥ śatābdakāt
Sanskrit only: no published translation is held for this verse.
आनन्दसागरे मग्ना बभूबुरिति नः श्रुतम् । पुरा कुशवने पुण्ये माण्डव्यो वेदवित्तमः
ānandasāgare magnā babhūburiti naḥ śrutam / purā kuśavane puṇye māṇḍavyo vedavittamaḥ
Sanskrit only: no published translation is held for this verse.
महाविन्ध्याटवीमार्गे पनसं कार्तिके ऽवशात् । दृष्ट्वार्कं च नतस्तूष्णीं समालोच्य क्षणात्परम्
mahāvindhyāṭavīmārge panasaṃ kārtike 'vaśāt / dṛṣṭvārkaṃ ca natastūṣṇīṃ samālocya kṣaṇātparam
Sanskrit only: no published translation is held for this verse.
तत्पत्राणि पवित्राणि पतितानि भुवः स्थले । दृष्ट्वा समादायैतानि निपुणः सर्वकर्मसु
tatpatrāṇi pavitrāṇi patitāni bhuvaḥ sthale / dṛṣṭvā samādāyaitāni nipuṇaḥ sarvakarmasu
Sanskrit only: no published translation is held for this verse.
तानि स्वकरतः शीघ्रं कृत्वा पत्रपुटं त्वरन् । कस्मैचिद्विप्रपुत्राय पात्राय जलकांक्षिणे
tāni svakarataḥ śīghraṃ kṛtvā patrapuṭaṃ tvaran / kasmaicidvipraputrāya pātrāya jalakāṃkṣiṇe
Sanskrit only: no published translation is held for this verse.
समुद्युक्ताय पातुं तज् जलं भूमिगतं कथम् । पास्यामि सलिलं वेति समालोकयतेतराम्
samudyuktāya pātuṃ taj jalaṃ bhūmigataṃ katham / pāsyāmi salilaṃ veti samālokayatetarām
Sanskrit only: no published translation is held for this verse.
पिबत्यनेकतरसा पितृप्रीत्यै पित्ःन् महान् । स्मृत्वा ददौ तदा ते ऽपि समागत्यातिसत्वरम्
pibatyanekatarasā pitṛprītyai pitḥn mahān / smṛtvā dadau tadā te 'pi samāgatyātisatvaram
Sanskrit only: no published translation is held for this verse.
तावन्मात्रेण संतुष्टा गयाश्राद्धशताधिकात् । अतिहर्षं गताः सद्यस् तमेनं भूरितेजसम्
tāvanmātreṇa saṃtuṣṭā gayāśrāddhaśatādhikāt / atiharṣaṃ gatāḥ sadyas tamenaṃ bhūritejasam
Sanskrit only: no published translation is held for this verse.
आशीर्भिश्च प्रशस्ताभिः प्रत्यक्षेणैनमीक्ष्य ते । परं तृप्ताः स्मेति चोक्त्वा त्वं कृतार्थो महानसि
āśīrbhiśca praśastābhiḥ pratyakṣeṇainamīkṣya te / paraṃ tṛptāḥ smeti coktvā tvaṃ kṛtārtho mahānasi
Sanskrit only: no published translation is held for this verse.
शास्त्रार्थधर्मतत्त्वज्ञस् त्वमस्मत्परितृप्तिकृत् । इत्युक्त्वा ऽ; ऽभाष्य ते तेन तत्पदं चक्रपाणिनः
śāstrārthadharmatattvajñas tvamasmatparitṛptikṛt / ityuktvā '; 'bhāṣya te tena tatpadaṃ cakrapāṇinaḥ
Sanskrit only: no published translation is held for this verse.
पश्यतस्तस्य पुरतो जग्मुः किल सुरोत्तमैः । प्रार्थनीयं विशेषेण सो ऽयमेतादृशो महान्
paśyatastasya purato jagmuḥ kila surottamaiḥ / prārthanīyaṃ viśeṣeṇa so 'yametādṛśo mahān
Sanskrit only: no published translation is held for this verse.
