Library·Vagbhata: Astangahrdayasutra·61
काले साधारणे व्य्-अभ्रे नाति-दुर्-बलम् अर्शसम् । विशुद्ध-कोष्ठं लघ्व्-अल्पम् अनुलोमनम् आशितम्
kāle sādhāraṇe vy-abhre nāti-dur-balam arśasam | viśuddha-koṣṭhaṃ laghv-alpam anulomanam āśitam
Sanskrit only: no published translation is held for this verse.
शुचिं कृत-स्वस्त्य्-अयनं मुक्त-विण्-मूत्रम् अ-व्यथम् । शयने फलके वान्य-नरोत्सङ्गे व्यपाश्रितम्
śuciṃ kṛta-svasty-ayanaṃ mukta-viṇ-mūtram a-vyatham | śayane phalake vānya-narotsaṅge vyapāśritam
Sanskrit only: no published translation is held for this verse.
पूर्वेण कायेनोत्तानं प्रत्य्-आदित्य-गुदं समम् । समुन्नत-कटी-देशम् अथ यन्त्रण-वाससा
pūrveṇa kāyenottānaṃ praty-āditya-gudaṃ samam | samunnata-kaṭī-deśam atha yantraṇa-vāsasā
Sanskrit only: no published translation is held for this verse.
सक्थ्नोः शिरो-धरायां च परिक्षिप्तम् ऋजु स्थितम् । आलम्बितं परिचरैः सर्पिषाभ्यक्त-पायवे
sakthnoḥ śiro-dharāyāṃ ca parikṣiptam ṛju sthitam | ālambitaṃ paricaraiḥ sarpiṣābhyakta-pāyave
Sanskrit only: no published translation is held for this verse.
ततो ऽस्मै सर्पिषाभ्यक्तं निदध्याद् ऋजु यन्त्रकम् । शनैर् अनु-सुखं पायौ ततो दृष्ट्वा प्रवाहणात्
tato 'smai sarpiṣābhyaktaṃ nidadhyād ṛju yantrakam | śanair anu-sukhaṃ pāyau tato dṛṣṭvā pravāhaṇāt
Sanskrit only: no published translation is held for this verse.
यन्त्रे प्रविष्टं दुर्-नाम प्लोत-गुण्ठितयानु च । शलाकयोत्पीड्य भिषग् यथोक्त-विधिना दहेत्
yantre praviṣṭaṃ dur-nāma plota-guṇṭhitayānu ca | śalākayotpīḍya bhiṣag yathokta-vidhinā dahet
Sanskrit only: no published translation is held for this verse.
क्षारेणैवार्द्रम् इतरत् क्षारेण ज्वलनेन वा । महद् वा बलिनश् छित्त्वा वीत-यन्त्रम् अथातुरम्
kṣāreṇaivārdram itarat kṣāreṇa jvalanena vā | mahad vā balinaś chittvā vīta-yantram athāturam
Sanskrit only: no published translation is held for this verse.
स्व्-अभ्यक्त-पायु-जघनम् अवगाहे निधापयेत् । निर्-वात-मन्दिर-स्थस्य ततो ऽस्याचारम् आदिशेत्
sv-abhyakta-pāyu-jaghanam avagāhe nidhāpayet | nir-vāta-mandira-sthasya tato 'syācāram ādiśet
Sanskrit only: no published translation is held for this verse.
एकैकम् इति सप्ताहात् सप्ताहात् समुपाचरेत् । प्राग् दक्षिणं ततो वामम् अर्शः पृष्ठाग्र-जं ततः
ekaikam iti saptāhāt saptāhāt samupācaret | prāg dakṣiṇaṃ tato vāmam arśaḥ pṛṣṭhāgra-jaṃ tataḥ
Sanskrit only: no published translation is held for this verse.
बह्व्-अर्शसः सु-दग्धस्य स्याद् वायोर् अनुलोम-ता । रुचिर् अन्ने ऽग्नि-पटु-ता स्वास्थ्यं वर्ण-बलोदयः
bahv-arśasaḥ su-dagdhasya syād vāyor anuloma-tā | rucir anne 'gni-paṭu-tā svāsthyaṃ varṇa-balodayaḥ
Sanskrit only: no published translation is held for this verse.
वस्ति-शूले त्व् अधो नाभेर् लेपयेच् छ्लक्ष्ण-कल्कितैः । वर्षाभू-कुष्ठ-सुरभि-मिशि-लोहामराह्वयैः
vasti-śūle tv adho nābher lepayec chlakṣṇa-kalkitaiḥ | varṣābhū-kuṣṭha-surabhi-miśi-lohāmarāhvayaiḥ
Sanskrit only: no published translation is held for this verse.
शकृन्-मूत्र-प्रतीघाते परिषेकावगाहयोः । वरणालम्बुषैर् अण्ड-गोकण्टक-पुनर्नवैः
śakṛn-mūtra-pratīghāte pariṣekāvagāhayoḥ | varaṇālambuṣair aṇḍa-gokaṇṭaka-punarnavaiḥ
Sanskrit only: no published translation is held for this verse.
सुषवी-सुरभीभ्यां च क्वाथम् उष्णं प्रयोजयेत् । स-स्नेहम् अथ-वा क्षीरं तैलं वा वात-नाशनम्
suṣavī-surabhībhyāṃ ca kvātham uṣṇaṃ prayojayet | sa-sneham atha-vā kṣīraṃ tailaṃ vā vāta-nāśanam
Sanskrit only: no published translation is held for this verse.
युञ्जीतान्नं शकृद्-भेदि स्नेहान् वात-घ्न-दीपनान् । अथा-प्रयोज्य-दाहस्य निर्गतान् कफ-वात-जान्
yuñjītānnaṃ śakṛd-bhedi snehān vāta-ghna-dīpanān | athā-prayojya-dāhasya nirgatān kapha-vāta-jān
Sanskrit only: no published translation is held for this verse.
स-स्तम्भ-कण्डू-रुक्-शोफान् अभ्यज्य गुद-कीलकान् । बिल्व-मूलाग्निक-क्षार-कुष्ठैः सिद्धेन सेचयेत्
sa-stambha-kaṇḍū-ruk-śophān abhyajya guda-kīlakān | bilva-mūlāgnika-kṣāra-kuṣṭhaiḥ siddhena secayet
Sanskrit only: no published translation is held for this verse.
तैलेनाहि-बिडालोष्ट्र-वराह-वसयाथ-वा । स्वेदयेद् अनु पिण्डेन द्रव-स्वेदेन वा पुनः
tailenāhi-biḍāloṣṭra-varāha-vasayātha-vā | svedayed anu piṇḍena drava-svedena vā punaḥ
Sanskrit only: no published translation is held for this verse.
