माष-बला-शुक-शिम्बी-कट्तृण-रास्नाश्वगन्धोरुबूकाणाम् । क्वाथो नस्य-निपीतो रामठ-लवणान्वितः कोष्णः ॥ ४४।१+१ ॥ अपनयति पक्ष-वातं मन्या-स्तम्भं स-कर्ण-नाद-रुजम् । दुर्-जयम् अर्दित-वातं सप्ताहाज् जयति चावश्यम् ॥ ४४।१+२ ॥ गुडमञ्जर्या खपुरं वृषभी-मूलं च शिशिर-जल-पिष्टम् । नावन-विधौ प्रयोजितम् अव-बाहुक-गल-रुजार्ति-हरम् ॥ ४४+१ ॥ दश-मूल-बला-माष-क्वाथं तैलाज्य-मिश्रितम् । सायं भुक्त्वा पिबेन् नस्यं विश्वाच्याम् अव-बाहुके ॥ ४४+२ ॥ ऊरु-स्तम्भे तु न स्नेहो न च संशोधनं हितम् । श्लेष्माम-मेदो-बाहुल्याद् युक्त्या तत्-क्षपणान्य् अतः
māṣa-balā-śuka-śimbī-kaṭtṛṇa-rāsnāśvagandhorubūkāṇām | kvātho nasya-nipīto rāmaṭha-lavaṇānvitaḥ koṣṇaḥ || 44.1+1 || apanayati pakṣa-vātaṃ manyā-stambhaṃ sa-karṇa-nāda-rujam | dur-jayam ardita-vātaṃ saptāhāj jayati cāvaśyam || 44.1+2 || guḍamañjaryā khapuraṃ vṛṣabhī-mūlaṃ ca śiśira-jala-piṣṭam | nāvana-vidhau prayojitam ava-bāhuka-gala-rujārti-haram || 44+1 || daśa-mūla-balā-māṣa-kvāthaṃ tailājya-miśritam | sāyaṃ bhuktvā piben nasyaṃ viśvācyām ava-bāhuke || 44+2 || ūru-stambhe tu na sneho na ca saṃśodhanaṃ hitam | śleṣmāma-medo-bāhulyād yuktyā tat-kṣapaṇāny ataḥ
Devanagari rendered by HREEM from the edition's roman (IAST) text; the IAST is the edition's own. Machine-read from page scans and awaiting a person's proofreading; treat the text as provisional.
Sanskrit only: no published translation is held for this verse.