पित्ःणां पनसः श्रीमान् वल्लभः परमो महान् । कारश्च कारवल्लीकः कारुकः कालिको करुत्
pitḥṇāṃ panasaḥ śrīmān vallabhaḥ paramo mahān / kāraśca kāravallīkaḥ kārukaḥ kāliko karut
Sanskrit only: no published translation is held for this verse.
पञ्चैते ब्रह्मपुरतो देवानां शृण्वतां तदा । इदमूचुर्वचो दुःखाद् अस्माकमपि सन्ति हि
pañcaite brahmapurato devānāṃ śṛṇvatāṃ tadā / idamūcurvaco duḥkhād asmākamapi santi hi
Sanskrit only: no published translation is held for this verse.
कण्टकानि ततो भूयः खराणि सुमहान्त्यपि । त्वमस्माकं तु तत्साम्यं किमर्थं नाकरोर्विभो
kaṇṭakāni tato bhūyaḥ kharāṇi sumahāntyapi / tvamasmākaṃ tu tatsāmyaṃ kimarthaṃ nākarorvibho
Sanskrit only: no published translation is held for this verse.
इत्येवमतिदैन्येन पौनःपुन्येन केवलम् । रुरुदुः किल दुःखार्तास् तानेतांस्तादृशान्विभुः
ityevamatidainyena paunaḥpunyena kevalam / ruruduḥ kila duḥkhārtās tānetāṃstādṛśānvibhuḥ
Sanskrit only: no published translation is held for this verse.
नाकिनां पुरतो भूयः प्रहसन् वाक्यमब्रवीत् । रोदनम् यन्माहात्म्यसुमहतो जन्मसिद्धातिसुश्रियः
nākināṃ purato bhūyaḥ prahasan vākyamabravīt / rodanam yanmāhātmyasumahato janmasiddhātisuśriyaḥ
Sanskrit only: no published translation is held for this verse.
तत्साम्यमिच्छुरारान्मे रोदनं कृतवानसि
tatsāmyamicchurārānme rodanaṃ kṛtavānasi
Sanskrit only: no published translation is held for this verse.
तस्मादेतत्प्रभृति ते भुवने ये दरिद्रतः । श्राद्धैककरणाशक्ता अष्टोत्तरशतेष्वपि
tasmādetatprabhṛti te bhuvane ye daridrataḥ / śrāddhaikakaraṇāśaktā aṣṭottaraśateṣvapi
Sanskrit only: no published translation is held for this verse.
श्राद्धेषु केषुचित्कालविशेषेषु कथंचन । रोदनाच्छ्राद्धकरणफलं ते प्राप्नुयुः परम्
śrāddheṣu keṣucitkālaviśeṣeṣu kathaṃcana / rodanācchrāddhakaraṇaphalaṃ te prāpnuyuḥ param
Sanskrit only: no published translation is held for this verse.
कारस्य श्लाध्यत्वम् यस्मादत्यम्लवचनं मत्पुरः प्रोक्तवानसि । देवानां शृण्वतां चापि तस्मात्त्वं श्राद्धकर्मसु
kārasya ślādhyatvam yasmādatyamlavacanaṃ matpuraḥ proktavānasi / devānāṃ śṛṇvatāṃ cāpi tasmāttvaṃ śrāddhakarmasu
Sanskrit only: no published translation is held for this verse.
नित्याम्लयुक्तो वर्तस्व कार रे रे कृती भव । कारवल्ल्यादयो यूयं स्वेषां कण्टकसाम्यतः
nityāmlayukto vartasva kāra re re kṛtī bhava / kāravallyādayo yūyaṃ sveṣāṃ kaṇṭakasāmyataḥ
Sanskrit only: no published translation is held for this verse.
तत्साम्यचेतसो यस्माद् अङ्गीकुर्मश्च सांप्रतम् । युष्मान् श्राद्धेषु सर्वेषु तद्योग्या भवतैव वै
tatsāmyacetaso yasmād aṅgīkurmaśca sāṃpratam / yuṣmān śrāddheṣu sarveṣu tadyogyā bhavataiva vai
Sanskrit only: no published translation is held for this verse.