कासीसं सैन्धवं रास्ना शुण्ठी कुष्ठं च लाङ्गली । शिलाभ्रकाश्वमारं च जन्तुहृद् दन्ति-चित्रकौ ॥ १६।१+(१) ॥ हरितालं तथा स्वर्णक्षीरी तैश् च पचेत् समैः । तैलं सुधार्क-पयसी गवां मूत्रे चतुर्-गुणे ॥ १६।१+(२) ॥ एतद् अभ्यङ्गतो ऽर्शांसि क्षार-वत् पातयेद् द्रुतम् । क्षार-कर्म-करं ह्य् एतन् न च दूषयते वलीम् ॥ १६।१+(३) ॥ सक्तूनां पिण्डिकाभिर् वा स्निग्धानां तैल-सर्पिषा । रास्नाया हपुषाया वा पिण्डैर् वा कार्ष्ण्यगन्धिकैः
kāsīsaṃ saindhavaṃ rāsnā śuṇṭhī kuṣṭhaṃ ca lāṅgalī | śilābhrakāśvamāraṃ ca jantuhṛd danti-citrakau || 16.1+(1) || haritālaṃ tathā svarṇakṣīrī taiś ca pacet samaiḥ | tailaṃ sudhārka-payasī gavāṃ mūtre catur-guṇe || 16.1+(2) || etad abhyaṅgato 'rśāṃsi kṣāra-vat pātayed drutam | kṣāra-karma-karaṃ hy etan na ca dūṣayate valīm || 16.1+(3) || saktūnāṃ piṇḍikābhir vā snigdhānāṃ taila-sarpiṣā | rāsnāyā hapuṣāyā vā piṇḍair vā kārṣṇyagandhikaiḥ
Sanskrit only: no published translation is held for this verse.
अर्क-मूलं शमी-पत्त्रम् नृ-केशः सर्प-कञ्चुकम् । मार्जार-चर्म सर्पिश् च धूपनं हितम् अर्शसाम्
arka-mūlaṃ śamī-pattram nṛ-keśaḥ sarpa-kañcukam | mārjāra-carma sarpiś ca dhūpanaṃ hitam arśasām
Sanskrit only: no published translation is held for this verse.
तथाश्वगन्धा सुरसा बृहती पिप्पली घृतम् । धान्याम्ल-पिष्टैर् जीमूत-बीजैस् तज्-जालकं मृदु
tathāśvagandhā surasā bṛhatī pippalī ghṛtam | dhānyāmla-piṣṭair jīmūta-bījais taj-jālakaṃ mṛdu
Sanskrit only: no published translation is held for this verse.
लेपितं छायया शुष्कं वर्तिर् गुद-ज-शातनी । स-जाल-मूल-जीमूत-लेहे वा क्षार-संयुते
lepitaṃ chāyayā śuṣkaṃ vartir guda-ja-śātanī | sa-jāla-mūla-jīmūta-lehe vā kṣāra-saṃyute
Sanskrit only: no published translation is held for this verse.
गुञ्जा-सूरण-कूष्माण्ड-बीजैर् वर्तिस् तथा-गुणा । स्नुक्-क्षीरार्द्र-निशा-लेपस् तथा गो-मूत्र-कल्कितैः
guñjā-sūraṇa-kūṣmāṇḍa-bījair vartis tathā-guṇā | snuk-kṣīrārdra-niśā-lepas tathā go-mūtra-kalkitaiḥ
Sanskrit only: no published translation is held for this verse.
कृकवाकु-शकृत्-कृष्णा-निशा-गुञ्जा-फलैस् तथा । स्नुक्-क्षीर-पिष्टैः षड्ग्रन्था-हलिनी-वारणास्थिभिः
kṛkavāku-śakṛt-kṛṣṇā-niśā-guñjā-phalais tathā | snuk-kṣīra-piṣṭaiḥ ṣaḍgranthā-halinī-vāraṇāsthibhiḥ
Sanskrit only: no published translation is held for this verse.
कुलीरशृङ्गी-विजया-कुष्ठारुष्कर-तुत्थकैः । शिग्रु-मूलक-जैर् बीजैः पत्त्रैर् अश्वघ्न-निम्ब-जैः
kulīraśṛṅgī-vijayā-kuṣṭhāruṣkara-tutthakaiḥ | śigru-mūlaka-jair bījaiḥ pattrair aśvaghna-nimba-jaiḥ
Sanskrit only: no published translation is held for this verse.
पीलु-मूलेन बिल्वेन हिङ्गुना च समन्वितैः । कुष्ठं शिरीष-बीजानि पिप्पल्यः सैन्धवं गुडः
pīlu-mūlena bilvena hiṅgunā ca samanvitaiḥ | kuṣṭhaṃ śirīṣa-bījāni pippalyaḥ saindhavaṃ guḍaḥ
Sanskrit only: no published translation is held for this verse.
अर्क-क्षीरं सुधा-क्षीरं त्रि-फला च प्रलेपनम् । आर्कं पयः सुधा-काण्डं कटुकालाबु-पल्लवाः
arka-kṣīraṃ sudhā-kṣīraṃ tri-phalā ca pralepanam | ārkaṃ payaḥ sudhā-kāṇḍaṃ kaṭukālābu-pallavāḥ
Sanskrit only: no published translation is held for this verse.
करञ्जो बस्त-मूत्रं च लेपनं श्रेष्ठम् अर्शसाम् । आनुवासनिकैर् लेपः पिप्पल्य्-आद्यैश् च पूजितः
karañjo basta-mūtraṃ ca lepanaṃ śreṣṭham arśasām | ānuvāsanikair lepaḥ pippaly-ādyaiś ca pūjitaḥ
Sanskrit only: no published translation is held for this verse.
एभिर् एवौषधैः कुर्यात् तैलान्य् अभ्यञ्जनाय च । धूपनालेपनाभ्यङ्गैः प्रस्रवन्ति गुदाङ्कुराः
ebhir evauṣadhaiḥ kuryāt tailāny abhyañjanāya ca | dhūpanālepanābhyaṅgaiḥ prasravanti gudāṅkurāḥ
Sanskrit only: no published translation is held for this verse.
संचितं दुष्ट-रुधिरं ततः संपद्यते सुखी । अ-वर्तमानम् उच्छून-कठिनेभ्यो हरेद् असृक्
saṃcitaṃ duṣṭa-rudhiraṃ tataḥ saṃpadyate sukhī | a-vartamānam ucchūna-kaṭhinebhyo hared asṛk
Sanskrit only: no published translation is held for this verse.
