आर्त्विज्यम् इत्य् औडुलोमिः तस्मै हि परिक्रीयते नैतदस्ति स्वामिकर्माण्युपासनानीति । ऋत्विक्कर्माण्येतानि स्युरित्यौडुलोमिराचार्यो मन्यते । किं कारणं, तस्मै हि साङ्गाय कर्मणे यजमानेनर्त्विक्परिक्रीयते । तत्प्रयोगान्तःपातीनि चोद्गीथाद्युपासनान्यधिकृताधिकारकत्वात् । तस्माद्गोदोहनादिनियमवदेवर्त्विग्भिर्निर्वर्त्येतन् । तथाच ऽतं ह बको दाल्भ्यो विदाञ्चकार स ह नैमिशीयानामुद्गाता बभूव (छा। १।२।१३) इत्युद्गातृकतृर्कतां विज्ञानस्य दर्शयति । यत्तूक्तं कर्त्राश्रयं फलं श्रूयत इति । नैष दोषः । परार्थत्वादृत्विजो ऽन्यत्र वचनात्फलसंबन्धानुपपत्तेः ॥ ४५ ॥
ārtvijyam ity auḍulomiḥ tasmai hi parikrīyate naitadasti svāmikarmāṇyupāsanānīti / ṛtvikkarmāṇyetāni syurityauḍulomirācāryo manyate / kiṃ kāraṇaṃ, tasmai hi sāṅgāya karmaṇe yajamānenartvikparikrīyate / tatprayogāntaḥpātīni codgīthādyupāsanānyadhikṛtādhikārakatvāt / tasmādgodohanādiniyamavadevartvigbhirnirvartyetan / tathāca 'taṃ ha bako dālbhyo vidāñcakāra sa ha naimiśīyānāmudgātā babhūva (chā. 1.2.13) ityudgātṛkatṛrkatāṃ vijñānasya darśayati / yattūktaṃ kartrāśrayaṃ phalaṃ śrūyata iti / naiṣa doṣaḥ / parārthatvādṛtvijo 'nyatra vacanātphalasaṃbandhānupapatteḥ // 45 //
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.