तत्साम्यं तत्त्रयस्यैव मिलित्वैव पृथङ् न तु । नित्यं शाकसहस्रस्य बृहत्यादेस्तु वो न तु
tatsāmyaṃ tattrayasyaiva militvaiva pṛthaṅ na tu / nityaṃ śākasahasrasya bṛhatyādestu vo na tu
Sanskrit only: no published translation is held for this verse.
युष्माकं श्राद्धयोग्यत्वमात्रं मद्वचसा मतम् । सकण्डकबृहत्यस्ता मनसा पूर्वमेव वै
yuṣmākaṃ śrāddhayogyatvamātraṃ madvacasā matam / sakaṇḍakabṛhatyastā manasā pūrvameva vai
Sanskrit only: no published translation is held for this verse.
साम्यं कण्टकतस्तस्य पनसस्य त्वकामयन् । युष्मदीयमिमं वृत्तं ज्ञात्वा तूष्णीं व्यवस्थिताः
sāmyaṃ kaṇṭakatastasya panasasya tvakāmayan / yuṣmadīyamimaṃ vṛttaṃ jñātvā tūṣṇīṃ vyavasthitāḥ
Sanskrit only: no published translation is held for this verse.
अतिचातुर्यतो ऽतीव निपुणाश्च विचक्षणाः । ज्ञात्वा तद्धृदयं सर्वम् अवलेपं तथाविधम्
aticāturyato 'tīva nipuṇāśca vicakṣaṇāḥ / jñātvā taddhṛdayaṃ sarvam avalepaṃ tathāvidham
Sanskrit only: no published translation is held for this verse.
सर्वं ज्ञात्वा विधास्यामि लोकेष्वद्य च श्रूयताम् । मन्वादिषु मदीयेषु युगादिषु चतुर्ष्वपि
sarvaṃ jñātvā vidhāsyāmi lokeṣvadya ca śrūyatām / manvādiṣu madīyeṣu yugādiṣu caturṣvapi
Sanskrit only: no published translation is held for this verse.
अष्टकासु च पुण्यासु संक्रान्तिषु च वृद्धिके । नैमित्तिके च तासां स्याद् अयोग्यत्वं तथाविधम्
aṣṭakāsu ca puṇyāsu saṃkrāntiṣu ca vṛddhike / naimittike ca tāsāṃ syād ayogyatvaṃ tathāvidham
Sanskrit only: no published translation is held for this verse.
तत्र चैतासु याः क्रूराः प्रेतकर्मणि ताः पराः । संभवन्तु न चान्येषु मर्यादैव मया कृता
tatra caitāsu yāḥ krūrāḥ pretakarmaṇi tāḥ parāḥ / saṃbhavantu na cānyeṣu maryādaiva mayā kṛtā
Sanskrit only: no published translation is held for this verse.
उर्वारुमहिमा एतस्मिन्नन्तरे तत्र देवसृष्टो ऽतिसुन्दरः । पत्रपुष्पमहावल्लीशलाटुफलसंवृतः
urvārumahimā etasminnantare tatra devasṛṣṭo 'tisundaraḥ / patrapuṣpamahāvallīśalāṭuphalasaṃvṛtaḥ
Sanskrit only: no published translation is held for this verse.
समागत्यातिचपलात् कैलासाद्धरणीधरात् । नत्वा बद्धाञ्जलिपुटश् चोर्वारुर्मम का गतिः
samāgatyāticapalāt kailāsāddharaṇīdharāt / natvā baddhāñjalipuṭaś corvārurmama kā gatiḥ
Sanskrit only: no published translation is held for this verse.
इति चोवाच लोकेशं भगवन्तं पितामहम् । तादृशं तं समुद्वीक्ष्य गौरीवाक्येन केवलम्
iti covāca lokeśaṃ bhagavantaṃ pitāmaham / tādṛśaṃ taṃ samudvīkṣya gaurīvākyena kevalam
Sanskrit only: no published translation is held for this verse.
शम्भुना लोकनाथेन सृष्टं शुद्धैकविग्रहम् । समागतं महाप्रह्वं महागुरुषु वत्सलम्
śambhunā lokanāthena sṛṣṭaṃ śuddhaikavigraham / samāgataṃ mahāprahvaṃ mahāguruṣu vatsalam
Sanskrit only: no published translation is held for this verse.