अर्शोभ्यो जल-जा-शस्त्र-सूची-कूर्चैः पुनः पुनः । शीतोष्ण-स्निग्ध-रूक्षैर् हि न व्याधिर् उपशाम्यति
arśobhyo jala-jā-śastra-sūcī-kūrcaiḥ punaḥ punaḥ | śītoṣṇa-snigdha-rūkṣair hi na vyādhir upaśāmyati
Sanskrit only: no published translation is held for this verse.
रक्ते दुष्टे भिषक् तस्माद् रक्तम् एवावसेचयेत् । यो जातो गो-रसः क्षीराद् वह्नि-चूर्णावचूर्णितात्
rakte duṣṭe bhiṣak tasmād raktam evāvasecayet | yo jāto go-rasaḥ kṣīrād vahni-cūrṇāvacūrṇitāt
Sanskrit only: no published translation is held for this verse.
पिबंस् तम् एव तेनैव भुञ्जानो गुद-जान् जयेत् । कोविदारस्य मूलानां मथितेन रजः पिबन्
pibaṃs tam eva tenaiva bhuñjāno guda-jān jayet | kovidārasya mūlānāṃ mathitena rajaḥ piban
Sanskrit only: no published translation is held for this verse.
अश्नन् जीर्णे च पथ्यानि मुच्यते हत-नामभिः । गुद-श्वयथु-शूलार्तो मन्दाग्निर् गौल्मिकान् पिबेत्
aśnan jīrṇe ca pathyāni mucyate hata-nāmabhiḥ | guda-śvayathu-śūlārto mandāgnir gaulmikān pibet
Sanskrit only: no published translation is held for this verse.
हिङ्ग्व्-आदीन् अनु-तक्रं वा खादेद् गुड-हरीतकीम् । तक्रेण वा पिबेत् पथ्या-वेल्लाग्नि-कुटज-त्वचः
hiṅgv-ādīn anu-takraṃ vā khāded guḍa-harītakīm | takreṇa vā pibet pathyā-vellāgni-kuṭaja-tvacaḥ
Sanskrit only: no published translation is held for this verse.
वेल्लाग्नि-कुटज-त्वचः कलिङ्ग-मगधा-ज्योतिः-सूरणान् वांश-वर्धितान् । कोष्णाम्बुना वा त्रि-पटु-व्योष-हिङ्ग्व्-अम्ल-वेतसम्
vellāgni-kuṭaja-tvacaḥ kaliṅga-magadhā-jyotiḥ-sūraṇān vāṃśa-vardhitān | koṣṇāmbunā vā tri-paṭu-vyoṣa-hiṅgv-amla-vetasam
Sanskrit only: no published translation is held for this verse.
युक्तं बिल्व-कपित्थाभ्यां महौषध-विडेन वा । अरुष्करैर् यवान्या वा प्रदद्यात् तक्र-तर्पणम्
yuktaṃ bilva-kapitthābhyāṃ mahauṣadha-viḍena vā | aruṣkarair yavānyā vā pradadyāt takra-tarpaṇam
Sanskrit only: no published translation is held for this verse.
दद्याद् वा हपुषा-हिङ्गु-चित्रकं तक्र-संयुतम् । मासं तक्रानु-पानानि खादेत् पीलु-फलानि वा
dadyād vā hapuṣā-hiṅgu-citrakaṃ takra-saṃyutam | māsaṃ takrānu-pānāni khādet pīlu-phalāni vā
Sanskrit only: no published translation is held for this verse.
पिबेद् अहर् अहस् तक्रं निर्-अन्नो वा प्र-कामतः । अत्य्-अर्थं मन्द-कायाग्नेस् तक्रम् एवावचारयेत्
pibed ahar ahas takraṃ nir-anno vā pra-kāmataḥ | aty-arthaṃ manda-kāyāgnes takram evāvacārayet
Sanskrit only: no published translation is held for this verse.
सप्ताहं वा दशाहं वा मासार्धं मासम् एव च । बल-काल-विकार-ज्ञो भिषक् तक्रं प्रयोजयेत्
saptāhaṃ vā daśāhaṃ vā māsārdhaṃ māsam eva ca | bala-kāla-vikāra-jño bhiṣak takraṃ prayojayet
Sanskrit only: no published translation is held for this verse.
सायं वा लाज-सक्तूनां दद्यात् तक्रावलेहिकाम् । जीर्णे तक्रे प्रदद्याद् वा तक्र-पेयां स-सैन्धवाम्
sāyaṃ vā lāja-saktūnāṃ dadyāt takrāvalehikām | jīrṇe takre pradadyād vā takra-peyāṃ sa-saindhavām
Sanskrit only: no published translation is held for this verse.
तक्रानु-पानं स-स्नेहं तक्रौदनम् अतः परम् । यूषै रसैर् वा तक्राढ्यैः शालीन् भुञ्जीत मात्रया
takrānu-pānaṃ sa-snehaṃ takraudanam ataḥ param | yūṣai rasair vā takrāḍhyaiḥ śālīn bhuñjīta mātrayā
Sanskrit only: no published translation is held for this verse.
रूक्षम् अर्धोद्धृत-स्नेहं यतश् चान्-उद्धृतं घृतम् । तक्रं दोषाग्नि-बल-वित् त्रि-विधं तत् प्रयोज्येत्
rūkṣam ardhoddhṛta-snehaṃ yataś cān-uddhṛtaṃ ghṛtam | takraṃ doṣāgni-bala-vit tri-vidhaṃ tat prayojyet
Sanskrit only: no published translation is held for this verse.
न विरोहन्ति गुद-जाः पुनस् तक्र-समाहताः । निषिक्तं तद् धि दहति भूमाव् अपि तृणोलुपम्
na virohanti guda-jāḥ punas takra-samāhatāḥ | niṣiktaṃ tad dhi dahati bhūmāv api tṛṇolupam
Sanskrit only: no published translation is held for this verse.
स्रोतःसु तक्र-शुद्धेषु रसो धातून् उपैति यः । तेन पुष्टिर् बलं वर्णः परं तुष्टिश् च जायते
srotaḥsu takra-śuddheṣu raso dhātūn upaiti yaḥ | tena puṣṭir balaṃ varṇaḥ paraṃ tuṣṭiś ca jāyate
Sanskrit only: no published translation is held for this verse.
