॥ अथ सर्ववेदा(न्तप्रत्यया)धिकरणम् ॥ ॥ ॐ सर्ववेदान्तप्रत्ययं चोदनाद्यविशेषात् ॐ ॥ अत्र ध्यानोपासनार्थिभिः किं स्वशाखा एवाध्ययनश्रवणमननैर्ज्ञातव्याः किं वा सर्वे ऽपि वेदा इति संशये शाखाभेदस्य सुप्रसिद्धत्वादन्यथा तदनुपपत्तेः प्रथमपक्ष एव ज्यायानिति प्राप्ते सिद्धान्तितम् सर्ववेदान्तप्रत्ययमिति । तत्र सर्वशब्दो ऽसङ्कुचितवृत्तिरिति प्रतीतिनिरासाय व्याचष्टे यशशक्तीति ॥ सर्ववेदान्तप्रत्ययं चोदनाद्यविशेषात्
// atha sarvavedā(ntapratyayā)dhikaraṇam // // oṃ sarvavedāntapratyayaṃ codanādyaviśeṣāt oṃ // atra dhyānopāsanārthibhiḥ kiṃ svaśākhā evādhyayanaśravaṇamananairjñātavyāḥ kiṃ vā sarve 'pi vedā iti saṃśaye śākhābhedasya suprasiddhatvādanyathā tadanupapatteḥ prathamapakṣa eva jyāyāniti prāpte siddhāntitam sarvavedāntapratyayamiti / tatra sarvaśabdo 'saṅkucitavṛttiriti pratītinirāsāya vyācaṣṭe yaśaśaktīti // sarvavedāntapratyayaṃ codanādyaviśeṣāt
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.