Bhagavata-Purana 10,29 - 33 (with comm.) 10.33.28

स कथं धर्मसेतूनां वक्ता कर्ताभिरक्षिता । प्रतीपम् आचरद् ब्रह्मन् परदाराभिमर्शनम् ॥ प्रतीपं प्रतिकूलाधर्मम् इत्य् अर्थः । आचरत् कृतवान् । न चेदम् अधर्ममात्रं कलञ्ज-भक्षणादिवत् किन्तु महासाहसम् इत्य् आह-परदाराभिमर्शनम् इति

sa kathaṃ dharmasetūnāṃ vaktā kartābhirakṣitā / pratīpam ācarad brahman paradārābhimarśanam // pratīpaṃ pratikūlādharmam ity arthaḥ | ācarat kṛtavān | na cedam adharmamātraṃ kalañja-bhakṣaṇādivat kintu mahāsāhasam ity āha-paradārābhimarśanam iti

Devanagari rendered by HREEM from the edition's roman (IAST) text; the IAST is the edition's own.

Sanskrit only: no published translation is held for this verse.