वात-श्लेष्म-विकाराणां शतं च विनिवर्तते । मथितं भाजने क्षुद्र-बृहती-फल-लेपिते
vāta-śleṣma-vikārāṇāṃ śataṃ ca vinivartate | mathitaṃ bhājane kṣudra-bṛhatī-phala-lepite
Sanskrit only: no published translation is held for this verse.
निशां पर्युषितं पेयम् इच्छद्भिर् गुद-ज-क्षयम् । धान्योपकुञ्चिकाजाजी-हपुषा-पिप्पली-द्वयैः
niśāṃ paryuṣitaṃ peyam icchadbhir guda-ja-kṣayam | dhānyopakuñcikājājī-hapuṣā-pippalī-dvayaiḥ
Sanskrit only: no published translation is held for this verse.
कारवी-ग्रन्थिक-शठी-यवान्य्-अग्नि-यवानकैः । चूर्णितैर् घृत-पात्र-स्थं नात्य्-अम्लं तक्रम् आसुतम्
kāravī-granthika-śaṭhī-yavāny-agni-yavānakaiḥ | cūrṇitair ghṛta-pātra-sthaṃ nāty-amlaṃ takram āsutam
Sanskrit only: no published translation is held for this verse.
तक्रारिष्टं पिबेज् जातं व्यक्ताम्ल-कटु कामतः । दीपनं रोचनं वर्ण्यं कफ-वातानुलोमनम्
takrāriṣṭaṃ pibej jātaṃ vyaktāmla-kaṭu kāmataḥ | dīpanaṃ rocanaṃ varṇyaṃ kapha-vātānulomanam
Sanskrit only: no published translation is held for this verse.
गुद-श्वयथु-कण्ड्व्-अर्ति-नाशनं बल-वर्धनम् । त्वचं चित्रक-मूलस्य पिष्ट्वा कुम्भं प्रलेपयेत्
guda-śvayathu-kaṇḍv-arti-nāśanaṃ bala-vardhanam | tvacaṃ citraka-mūlasya piṣṭvā kumbhaṃ pralepayet
Sanskrit only: no published translation is held for this verse.
तक्रं वा दधि वा तत्र जातम् अर्शो-हरं पिबेत् । भार्ग्य्-आस्फोतामृता-पञ्च-कोलेष्व् अप्य् एष संविधिः
takraṃ vā dadhi vā tatra jātam arśo-haraṃ pibet | bhārgy-āsphotāmṛtā-pañca-koleṣv apy eṣa saṃvidhiḥ
Sanskrit only: no published translation is held for this verse.
पिष्टैर् गज-कणा-पाठा-कारवी-पञ्च-कोलकैः । तुम्बुर्व्-अजाजी-धनिका-बिल्व-मध्यैश् च कल्पयेत्
piṣṭair gaja-kaṇā-pāṭhā-kāravī-pañca-kolakaiḥ | tumburv-ajājī-dhanikā-bilva-madhyaiś ca kalpayet
Sanskrit only: no published translation is held for this verse.
फलाम्लान् यमक-स्नेहान् पेया-यूष-रसादिकान् । एभिर् एवौषधैः साध्यं वारि सर्पिश् च दीपनम्
phalāmlān yamaka-snehān peyā-yūṣa-rasādikān | ebhir evauṣadhaiḥ sādhyaṃ vāri sarpiś ca dīpanam
Sanskrit only: no published translation is held for this verse.
क्रमो ऽयं भिन्न-शकृतां वक्ष्यते गाढ-वर्चसाम् । स्नेहाढ्यैः सक्तुभिर् युक्तां लवणां वारुणीं पिबेत्
kramo 'yaṃ bhinna-śakṛtāṃ vakṣyate gāḍha-varcasām | snehāḍhyaiḥ saktubhir yuktāṃ lavaṇāṃ vāruṇīṃ pibet
Sanskrit only: no published translation is held for this verse.
लवणा एव वा तक्र-सीधु-धान्याम्ल-वारुणीः । प्राग्-भक्तान् यमके भृष्टान् सक्तुभिश् चावचूर्णितान्
lavaṇā eva vā takra-sīdhu-dhānyāmla-vāruṇīḥ | prāg-bhaktān yamake bhṛṣṭān saktubhiś cāvacūrṇitān
Sanskrit only: no published translation is held for this verse.
करञ्ज-पल्लवान् खादेद् वात-वर्चो-ऽनुलोमनान् । स-गुडं नागरं पाठां गुड-क्षार-घृतानि वा
karañja-pallavān khāded vāta-varco-'nulomanān | sa-guḍaṃ nāgaraṃ pāṭhāṃ guḍa-kṣāra-ghṛtāni vā
Sanskrit only: no published translation is held for this verse.
गो-मूत्राध्युषिताम् अद्यात् स-गुडां वा हरीतकीम् । पथ्या-शत-द्वयान् मूत्र-द्रोणेना-मूत्र-संक्षयात्
go-mūtrādhyuṣitām adyāt sa-guḍāṃ vā harītakīm | pathyā-śata-dvayān mūtra-droṇenā-mūtra-saṃkṣayāt
Sanskrit only: no published translation is held for this verse.
पक्वात् खादेत् स-मधुनी द्वे द्वे हन्ति कफोद्भवान् । दुर्-नाम-कुष्ठ-श्वयथु-गुल्म-मेहोदर-कृमीन्
pakvāt khādet sa-madhunī dve dve hanti kaphodbhavān | dur-nāma-kuṣṭha-śvayathu-gulma-mehodara-kṛmīn
Sanskrit only: no published translation is held for this verse.
ग्रन्थ्य्-अर्बुदापची-स्थौल्य-पाण्डु-रोगाढ्य-मारुतान् । अजशृङ्गी-जटा-कल्कम् अजा-मूत्रेण यः पिबेत्
granthy-arbudāpacī-sthaulya-pāṇḍu-rogāḍhya-mārutān | ajaśṛṅgī-jaṭā-kalkam ajā-mūtreṇa yaḥ pibet
Sanskrit only: no published translation is held for this verse.
गुड-वार्ताक-भुक् तस्य नश्यन्त्य् आशु गुदाङ्कुराः । श्रेष्ठा-रसेन त्रिवृतां पथ्यां तक्रेण वा सह
guḍa-vārtāka-bhuk tasya naśyanty āśu gudāṅkurāḥ | śreṣṭhā-rasena trivṛtāṃ pathyāṃ takreṇa vā saha
Sanskrit only: no published translation is held for this verse.