शुद्धसत्वं दूरगर्वं ज्ञात्वा तं सर्वसुन्दरम् । अतिप्रशस्यं चोवाच देवानां पुरतो विभुः
śuddhasatvaṃ dūragarvaṃ jñātvā taṃ sarvasundaram / atipraśasyaṃ covāca devānāṃ purato vibhuḥ
Sanskrit only: no published translation is held for this verse.
त्वमुर्वारो स्थाणुसृष्टो भवानीवचसा यतः । स्वयं प्रकृत्या च महान् शान्तो दान्तो महामनाः
tvamurvāro sthāṇusṛṣṭo bhavānīvacasā yataḥ / svayaṃ prakṛtyā ca mahān śānto dānto mahāmanāḥ
Sanskrit only: no published translation is held for this verse.
अवलेपैकरहितश् चाद्यप्रभृति भूतले
avalepaikarahitaś cādyaprabhṛti bhūtale
Sanskrit only: no published translation is held for this verse.
दैविकेषु च पित्र्येषु कल्याणेषु नवेषु च । नैमित्तिकेषु नित्येषु काम्येषु सकलेष्वपि
daivikeṣu ca pitryeṣu kalyāṇeṣu naveṣu ca / naimittikeṣu nityeṣu kāmyeṣu sakaleṣvapi
Sanskrit only: no published translation is held for this verse.
कृत्स्नक्रियाविशेषेषु बालवृद्धातुरादिषु । नित्ययुक्तः सदा योग्यः शलाटूनां दशासु च
kṛtsnakriyāviśeṣeṣu bālavṛddhāturādiṣu / nityayuktaḥ sadā yogyaḥ śalāṭūnāṃ daśāsu ca
Sanskrit only: no published translation is held for this verse.
दशास्वेव फलानां च शाश्वतो भव शाश्वतः । पित्ःणां सर्वदात्यन्तं वल्लभः परमो भव
daśāsveva phalānāṃ ca śāśvato bhava śāśvataḥ / pitḥṇāṃ sarvadātyantaṃ vallabhaḥ paramo bhava
Sanskrit only: no published translation is held for this verse.
वसन्तमाधवस्य त्वं ग्रीष्ममृत्युंजयस्य च । महावर्षा सप्ततन्तुः शरत्काल्यस्तथा पुनः
vasantamādhavasya tvaṃ grīṣmamṛtyuṃjayasya ca / mahāvarṣā saptatantuḥ śaratkālyastathā punaḥ
Sanskrit only: no published translation is held for this verse.
हेमन्तवनराजन्यः शिशिरः शीतलः शिवः । सुखाकरः शुभकरो नित्यकल्याणकारकः
hemantavanarājanyaḥ śiśiraḥ śītalaḥ śivaḥ / sukhākaraḥ śubhakaro nityakalyāṇakārakaḥ
Sanskrit only: no published translation is held for this verse.
प्रथितो भव सर्वेषां पानसैराम्रकैः शिवैः । रम्भाभिस्तुलितो भूयः कदाचिदधिकस्तथा
prathito bhava sarveṣāṃ pānasairāmrakaiḥ śivaiḥ / rambhābhistulito bhūyaḥ kadācidadhikastathā
Sanskrit only: no published translation is held for this verse.
विद्वत्स्तुत्यो राजमान्यो त्वज्जातीयकषोडशैः । संग्राह्यो भव सर्वत्र सर्वनेत्रप्रियो ऽनिशम्
vidvatstutyo rājamānyo tvajjātīyakaṣoḍaśaiḥ / saṃgrāhyo bhava sarvatra sarvanetrapriyo 'niśam
Sanskrit only: no published translation is held for this verse.
सर्वदा सर्वसंवृद्धो भवोर्वारो ऽतिवर्धितः । मरुत्कृतौ तु त्वद्बीजविक्षेपणमुखादितः
sarvadā sarvasaṃvṛddho bhavorvāro 'tivardhitaḥ / marutkṛtau tu tvadbījavikṣepaṇamukhāditaḥ
Sanskrit only: no published translation is held for this verse.