पथ्यां वा पिप्पली-युक्तां घृत-भृष्टां गुडान्विताम् । अथ-वा स-त्रिवृद्-दन्तीं भक्षयेद् अनुलोमनीम्
pathyāṃ vā pippalī-yuktāṃ ghṛta-bhṛṣṭāṃ guḍānvitām | atha-vā sa-trivṛd-dantīṃ bhakṣayed anulomanīm
Sanskrit only: no published translation is held for this verse.
हते गुदाश्रये दोषे गुद-जा यान्ति संक्षयम् । दाडिम-स्व-रसाजाजी-यवानी-गुड-नागरैः
hate gudāśraye doṣe guda-jā yānti saṃkṣayam | dāḍima-sva-rasājājī-yavānī-guḍa-nāgaraiḥ
Sanskrit only: no published translation is held for this verse.
पाठया वा युतं तक्रं वात-वर्चो-ऽनुलोमनम् । सीधुं वा गौडम् अथ-वा स-चित्रक-महौषधम्
pāṭhayā vā yutaṃ takraṃ vāta-varco-'nulomanam | sīdhuṃ vā gauḍam atha-vā sa-citraka-mahauṣadham
Sanskrit only: no published translation is held for this verse.
पिबेत् सुरां वा हपुषा-पाठा-सौवर्चलान्विताम् । दशादि-दशकैर् वृद्धाः पिप्पलीर् द्वि-पिचुं तिलान्
pibet surāṃ vā hapuṣā-pāṭhā-sauvarcalānvitām | daśādi-daśakair vṛddhāḥ pippalīr dvi-picuṃ tilān
Sanskrit only: no published translation is held for this verse.
पीत्वा क्षीरेण लभते बलं देह-हुताशयोः । दुःस्पर्शकेन बिल्वेन यवान्या नागरेण वा
pītvā kṣīreṇa labhate balaṃ deha-hutāśayoḥ | duḥsparśakena bilvena yavānyā nāgareṇa vā
Sanskrit only: no published translation is held for this verse.
एकैकेनापि संयुक्ता पाठा हन्त्य् अर्शसां रुजम् । सलिलस्य वहे पक्त्वा प्रस्थार्धम् अभया-त्वचाम्
ekaikenāpi saṃyuktā pāṭhā hanty arśasāṃ rujam | salilasya vahe paktvā prasthārdham abhayā-tvacām
Sanskrit only: no published translation is held for this verse.
प्रस्थं धात्र्या दश-पलं कपित्थानां ततो ऽर्धतः । विशालां लोध्र-मरिच-कृष्णा-वेल्लैलवालुकम्
prasthaṃ dhātryā daśa-palaṃ kapitthānāṃ tato 'rdhataḥ | viśālāṃ lodhra-marica-kṛṣṇā-vellailavālukam
Sanskrit only: no published translation is held for this verse.
द्वि-पलांशं पृथक् पाद-शेषे पूते गुडात् तुले । दत्त्वा प्रस्थं च धातक्याः स्थापयेद् घृत-भाजने
dvi-palāṃśaṃ pṛthak pāda-śeṣe pūte guḍāt tule | dattvā prasthaṃ ca dhātakyāḥ sthāpayed ghṛta-bhājane
Sanskrit only: no published translation is held for this verse.
पक्षात् स शीलितो ऽरिष्टः करोत्य् अग्निं निहन्ति च । गुद-ज-ग्रहणी-पाण्डु-कुष्ठोदर-गर-ज्वरान्
pakṣāt sa śīlito 'riṣṭaḥ karoty agniṃ nihanti ca | guda-ja-grahaṇī-pāṇḍu-kuṣṭhodara-gara-jvarān
Sanskrit only: no published translation is held for this verse.
श्वयथु-प्लीह-हृद्-रोग-गुल्म-यक्ष्म-वमि-कृमीन् । जल-द्रोणे पचेद् दन्ती-दश-मूल-वराग्निकान्
śvayathu-plīha-hṛd-roga-gulma-yakṣma-vami-kṛmīn | jala-droṇe paced dantī-daśa-mūla-varāgnikān
Sanskrit only: no published translation is held for this verse.
पालिकान् पाद-शेषे तु क्षिपेद् गुड-तुलां परम् । पूर्व-वत् सर्वम् अस्य स्याद् आनुलोमि-तरस् त्व् अयम्
pālikān pāda-śeṣe tu kṣiped guḍa-tulāṃ param | pūrva-vat sarvam asya syād ānulomi-taras tv ayam
Sanskrit only: no published translation is held for this verse.
पचेद् दुरालभा-प्रस्थं द्रोणे ऽपां प्रासृतैः सह । दन्ती-पाठाग्नि-विजया-वासामलक-नागरैः
paced durālabhā-prasthaṃ droṇe 'pāṃ prāsṛtaiḥ saha | dantī-pāṭhāgni-vijayā-vāsāmalaka-nāgaraiḥ
Sanskrit only: no published translation is held for this verse.
तस्मिन् सिता-शतं दद्यात् पाद-स्थे ऽन्यच् च पूर्व-वत् । लिम्पेत् कुम्भं तु फलिनी-कृष्णा-चव्याज्य-माक्षिकैः
tasmin sitā-śataṃ dadyāt pāda-sthe 'nyac ca pūrva-vat | limpet kumbhaṃ tu phalinī-kṛṣṇā-cavyājya-mākṣikaiḥ
Sanskrit only: no published translation is held for this verse.
प्राग्-भक्तम् आनुलोम्याय फलाम्लं वा पिबेद् घृतम् । चव्य-चित्रक-सिद्धं वा यव-क्षार-गुडान्वितम्
prāg-bhaktam ānulomyāya phalāmlaṃ vā pibed ghṛtam | cavya-citraka-siddhaṃ vā yava-kṣāra-guḍānvitam
Sanskrit only: no published translation is held for this verse.
पिप्पली-मूल-सिद्धं वा स-गुड-क्षार-नागरम् । पिप्पली-पिप्पली-मूल-धानका-दाडिमैर् घृतम्
pippalī-mūla-siddhaṃ vā sa-guḍa-kṣāra-nāgaram | pippalī-pippalī-mūla-dhānakā-dāḍimair ghṛtam
Sanskrit only: no published translation is held for this verse.
दध्ना च साधितं वात-शकृन्-मूत्र-विबन्ध-नुत् । पलाश-क्षार-तोयेन त्रि-गुणेन पचेद् घृतम्
dadhnā ca sādhitaṃ vāta-śakṛn-mūtra-vibandha-nut | palāśa-kṣāra-toyena tri-guṇena paced ghṛtam
Sanskrit only: no published translation is held for this verse.
वत्सकादि-प्रतीवापम् अर्शो-घ्नं दीपनं परम् । पञ्च-कोलाभया-क्षार-यवानी-विड-सैन्धवैः
vatsakādi-pratīvāpam arśo-ghnaṃ dīpanaṃ param | pañca-kolābhayā-kṣāra-yavānī-viḍa-saindhavaiḥ
Sanskrit only: no published translation is held for this verse.
स-पाठा-धान्य-मरिचैः स-बिल्वैर् दधि-मत् घृतम् । साधयेत् तज् जयत्य् आशु गुद-वङ्क्षण-वेदनाम्
sa-pāṭhā-dhānya-maricaiḥ sa-bilvair dadhi-mat ghṛtam | sādhayet taj jayaty āśu guda-vaṅkṣaṇa-vedanām
Sanskrit only: no published translation is held for this verse.
प्रवाहिकां गुद-भ्रंशं मूत्र-कृच्छ्रं परिस्रवम् । पाठाजमोद-धनिका-श्वदंष्ट्रा-पञ्च-कोलकैः
pravāhikāṃ guda-bhraṃśaṃ mūtra-kṛcchraṃ parisravam | pāṭhājamoda-dhanikā-śvadaṃṣṭrā-pañca-kolakaiḥ
Sanskrit only: no published translation is held for this verse.
स-बिल्वैर् दध्नि चाङ्गेरी-स्व-रसे च चतुर्-गुणे । हन्त्य् आज्यं सिद्धम् आनाहं मूत्र-कृच्छ्रं प्रवाहिकाम्
sa-bilvair dadhni cāṅgerī-sva-rase ca catur-guṇe | hanty ājyaṃ siddham ānāhaṃ mūtra-kṛcchraṃ pravāhikām
Sanskrit only: no published translation is held for this verse.
गुद-भ्रंशार्ति-गुद-ज-ग्रहणी-गद-मारुतान् । शिखि-तित्तिरि-लावानां रसान् अम्लान् सु-संस्कृतान्
guda-bhraṃśārti-guda-ja-grahaṇī-gada-mārutān | śikhi-tittiri-lāvānāṃ rasān amlān su-saṃskṛtān
Sanskrit only: no published translation is held for this verse.
दक्षाणां वर्तकानां वा दद्याद् विड्-वात-संग्रहे । वास्तुकाग्नि-त्रिवृद्-दन्ती-पाठाम्लीकादि-पल्लवान्
dakṣāṇāṃ vartakānāṃ vā dadyād viḍ-vāta-saṃgrahe | vāstukāgni-trivṛd-dantī-pāṭhāmlīkādi-pallavān
Sanskrit only: no published translation is held for this verse.
अन्यच् च कफ-वात-घ्नं शाकं च लघु भेदि च । स-हिङ्गु यमके भृष्टं सिद्धं दधि-सरैः सह
anyac ca kapha-vāta-ghnaṃ śākaṃ ca laghu bhedi ca | sa-hiṅgu yamake bhṛṣṭaṃ siddhaṃ dadhi-saraiḥ saha
Sanskrit only: no published translation is held for this verse.
धनिका-पञ्च-कोलाभ्यां पिष्टाभ्यां दाडिमाम्बुना । आर्द्रिकायाः किसलयैः शकलैर् आर्द्रकस्य च
dhanikā-pañca-kolābhyāṃ piṣṭābhyāṃ dāḍimāmbunā | ārdrikāyāḥ kisalayaiḥ śakalair ārdrakasya ca
Sanskrit only: no published translation is held for this verse.
युक्तम् अङ्गार-धूपेन हृद्येन सुरभी-कृतम् । स-जीरकं स-मरिचं विड-सौवर्चलोत्कटम्
yuktam aṅgāra-dhūpena hṛdyena surabhī-kṛtam | sa-jīrakaṃ sa-maricaṃ viḍa-sauvarcalotkaṭam
Sanskrit only: no published translation is held for this verse.
वातोत्तरस्य रूक्षस्य मन्दाग्नेर् बद्ध-वर्चसः । कल्पयेद् रक्त-शाल्य्-अन्न-व्यञ्जनं शाक-वद् रसान्
vātottarasya rūkṣasya mandāgner baddha-varcasaḥ | kalpayed rakta-śāly-anna-vyañjanaṃ śāka-vad rasān
Sanskrit only: no published translation is held for this verse.
व्यञ्जनाञ् छाक-वद् रसान् गो-गोधा-छगलोष्ट्राणां विशेषात् क्रव्य-भोजिनाम् । मदिरां शार्करं गौडं सीधुं तक्रं तुषोदकम्
vyañjanāñ chāka-vad rasān go-godhā-chagaloṣṭrāṇāṃ viśeṣāt kravya-bhojinām | madirāṃ śārkaraṃ gauḍaṃ sīdhuṃ takraṃ tuṣodakam
Sanskrit only: no published translation is held for this verse.
अरिष्टं मस्तु पानीयं पानीयं वाल्पकं शृतम् । धान्येन धान्य-शुण्ठीभ्यां कण्टकारिकयाथ-वा
ariṣṭaṃ mastu pānīyaṃ pānīyaṃ vālpakaṃ śṛtam | dhānyena dhānya-śuṇṭhībhyāṃ kaṇṭakārikayātha-vā
Sanskrit only: no published translation is held for this verse.
अन्ते भक्तस्य मध्ये वा वात-वर्चो-ऽनुलोमनम् । विड्-वात-कफ-पित्तानाम् आनुलोम्ये हि निर्-मले
ante bhaktasya madhye vā vāta-varco-'nulomanam | viḍ-vāta-kapha-pittānām ānulomye hi nir-male
Sanskrit only: no published translation is held for this verse.
गुदे शाम्यन्ति गुद-जाः पावकश् चाभिवर्धते । उदावर्त-परीता ये ये चात्य्-अर्थं विरूक्षिताः
gude śāmyanti guda-jāḥ pāvakaś cābhivardhate | udāvarta-parītā ye ye cāty-arthaṃ virūkṣitāḥ
Sanskrit only: no published translation is held for this verse.
विलोम-वाताः शूलार्तास् तेष्व् इष्टम् अनुवासनम् । पिप्पलीं मदनं बिल्वं शताह्वां मधुकं वचाम्
viloma-vātāḥ śūlārtās teṣv iṣṭam anuvāsanam | pippalīṃ madanaṃ bilvaṃ śatāhvāṃ madhukaṃ vacām
Sanskrit only: no published translation is held for this verse.
कुष्ठं शठीं पुष्कराख्यं चित्रकं देवदारु च । पिष्ट्वा तैलं विपक्तव्यं द्वि-गुण-क्षीर-संयुतम्
kuṣṭhaṃ śaṭhīṃ puṣkarākhyaṃ citrakaṃ devadāru ca | piṣṭvā tailaṃ vipaktavyaṃ dvi-guṇa-kṣīra-saṃyutam
Sanskrit only: no published translation is held for this verse.
अर्शसां मूढ-वातानां तच् छ्रेष्ठम् अनुवासनम् । गुद-निःसरणं शूलं मूत्र-कृच्छ्रं प्रवाहिकाम्
arśasāṃ mūḍha-vātānāṃ tac chreṣṭham anuvāsanam | guda-niḥsaraṇaṃ śūlaṃ mūtra-kṛcchraṃ pravāhikām
Sanskrit only: no published translation is held for this verse.
कट्य्-ऊरु-पृष्ठ-दौर्बल्यम् आनाहं वङ्क्षणाश्रयम् । पिच्छा-स्रावं गुदे शोफं वात-वर्चो-विनिग्रहम्
kaṭy-ūru-pṛṣṭha-daurbalyam ānāhaṃ vaṅkṣaṇāśrayam | picchā-srāvaṃ gude śophaṃ vāta-varco-vinigraham
Sanskrit only: no published translation is held for this verse.
उत्थानं बहु-शो यच् च जयेत् तच् चानुवासनात् । निरूहं वा प्रयुञ्जीत स-क्षीरं पाञ्चमूलिकम्
utthānaṃ bahu-śo yac ca jayet tac cānuvāsanāt | nirūhaṃ vā prayuñjīta sa-kṣīraṃ pāñcamūlikam
Sanskrit only: no published translation is held for this verse.
स-मूत्र-स्नेह-लवणं कल्कैर् युक्तं फलादिभिः । अथ रक्तार्शसां वीक्ष्य मारुतस्य कफस्य वा
sa-mūtra-sneha-lavaṇaṃ kalkair yuktaṃ phalādibhiḥ | atha raktārśasāṃ vīkṣya mārutasya kaphasya vā
Sanskrit only: no published translation is held for this verse.
अनुबन्धं ततः स्निग्धं रूक्षं वा योजयेद् धिमम् । शकृच् छ्यावं खरं रूक्षम् अधो निर्याति नानिलः
anubandhaṃ tataḥ snigdhaṃ rūkṣaṃ vā yojayed dhimam | śakṛc chyāvaṃ kharaṃ rūkṣam adho niryāti nānilaḥ
Sanskrit only: no published translation is held for this verse.
कट्य्-ऊरु-गुद-शूलं च हेतुर् यदि च रूक्षणम् । तत्रानुबन्धो वातस्य श्लेष्मणो यदि विट् श्लथा
kaṭy-ūru-guda-śūlaṃ ca hetur yadi ca rūkṣaṇam | tatrānubandho vātasya śleṣmaṇo yadi viṭ ślathā
Sanskrit only: no published translation is held for this verse.
श्वेता पीता गुरुः स्निग्धा स-पिच्छः स्तिमितो गुदः । हेतुः स्निग्ध-गुरुर् विद्याद् यथा-स्वं चास्र-लक्षणात्
śvetā pītā guruḥ snigdhā sa-picchaḥ stimito gudaḥ | hetuḥ snigdha-gurur vidyād yathā-svaṃ cāsra-lakṣaṇāt
Sanskrit only: no published translation is held for this verse.
दुष्टे ऽस्रे शोधनं कार्यं लङ्घनं च यथा-बलम् । यावच् च दोषैः कालुष्यं स्रुतेस् तावद् उपेक्षणम्
duṣṭe 'sre śodhanaṃ kāryaṃ laṅghanaṃ ca yathā-balam | yāvac ca doṣaiḥ kāluṣyaṃ srutes tāvad upekṣaṇam
Sanskrit only: no published translation is held for this verse.
दोषाणां पाचनार्थं च वह्नि-संधुक्षणाय च । संग्रहाय च रक्तस्य परं तिक्तैर् उपाचरेत्
doṣāṇāṃ pācanārthaṃ ca vahni-saṃdhukṣaṇāya ca | saṃgrahāya ca raktasya paraṃ tiktair upācaret
Sanskrit only: no published translation is held for this verse.
यत् तु प्रक्षीण-दोषस्य रक्तं वातोल्बणस्य वा । स्नेहैस् तत् साधयेत् युक्तैः पानाभ्यञ्जन-वस्तिषु
yat tu prakṣīṇa-doṣasya raktaṃ vātolbaṇasya vā | snehais tat sādhayet yuktaiḥ pānābhyañjana-vastiṣu
Sanskrit only: no published translation is held for this verse.
यत् तु पित्तोल्बणं रक्तं घर्म-काले प्रवर्तते । स्तम्भनीयं तद् एकान्तान् न चेद् वात-कफानुगम्
yat tu pittolbaṇaṃ raktaṃ gharma-kāle pravartate | stambhanīyaṃ tad ekāntān na ced vāta-kaphānugam
Sanskrit only: no published translation is held for this verse.
स-कफे ऽस्रे पिबेत् पाक्यं शुण्ठी-कुटज-वल्कलम् । किराततिक्तकं शुण्ठीं धन्वयासं कु-चन्दनम्
sa-kaphe 'sre pibet pākyaṃ śuṇṭhī-kuṭaja-valkalam | kirātatiktakaṃ śuṇṭhīṃ dhanvayāsaṃ ku-candanam
Sanskrit only: no published translation is held for this verse.
दार्वी-त्वङ्-निम्ब-सेव्यानि त्वचं वा दाडिमोद्भवाम् । कुटज-त्वक्-फलं तार्क्ष्यं माक्षिकं घुणवल्लभाम्
dārvī-tvaṅ-nimba-sevyāni tvacaṃ vā dāḍimodbhavām | kuṭaja-tvak-phalaṃ tārkṣyaṃ mākṣikaṃ ghuṇavallabhām
Sanskrit only: no published translation is held for this verse.
पिबेत् तण्डुल-तोयेन कल्कितं वा मयूरकम् । तुलां दिव्याम्भसि पचेद् आर्द्रायाः कुटज-त्वचः
pibet taṇḍula-toyena kalkitaṃ vā mayūrakam | tulāṃ divyāmbhasi paced ārdrāyāḥ kuṭaja-tvacaḥ
Sanskrit only: no published translation is held for this verse.
नी-रसायां त्वचि क्वाथे दद्यात् सूक्ष्म-रजी-कृतान् । समङ्गा-फलिनी-मोच-रसान् मुष्ट्य्-अंशकान् समान्
nī-rasāyāṃ tvaci kvāthe dadyāt sūkṣma-rajī-kṛtān | samaṅgā-phalinī-moca-rasān muṣṭy-aṃśakān samān
Sanskrit only: no published translation is held for this verse.
तैश् च शक्रयवान् पूते ततो दर्वी-प्रलेपनम् । पक्त्वावलेहं लीढ्वा च तं यथाग्नि-बलं पिबेत्
taiś ca śakrayavān pūte tato darvī-pralepanam | paktvāvalehaṃ līḍhvā ca taṃ yathāgni-balaṃ pibet
Sanskrit only: no published translation is held for this verse.
पेयां मण्डं पयश् छागं गव्यं वा छाग-दुग्ध-भुक् । लेहो ऽयं शमयत्य् आशु रक्तातीसार-पायु-जान्
peyāṃ maṇḍaṃ payaś chāgaṃ gavyaṃ vā chāga-dugdha-bhuk | leho 'yaṃ śamayaty āśu raktātīsāra-pāyu-jān
Sanskrit only: no published translation is held for this verse.
बल-वद् रक्त-पित्तं च स्रवद् ऊर्ध्वम् अधो ऽपि वा । कुटज-त्वक्-तुलां द्रोणे पचेद् अष्टांश-शेषितम्
bala-vad rakta-pittaṃ ca sravad ūrdhvam adho 'pi vā | kuṭaja-tvak-tulāṃ droṇe paced aṣṭāṃśa-śeṣitam
Sanskrit only: no published translation is held for this verse.
कल्की-कृत्य क्षिपेत् तत्र तार्क्ष्य-शैलं कटु-त्रयम् । लोध्र-द्वयं मोच-रसं बलां दाडिम-जं त्वचम्
kalkī-kṛtya kṣipet tatra tārkṣya-śailaṃ kaṭu-trayam | lodhra-dvayaṃ moca-rasaṃ balāṃ dāḍima-jaṃ tvacam
Sanskrit only: no published translation is held for this verse.
बिल्व-कर्कटिकां मुस्तं समङ्गां धातकी-फलम् । पलोन्मितं दश-पलं कुटजस्यैव च त्वचः
bilva-karkaṭikāṃ mustaṃ samaṅgāṃ dhātakī-phalam | palonmitaṃ daśa-palaṃ kuṭajasyaiva ca tvacaḥ
Sanskrit only: no published translation is held for this verse.
त्रिंशत् पलानि गुडतो घृतात् पूते च विंशतिः । तत् पक्वं लेह-तां यातं धान्ये पक्ष-स्थितं लिहन्
triṃśat palāni guḍato ghṛtāt pūte ca viṃśatiḥ | tat pakvaṃ leha-tāṃ yātaṃ dhānye pakṣa-sthitaṃ lihan
Sanskrit only: no published translation is held for this verse.
सर्वार्शो-ग्रहणी-दोष-श्वास-कासान् नियच्छति । लोध्रं तिलान् मोच-रसं समङ्गां चन्दनोत्पलम्
sarvārśo-grahaṇī-doṣa-śvāsa-kāsān niyacchati | lodhraṃ tilān moca-rasaṃ samaṅgāṃ candanotpalam
Sanskrit only: no published translation is held for this verse.
पाययित्वाज-दुग्धेन शालींस् तेनैव भोजयेत् । यष्ट्य्-आह्व-पद्मकानन्ता-पयस्या-क्षीर-मोरटम्
pāyayitvāja-dugdhena śālīṃs tenaiva bhojayet | yaṣṭy-āhva-padmakānantā-payasyā-kṣīra-moraṭam
Sanskrit only: no published translation is held for this verse.
स-सिता-मधु पातव्यं शीत-तोयेन तेन वा । लोध्र-कट्वङ्ग-कुटज-समङ्गा-शाल्मली-त्वचम्
sa-sitā-madhu pātavyaṃ śīta-toyena tena vā | lodhra-kaṭvaṅga-kuṭaja-samaṅgā-śālmalī-tvacam
Sanskrit only: no published translation is held for this verse.
हिम-केसर-यष्ट्य्-आह्व-सेव्यं वा तण्डुलाम्बुना । यवानीन्द्रयवाः पाट्ःआ बिल्वं शुण्ठी रसाञ्जनम्
hima-kesara-yaṣṭy-āhva-sevyaṃ vā taṇḍulāmbunā | yavānīndrayavāḥ pāṭḥā bilvaṃ śuṇṭhī rasāñjanam
Sanskrit only: no published translation is held for this verse.
चूर्णश् चले हितः शूले प्रवृत्ते चाति-शोणिते । दुग्धिका-कण्टकारीभ्यां सिद्धं सर्पिः प्रशस्यते
cūrṇaś cale hitaḥ śūle pravṛtte cāti-śoṇite | dugdhikā-kaṇṭakārībhyāṃ siddhaṃ sarpiḥ praśasyate
Sanskrit only: no published translation is held for this verse.
अथ-वा धातकी-लोध्र-कुटज-त्वक्-फलोत्पलैः । स-केसरैर् यव-क्षार-दाडिम-स्व-रसेन वा
atha-vā dhātakī-lodhra-kuṭaja-tvak-phalotpalaiḥ | sa-kesarair yava-kṣāra-dāḍima-sva-rasena vā
Sanskrit only: no published translation is held for this verse.
शर्कराम्भो-ज-किञ्जल्क-सहितं सह वा तिलैः । अभ्यस्तं रक्त-गुद-जान् नव-नीतं नियच्छति
śarkarāmbho-ja-kiñjalka-sahitaṃ saha vā tilaiḥ | abhyastaṃ rakta-guda-jān nava-nītaṃ niyacchati
Sanskrit only: no published translation is held for this verse.
छागानि नव-नीताज्य-क्षीर-मांसानि जाङ्गलः । अन्-अम्लो वा कद्-अम्ल वा स-वास्तुक-रसो रसः
chāgāni nava-nītājya-kṣīra-māṃsāni jāṅgalaḥ | an-amlo vā kad-amla vā sa-vāstuka-raso rasaḥ
Sanskrit only: no published translation is held for this verse.
रक्त-शालिः सरो दध्नः षष्टिकस् तरुणी सुरा । तरुणश् च सुरा-मण्डः शोणितस्यौषधं परम्
rakta-śāliḥ saro dadhnaḥ ṣaṣṭikas taruṇī surā | taruṇaś ca surā-maṇḍaḥ śoṇitasyauṣadhaṃ param
Sanskrit only: no published translation is held for this verse.